1 Yʉanes 2:5 - Kálar Nzyɛ̌m : Ejwán é Sáá

⁵ Nó ó, mʉr dí ebaʼle métwɨ́ɨ́ mé nyá, kpɛ̌l mé Nzyɛ̌m, yé ó, ɨ́ nye ntinɨ̂ e ntinɨ̂. Ɨ́ mbi waá ó mɨ́ná dí egʉ́a gá ó, mɨná bé ɨ́ nye yɨ́.

Kálara Zyɛ̌m Edwán é mpʉ̌n

⁵ Mʉr waa lé edu motie mo Zyɛm ɨ, Zyɛm, nyi sa ó, kpɛl ye, yé kuma é l'ombɨmbɨa é mɨpaʼ mimyɛh. Ebe no ó bɨna bé ókʉ gʉa ga ó, bɨna ga bé ó é zyɛŋa wina boo nɔɔ ɛ.

1 Yʉanes 2:5 ပူးပေါင်းရင်းမြစ်များ

Yʉanes 14:23

Yésʉs nzě yala e né ó: «Mʉr dí ekpɛl mé nyá, óbaʼle mílɛ́ʼlá mé á dwe bɨ̌n mí. Sɔ́ŋ wǎm ókpɛl nyê. Nó ó, bɨ̌h e Sɔ́ŋ wǎm, bé ónze kwá nyé le ekomlo ódiá wɨ́h tɨ̂.

Yʉanes 14:21

«Mʉr dí ejóʼo métié mâm le ebaʼle mé nyá ó dí ekpɛl mê. Sɔ́ŋ wǎm ntémé ókpɛl nyê. Me mʉr tɨ̂ʼ ntémé ókpɛl nyê. Me ópîpyal kwá nyé.»

Lʉkas 11:28

Nó ó Yésʉs á yala e né ó: «Metyɛʼ me mpóm, mé buú buo ó e baá o dí ejóʼo mílɔ̌b mé Nzyɛ̌m ndu e l'ebaʼle myé bá.»

1 Yʉanes 3:24

Mʉr dí ebaʼle métié mé Nzyɛ̌m nyá, nyě dǐ ó ɨ́ mpúhlá e Nzyɛ̌m; Nzyɛ̌m ntémé ɨ́ mpúhlá e né. Mɨná bé lɨ́ egʉ́a gá ó, Nzyɛ̌m, nye ó ɨ́ mpúhlá e mɨná gá ó, ebě, nye á si ntɨh mɨná gá Sísǐm wé.

Mɨngwiha 14:12

(Wâʼ ɨ́ gúmó yɨ̂, yé lɛ́ʼlé ó, bʉr o dí egúmo e Nzyɛ̌m bá, yé mbɨa ɨ́ páʼ wɔ́ɔ́ ó, bé díʼee e bíhwó. Bé ɨ́ jala ntémé le ebaʼle métié mé Nzyɛ̌m, le edyêʼ koo e Yésʉs.)

1 Yʉanes 5:2

Mpʉ mɨ́ná dí egʉ́a gá ó, mɨná bé ɨ́ kpɛl gá bwán mé Nzyɛ̌m yɨ́ ó yɨ̂: ɨ́ jɔʼ mɨ́ná dí ekpɛl gá Nzyɛ̌m, le ebaʼle métié mé yɨ́.

Yʉanes 15:5

«Me ó dí etín é raisin. Bɨ̌n bɨɛ bé ó milɔ́ɔ́ mí tɨ̂. Mʉr dí ɨ́ mpúhlá e me nyá ó dí egúmo mpúmó menkû menkû, ebě, mé bé abe tɨ̂ʼ nó, bɨ̌n bé abe e nkul esâ yʉ́ʉ́ mpǎŋ sɔ̂ʼ.

1 Yʉanes 4:18

Bʉ́á, bé e kpɛ̌l, byé abe e nkul epûhla. Mílémé gá míná, myé ólóno ɨ́ kpɛ̌l yé nó, kpɛ̌l yaá, yé ópɛʼ mɨ́ná gá bʉ́á ɨ́ miléme. Ányâ-bʉ́á, nyě bʉ́bónó ó, njɨ bintɨ́ʼá. Lémé wé, wé apǎ lóno ɨ́ kpɛ̌l mpâ.

2 Korɛnt 5:17

Mbeá wɨ́h, wé mû ó wɨ̂: yé bé nyʉ́ʉ́ mʉ̂r, nyɨ́ pûhla e Krîst nó, nye mû ó edwán é mʉ̂r ó tɨ̂ʼ yɨ́. Minjʉ̌m bísɔ̂ʼ mímyɛ̂h, mí laa. Yê jaa ka líʼ ó, njɨ medwán e medwán.

Mɨngwiha 12:17

Jɔ̌ʼ myɔ́ɔ́ á bee nó yɨ́, wé ntɔ̂ʼ lɛ̂ʼle mʉ́má waá nkpaa nyé ɨ́ buo buo. Nó ó, wé ntɔ̂ʼ búla, tó sâ dɔ̂m e bwán mé mʉmá waá. Bwán bé baá, bé lɨ́ elóŋlo métié mé Nzyɛ̌m, le ebaʼle mílɔ́ɔ́ mé Yésʉs.

1 Yʉanes 5:20

Mɨná bé lɨ́ egʉ́a gá ntémé ó, Mwân mé Nzyɛ̌m á si nze. Nye nzě gbâ mɨ́ná gá pɨʼ ɨ́ miléme ó, mɨná gʉ́ŋaa gá Nzyɛ̌m, mʉr dí le otyeetye nyá. Mɨná di gá ó, ɨ́ mpúhlá gá nyɨ́ná e mʉr dí le otyeetye waá nyá. Mʉr waá, nye ó Mwân wé, Yésʉs-Krîst. Nye ó dí Nzyɛ̌m mpâ. Nye ntémé ó dí Etín é Twǐʼ njʉ̌m dǐ.

1 Korɛnt 1:30

Nzyɛ̌m ó b'á pûhla bɨ̌n e Yésʉs-Krîst. Nye ó b'á sâ ntémé ó, bɨ̌n bíʼee ocwóó mé Yésʉs. Mɨná gá mû ó otîtyěl o bʉ̂r ɨ́ míh mé ɨ́ nzɨ̌ mé Krîst. Krîst ntémé ó b'á pubo mɨná gâ. Nye ó b'á táa góo, le edwih mɨ́ná gá ɨ́ mpila ébébe, pɛʼ mɨ́ná ɨ́ fá.

Rôm 8:1

Nó ɨ́ báánâ, bʉr o mû sí pûhla e Yésʉs-Krîst bá, Nzyɛ̌m, nyé akǎ láa bé bibaa bí ébébe, nkʉ̂ dwe bé bintɨ́ʼá bí tɨ̂.

Jacques 2:22

Go lɨ́ egʉ́a ó, Abraham á si bûʼla. Nye á si sâ ntémé bisyɛ́ɛla bimpâ. Bisyɛ́ɛla nyé á sâ Nzyɛ̌m bí, byé ó b'á swâhle búʼó nyé á bûʼla Nzyɛ̌m yɨ́.

2 Korɛnt 5:21

Mʉr á be abe e mpɨŋ nyá, nye ó waá Nzyɛ̌m á dwir syɛ̂l misyóm lɨ́ esú gá lɨ́ná nyá. Nye á sâ nye nó ó, mɨná nkʉ̂ di gá otîtyěl o bʉ̂r ɨ́ míh mé Nzyɛ̌m e nzɨ̌ mʉr waá.

Yʉanes 6:56

Mʉr dí ede bípúnó byâm ndu e metié mâm nyá, nyě tiʼé ó, ɨ́ mpúhlá e me; mɛm ntémé ɨ́ mpúhlá e né.

1 Yʉanes 4:17

Milémé gá míná, myé ólóno ɨ́ kpɛ̌l yé ɨ́ nzɨ̌ nyaá. Mɨná bé ónʉa gá pîm ɨ́ búʼó ɨ́ móhó étíʼ é mílɔ̌b ntémé, ebě, kʉ̌ tyen mɨ́ná dí edû gá ɨ́ sí yɨ̂ʼ wɨ́, wé nwɨɨla ó e waá wé nye mʉr tɨ̂.

2 Yʉanes 1:6

Mpʉ mʉ̂r jálá le elɛ̂ʼlě kpɛ̌l yɨ́ ó yɨ̂: mɨná bâʼlaa metié mé. Nó ó, etié laá, lé ó laá bɨ́n á jóʼo, duho ɨ́ menyɛ̌l lɨ́. Nzyɛ̌m á tyêl bɨ̌n lǎ ó, lɨ́ esú ó, bɨ̌n dúʼoo kʉ̌ tyen waá.