1 Yʉanes 2:4 - Kálar Nzyɛ̌m : Ejwán é Sáá

⁴ Mʉr dí elɛ́ɛ ó: «Me lɨ́ egʉ́ǎ Nzyɛ̌m,» nyɨɛ yɨ́ɛ abaʼle métié mé nyá, nye ó mʉr bibɛr. Otyeetye, wé abe ɨ́ nye tʉ́ŋlʉ̌.

Kálara Zyɛ̌m Edwán é mpʉ̌n

⁴ Mʉr lé elɛɛ ó: «Me egʉa Zyɛm,» nyɛɛ yɛɛ adu motie me e, nye ó ndɨ mpʉmpʉl. Ocyecye, wé abe é nye.

1 Yʉanes 2:4 ပူးပေါင်းရင်းမြစ်များ

1 Yʉanes 1:6

Mɨ́ná bé lɛ́ɛ́ gá ó, mɨná bɨ́ pûhla gá e né, mɨná yɨ́ɛ lɨ́ entíma gâ, le edû kʉ̌ tyen ébébe nó, lɛ́ɛ́, mɨná bé lɨ́ elɛ́ɛ gá bibɛr. Mɨná bé asâ gá bisyɛ́ɛla bi dí edû ótyeetye bí.

Títos 1:16

Bé sá ó, go ó, bé ɨ́ kpɛ̌l Nzyɛ̌m. Sâ gwár, bisyɛ́ɛla byɔ́ɔ́, bíɛ yɨ́ɛ lɨ́ elɛ̂ʼle ó, bé akpɛl nyê. Bʉr baá, bé ɨ́ lwaʼwo. Bé asâ méjóʼo. Ɨ́ bisyɛ́ɛla bimpâ bíbyɛ̂h mʉ̂r dí e nkul ebɛ̌m sâ bí, abe e syɛ́ɛla gwár bé dí e nkul ekoʼo ésâ.

1 Yʉanes 1:8

Mɨ́ná lɛ́ɛ́ gá ó, mɨná bé asâ gá misyóm nó, lɛ́ɛ́, mɨná dímlé gá ó, mɨná bʉr o tɨ̂. Otyeetye, wé abe ɨ́ mɨná gâ.

1 Yʉanes 4:20

Mʉ̂r lɛ́ɛ́ ó: «Mě kpɛl ó, Nzyɛ̌m,» nyɨɛ yɨ́ɛ lɨ́ enwim mɨ́ɔɔ́ wé nó, nye ó mʉr bibɛr, ebě, mʉr dí apǎ kpɛl mɨ́ɔɔ́ wé, mʉr nyé dí ebee nyá, nyé abe e nkul ekpɛ̌l Nzyɛ̌m, mʉr nyé dí abee nyá.

1 Yʉanes 2:9

Mʉr dí elɛ́ɛ ó, nye ɨ́ myɛ́n tʉ́ŋlʉ̌, nyɨɛ yɨ́ɛ lɨ́ enwim mɨ́ɔɔ́ wé nyá, nye dína ó lɨ́ edúrʉ́ʉ́, pyâl ɨ́ jɔʼ yɨ̂.

1 Yʉanes 1:10

Mɨ́ná lɛ́ɛ́ gá ó, mɨná bé apǎ sâ gá syóm nó, nó ó, mɨná lɛ́ɛ́ gá ó, nye ó mʉr bibɛr. Lwǐb yé, yé abe kwá gá nyɨ́ná.

Yʉanes 8:44

Sɔ́ŋ wɨ́n, nye ó sɔ́ŋ meleme. Sá tɨ̂ʼ ó bɨ́n dí ekpɨkpɛ̌l njɨ esâ gwɨ́má mé sɔ́ŋ wɨ́n yɨ́. Nye á boo be ó njʉ̂l bʉr, duho ɨ́ menyɛ̌l. Nyé abe e nkul elɛ́ɛ ótyeetye lʉ́ʉ́ dʉ́o, ebě, otyeetye, wé abe e né. Jɔʼ nyé dí elɛ́ɛ bíbɛr yɨ́, nyě lɛ́ɛ́ ó, sá yé, ánta nye, ebě, nye ó mʉr bibɛr. Nye ntémé, nye ó sɔ́ŋ bibɛr.

Títos 1:10

Ɨ́ sɔ́má óYúden o dí ebúʼla bá, yé e bʉr ɨ́ buo buo o dí egbɔba le otyɛ̂b bé ésôʼ bɔ́ɔ́ bá. Bilwǐb byɔ́ɔ́, byé ó dwêh, bé yɨ́ɛ lɨ́ ekʉ́ bánǎ kʉ́a bʉ́ʉ́ bʉ̂r.

1 Yʉanes 2:3

Mɨ́ná báʼlé gá metié mé Nzyɛ̌m nó, syɛ́ɛla yaá, yé óbe ó dweʼle dí eboʼlo ó, mɨná bɨ́ gʉ́a gá nye yɨ́.

1 Yʉanes 3:6

Mʉr nyɨnyɛ̂h mû sí pûhla e né nyá, nyé atô dóló le esâ syóm. Waá nyɨnyɛ̂h dí etô dóló le esâ syóm nyá nyɨɛ, nyé apǎ bee nyê, nkʉ̂ gʉ́a nyê.

1 Yʉanes 4:7

Bʉr ó kpɛ̌l bâm, mɨná kpɛ́laa gá páʼ gá nyɨ́ná, ebě, kpɛ̌l, yé lɨ́ eduho kwá mé Nzyɛ̌m. Mʉr nyɨnyɛ̂h dí e kpɛ̌l nyá, nye ó mbyɛ́lá ɨ́ nkul mé Nzyɛ̌m. Nye ntémé, nyɨ́ gʉ́ǎ Nzyɛ̌m.