Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Yʉanes 2:3 - Kálar Nzyɛ̌m : Ejwán é Sáá

3 Mɨ́ná báʼlé gá metié mé Nzyɛ̌m nó, syɛ́ɛla yaá, yé óbe ó dweʼle dí eboʼlo ó, mɨná bɨ́ gʉ́a gá nye yɨ́.

အခန်းကိုကြည့်ပါ။ ကော်ပီ

Kálara Zyɛ̌m Edwán é mpʉ̌n

3 Yé be ó, bɨna bé edu ga motie mo Zyɛm nɛʼɛ, lɛɛ ó, syɛɛla yaa, yé óbe ó dweʼle, sa lé elɛʼle ó, bɨna bɨ gʉa ga nye.

အခန်းကိုကြည့်ပါ။ ကော်ပီ




1 Yʉanes 2:3
26 ပူးပေါင်းရင်းမြစ်များ  

«Bɨ́n ókpɛl mé nɛ́ɛ: bɨ̌n ntémé, bé óbaʼle métié mâm.


Bɨ́n sí baʼle métié mâm nó, bɨ̌n bé ódi tʉ́ŋlʉ̌ kpɛ̌l yâm, ebě, mɨ́ baʼle métié me Sɔ́ŋ wǎm. Mě gʉ́á ntémé ó, nye lɨ́ ekpɛl mê.


Mpʉ mʉ̂r jálá le elɛ̂ʼlě Nzyɛ̌m kpɛ̌l yɨ́ ó yɨ̂: ebaʼle métié mé. Metié mé, mé abuú dile yɨ́ɛ lɨ́ ebaʼle,


«Bɨ̌n bé lɨ́ ejébe mé “Dâ, Dâ”, bɨ̌n yɨ́ɛ akpɛl esâ mpʉ mé dí elɛ́ɛ bɨ́n ɨ́ yé?


Bɨ́n ódû étié mê líʼé bɨ́n e lǎ lɨ̂ʼ nó, bɨ̌n bé óbe ó osó bâm.


Mɨná bé lɨ́ egʉ́a gá ó, mɨná tíʼe gá ó, ɨ́ mpúhlá e Nzyɛ̌m, nyɨɛ ntémé ɨ́ mpúhlá e mɨná gá ó, mbi wɨ̂: nye á si ntɨh mɨná gá Sísǐm wé.


Píe mitúú myé myaá ó nyé á ka be, nye mû lwɨ́ŋlá ɨ́ nkʉ́ŋ wé yɨ́. Nye á be ó, nye mû sá ngá kǎ dwe bʉ̂r twǐʼ njʉ̌m dǐ yɨ́. Bʉr bɨ́bɛ̂h ngá sâ nyé mejóʼo bá, bé óbǐ twiʼ yaá.


Mɨná gʉ́á gá ó, mɨná bé lɨ́ eduho gá kwá mé mʉr dí le otyeetye nyá ó, mbi wɨ̂: mɨná bé lɨ́ ebánǎ sul gá milémé gá míná sí ɨ́ míh mé Nzyɛ̌m


Twǐʼ njʉ̌m dǐ, yé ó, bé gʉ́ŋaa go, gua mpǎŋ Nzyɛ̌m dí ngwár e ngwár nyá. Bé gʉ́ŋaa ntémé Yésʉs-Krîst, mʉr gó á lómo nyá.


Mɨná bé lɨ́ egʉ́a gá ó, mɨná gá bé ó, bwán mé Nzyɛ̌m. Bʉr ó sí yɨ̂ʼ yɨ́yɛ̂h bɨ́ɛ, bé lɨ́ ejaʼra e mpêl mé Sátan.


Mɨná bé lɨ́ egʉ́a gá ó, mɨná bé á pah, duho lɨ́ eswie, ntaa ɨ́ twǐʼ njʉ̌m dǐ ó, ebě, mɨná bé lɨ́ ekpɛl gá bɨ́ɔɔ́ gá bɨ́ná. Mʉr dí akpɛl bʉ̂r nyá, nye dína ó ndwe.


Ebě, Nzyɛ̌m á lɛ́ɛ ó: «Njʉl, wé pánaa myɛ́n, duho lɨ́ edúrʉ́ʉ́ tʉ́ŋlʉ̌.» Mʉr ngwár e ngwár á pa lwib nó nyá, á sâ ntémé ó, njʉl pánaa myɛ́n ɨ́ miléme gá míná. Njʉl waá ó dí esâ ó, mɨná béyɨɨ gá mpǒm mé Krîst, le egʉ́ǎ mpʉ nyé dí yɨ́, bee méntyɛnwa mé Nzyɛ̌m mʉr tɨ̂.


«Metyɛʼ me mpóm, mé díʼee e bʉr o dí ejwɨɨ míkán myɔ́ɔ́, myé mû ɨ́ púúm bá. Bɨ́haá ó dí e nkul enî ɨ́ nkana yaá. Bé ónî ó, cɨɔɔ ɨ́ mebé mé. Bé ntémé, bé ó jálá le ede mpúmó dí egúmo ɨ́ lɨ́ twiʼ nyɨ́.


Osɔ́ŋ, mě cɛmá bɨ́n ó, ebě, bɨ̌n bé lɨ́ egʉ́a mʉ̂r á boo be, duho ɨ́ menyɛ̌l nyá. Mě cɛmá bɨ́n, biloʼo ó, ebě, bɨ̌n bɨ́ ntaǎ Sátan ɨ́ nkul. Ontwǒm, mě cɛmá bɨ́n ó, ebě, bɨ̌n bɨ́ gʉ́ǎ Nzyɛ̌m Sɔ́ŋ.


Mʉr nyɨnyɛ̂h mû sí pûhla e né nyá, nyé atô dóló le esâ syóm. Waá nyɨnyɛ̂h dí etô dóló le esâ syóm nyá nyɨɛ, nyé apǎ bee nyê, nkʉ̂ gʉ́a nyê.


Bʉr ó kpɛ̌l bâm, mɨná kpɛ́laa gá páʼ gá nyɨ́ná, ebě, kpɛ̌l, yé lɨ́ eduho kwá mé Nzyɛ̌m. Mʉr nyɨnyɛ̂h dí e kpɛ̌l nyá, nye ó mbyɛ́lá ɨ́ nkul mé Nzyɛ̌m. Nye ntémé, nyɨ́ gʉ́ǎ Nzyɛ̌m.


Mpʉ mɨ́ná dí egʉ́a gá ó, mɨná bé ɨ́ kpɛl gá bwán mé Nzyɛ̌m yɨ́ ó yɨ̂: ɨ́ jɔʼ mɨ́ná dí ekpɛl gá Nzyɛ̌m, le ebaʼle métié mé yɨ́.


Jɔ̌ʼ myɔ́ɔ́ á bee nó yɨ́, wé ntɔ̂ʼ lɛ̂ʼle mʉ́má waá nkpaa nyé ɨ́ buo buo. Nó ó, wé ntɔ̂ʼ búla, tó sâ dɔ̂m e bwán mé mʉmá waá. Bwán bé baá, bé lɨ́ elóŋlo métié mé Nzyɛ̌m, le ebaʼle mílɔ́ɔ́ mé Yésʉs.


(Wâʼ ɨ́ gúmó yɨ̂, yé lɛ́ʼlé ó, bʉr o dí egúmo e Nzyɛ̌m bá, yé mbɨa ɨ́ páʼ wɔ́ɔ́ ó, bé díʼee e bíhwó. Bé ɨ́ jala ntémé le ebaʼle métié mé Nzyɛ̌m, le edyêʼ koo e Yésʉs.)


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ