1 Yʉanes 2:12 - Kálar Nzyɛ̌m : Ejwán é Sáá

¹² Bwán bâm, mě cɛmá bɨ́n ó, ebě, Nzyɛ̌m, nyɨ́ pɛʼ bíbaa bí ébébe nyé á niʼe bín ɨ́ lɔ̌b mísyóm mín bí. Nye á sâ nó ó, ɨ́ nzɨ̌ mé Yésʉs-Krîst.

Kálara Zyɛ̌m Edwán é mpʉ̌n

¹² Bwan bam aa! Me etile bɨn ó, ebe Zyɛm, nyi pɛʼ bɨbaa nye a niʼe bɨn é lɔb mɨsyem min ɨ. Nye a sa no ó, é die mo Yesʉs.

1 Yʉanes 2:12 ပူးပေါင်းရင်းမြစ်များ

Mɨlʉmlʉ 10:43

Ogwíha o mílɔ̌b bɨ́bɛ̂h, bé á si lwib, dumo e né. Bé á lɛ́ɛ ó, mʉr nyɨnyɛ̂h ódyêʼ koo e né nyá, Nzyɛ̌m ópɛʼ bíbaa nyé dí eniʼe ɨ́ lɔ̌b mísyóm myé bí. Nye ósâ nó ó, ɨ́ lɔ̌b mé Yésʉs.»

Mɨlʉmlʉ 13:38

Nó bɨ́ɔɔ́ bâm, gʉ́ŋáá gá sá yɨ̂: ɨ́ nzɨ̌ mé Yésʉs waá ó bɨ́h dí elɛ́ɛ bɨ́n pô ó: Nzyɛ̌m mû ó lɨ́ epɛʼ bíbaa bí ébébe nyé á niʼe gá bíná bí.

Éfɛsɔs 1:7

Mwân waá ó b'á pyêl metié mé, ntɔ̂ʼ búra e mɨná gâ. Nye á sâ nó ó, nye táŋaa góo, ó nye dwíhɨɨ mɨná gá ɨ́ mpila ébébe. Nye ó b'á sâ ntémé ó, Nzyɛ̌m pɛ́ʼɛɛ bibaa bí ébébe nyé á niʼe mɨná gá bí. Nzyɛ̌m á sâ mɨná gá bisyɛ́ɛla byaá ó, lɨ́ elɛ̂ʼle mɨ́ná gá mpwaʼ mpam nyé.

Mɨlʉmlʉ 4:12

Bʉr o dí ebǐ twiʼ bá, bé jaá bi yé ó kwá nyé. Ebě, yé abe e lʉ́ʉ́ díe eswîh Nzyɛ̌m á lɛ̂ʼle mɨná gá ó, lé e nkul ebáʼǎ dwe bʉ̂r twiʼ lɨ́.»

Kolosi 1:14

Nzyɛ̌m á táa góo, le edwih mɨ́ná gá ɨ́ mpila ébébe ó, ɨ́ nzɨ̌ Mwân wé. Mwân waá ó b'á sâ ó, Nzyɛ̌m pɛ́ʼɛɛ bibaa bí ébébe nyé á niʼe bɨná gá bí.

1 Yʉanes 1:7

Mɨ́ná tyé gá ɨ́ myɛ́n tʉ́ŋlʉ̌, mpʉ̌ Nzyɛ̌m mʉr tɨ̂ʼ dí ɨ́ myɛ́n yɨ́ nó, ɨ́ jɔʼ yaá ó mɨ́ná óbe gá e mpǎŋ mpúhlá páʼ gá nyɨ́ná yɨ́. Metié me Mwân wé, Yésʉs, mé ópubo gá mɨná misyóm mímyɛ̂h ɨ́ jɔʼ yaá.

1 Yʉanes 1:4

Bɨ̌h cɛma bɨ́n mekaná mâʼ ó, sʉhʉʉ gá yɨ́ná, yé díʼee lwɨ́ŋlá.

Lʉkas 24:47

Yé á boo be cɛmá ntémé ó, bʉr, bé ótô ɨ́ lʉ́mlʉ́ wé, le etúnǒ Mbɨambɨa Lɔ́ɔ. Bé ótô le elɛ́ɛ bʉ̂r ó, bé túmaa mikoo e misyóm myɔ́ɔ́, le edwira míléme, Nzyɛ̌m pɛ́ʼɛɛ bé bibaa bí ébébe byɔ́ɔ́. Lɔ́ɔ waá, wé ónyɛɛ́ túnɔɔ ó, ɨ́ Yerʉ́zalɛm, tó túnɔɔ ntémé kwá bikúl bíbyɛ̂h.

Lʉkas 5:20

Mbeá nyé á bee mpʉ bé á dyɛ̂ʼwo e né yɨ́, nye ntɔ̂ʼ lɛ́ɛ ó: «Mʉr nyâ, bibaa bí ébébe lô, bí pɛʼɔɔ ɨ́ páʼ gô!»

1 Yʉanes 2:21

Mé acɛma bɨ́n ebě bɨ̌n bé lɨ́ ejéʼe ótyeetye. Mě cɛmá bɨ́n ó, ebě, bɨ̌n bɨ́ gʉ́a wê. Bɨ̌n ntémé bé lɨ́ egʉ́a ó, sâ bíbɛr, yé abe e nkul eduho lɨ́ otyeetye.

1 Yʉanes 2:7

Bʉr ó kpɛ̌l bâm, ntʉ édwán lé étié mé dí ecɛma bɨ́n lɨ̂. Yé ó etié e myâ bɨ́n á boo bi, duho ɨ́ menyɛ̌l lɨ́. Etié e myâ laá, lé ó lwǐb bɨ́n á boo jóʼo yɨ́.

1 Yʉanes 2:1

Bwán bâm, mě cɛmá bɨ́n bisá bîʼ ó, bɨ̌n nkʉ̂ gwâʼ ékǎ sâ mísyóm. Sâ gwár, yé ká pyâl yɨ́ɛ ó, mʉr, nyɨ́ sâ syóm nó, gʉ́ŋáá gá ó, mɨná gá bé e mʉr nkɔ̌m kwá mé Nzyɛ̌m: Yésʉs-Krîst, mʉr dí tîtyěl nyá.

1 Yʉanes 1:9

Sâ gwár, mɨ́ná gwíh gá misyóm gá mɨ́ná nó, Nzyɛ̌m ópɛʼ bíbaa bí ébébe nyé á niʼe mɨná gá bí, le epubo mɨ́ná gâ, le epɛʼ mɨ́ná gá mebyaʼ gá mɨ́ná mɨ́mɛ̂h. Nye ósâ nó ó, ebě, nye ó tîtyěl mʉr jálá le ebúʼlɔɔ nyá.

Éfɛsɔs 4:32

Lɨlɛ́ʼláá gá mpam páʼ nyɨ́n, bɨ̌n óbɛ̂h. Jɨ́ʼɨ́ɨ́ gá bʉr bɨ́bɛ̂h ekpaa nkóó. Pɛʼɛɛ gá bibaa bí ébébe bɨ́n á pa niʼla bʉ́ʉ́ bʉ̂r bí, mpʉ̌ Nzyɛ̌m á pɛʼ byaá nyé á niʼe bɨ̌n ɨ́ nzɨ̌ mé Krîst bí yɨ́.

1 Korɛnt 6:11

Nó ntémé ó, bʉ́ʉ́ bʉ̂r ó sɔ́má yɨ́n, bé á be yɨ́! Sâ gwár, bɨ̌n bé á si sohlɔɔ, pubɔɔ, le edweŋɔɔ nkâm ɨ́ míh mé Nzyɛ̌m ɨ́ díé mé Tî Yésʉs-Krîst, cɨɨ e nzɨ̌ Sísǐm mé Nzyɛ̌m gá wɨ́ná.