1 Yʉanes 2:11 - Kálar Nzyɛ̌m : Ejwán é Sáá

¹¹ Sâ gwár, mʉr waá dí enwim mɨ́ɔɔ́ wé nyá, nye dína ó, lɨ́ edúrʉ́ʉ́. Nye ntémé dína ó lɨ́ entíma. Nyé abá gʉ́ǎ nko nyé dí etô le entíma yɨ́, ebě, edúrʉ́ʉ́, lɨ́ liŋ nyé ántím.

Kálara Zyɛ̌m Edwán é mpʉ̌n

¹¹ Sa gwar, mʉr waa lé enwim mɨɔ we e, nye dina ó lé entime é l'edurʉ. Nye agʉa nko nye lé eto le entime e, ebe, edurʉ, lɨ liŋ nye ntim.

1 Yʉanes 2:11 ပူးပေါင်းရင်းမြစ်များ

Yʉanes 12:35

Yésʉs, nye e bé ó: «Njʉl, wé dína lɨ́ epǎn myɛ́n kwá nyɨ́n njɨ mâ jɔʼ. Bʉŋlaa gá ɨ́ jɔ̌ʼ njʉl dína lɨ́ epǎn myɛ́n yɨ́, ebě, edúrʉ́ʉ́, lé ámû jaá go bɨ́n, ebě, mʉr dí etô le entíma lɨ́ edúrʉ́ʉ́ nyá, nyé agʉ́ǎ nko nyé dí etô yɨ́.

Títos 3:3

Ebě, mɨná gá bɨɛ á nyɛɛ be ó nó: bigʉʼlʉgʉ́, baajóʼo-mélɨ́, sí dîm. Mɨná bé á didi gá ó, bitúʼǎ bígwɨ́má mimbi mimbi. Mɨná bé á títíʼe gá ó, lɨ́ esâ bʉ̂r ebébe é léme le nzwíí. Bɨ́ɛ ntémé lɨ́ esíe bɨ́ná gâ. Mɨná bɨɛ ntémé, bé á si nwimla páʼ gá nyɨ́ná.

Mɨngwiha 3:17

Bɨ̌n bé lɨ́ elɛ́ɛ ó, bɨ̌n bé le okúm le ogbaa le ombeʼ o nyʉ̂l. Bɨ̌n bɨɛ, bé agʉ́a ó, lɨ́ otyeetye, bɨ̌n bé ó bʉr o dí ɨ́ buú kpaa nkóó bá, ndu e bʉr o métɨʼla. Bɨ̌n bé ó baántéʼenteʼe o bʉ̂r, baántím, misuswáh.

1 Yʉanes 1:6

Mɨ́ná bé lɛ́ɛ́ gá ó, mɨná bɨ́ pûhla gá e né, mɨná yɨ́ɛ lɨ́ entíma gâ, le edû kʉ̌ tyen ébébe nó, lɛ́ɛ́, mɨná bé lɨ́ elɛ́ɛ gá bibɛr. Mɨná bé asâ gá bisyɛ́ɛla bi dí edû ótyeetye bí.

1 Yʉanes 2:9

Mʉr dí elɛ́ɛ ó, nye ɨ́ myɛ́n tʉ́ŋlʉ̌, nyɨɛ yɨ́ɛ lɨ́ enwim mɨ́ɔɔ́ wé nyá, nye dína ó lɨ́ edúrʉ́ʉ́, pyâl ɨ́ jɔʼ yɨ̂.

2 Korɛnt 4:4

Bʉr o dí abûʼla bá, bé lɨ́ elúʼo pɨ̂ʼ dí ó, bé jóʼaa lɔ́ɔ́ wɨ́h, bûʼla wê, ebě, nzyɛ̌m sí yɨ̂ʼ á si dímle bé pɨʼ nyaá. Nyě sá nó ó, nye kámlaa bé lɨ́ ebee mímbah mi dí epan, duho ɨ́ mentyɛnwa mé Krîst mí. Nyě sá nó ó, bé ámû jaá bee méntyɛnwa maá ɨ́ Mbɨambɨa Lɔ́ɔ́ mé Yésʉs, bé ntɔ̂ʼ gʉ́a ó, Yésʉs ó dí gulo mé Nzyɛ̌m.

Yʉanes 12:40

“Nzyɛ̌m á be ó sí liŋ bé baántím. Nye á si dibe bé mepɨʼ mɔ́ɔ́, ó míh mɔ́ɔ́, mé ayɨ́ bee; bé ntémé díʼee abe e mepɨʼ, lɨ́ ebene ó, bé ámû jaá dwira míléme, tóŋɔɔ kwá nyé ó, nye tíʼɨɨ bê.”

2 Korɛnt 3:14

Tó kœb ó, ecwólwo lɔ́ɔ́, lé á be ó sí dwira édúrʉ́ʉ́. Pyâl ɨ́ dʉ́ó lɨ̂ʼ mûh, pɨʼ nyɔ́ɔ́, nye dína ó mbúblá e kán waá ɨ́ jɔʼ bé láá mékaná mé njʉ̌m sáá yɨ́. Kán mpʉ́ʉ waá, wé jaá pʉʼa mʉ̂r ɨ́ mpǒm ó, njɨ ɨ́ jɔʼ mʉ̂r waá púhlá e Krîst yɨ́.

2 Pyɛr 1:9

Sâ gwár, mʉr dí asâ bísyɛ́ɛla bimpâ byaá nyá, mejwôʼlʉ mé, mé atô lɨ́ ejaa. Nye ó mpʉ ántím. Nye lɨ́ ejɨha ó, Nzyɛ̌m á be ó sí pubo nyê, lɨ́ epɛʼ mísyóm nyé á be e myé mélú mé épíhe mí.

1 Yʉanes 2:10

Nó ó, mʉr waá dí ekpɛl mɨ́ɔɔ́ wé nyá ó dí ɨ́ myɛ́n tʉ́ŋlʉ̌. Nye ágbâ ébɔ̌ʼ lé óbɨma mɨ́ɔɔ́ wé ɨ́ léme ó, nye sâʼ ebébe lɨ́.

1 Yʉanes 3:15

Mʉr nyɨnyɛ̂h dí enwim mɨ́ɔɔ́ wé nyá, nye ó njʉ̂l bʉr. Bɨ̌n bé lɨ́ egʉ́a ntémé ó, kâr njʉ̂l bʉr ngwár dí e twǐʼ njʉ̌m dǐ ɨ́ nye mʉr tɨ̂ʼ ɨ́ jɔʼ yɨ́yɛ̂h.

1 Yʉanes 4:20

Mʉ̂r lɛ́ɛ́ ó: «Mě kpɛl ó, Nzyɛ̌m,» nyɨɛ yɨ́ɛ lɨ́ enwim mɨ́ɔɔ́ wé nó, nye ó mʉr bibɛr, ebě, mʉr dí apǎ kpɛl mɨ́ɔɔ́ wé, mʉr nyé dí ebee nyá, nyé abe e nkul ekpɛ̌l Nzyɛ̌m, mʉr nyé dí abee nyá.