1 Yʉanes 2:1 - Kálar Nzyɛ̌m : Ejwán é Sáá

¹ Bwán bâm, mě cɛmá bɨ́n bisá bîʼ ó, bɨ̌n nkʉ̂ gwâʼ ékǎ sâ mísyóm. Sâ gwár, yé ká pyâl yɨ́ɛ ó, mʉr, nyɨ́ sâ syóm nó, gʉ́ŋáá gá ó, mɨná gá bé e mʉr nkɔ̌m kwá mé Nzyɛ̌m: Yésʉs-Krîst, mʉr dí tîtyěl nyá.

Kálara Zyɛ̌m Edwán é mpʉ̌n

¹ Bwa o bwan bam, me etile bɨn bɨsa bɨnɨ ó, bɨn gwaʼa lé eka sa syem. Sa gwar, yé si ka pyal yɛɛ ó, nuu mʉr, nyi sa syem nɛʼɛ, nye gʉŋa ó, nye e mʉr ndɨ ekamle e nye e: Yesʉs-Krɨst, ndɨ cɨcyel mʉr ɨ! Nye ekɛm nye ó, é mih mo Zyɛm Sɔŋ.

1 Yʉanes 2:1 ပူးပေါင်းရင်းမြစ်များ

1 Timotɛ 2:5

Ebě, Nzyɛ̌m, nye ó njɨ ngwár. Nó ntémé, bʉr, bé ó njɨ e mesaádɔm ngwár dí páʼ bé e boo Nzyɛ̌m nyá. Nye mʉr tɨ̂, nye ó mʉr: Yésʉs-Krîst,

Rôm 8:34

Nzé óláa mɨ́ná gá bibaa bí ébébe, le edwe mɨ́ná gá bintɨ́ʼá? Abe e mʉr! Yésʉs-Krîst á si dwe, búra e mɨná gâ. Yé abě njɨ nó. Nye á si pah, duho lɨ́ odwe, tó di ɨ́ mecwɨ́ɨ́, ɨ́ mbó éjʉ́m mé Nzyɛ̌m Sɔ́ŋ. Nye ó mʉr nkɔ̌m, waá dí ekamle e mɨná gá nyá.

Yʉanes 14:6

Yésʉs, nye e né ó: «Me ó dí nzɨ̌. Me ó otyeetye. Me ó etín é twiʼ. Mʉr, nyé abe e nkul etô nko Sɔ́ŋ wǎm dí yɨ́, cɨɨ ɨ́ nyʉ́ʉ́ nzɨ́ swîh, njɨ lɨ́ ecɨɨ ɨ́ nzɨ̌ nyǎm.

2 Korɛnt 5:21

Mʉr á be abe e mpɨŋ nyá, nye ó waá Nzyɛ̌m á dwir syɛ̂l misyóm lɨ́ esú gá lɨ́ná nyá. Nye á sâ nye nó ó, mɨná nkʉ̂ di gá otîtyěl o bʉ̂r ɨ́ míh mé Nzyɛ̌m e nzɨ̌ mʉr waá.

1 Yʉanes 4:4

Bɨ̌n bɨɛ bwán bâm, bɨ̌n dumo ó e Nzyɛ̌m. Bɨ̌n bɨ́ ntaa óntɨ̂m le obɨn mé Krîst baá, ebě, Sísǐm bɨ́n dí e wé wɨ́, wé ɨ́ lele nkûl, laa waá dí ɨ́ bʉr ó sí yɨ̂ʼ wɨ́.

1 Yʉanes 3:18

Bwán bâm, yé ajala ó, kpɛ̌l gá yɨ́ná, yé nyɨ́nɨɨ njɨ ɨ́ mekǎn mɨ́ná dí elɛ́ɛla gá má. Yé ɨ́ jala le enyɨ̂n ó, ɨ́ bisyɛ́ɛla mɨ́ná dí esâ gá lɨ́ otyeetye bí.

1 Yʉanes 3:7

Bwán bâm, ayɨ́ bîr gá ó, mʉr dímlaa bɨ̌n. Mʉr dí esâ bísyɛ́ɛla bí ótîtyěl nyá ó dí tîtyěl mpʉ̌ Yésʉs dí tîtyěl yɨ́.

Yʉanes 8:11

«Abe e mʉr, Dâ.»] [Yésʉs, nye e né ó: «Mɛm ntémé, mé adwe gó mebě. Tóʼ. Sâ gwár, akǎ báʼǎ sâ syóm.»]

Ebrœ̂ 9:24

Ebě, Krîst á bé anî mbɛ̌r kán bʉ̂r, bé á sumo Nzyɛ̌m wɨ́, waá dí enwɨɨla e mpǎŋ mpáh Nzyɛ̌m wɨ́. Mbɛ̌r waá, wé ó njɨ mveʼle, lɨ́ enwɨɨla e mpáh mpâ. Nye á nî ó, ɨ́ jʉ́o kʉ́. Nye mû ó lɨ́ etyɛ̂b ɨ́ jʉ́o kʉ́ ɨ́ míh mé Nzyɛ̌m lɨ́ elwib ɨ́ nkɔ̌m gá nyɨ́ná.

1 Yʉanes 3:5

Bɨ̌n bé lɨ́ egʉ́a ó: Tî Yésʉs á nze nyɨ̂n ɨ́ sí yɨ̂ʼ ó, nye nkʉ̂ nzě pɛʼ mísyóm gá mɨ́ná. Bɨ̌n bé lɨ́ egʉ́a ntémé ó, abe le syóm dí ɨ́ nye tʉ́ŋlʉ̌.

Éfɛsɔs 2:18

Krîst ó b'á kar nzɨ̌ ó, bikúl bíbá gá bíná sîhlaa bǎʼ e Nzyɛ̌m Sɔ́ŋ, lɨ́ ecɨɨ e nzɨ̌ mʉr ngwár e ngwár: Sísǐm mé Nzyɛ̌m.

Yʉanes 6:27

Ayɨ́ séa gá lɨ́ esú é méde me dí e nkul ekaʼ, nkʉ̂ bo má, njɨ lɨ́ esú é maá me dí edi, tó pyâl ɨ́ twǐʼ njʉ̌m dǐ má. Mé ó dí maá Mwân mé Mʉr ódwe bɨ́n má, ebě, nye ó waá Nzyɛ̌m Sɔ́ŋ á gbâ jwɨʼ yé nyá.»

1 Pyɛr 3:18

Ebě, Krîst mʉr tɨ̂ʼ á si dwe jɔʼ gwár lɨ́ esú é bíjɔʼ bíbyɛ̂h ɨ́ lɔ̌b bísyɛ́ɛla bí ébébe bín. Nyɨɛ tîtyěl mʉr á búra ó, le onzyɛ́h ó bʉ̂r, lɨ́ esâ ó, nye tôʼ e bɨ̌n nkǒ Nzyɛ̌m dí yɨ́. Bʉr bé á si jʉ̂ nye ɨ́ nkǒ páʼ bípúno. Nzyɛ̌m nyɨɛ nzě sâ ó, nye bíʼee nkul ɨ́ nkǒ páʼ Sísǐm wé.

Éfɛsɔs 4:26

“Lémé lónó bɨ́n ɨ́ nkpaa nó, sá asâ gá yɨ́ɛ syóm.» Mʉ̂r kóbló bɨ́n ebúʼ nó, sá abîr gá ó, ebúʼ laá díʼee bɨ̌n ɨ́ miléme, tó pyâl ɨ́ medwíne mé pum.

Galásia 4:19

Bwán bâm, me mû ó mpʉ mʉ́má mû lɨ́ ebáʼǎ jaʼra e mǐn nyá. Mekpaa mé ótô le emɨmɛ̂r mé nó ó, tó pyâl pyáláa ɨ́ jɔ̌ʼ Yésʉs-Krîst óbe, nye mû sí gwɨ́e ɨ́ menyʉ́l mɨ́n yɨ́.

Yʉanes 5:36

Sâ gwár, mɛm, mě e mboʼlá, laá mboʼlá mé Yʉánɛs, ebě, bisyɛ́ɛlǎ Nzyɛ̌m Sɔ́ŋ á dwe me ó, me sâʼ bí, byé ó mé dí esâ. Byé boʼlo ó, Nzyɛ̌m Sɔ́ŋ ó b'á ntɨh me.

Lʉkas 10:22

«Sɔ́ŋ wǎm á si dwe me bisá bíbyɛ̂h. Abe e mʉr dí egʉ́a Mwân, pɛ̌ʼ njɨ Nzyɛ̌m Sɔ́ŋ nye omér. Abe e mʉr dí egʉ́ǎ Nzyɛ̌m Sɔ́ŋ, pɛ̌ʼ njɨ Mwân ndu e waá Mwân kpɛ́l élɛ̂ʼle nyá.»

1 Pyɛr 2:22

«Nye á bé asâ syóm. Lwǐb míkóo, yé aduho ɨ́ num wé.»

1 Korɛnt 15:34

Yé jala ó, bɨ̌n bírɨɨ lɔ̌b ógʉ̌ wɨ́n. Bɨ̌n a gwáʼ ésâ mísyóm. Bʉ́ʉ́ bʉ̂r ó sɔ́má yɨ́n, bé agʉ́ǎ Nzyɛ̌m. Mě lɛ́ɛ́ mpʉ́nʉ̌ ó, lɨ́ egbâ bɨ́n sôn ɨ́ nyʉ̂l.

Yʉanes 5:14

Píe tɨ̂, Yésʉs nzě tó bɔma e mʉr waá ɨ́ mpáh Nzyɛ̌m. Nye e né ó: «Mě lɛ́ɛ́ gó, ɨ́ jɔʼ yɨ̂, go mû ó sí tiʼe. Akǎ báʼǎ sâ syóm. Sá dí ɨ́ buú bébe yɨ́, yé ámû jaá pyâl gô.»

Jacques 1:27

Mpǎŋ búʼó ɨ́ míh mé Nzyɛ̌m Sɔ́ŋ ɨ́ pémémé, yé ó nɛ́ɛ: mʉr tôʼ bwá bé ónyʉ̌l ɨ́ menɔɔlʉ. Nye súʼaa ntémé mikúho mi dí esia e mitúú mí. Nye díʼee e ncɛrá le bisá bí sí yɨ̂, lɨ́ esú ó, byé ayɨ́ kala nyé bilœ̌ʼ byɔ́ɔ́.

1 Yʉanes 5:21

Bwán bâm, kánwáá gâ, ó bɨ̌n cɛ́raa e bikpɛʼkpɛ̂ʼ bí ónzyɛ̌m.

Jacques 3:9

Mɨná bé lɨ́ egúmlo gá Dâ Nzyɛ̌m, dí Sɔ́ŋ gá wɨ́ná nyá. E jɨ̂m gwár e gwár yaá ó mɨ́ná dí esyɛm gá bʉr, baá Nzyɛ̌m á komlo ɨ́ mveʼle wé bá.

Rôm 6:15

Mɨná bé akǎ be gá ɨ́ mpila métié yaá tʉ́ŋlʉ̌, yé abe nó? Mɨná mû gá ó, bʉr o dí elɛ̂ʼlɔɔ mpâm mé Nzyɛ̌m bá. Mpʉ yé dí nó yɨ́, nzê mɨná bé ɨ́ jala le esɨ̂sa gá misyóm ɛ́? Heʼé, yé abá be nó.

Yʉanes 13:33

Bwán bâm, me ka líʼ lɨ́ edi e bɨ̌n ó, mâ jɔʼ. Bɨ̌n bé ósáa mê. Nó, mě lɛ́ɛ́ bɨ́n báánâʼ ó, sá mé á nyɛɛ lɛ́ɛ le oYúden yɨ́. Yé ó: bɨ̌n bé abe e nkul etô nko mé múo tô yɨ̂.

1 Timotɛ 3:14

Mɨ́ gʉ́a ɨ́ báánâʼ ó, me mû ó kúno enzě bee gó gʉ̂. Damá jóʼo nó, mě cɛmá gó mekaná mâʼ ó,

Yʉanes 21:5

Yésʉs, nye e bé ó: «Bwân ɔ́, bɨ̌n bé abe e mede, yé abe nó ɛ̌?» Bê nzě kam ó: «Eee!»

Yʉanes 14:16

Me ódî e Sɔ́ŋ wǎm ó, nye ntɨ́hɨɨ bɨ̌n nyʉ́ʉ́ kɔ́mlʉ mpʉ mê. Nye ónzě didi e bɨ̌n njʉ̌m dǐ e njʉ̌m dǐ.

Mɨlʉmlʉ 7:52

Lɛ́yɨ́ɨ́ gá me: wáa ngwíha milɔ̌b bímpám gá bíná, byé á be atíble nyá? Byé á si jʉ̂ bʉr o b'á túno nzéá mé Tîtyěl Mʉ̂r bá. Nó ó, ɨ́ báánâ, bɨ̌n bɨɛ mû ó sí bɛ́ma mʉ̂r waá, jʉ́ŋɔɔ nyê.

Rôm 5:10

Jɔʼ mɨ́ná bé á be gá ontɨ̂m le obɨn mé Nzyɛ̌m yɨ́, Mwân mé Nzyɛ̌m á si dwe lɨ́ esú gá lɨ́ná, lɨ́ esâ sáá páʼ gá nyɨ́ná e Nzyɛ̌m Sɔ́ŋ. Krîst pǎ nyɛɛ́ cwɨ́a le ontɨ̂m le obɨn bé, á dwɛʼra e mɨná gâ, bʉr o sáá nyaá! Nzyɛ̌m ókʉ́ tiʼ mɨ́ná gá e nzɨ̌ twiʼ mé Yésʉs-Krîst, Mwân wé.

1 Yʉanes 5:17

Bisyɛ́ɛla bi dí egbah métié bí, bíbyɛ̂h, byé ó misyóm. Yé ntémé, yé e misyóm mi dí atyen mʉ̂r lɨ́ eswie mí.

3 Yʉanes 1:4

Mé apǎ jóʼo yʉ́ʉ́ sɔ̂ʼ embɨa mbi mé dí ejóʼo ɨ́ jɔʼ bé dí elɛ́ɛ ó, bwán bâm, bé lɨ́ etíʼe lɨ́ otyeetye yɨ́.