1 Yʉanes 1:9 - Kálar Nzyɛ̌m : Ejwán é Sáá

⁹ Sâ gwár, mɨ́ná gwíh gá misyóm gá mɨ́ná nó, Nzyɛ̌m ópɛʼ bíbaa bí ébébe nyé á niʼe mɨná gá bí, le epubo mɨ́ná gâ, le epɛʼ mɨ́ná gá mebyaʼ gá mɨ́ná mɨ́mɛ̂h. Nye ósâ nó ó, ebě, nye ó tîtyěl mʉr jálá le ebúʼlɔɔ nyá.

Kálara Zyɛ̌m Edwán é mpʉ̌n

⁹ To kœb ó, yé be ó, bɨna bé si gwih ga mɨsyem ga mina nɛʼɛ, Zyɛm ósa sa ndɨ cɨcyel ɨ, ebe, nye ó mʉr ebuʼlɔ. Nye ópɛʼ bɨbaa bɨ ebebe bibyɛh nye a niʼe bɨna ga ɛ, le epubo bɨna ga é bɨsyɛɛla bɨ ozyɛhozyɛh ga bina bibyɛh.

1 Yʉanes 1:9 ပူးပေါင်းရင်းမြစ်များ

1 Yʉanes 1:7

Mɨ́ná tyé gá ɨ́ myɛ́n tʉ́ŋlʉ̌, mpʉ̌ Nzyɛ̌m mʉr tɨ̂ʼ dí ɨ́ myɛ́n yɨ́ nó, ɨ́ jɔʼ yaá ó mɨ́ná óbe gá e mpǎŋ mpúhlá páʼ gá nyɨ́ná yɨ́. Metié me Mwân wé, Yésʉs, mé ópubo gá mɨná misyóm mímyɛ̂h ɨ́ jɔʼ yaá.

Ebrœ̂ 10:23

Mɨná bôʼlaa gá sá mɨ́ná dí ekam gá yɨ́. Milɔ̌b myaá ó dí egbâ mɨ́ná gá mpûʼla ɨ́ miléme. Mʉ̌r sá apɨ́ŋla, ebě, mʉr á dwe mɨná gá menkɛ̌ʼ ɨ́ buo buo nyá, nye ó mʉr ebúʼlɔɔ.

1 Timotɛ 1:15

Lɔ́ɔ́ ébûʼlɔɔ, waá bʉ̂r bɨ́bɛ̂h jálá le ekam wɨ́, wé ó wɨ̂: Yésʉs-Krîst á nze ɨ́ sí yɨ̂ʼ ó, nye ntáa nzě tíʼ ósyɛ̂l o mísyóm. Nó ó, ɨ́ sɔ́má bʉ̂r o b'á sâ misyóm bá, mɛm ó b'á sahle.

1 Korɛnt 1:9

Nzyɛ̌m, nye ó mʉr jálá le ebúʼlɔɔ nyá. Nye ó b'á jébe bɨ̌n ó, bɨ̌n tôʼ, tó pûhla e Mwân wé, Yésʉs-Krîst, Tî gá wɨ́ná.

Mɨlʉmlʉ 19:18

Bʉr ɨ́ buo buo bé á dyɛ̂ʼwo e né bá, bé á si gwîh bisyɛ́ɛla bí ébébe bé á boo sɨsâ bí.

Markus 1:5

Nó ó bʉ̂r ó Yʉ́da le baá ó Yerʉ́zalɛm bɨ́bɛ̂h, bé á nzě gúmó nyé á be yɨ́, bé ntɔ̂ʼ gwîh mébébe mɔ́ɔ́, Yʉánɛs nzě du bé ɨ́ díbé Yɔrdên.

Títos 2:14

Nye á si dwe twiʼ yé nye mʉr tɨ̂ʼ lɨ́ esú lɨ́ná, ó nye dwíhɨɨ mɨná ɨ́ mpila mébébé mɨ́mɛ̂h. Nyɨ́ pubo mɨ́ná gá ó, mɨná díʼee kúl bʉ̂r dí egúmo e né yɨ́. Kûl yaá, yé ódi e léme ɨ́ cǎr ó, yé gbâʼ nyʉ̂l lɨ́ elóŋlo bísyɛ́ɛla bimpâ.

1 Korɛnt 6:11

Nó ntémé ó, bʉ́ʉ́ bʉ̂r ó sɔ́má yɨ́n, bé á be yɨ́! Sâ gwár, bɨ̌n bé á si sohlɔɔ, pubɔɔ, le edweŋɔɔ nkâm ɨ́ míh mé Nzyɛ̌m ɨ́ díé mé Tî Yésʉs-Krîst, cɨɨ e nzɨ̌ Sísǐm mé Nzyɛ̌m gá wɨ́ná.

Ebrœ̂ 6:10

Ebě, Nzyɛ̌m, nyé abe waá onzyɛ́h ónzyɛ́h. Nye ájɨ́há syɛ́ɛ́ bɨ́n dí eséa nyé yɨ́. Nye ntémé, nyé abe e nkul ejɨhǎ kpɛ̌l bɨ́n dí elɛ̂ʼle nyé yɨ́. Yé á si nyɨ̂n ɨ́ ponó ɨ́ jɔʼ bɨ́n á be lɨ́ ekɛm bʉ̂r bé yɨ́. Bɨ̌n ntémé dína ó lɨ́ etô e menkɔ̌m maá dóló.

Mɨngwiha 15:3

dyɛɔɔ̌ jɨ́m mé Moyɨ̂z, syɛ̂l mesâ mé Nzyɛ̌m. Jɨ̂m yaá ntémé, yé ó yaá me Mâ Nteme. Bé á dyɛɛ ó: «Dâ Nzyɛ̌m, Nzyɛ̌m nkul nyɨnyɛ̂h, bisyɛ́ɛla byô, byé ɨ́ buú bwaʼ. Byé ntémé, byé ó, bisá bí ékâm. Menzɨ̌ mô mɨ́mɛ̂h, mé ó otîtyěl le otyeetye. Go ntémé, go ó njwɨ́ɨ bikûl bíbyɛ̂h.

Ebrœ̂ 11:11

Ɨ́ lɔ̌b búʼó, Abraham á si dwe Sara ebum, nyé osí laǎ jɔʼ nyé á be ó, nye díʼee sɔ́ŋ mwân yɨ́. Sara ntémé kǔn mʉ́má. Abraham á bě e búʼó ó, Nzyɛ̌m ókʉ́ bánǎ lóŋlo nkɛ́ʼ nyé.

Mataos 3:6

bé ntɔ̂ʼ gwîh mísyóm myɔ́ɔ́, Yʉánɛs nzě du bé ɨ́ díbé Yɔrdên.

Éfɛsɔs 5:26

Nye á sâ nó ó, wé nkʉ̂ gúmo e Nzyɛ̌m, nyé osí jwɨɨ wé e medíbé ti e lwǐb yé.

Rôm 3:26

Nó ó, ɨ́ báánâ, nyɨ́ kǎ lɛ̂ʼle bʉ̂r ó, nye mʉr tɨ̂, nye ó tîtyěl mʉr. Nyě dwé nkâm ó, bʉr o dí edyɛ̂ʼwo e Yésʉs bá.

Yʉanes 17:25

Sɔ́ŋ Otîtyěl, bʉr ó sí yɨ̂, bé agʉ́a gô. Mɛm ó dí egʉ́a gô, ti e bʉr o mû sí gʉ́a ó, go ó b'á ntɨh me bá.

Lʉkas 22:57

Pétrus nzě kɛ́la. Nye e mʉmá ó: «Mɛm, mé agʉ́a nyê.»