1 Yʉanes 1:5 - Kálar Nzyɛ̌m : Ejwán é Sáá

⁵ Mpáŋla bɨ́h á bi ɨ́ nzɨ̌ mé Yésʉs-Krîst nyɨ́, nye ó nyɨ̂. Nye ó bɨ́h dí eboʼlo bɨ́n ɨ́ báánâʼ nyɨ̂. Nye ó: Nzyɛ̌m ó dí njʉl. Edúrúú, lé abá be ɨ́ nye, damá jóʼo ó, mâ bím twáʼwó.

Kálara Zyɛ̌m Edwán é mpʉ̌n

⁵ Mpaŋla Yesʉs-Krɨst a cen bɨh ó nwa. Nye ó sa bɨh lé eboʼlo bɨn ɨ. Nye ó: Zyɛm ó ndɨ myɛn. Edurʉ, lé abe ba é nye, abe ba titia.

1 Yʉanes 1:5 ပူးပေါင်းရင်းမြစ်များ

Yʉanes 8:12

Píe tɨ̂, Yésʉs nzě lɛ́ɛ bʉ̂r ó: «Me ó dí njʉl dí epan ɨ́ sí yɨ̂ʼ wɨ́. Mʉr ódû mé nyá, óbǐ njʉl dí edwě twiʼ wɨ́. Nye ákǎ ntíma lɨ́ edúrʉ́ʉ́.»

Jacques 1:17

bisá bíbyɛ̂h bi dí ɨ́ mbɨa bí, le mindwéá mi dí ɨ́ pémémé ɨ́ mipáʼ mímyɛ̂h mí, byé duho ó, ɨ́ jʉ́o kʉ́, kwá mé Nzyɛ̌m Sɔ́ŋ. Nzyɛ̌m ó b'á komlo ocwícwén, le dʉ́o ti e l'álomó. Nó ó, nyé abe lɨ́ ecéně mpʉ bísâ byaá dí ecéne bítyé byɔ́ɔ́ yɨ́. Nyé acéně mpʉ dʉ́o, sá dí edíme, kǎ líʼe bʉ̂r ɨ́ pyóo yɨ́.

Yʉanes 1:9

Njʉl waá wé omér ó b'á pan mpǎŋ myɛ́n. Wé lɨ́ epǎn myɛ́n ɨ́ sí yɨ̂, lɨ́ ekʉn bʉ̂r bɨ́bɛ̂h nzɨ̌ twiʼ.

Yʉanes 1:4

Twiʼ, yé á be ó ɨ́ Lwǐb. Twiʼ yaá, yé ó b'á be njʉl wé á pan myɛ́n ɨ́ bʉr wɨ́.

Yʉanes 9:5

Jɔʼ yɨ́yɛ̂h mé dína ɨ́ sí yɨ̂ʼ yɨ́, me ó dí njʉl dí ɨ́ sí yɨ̂ʼ wɨ́.»

Mɨngwiha 22:5

Pum, wé ákǎ dwíne gʉ̂. Nó ntémé, meláma ndu e dʉ́o, byé ákǎ jɨŋɔɔ gʉ̂, ebě, Dâ Nzyɛ̌m mʉr tɨ̂ʼ ópǎn myɛ́n. Bé e boo Nzyɛ̌m, bé ójwɨ́ɨ̌ njʉ̌m dǐ e njʉ̌m dǐ.

Mɨngwiha 21:23

Bʉr ó nkana yaá, bé ajɨ mímbah, nkʉ̂ myaá mi dʉ́o, nkʉ̂ myaá mí álomó, ebě, mentyɛnwa mé Nzyɛ̌m, mé lɨ́ epan gʉ̂. Mâ Nteme ó dí eláma ɨ́ nkana yaá.

1 Timotɛ 6:16

Njɨ nye omér ó dí abe e nkul edwe. Nyě dǐ ó, ɨ́ myɛ́n tʉ́ŋlʉ̌, mbǐ myɛ́n nyʉ́ʉ́ mʉ̂r dí abe e nkul ekúnwo e tɨ̂ʼ wɨ́. Mʉr ngwár, nyé apǎ bee nyê. Mʉr ntémé, nyé abe e nkul ebee nyê. Kûm, ndu e nkul, byé dwéŋɔɔ nye njʉ̌m dǐ e njʉ̌m dǐ. Amɛn.

1 Yʉanes 3:11

Nó ó, lwǐb bɨ́n á boo jóʼo, duho píhe yɨ́, yé ó, mɨná kpɛ́laa gá páʼ gá nyɨ́ná.

1 Korɛnt 11:23

Lɛ́ʼlá Dâ á dwe me wɨ́, wé ó mé múo nzě kala bɨ́n wɨ̂. Wé ó: Tî Yésʉs, ɨ́ pum bé á bɛ́ma nye wɨ́, nye á si nʉa blêr,

Yʉanes 1:19

Yʉánɛs á si yala le opara, le oLevît ɨ́ jɔʼ óYúden ó Yerʉ́zalɛm, bé á lómo bé kwá nyé ó, bé tô dî e né ó: «Gua, go nzé ɛ́?»