1 Yʉanes 1:1 - Kálar Nzyɛ̌m : Ejwán é Sáá

¹ Lɔ́ɔ́ bɨ́h mû lɨ́ elɛ́ɛ bɨ́n wɨ́, wé ó, ɨ́ lɔ̌b Lwǐb Twiʼ. Nye á boo be ó tɨ̂, kʉ́ e sí apǎ bě kuhá. Bɨ̌h bé á si jóʼo twíí nyé, bee ntémé nye e míh mɨ́h. Nye ó mʉr bɨ́h á siŋle, waá mebó mɨ́h, mé á kúna nyá.

Kálara Zyɛ̌m Edwán é mpʉ̌n

¹ Lɔɔ bɨh lé elɛɛ bɨn ɨ, wé etiibe ó, e Lwib, waa mu lé edwe bɨn tiʼ molu mo mpoʼ mɨmɛh ɛ. Nye a bɛa ó be, duho é l'etɔɔrʉ. Bɨh bé a si joʼo twii we, bee nteme nye e mih mɨh. Nye ó mʉr bɨh bé a siŋle, waa mobo mɨh, mé a bobo e

1 Yʉanes 1:1 ပူးပေါင်းရင်းမြစ်များ

Yʉanes 20:27

Nye e Thomas ó: «Ntaá nzě lâʼ diné yô wâ. Jwɛ́ʼɛ́ɛ́ mékœ́h mâm. Swamaǎ mbó gô ɨ́ mpah yâm. Go e gwáʼ mésónó. Go e dí mbûʼla.»

Mɨlʉmlʉ 4:20

Yé abe e sá dí e nkul ebá sâ ó, bɨ̌h káraa elɛ́ɛ̌ sá bɨ́h á bee le ejóʼo yɨ́.»

1 Yʉanes 4:14

Mɨná bɨ́ bee gá sá mɨ́ná tʉ́tó gá le eboʼlo yɨ́. Mboʼlá gá wɨ́ná, wé ó wɨ̂: Dâ Nzyɛ̌m á ntɨh Mwân wé ó, nye díʼee Tiʼbʉr ɨ́ sí yɨ̂ʼ yɨ́yɛ̂h.

Yʉanes 5:26

Ebě, jwɨʼ gwár mpʉ̌ Nzyɛ̌m Sɔ́ŋ dí e twǐʼ njʉ̌m dǐ ɨ́ nye mʉr tɨ̂ʼ yɨ́, nó ntémé ó nyé á sâ ó, Mwân díʼee e twiʼ yaá.

Lʉkas 24:39

Jwɛ́ʼɛ́ɛ́ gá mebô ndu e mekʉ̌ mâm. Gʉ́ŋáá gá ó, yé ó me. Bóbáá gá me. Bɨ̌n gʉ́ŋaa tyeetye ó, yé ó me. Ndîm, wé abe e bipúno e bidwehé, bisá bɨ́n dí ebee mé e byé bî.»

Yʉanes 8:58

Yésʉs, nye e bé ó: «Mě lɛ́ɛ́ bɨ́n lɨ́ otyeetye ó, Abraham dína apǎ byɛ̂l, mɛm á boo be ó Me-ó-tɨ̂.»

Mɨngwiha 1:8

Dâ Nzyɛ̌m, nyě lɛ́ɛ́ ó: «Me ó dí waá esôʼ ndu e waá epíhe. Me waá á boo be, waá dína, ndu e waá ngá nze nyá. Me ó dí Nzyɛ̌m nkul nyɨnyɛ̂h.»

Yʉanes 19:35

(Mʉr dí eboʼlo bísyɛ́ɛla bínɨ̌ nyá, nye ó mʉr á bě sí kʉ́ bee byé nyá. Sá nyé dí eboʼlo yɨ́, yé kʉ́ be ó tyeetye. Nye ntémé, nye lɨ́ egʉ́a ó, nyě lɛ́ɛ́ ó otyeetye, ó bɨ̌n bûʼlaa.

Mɨlʉmlʉ 1:3

Jɔʼ nyé á sil esia e mitúú, ntɔ̂ʼ dwe yɨ́, nye nzě pah, duho lɨ́ odwe, nzě lɛ̂ʼle bʉ̂r o mílʉ́mlʉ́ bé nyʉ̂l nyé e nzɨ̌ bijwɨʼ ɨ́ buo buo, ó bé gʉ́ŋaa tyeetye ó, nye á kʉ be ó kublakúbla. Ɨ́ melû mekám ménâ maá, bé e boo nɔ́ɔ́ ó b'á bɨbe. Nye á lɨlɛ́ɛ bé ó, milɔ̌b mi Mpóʼo mé Nzyɛ̌m.

Mɨngwiha 19:13

Nye á bubwâr ó, kán wé á pa dubɔɔ ɨ́ metié wɨ́. Bé lɨ́ ejébe nyé díe ó, «Lwǐb mé Nzyɛ̌m.»

Mɨngwiha 2:8

«Cɛmaa mékaná ntémé éngeles dí edwéelě Mbɛ̌r-Nzyɛ̌m, waá dí ɨ́ Smírna wɨ́ nyá. Lɛ́yɨ́ɨ́ nyé ó: Waá dí mʉr esôʼ ndu e waá epíhe, waá á dwe, báʼǎ pah nyá, nye lɨ́ elɛ́ɛ bɨ́n ó:

Lʉkas 1:2

Byé á cɛmɔɔ ó mpʉ bʉ̂r o b'á be tɨ̂ʼ bá, bé á kala mɨná lɔ́ɔ́ bísyɛ́ɛla bé á bee e míh mɔ́ɔ́ ɨ́ menyɛ̌l bí. Bé ntémé mû báánâʼ ó, oboʼlo o tɨ̂ʼ le osyɛ̂l o mésâ ó lɔ́ɔ waá.

Mɨngwiha 1:11

Nye e me ó: «Sá gó mû lɨ́ ebee yɨ́, go e cɛ́má yé ɨ́ mekaná. Gó otyen mé ɨ́ bʉr ó Mbɛ̌r-Nzyɛ̌m dí ɨ́ binkana nzaangbá bi dí Éfɛsɔs, Smírna, Pɛ́rgamos, Teatîr, Sárdɛs, Filadɛ́lfia, ndu e Laodiséa bí.»

1 Yʉanes 5:7

Tó kœb ó, bisâ bi dí eboʼlo ɨ́ lɔ̌b Mwân mé Nzyɛ̌m bí, byé ó bilɛ̂l:

Ebrœ̂ 2:3

Mɨná gá bɨɛ bé á be ó sí ntɨhɔɔ̌ lɔ́ɔ́ twiʼ dí elaa mpáŋla bééngeles bé á túno nyɨ́. Mʉr á nyɛɛ lɛ́ɛ lɔ́ɔ waá nyá, á be ó Tî Yésʉs mʉr tɨ̂. Ntémé, bʉr o b'á jóʼo nye bá ó b'á lɛ́ɛ mɨná gá ó, wé ó lɔ́ɔ dí e nkul wɨ́. Á nó, mɨ́ná ópyêh wé nó, mɨná bé okǎ swab gá nkoó?