1 Timotɛ 6:9 - Kálar Nzyɛ̌m : Ejwán é Sáá

⁹ Tó kœb ó, bʉr o b'á tíʼe ɨ́ milémé myɔ́ɔ́ ó, bé óbi bísâ ɨ́ buo buo bá, bé lɨ́ eduma ɨ́ mebʉ́blá. Bé lɨ́ eswam bé bʉr o tɨ̂ʼ enkɔ́máá ɨ́ twíí. Bé lɨ́ emɛ́rɔɔ ɨ́ mpila bígwɨ́má ɨ́ buo buo. Bʉr o dí edû bígwɨ́má byaá bá, bé dú ó, sá dí ajwɨ̂ʼ yɨ́, le yaá dí edulo mítúú ɨ́ nyʉ̂l mʉr yɨ́. Bé e mbi bígwɨ́má dí edímle mʉ̂r, le ejʉ̂ nyé wɨ́.

Kálara Zyɛ̌m Edwán é mpʉ̌n

⁹ Bʉr, bé a tiʼe é mɨleme myɔɔ ó, bé bi ó bɨsa twiha ɛ, bé eduma é mobʉbla. Bé efwam bé bʉr o tɨʼ koko é twii. Bé emɛrɔ é mpila bɨgwɨma é buobuo. To kœb ó, bʉr o ndɨ edu bɨgwɨma byaa ɛ, bé edu ó, sa ndɨ ajwɨ̂ʼ ba, yaa ndɨ edaʼre mɨtuu é nyʉl ɨ. Bé e mbi bɨgwɨma ndɨ edimle mʉr ndwe le ejʉ nye e,

1 Timotɛ 6:9 ပူးပေါင်းရင်းမြစ်များ

1 Timotɛ 3:7

Nó ntémé ó, nyé dí ejala le edweŋɔɔ̌ dúu kwá ohááden yɨ́, ebě, nyé bíl ɨ́ meboʼo mé sɔ́ŋ meleme nó, nye ámû jaá sɔ́ma ɨ́ míh mɔ́ɔ́.

Mɨlʉmlʉ 8:20

Pétrus nyɨɛ nzě kǎ lɛ́ɛ e né ó: «Bɨ̌n e mɔnɨ́ yô bɨ́bɛ̂h dímɨɨ ɨ́ jɔʼ gwár, ebě, go sí bánǎ jwɨʼ ó, ndwéá mé Nzyɛ̌m, wé sá ó bwámɔɔ e mɔnɨ́.

Mataos 13:22

Nyʉ́ʉ́ ntémé nwɨɨla ó e mpeʼ yé á kur lɨ́ mindwínɨ́nɨ́ yɨ́. Nye á si kʉ jóʼo Mbɨambɨa Lɔ́ɔ. Sâ gwár, mitúú mí sí le gwɨ́má ókúm le ogbaa, byé á si dímle nye ɨ́ nzɨ̌ mikóo myɔ́ɔ́, ntɔ̂ʼ kâʼ Mbɨambɨa Lɔ́ɔ, wé l'akǎ tô dóló.

Yʉ̂d 1:11

Nkoó, nye ó e bʉr baá! Ebě, bɨ́ dû nzɨ́ Kayɨ̂n á kar nyɨ́. Bé á si dîm, lɨ́ edû nzɨ́ mikóo mé Balâm, ebě, bé á gwɨ̂m ó myɛ́na. Bé á ka to dwe ó mpʉ bʉ̂r ó Korê bé á dwe ɨ́ jɔʼ bé á gbɔba e Moyɨ̂z yɨ́.

2 Pyɛr 2:3

Bibɨ́bla bí ólɛ̂ʼla byaá, byé ókûhlo bíkɨkɛna lɨ́ edû gwɨ́má ébi bísâ. Byé onze le egwâm bɨ́n bisâ. Sâ gwár, boó táarě kɔ́m, Nzyɛ̌m, mʉr pá dí Tîʼ milɔ̌b wɔ́ɔ́ nyá, nye mû ó ɨ́ cǎr lɨ́ edwe byé bintɨ́ʼá ɨ́ milɔ̌b myɔ́ɔ́ nyé á boo tíʼe mí. Mʉr ngá dwe byé bébebébe bintɨ́ʼá waá, jʉ̂ byé nyá, nye ɨ́ doho ɨ́ mpʉ̂n nyɔ́ɔ́.

Éfɛsɔs 4:22

Bɨ̌n e túmó koo e kʉ̌ tyen myâ wɨ́n, myǎh njʉ̌m nyʉ̂l bɨ́n á nyɛɛ be e né nyɨ́. Bigwɨ́má bí njʉ̌m nyʉ̂l nyaá, byé lɨ́ edímle bʉ̂r ɨ́ nzɨ̌ mikóo myɔ́ɔ́, tyen bé lɨ́ eswie.

Markus 4:19

Sâ gwár, mitúú mí sí le gwɨ́má ókúm le ogbaa, byé á si dímle bé ɨ́ nzɨ̌ mikóo myɔ́ɔ́. Bé lɨ́ ebuú tyel mílémé kʉ́ lɨ́ ebi e bísá bí sí yɨ̂. Bisâ byaá, byé ntɔ̂ʼ kâʼ Mbɨambɨa Lɔ́ɔ, wé l'akǎ gúm tô dóló.

Mataos 26:15

Nye ó: «Bɨ̌n bé ódwe mé yé, mé bɛ́má bɨ́n Yésʉs nó?» Bé ntɔ̂ʼ kɛʼ nyé minzaŋ mí mɔnɨ́ mekám mélɛ̂l.

Mataos 19:22

Jɔ̌ʼ loʼo yaá, yé á jóʼo yalá yaá yɨ́, yé ntɔ̂ʼ búla ɨ́ twíaaa e metyɛʼ me nyʉ̂l, ebě, yé á bě e l'okúm le ogbaa le ombeʼ o nyʉ̂l.

2 Timotɛ 2:26

Bʉr o dí ɨ́ mpila mé sɔ́ŋ meleme bá, bé ó lɨ́ bi ó, bé sâʼ mpʉ nyɨ́ɛ dí egwɨ̂m yɨ́. Sâ gwár, otyeetye mé Nzyɛ̌m, wé óbɛ̌m sâ ó, bé dúhaa ɨ́ mpila yaá.

1 Timotɛ 1:9

Mɨná bé lɨ́ egʉ́a ntémé ó, metié maá, mé á bé atyélɔɔ lɨ́ esú lé ótîtyěl ó bʉ̂r. Mé á tyélɔɔ ó, lɨ́ esú é bʉ̂r bâ: ogbah o métié, baá o dí egbɔba le otyɛ̂b bé ésôʼ bɔ́ɔ́ bá, minjéʼe-Nzyɛ̌m, osyɛ̂l o mísyóm, bʉr o dí esâ Nzyɛ̌m nkěh bá, baá o dí agúmo e Nzyɛ̌m bá, ojʉ̂l bé ósɔ́ŋ, ojʉ̂l bé ónyɔ̌ŋ, le ojʉ̂l o bʉ̂r,

Lʉkas 21:35

Móhó waá, wé ópyâl bʉ̂r bɨ́bɛ̂h o dí ɨ́ sí yɨ̂ʼ bá.

Mataos 6:19

«Amâʼ gá okúm le ogbaa wɨ́n ɨ́ sí yɨ̂, gúmó óswôʼ le myámnkɛ̂l dí endáma bísɔ̂ʼ, mindíblʉ̌ bʉ̂ mébê le edíbe yɨ́.

Lʉkas 12:21

Yésʉs, nye e bé ó: «Mʉr dí ekomo mébi mé lɨ́ esú lé, nye mʉr tɨ̂, nyɨɛ yɨ́ɛ ántéʼenteʼe mʉr ɨ́ míh mé Nzyɛ̌m nyá, nye ó mpʉ mʉ̂r waá.»

1 Timotɛ 6:10

Ebě, enkpɔɔ é mɔnɨ́, lé ó etín é bísá bí ébébe bíbyɛ̂h. Tó kœb ó, bʉ́ʉ́ bʉ̂r ó sɔ́má gá yɨ́ná, bé á be ɨ́ nyɛɛ́ bûʼlǎ Nzyɛ̌m, bé ntɔ̂ʼ kǎ lʉ́ŋa ɨ́ bɨ́ bígwɨ́má. Bɨ́ dîm. Bé mû ó sí dyɛ̂l ɨ́ nzɨ̌ swîh. Nó ɨ́ báánâ, bɨ́haá, bé mû ó sí dulo mítúú ɨ́ buo buo ɨ́ menyʉ́l mɔ́ɔ́.

1 Timotɛ 6:17

Lɛ́yɨ́ɨ́ óbil o bísâ ɨ́ jɔʼ yɨ̂ʼ ó, bé sá ankɛ́ɛ ményʉ̂l. Bé sá adyɛ̂ʼwo le okúm le ogbaa wɔ́ɔ́, ebě, mbi ókúm wɔ́ɔ́, wé abe lɨ́ ebea. Milémé myɔ́ɔ́, myé lónaa ɨ́ mpûʼla ɨ́ lɔ̌b mé Nzyɛ̌m, nyɨɛ mʉr dí epǎ dwe mɨ́ná gá bisá bíbyɛ̂h ɨ́ ntʉʉʉ́ nyá. Nyě sá nó ó, nye gbâʼ mɨná gá bisʉhʉʉ ɨ́ miléme.

Títos 2:12

Mpam mé Nzyɛ̌m nyaá ó dí etɨ́e mɨ́ná nzɨ̌ ó, mɨná bírɨɨ gá twiʼ dí ɨ́ bébe yɨ́, ti e bigwɨ́má bí sí yɨ̂, lɨ́ esú lé étíʼě twiʼ pɔ̂hlʉ milɔ̌b. Twiʼ yaá ó dí tîtyěl, yaá dí edû mpʉ̌ Nzyɛ̌m dí ekpɛl yɨ́.