1 Timotɛ 6:4 - Kálar Nzyɛ̌m : Ejwán é Sáá

⁴ Nyɨɛ ntémé agʉ́ǎ sɔ̂ʼ. Nyě le ekpaa. Ekpaa laá, lé nyɨ́n ó, ɨ́ jɔʼ nyé dí edo e bʉr, le egœ́a ɨ́ lɔ̌b mílɔ́ɔ yɨ́. Sá dí eduho tɨ̂ʼ yɨ́, yé ó: nzwíí, megô, nkěh e Nzyɛ̌m, tómlá.

Kálara Zyɛ̌m Edwán é mpʉ̌n

⁴ Nyɛɛ nteme agʉa sɔʼɔ. Nye dina ó lé ekʉ syɛb. Esyɛb le, lé ó lɨ: nye ekpɛl ó, njɨ epɨra mokan, le ekpɛl nteme mogo é lɔb mɨlɔɔ. Sa lé eduho tɨʼ, yé ó: zii, mpɔʼa monkɔm, movoʼ, ndwe e bɨbuʼa.

1 Timotɛ 6:4 ပူးပေါင်းရင်းမြစ်များ

2 Timotɛ 2:23

Diʼeě e mpaŋ ncɛ́rá e bʉr o dí egœ́a mpʉ bígʉʼlʉgʉ́, nkʉ̂ baá o dí abe lɨ́ enʉa mílɛ́ʼlá bá. Go ɨ́ jala le egʉ́a ó, milɔ̌b myaá, myé jaá byâ sɔ̂ʼ ó njɨ bitɔm.

2 Timotɛ 3:4

Bé óbɛ́ma bʉ̂r ó njoo yɔ́ɔ́. Bé ósâ bísyɛ́ɛla bíbyɛ̂h ó, apǎ nyɛɛ́ pahle. Bé óbuú nkɛ́ɛ ményʉ́l mɔ́ɔ́. Bé ójaá kpɛl ó, njɨ bisyɛ́ɛla ményʉ́l mɔ́ɔ́ dí ebuú gwɨ̂m bí, akpɛlɔɔ̌ Nzyɛ̌m.

1 Timotɛ 3:6

Nyé ajala le ebe mʉ̂r alúno dwirǎ léme, nî ɨ́ búʼó nyá. Yé ámû jaá sâ ó, nye nkɛ́yɨɨ nyʉ̂l. Nyé odumǎ mpʉ̌ sɔ́ŋ meleme á duma yɨ́. Nyé osia e bintɨ́ʼá bimpwár ntémé sɔ́ŋ meleme á sia e byé bí.

Yʉ̂d 1:10

Bʉr baá bɨ́ɛ ntuhlo ó, sá yɨ́yɛ̂h bé dí agʉ́a yɨ́. Yaá bé dí egʉ́a yɨ́ yɨ́ɛ, yé lɨ́ edímle bê. Sá ngwɨ́á yɔ́ɔ́ yaá, yé antaǎ bím ótír ó dwǐʼ dí egʉ́a bísɔ̂ʼ yɨ́.

2 Pyɛr 2:12

Bibɨ́bla bí ólɛ̂ʼla byaá, byé sɨ́sá sá bé dí agʉ́a yɨ́ nkěh. Byé ó kwahaá mpʉ ótír ó dwǐʼ, lúʼo pɨ̂ʼ. Tó kœb ó, tír jaá byɛ̂l njɨ ó, nye mɛ́rɔɔ. Nyé ojʉ́ŋɔɔ. Jwɨʼ gwár e gwár yaá ó bʉ̂r baá, bé ópɛʼɔɔ médwôʼlʉ yɨ́. Bé ódwe ó, bé dína lɨ́ ekʉ́ sâ bísyɛ́ɛla mélwaʼwo bé á bu kpɛl bí.

2 Timotɛ 2:14

Símsáá bʉ̂r milɔ̌b mî: go e gbá bé mpéné ɨ́ míh mé Nzyɛ̌m ó, bé ayɨ́ kǎ gœ́a njɨ ɨ́ lɔ̌b mékǎn. Megô maá, mé abe e nyɔm. Mé ámû ndáma bʉ̂r o dí ejóʼo mégô maá bá miléme.

Yʉ̂d 1:16

Bʉr baá, bê ɨ́ jɔʼ yɨ́yɛ̂h ó, lɨ́ elwib ɨ́ bébe bébe dumo e Nzyɛ̌m. Bê ɨ́ jɔʼ yɨ́yɛ̂h ó, lɨ́ etítíne nkɔ̂b nyé dwídwé bé nyɨ́. Bé jaá dû ó, njɨ bigwɨ́má byɔ́ɔ́. Bé lɨ́ elwib bílwǐb bí jáálé. Bé lɨ́ edwáawo bʉ̂r mempǒm, bɨ́ɛ lɨ́ egʉ́a ó, bé e nkul edira wɔ́ɔ́ nyɔm tɨ̂.

2 Pyɛr 2:18

Bé lwilwib ó e mekǎn mé jáálé, maá me dí dwêh má. Ɨ́ nzɨ̌ bigwɨ́má ményʉ́l mébomo mɔ́ɔ́, bé lɨ́ edulo bʉ̂r o bé alúno syɛb ményʉ́l mɔ́ɔ́ ɨ́ sɔ́má bígʉʼlʉgʉ́ bá.

1 Timotɛ 1:7

Bé gwɨ́m ó, bé díʼee olɛ̂ʼla o métié, bɨ́ɛ yɨ́ɛ agʉ́ǎ sá túʼ bé dí elɛ́ɛ yɨ́, nkʉ̂ pʉgʉ́ bá gʉ́a mílɔ̌b bé dí eboʼlo mí.

1 Timotɛ 1:4

Go e lɛ́ɛ́ bé ó, bé ayɨ́ dû nzɨ́ bikɨkɛna. Bé sá ajóʼo ólɔ́ɔ o bíntán ó mímbɛ̌r mi bʉ̂r, sá dí abe le odumo yɨ́. Bisâ byaá, byé dulo ó nzyɛ́ɛ́lá mecwíí. Ɨ́ páʼ mé Nzyɛ̌m, byé abe e nyɔm. Mɨná nyɨɛ́ lóŋló syɛ́ɛ́ yé ó, ɨ́ nzɨ̌ búʼó yɨ́ná.

Jacques 1:19

Bɨ́ɔɔ́ bâm! Okɛ́l bâm, bʉr mé dí ekpɛl bá! Gʉ́ŋáá gá ó: mʉr, nye ɨ́ jala le ekpâhwǎ jóʼo, sâ gwár, akpâhwǎ lwib, akpâhwǎ kpaa ébúʼ.

Títos 3:9

Diʼeě e mpaŋ ncɛ́rá e bʉr o dí elwib bísá mílɔ̌b mi dí abe e nyɔm, le myaá dí dwêh mí. Bé lɨ́ edǒ mpʉ bígʉ̌, le epére mékǎn, lɨ́ edǐ gʉ́ǎ lɔ̌b lɔ́ɔ́ ntán wɔ́ɔ́. Bé lɨ́ ekpɛl égœ́a e bʉr, ti e l'esâ míngamla ɨ́ lɔ̌b métié mé Nzyɛ̌m.

Mɨlʉmlʉ 15:2

Nó ó Pɔ̂l, bé e Banabâs, bé á be ó lɨ́ ebuú pére mékǎn e bê, le edoŋɔɔ. Bê nzě kǎ tíʼe ó, Pɔ̂l, bé e Banabâs ti e bʉ́ʉ́ bʉ̂r ó Antiôs, bé tôʼ Yerʉ́zalɛm, tó kœb bʉ̂r o mílʉ́mlʉ́ mé Yésʉs, bé le otyɛ̂b bé ésôʼ ó Mbɛ̌r-Nzyɛ̌m, ó bé báʼa tó timlě lɔ̌b waá gʉ̂.

Mɨngwiha 3:17

Bɨ̌n bé lɨ́ elɛ́ɛ ó, bɨ̌n bé le okúm le ogbaa le ombeʼ o nyʉ̂l. Bɨ̌n bɨɛ, bé agʉ́a ó, lɨ́ otyeetye, bɨ̌n bé ó bʉr o dí ɨ́ buú kpaa nkóó bá, ndu e bʉr o métɨʼla. Bɨ̌n bé ó baántéʼenteʼe o bʉ̂r, baántím, misuswáh.

2 Tesalonika 2:4

Nye ólwímla e sá yɨ́yɛ̂h dí ejébɔɔ ó «Nzyɛ̌m» yɨ́. Nye ólwímla e bisá bíbyɛ̂h bi dí edweŋɔɔ̌ dúu bí. Nye ósûʼlǎ nʉǎ diá kûm ɨ́ mpáh Nzyɛ̌m tʉ́ŋlʉ̌, túno ɨ́ kpɛŋlɛm ó, nye ó Nzyɛ̌m.

Kolosi 2:18

Mpʉ bɨ́n di ajɔr ményʉ̂l ɨ́ míh bééngeles, nkʉ̂ dwáawo bé yɨ́, mʉ̂r dwé bɨ́n mebě me mpéne, duho tɨ̂ʼ nó, anʉa gá lwǐb yé, gbâ ɨ́ nkɔb. Bisá bé dí ebee lɨ́ esimá bí ó bé dí enʉa, gbâ ɨ́ nkɔb. Mimbi mi bʉ̂r myaá, myé ó lwɨ́ŋlá e nkɛ́á nyʉ̂l. Bé nkɨ́nkɛ́ɛ́ ményʉ́l mɔ́ɔ́ ó, dwêh, ebě, bijwɨʼ byɔ́ɔ́, byé jaá duho ó, njɨ ɨ́ nkul misyóm myɔ́ɔ́ tʉ́ŋlʉ̌.

Filipi 2:14

Sáʼ gá sá yɨ́yɛ̂h abe e ntʉ̌, nkʉ̂ mpɨ̌r!

Filipi 2:3

Apɨra gá páʼ nyɨ́n. Ankɛ́ɛ gá menyʉ̂l páʼ nyɨ́n. Mʉr nyɨnyɛ̂h, nye dwêʼ bʉ́ʉ́ bʉ̂r dúu, laǎ mpʉ nyé dí ebee nyé mʉr tɨ̂ʼ yɨ́.

Filipi 1:15

Yê tyeetye ó, bâʼ bʉ̂r, bé lɨ́ etúnǒ lɔ́ɔ́ mé Krîst ɨ́ lɔ̌b nzwíí, bɨ́ɛ lɨ́ edǐ pɨra e me, ebě, bé kpɛl ó, bé lwíbɨɨ, laa mê. Bʉ́ʉ́ bʉ̂r bɨ́ɛ tútúnó wé ó e mpǎŋ gwɨ́má.

Galásia 6:3

Ebě, nɛ́ɛ: nyʉ́ʉ́ mʉ̂r bé lɨ́ ejwɨʼ ó, nye ó mpǎŋ sɔ̂ʼ, nyɨɛ yɨ́ɛ abě mpaŋ mʉ̂r nó, mʉr waá, nyě dímlé ó, nye mʉr tɨ̂.

Galásia 5:26

Mɨná bé ayɨ́ nkɛ́ɛ gá menyʉ̂l gá mɨ́ná. Mɨná bé ajala le egbâ gá bʉ́ʉ́ bʉ̂r ebúʼ ɨ́ miléme. Mɨná bé ajala le egwɨ̂m gá bisá byé onkán.

Galásia 5:15

Sâ gwár, bɨ́n ókoʼla, le etɛ̂l páʼ nyɨ́n mpʉ ótír ó méntwǐʼ dí esâ yɨ́ nó, bɨ̌n e bâʼ. Bɨ̌n bé ámû síe lɨ́ ejwɨ́ɨla páʼ nyɨ́n.

2 Korɛnt 11:20

Bɨ̌n bé lɨ́ ebánǎ dûhwo mʉ̂r dí emɛ̂r bɨ́n lɨ́ okómó nyá. Bɨ̌n bé lɨ́ edûhwo ntémé mʉr dí ede bípúnó bín nyá, le waá dí esa bɨ́n nyá. Bɨ̌n bé lɨ́ edûhwo mélɛ́ɛ́-nyʉ̂l, le mʉr dí eŋmɛ̂h bɨ́n mempɛ̂h nyá.

1 Korɛnt 11:18

Sá ésôʼ, yé ó, ɨ́ jɔʼ bɨ́n dí esâ bígwɨ́hlá bí Mbɛ̌r-Nzyɛ̌m bín yɨ́, bé lɛ́ɛ́ mé ó, bɨ̌n bé lɨ́ esâ mpɔ́ʼá menkɔ̌m. Nó ó, me lɨ́ ebúʼla gúú páʼ lɔ́ɔ waá.

1 Korɛnt 11:16

Mʉ̂r sí gwɨ̂m étô dóló le edo e bɨ̌h ɨ́ lɔ̌b waá nó, nye gʉ́ŋaa ó, bɨ̌h e bʉr ó Mbɛ̌r-Nzyɛ̌m bɨ́bɛ̂h, bɨ̌h bé abe e tum swîh.

1 Korɛnt 3:18

Mʉ̌r sá alêh. Mʉ̂r ɨ́ sɔ́má yɨ́n sí láa ó, nye ó twóó ɨ́ nkǒ páʼ bísá bí jɔʼ yɨ̂ʼ nó, nye nyɛ́ɛ dǐ gʉ̌. Nyé okǎ bi ócwóó ómpâ ɨ́ jɔʼ yaá.

1 Korɛnt 3:3

ebě, bɨ̌n tiʼe ó mpʉ bʉ̂r ó sí yɨ̂. Bɨ̌n bé lɨ́ esâ nzwíí le egœ́a páʼ nyɨ́n. Nzê bɨ̌n bé abee náǎ ó, bɨ̌n dína ó, lɨ́ ekʉ́ tiʼě mpʉ bʉ̂r ó sí yɨ̂ʼ ɛ̌? Bɨ̌n bé lɨ́ ekʉ́ dû kʉ̌ tyen bʉ̂r ó sí yɨ̂!

Rôm 14:1

Beŋlaa gá mɨ́ɔɔ́ dína apǎ nʉa pîm ɨ́ búʼó nyá. Búʼó yé le yaá yɨ́n, byé ósyɛ́ɛla nó, apére gá mekǎn e né ɨ́ lɔ̌b bwá mílɔ̌b mi dí epahlɔɔ mímbi mimbi tʉ́ŋlʉ̌ Mbɛ̌r-Nzyɛ̌m mí.

Rôm 13:13

Mɨná, bʉr o dí etye ɨ́ móhó bá, mɨná tíʼaa gá mpʉ dí ejala yɨ́. Mɨná bé ayɨ́ lɔ̂ʼwa gá lɨ́ ede méde, nkʉ̂ puro ményoʼ, nkʉ̂ lœʼ ményʉ́l gá mɨ́ná ɨ́ nzɨ̌ bijoó, nkʉ̂ sâ bímolá nzam le ekomo. Mɨná bé ayɨ́ kǎ gœ́a páʼ gá nyɨ́ná, nkʉ̂ síila páʼ gá nyɨ́ná.

Rôm 12:16

Diʼee gá twíí páʼ nyɨ́n. Asâ gá enkɛ́ɛ́ é nyʉ̂l. Séáá gá mbǐ syɛ́ɛ́ yɨ́yɛ̂h, yé damá bě mbi syɛ́ɛ́ dí aláŋɔɔ ɨ́ nkɔb yɨ́. Ajwɨʼ gá ó, bɨ̌n ó dí ocwóó.

Rôm 2:8

Bʉ́ʉ́ bʉ̂r, bé lɨ́ epɨra páʼ nyɔ́ɔ́. Bé akam ótyeetye. Bé jaá dû ó, njɨ kʉ̌ tyen ónzyɛ́h ónzyɛ́h. Bɨ́haá, bé ó baá Nzyɛ̌m óbuú lɛ̂ʼle nkpáa nyé bá.

Mɨlʉmlʉ 18:15

Mpʉ yé mû lɔ̌b mégô, dumo e milɛ́ʼlá, ndu e míe, ndu e metié mɨ́n yɨ́, byé kǎ dwɛ̂ʼ náǎ ó, bɨ̌n bʉr o tɨ̂. Mé abe e nkul etíʼe mílɔ̌b mi dí nó mí.»

Mɨlʉmlʉ 8:9

Yé á be ó e nyʉ́ʉ́ mʉ̂r, díé lé Simon. Nye á boo didi ó, tɨ̂ʼ ɨ́ nkana yaá. Ɨ́ mimbú mí píhe, ɨ́ jɔʼ nyé á bɨbe lɨ́ esɨ̂sa mésimá mé ónkaa mé yɨ́, bʉr ó Samarî, bé á bɨbe ó lɨ́ ekâm nyê. Nye á be ɨ́ jɔʼ yaá ó, lɨ́ ekʉ́ buú nkʉ́na, le elɛ́ɛ ó, nyɨɛ nye ó mpaŋ mʉ̂r.