1 Timotɛ 6:1 - Kálar Nzyɛ̌m : Ejwán é Sáá

¹ Bʉr bɨ́bɛ̂h o dí bitúʼǎ bá, bé ɨ́ jala le eláa ójwɨ́ɨ́ bɔ́ɔ́ ó, bé ó ɨ́ sɔ́má bʉ̂r o jálá le edwáawɔɔ bá. Nó ó bʉ̂r ngá di, aswêʼ díé mé Nzyɛ̌m, nkʉ̂ lɛ́ʼlá mɨ́ná dí edwe bʉ̂r wɨ́ yɨ́.

Kálara Zyɛ̌m Edwán é mpʉ̌n

¹ Molʉa, mé ejala le enʉa omasa bɔɔ mpʉ bʉr bé lé ejala le edwaabe e. No ó bʉr nkʉʼ di, apyeh Zyɛm, nkʉ fœʼ bʉr o lé edu sikʉlʉ bɨna lé eyeʼle ga bʉr ɨ.

1 Timotɛ 6:1 ပူးပေါင်းရင်းမြစ်များ

Títos 2:5

Meséhe maá, mé dwêʼ menyʉ́l mɔ́ɔ́ medile, le ebaʼle ményʉ́l mɔ́ɔ́ lɨ́ esú mé Nzyɛ̌m. Mé séaa ɨ́ mimbɛ̌r myɔ́ɔ́, le ecwɨ́a e bʉr. Mé sâʼ ojʉ́m bɔ́ɔ́ mejóʼo. Sá tɨ̂ʼ ó bʉ̂r, bé óbe, akǎ pyǎ lɔ́ɔ́ mé Nzyɛ̌m yɨ́.

Rôm 2:24

Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: «Bʉr o dí abe ɨ́ kúl óYúden bá, bé sá Nzyɛ̌m nkěh ó ɨ́ lɔ̌b wɨ́n.»

1 Pyɛr 3:16

Sáʼ gá nó e njwɨr ɨ́ tala tala, ndu e bʉ́á. Mipahlá mílémé mín, myé díʼee njɨ myaá mi dí ɨ́ pyɛɛɛ mí. Bɨ́n dú mbɨambɨa kʉ̌ tyen ɨ́ Krîst, bʉ̂r kǎ swêʼ bɨ́n míe náǎ tɨ̂ʼ nɛ́ɛ: bé ósûʼlǎ kǎ jóʼo sôn, ebe bé dí bʉr o mélwɨ́ɨ.

1 Pyɛr 2:12

Diʼee gá e kʉ̌ tyen mpâ témé ohááden. Bé damá swêʼ bɨ́n, nkʉ̂ lɛ́ɛ ó, bɨ̌n bé ɨ́ bébe, bé óbánǎ bee bísyɛ́ɛla bimpâ bɨ́n dí esâ bí, ntɔ̂ʼ dwě Nzyɛ̌m kûm tɨ̂ʼ ɨ́ móhó nyé ónze mɨ́ná gá ɨ́ menɔɔlʉ wɨ́.

Galásia 5:1

Krîst á pɛʼ mɨná gá ɨ́ dǐ ótúʼǎ ó, mɨná díʼee gá onzyɛh o bʉ̂r. Nó ó, gbáʼ gá nkul lɨ́ ebaʼlě dǐ yɨ́n yaá. Mʉ̌r sá akam ó, nye bâʼlaa di ɨ́ dǐ ótúʼǎ.

Mɨlʉmlʉ 15:10

Á nó, bɨ̌n kǎ bóblǒ Nzyɛ̌m báánâʼ ɨ́ yé ɛ́? Bɨ̌n bé lɨ́ edǐ gbâ ómpʉ́n baá mbeʼ ɨ́ dile dile ɨ́ koo, abe ó bimpám gá bíná, nkʉ̂ mɨná gá bʉr o tɨ̂ʼ bɨ́ɛ, bé á si koʼo wé lɨ́ enkɛ́ɛ.

Mɨlʉmlʉ 10:22

Bé ntɔ̂ʼ yala ó: «Kapitɛ̂n Corneille ô lómó bɨ́h. Nye ó tîtyěl mʉr, dí ebuú dwáawǒ Nzyɛ̌m nyá. OYúden bɨ́bɛ̂h, bé lɨ́ esêʼle nyê. Nyʉ́ʉ́ éngeles dí ti nyá, á tɨ́e nye ó, nye báŋlaa go, go tô pyâl kwá nyé, nye jôʼlaa sá gó ngá lɛ́ɛ nyé yɨ́.»

Mɨlʉmlʉ 10:7

Jɔʼ éngeles á laa, tô yɨ́, Corneille ntɔ̂ʼ jébe ósyɛ̂l o mésá bé obá, ndu e yʉ́ʉ́ sója ɨ́ bisója byé á sɨséa e né bí. Sója yaá ntémé á be lɨ́ edwáawǒ Nzyɛ̌m.

Lʉkas 17:1

Nó ó Yésʉs á nze lɛ́ɛ le ompʉ́n bé ó: «Yé óbe ɨ́ jɔʼ yɨ́yɛ̂h ó e mebɔ̌ʼ mé óbɨma bʉ̂r ɨ́ miléme ó, bé sâʼ ebébe má. Nkoó, nye ó e mʉr ngá gbâ bʉ́ʉ́ bʉ̂r mebɔ̌ʼ maá nyá!

Mataos 11:30

Ebě, jwɨ́ɨ́ yâm, yé anyan. Mbeʼ wâm, wé adile.»

1 Timotɛ 5:14

Sá tɨ̂ʼ ó mé dí ekpɛl ó, mikúhó mí bʉ́bá dína mempɨ̂h mí, myé tôʼ ɨ́ mebâ yɨ́. Myé nkʉ̂ byâ bwân, le ebaʼle mímbɛ̌r myɔ́ɔ́. Myé ayɨ́ dwe bʉ̂r o dí elwímla e mɨná gá bá jɔʼ dí ó, bé swéʼee díé é sɔ́má gá yɨ́ná yɨ́.

1 Korɛnt 10:32

Tiʼaa gá, mbi dí ó, bɨ̌n bé ákǎ sâ syɛ́ɛla ngá be ébɔ̌ʼ lé óbɨma óYúden le bʉr o bíkûl biswîh, nkʉ̂ ntɔ̂ʼ bʉr ó Mbɛ̌r-Nzyɛ̌m lɨ́!

Mataos 11:9

Á nó, bɨ̌n bé á to bee yé? Nzê ngwíha milɔ̌b mé Nzyɛ̌m ɛ̌? Eee, mě lɛ́ɛ́ bɨ́n ó: laa ngwíha milɔ̌b mé Nzyɛ̌m.