1 Timotɛ 5:9 - Kálar Nzyɛ̌m : Ejwán é Sáá

⁹ Go ócɛmǎ kúhó mʉ́má ɨ́ mekaná míé míkúho ó, waá mû e mimbû mekám mésaman wɨ́. Wé díʼee ntémé waá á be e njʉ̂m ngwár wɨ́.

Kálara Zyɛ̌m Edwán é mpʉ̌n

⁹ Go ótile mʉma die é kalara mɨkuho mɨ bʉba ó, waa mu e mɨmbu mowʉm tobo e. Kuho waa, wé beʼ nteme waa wé a baʼle njʉm ngwar ɨ.

1 Timotɛ 5:9 ပူးပေါင်းရင်းမြစ်များ

1 Timotɛ 3:2

Nó yé jɨ ó, waá dí epála bʉ́ʉ́ nyá, díʼee mʉr dí, abe e nkul edweŋɔɔ mébě nyá. Nye díʼee njʉ̂m mʉmá ngwár. Nyé ajala le ebe mʉ̂r dí ede ményoʼ, puro nyá. Nye dwêʼ nyʉ̂l nyé medile. Nye díʼee mʉr dí e dúu nyá. Nye díʼee mʉr dí enʉa ójwóo, waá dí egʉ́a édwe bʉ̂r milɛ́ʼlá nyá,

1 Timotɛ 5:11

Yé ókǎ be míkúho mi dína meséhe mí nó, acɛma míé mɔ́ɔ́ ɨ́ mekaná míkúho maá, ebě, bé gwɨ́m étô ɨ́ mebâ nó, bé ótúmǒ koo e Krîst, ntɔ̂ʼ tô ɨ́ mʉ́ʉ́ mébâ meswîh.

1 Timotɛ 5:14

Sá tɨ̂ʼ ó mé dí ekpɛl ó, mikúhó mí bʉ́bá dína mempɨ̂h mí, myé tôʼ ɨ́ mebâ yɨ́. Myé nkʉ̂ byâ bwân, le ebaʼle mímbɛ̌r myɔ́ɔ́. Myé ayɨ́ dwe bʉ̂r o dí elwímla e mɨná gá bá jɔʼ dí ó, bé swéʼee díé é sɔ́má gá yɨ́ná yɨ́.

1 Timotɛ 3:12

Diâkɔn, nye díʼee njɨ e mʉmá ngwár. Nye gwâ jwɨ́ɨ ntémé bwán bé, ti e mbɛ̌r bʉ̂r wé mbɨ̂mbɨá.

1 Timotɛ 5:16

Mbûʼla mʉmá óbe e mbyɛ̂l, kúho ɨ́ mbɛ̌r bʉ̂r wé nó, nye súʼaa kúho waá. Mbûʼla mʉmá sá antúŋlǒ Mbɛ̌r-Nzyɛ̌m e mbeʼ waá, ebě, Mbɛ̌r-Nzyɛ̌m jaá susúʼo míkúho ó, njɨ myaá mi dí ɨ́ ntɛ̂ʼ mí.