1 Timotɛ 5:8 - Kálar Nzyɛ̌m : Ejwán é Sáá

⁸ Nyʉ́ʉ́ mʉ̂r bé abaʼle mímbyɛ́l myé, kʉ́ buú be, baá ó mbɛ̌r bʉ̂r wé nɛ́ɛ: nye mʉr tɨ̂, nyɨ́ beně búʼó. Nye ɨ́ bébe, laa hááden.

Kálara Zyɛ̌m Edwán é mpʉ̌n

⁸ ǃƗ nuu mʉr kʉ sa ncɨr, bene lé ebaʼle mɨmbyɛl mye, kʉ bul be bʉr o mbɛr bʉr we nɛʼɛ, nye mʉr tɨ, nyi tumo koo e buʼo ga yina. Nye é bebe, laa mʉr ndɨ abe mbuʼla ɛ.

1 Timotɛ 5:8 ပူးပေါင်းရင်းမြစ်များ

Galásia 6:10

Ɨ́ mpʉ yé dí nó yɨ́, mɨ́ná bí gá epʉ́la e tɨ̂ʼ nó, mɨná gbâʼ gá nkul ó, mɨná cwɨ́aa gá e bʉr bɨ́bɛ̂h. Sâ gwár, kʉ́ buú cwɨ́a gá e bʉr ó Mbɛ̌r-Nzyɛ̌m gá wɨ́ná, dí bʉr ó búʼó gwár bá.

2 Korɛnt 12:14

Paá bee gâ: jɔʼ lɛ̂l mé múo nze gʉ̂ʼ kwá nyɨ́n ó yɨ̂. Nó ó, me ákóʼó gbâ bɨ́n túú ɨ́ nyʉ̂l, ebě, mé agwɨ̂m sɔ̂ʼ e bɨ̌n. Mě jaá gwɨ̂m ó, njɨ bɨ̌n bʉr o tɨ̂, ebě, ntʉ bwân jálá le esyɛŋ bísɔ̂ʼ lɨ́ esú lé ósɔ́ŋ bɔ́ɔ́. Osɔ́ŋ bɨ́ɛ ó jálá le esisyɛŋ bísɔ̂ʼ lɨ́ esú é bwán bɔ́ɔ́.

Títos 1:16

Bé sá ó, go ó, bé ɨ́ kpɛ̌l Nzyɛ̌m. Sâ gwár, bisyɛ́ɛla byɔ́ɔ́, bíɛ yɨ́ɛ lɨ́ elɛ̂ʼle ó, bé akpɛl nyê. Bʉr baá, bé ɨ́ lwaʼwo. Bé asâ méjóʼo. Ɨ́ bisyɛ́ɛla bimpâ bíbyɛ̂h mʉ̂r dí e nkul ebɛ̌m sâ bí, abe e syɛ́ɛla gwár bé dí e nkul ekoʼo ésâ.

Mataos 7:11

Bím bíbɨ́bla bi bʉ̂r bɨ́n dí nɨ̌, bɨ̌n pǎ nyɛɛ́ dwe bwán bɨ́n bisá bímpâ, á dwɛʼra e Sɔ́ŋ wɨ́n dí ɨ́ jʉ́o kʉ́ nyá! Nye ódwe bʉ̂r o dí egwâm nyé bá, laa náǎ.

2 Timotɛ 3:5

Bé ójaá dwidwě Nzyɛ̌m kûm ó, njɨ ɨ́ bikonó mínum byɔ́ɔ́. Tó kœb ó, bé ópɨpɨr ó, pɨrɨ́ɨ le ekɛ́la nkûl dí ɨ́ búʼó gá yɨ́ná nyɨ́. Bɨ̌n bé ayɨ́ be e ndwáala e mbi bʉ̂r waá.

Mɨngwiha 3:8

Me lɨ́ egʉ́ǎ sá bɨ́n dí esâ yɨ́. Me lɨ́ egʉ́a ó, bɨ̌n bé e bwá ó nkûl. Damá jóʼo nó, bɨ̌n bé á si baʼle lɔ́ɔ́ wâm. Bɨ̌n bé á bé akɛ́la mê. Jwɛ́ʼɛ́ɛ́ gâ, mɨ́ dib bɨ́n ebê, abe e mʉr dí e nkul ekamle bɨ́n lɨ́ enî tɨ̂.

Mɨngwiha 2:13

“Me lɨ́ egʉ́ǎ gúmó bɨ́n dí edi yɨ́. Tɨ̂ʼ ó dí diá jwɨ́ɨ́ mé Sátan. Bɨ̌n bé lɨ́ edyɛ̂ʼwo e me. Damá jóʼo ɨ́ jɔʼ bé á jʉ̂ Antipâs yɨ́, bɨ̌n bé á bé agwâʼ ésâ nó. Antipâs ó dí egwá boʼlo mílɔ̌b myâm. Nye ntémé, nye á be ó mʉr ebúʼlɔɔ. Sá tɨ̂ʼ ó bé á mɛ̂r nye ɨ́ sɔ́má yɨ́n, jʉ́ŋɔɔ nyé yɨ́. Tɨ̂ʼ ntémé ó dí odiá mé Sátan.

2 Pyɛr 2:1

Bibɨ́bla bí ógwíha o mílɔ̌b, byé á si pyâl ɨ́ mimbú mí píhe kwá bʉr o mé Nzyɛ̌m. Jwɨʼ gwár e gwár yaá ó, bíbɨ́bla bí ólɛ̂ʼla ngá báʼǎ nî ɨ́ sɔ́má yɨ́n yɨ́. Milɛ́ʼlá bé ódwe mí, myé ódulo mpɔ́ʼá menkɔ̌m ɨ́ bɨ̌n, le edímle bʉ́ʉ́ bʉ̂r. Byé óbánǎ kɛ́la Tyɛ̂b esôʼ gá wɨ́ná á táa mebyaʼ mɔ́ɔ́ nyá. Byé ódulo ébébe ɨ́ menyʉ́l mɔ́ɔ́. Lé ópyâl bé ó, metwɨrâ, ntɔ̂ʼ dímle byê.

Yʉanes 15:22

Yé bé me á bé anzě lwib e bé nó, lɛ́ɛ́, bé á bé agwá be e misyóm. Nó ó, ɨ́ báánâ, bé akǎ be e nkar ɨ́ lɔ̌b mísyóm myɔ́ɔ́.

Yʉ̂d 1:4

Bʉ́ʉ́ bʉ̂r, bɨ́ nî ɨ́ sɔ́má yɨ́n ɨ́ myaaa, bɨ̌n l'agʉ́a. Mekaná mé dí edwe bé mebě, le ekab bé bintɨ́ʼá má, mɨ́ boó cɛmɔɔ. Bɨ́ɛ bé ó minjéʼe-Nzyɛ̌m. Bé jaá gwɨ̂m ó, njɨ edirǎ nyɔm e mpam mé Nzyɛ̌m gá wɨ́ná, bé nkʉ̂ sâ bímolá nzam le ekomo. Bé ntémé, bé lɨ́ ekɛ́lǎ Yésʉs-Krîst. Nye omér ó dí Tyɛ̂b esôʼ le Tî gá wɨ́ná.

2 Korɛnt 6:15

Krîst, bé e Béelzébul, bé e nkul edi twíí wáǎ mbi? Nkʉ̂ ntɔ̂ʼ ó, wáǎ mbi nkɔ̂b mbûʼla dí e nkul ebi, bé e hááden jwɨʼ gwár nyɨ́?

Mataos 18:17

Nyé sí bene lɨ́ ejóʼo bɨ́n le onɔ́ɔ́ nó, gó otô e né ɨ́ Mbɛ̌r-Nzyɛ̌m. Nyé sí báʼǎ bene lɨ́ ejóʼo bʉ̂r ó Mbɛ̌r-Nzyɛ̌m nó, nye sûʼlaa di ɨ́ míh mɨ́n mpʉ mʉ̂r bikûl, nkʉ̂ ó mpʉ nwɨ́a mɔnɨ́ tœ́a.

1 Korɛnt 6:6

Nzê yé ɨ́ mbɨa ó, mɨ́ɔɔ́ e mɨ́ɔɔ́, bé tôʼ e lɔ̌b wɔ́ɔ́ ɨ́ mpǒm me lɔ̂b swîh, dí ntémé mʉr dí adyɛ̂ʼwo e Nzyɛ̌m nyá ɛ́?

2 Timotɛ 2:12

Mɨ́ná dúhwó gá mitúú nó, mɨná gá le onɔ́ɔ́ di ntémé ojwɨ́ɨ. Mɨ́ná kɛ́lá gá nye nó, nye ntémé kɛ́la mɨ́ná gâ.