1 Timotɛ 5:6 - Kálar Nzyɛ̌m : Ejwán é Sáá

⁶ Kúho dí etíʼe ɨ́ gwɨ́má bísâ wɨ́, wɨ́haá, wɨ́ boó dwe yé kɔ́m, damá be ó, wé dína ó lɨ́ ekubla.

Kálara Zyɛ̌m Edwán é mpʉ̌n

⁶ Guu mbi kuho nteme, wé ekpɛl nkul bɨtiʼ. Wiha, wi bɛa dwè, dam be ó, wé dina ó kʉ.

1 Timotɛ 5:6 ပူးပေါင်းရင်းမြစ်များ

Jacques 5:5

Bɨ̌n bé á tíʼe ɨ́ sí yɨ̂ʼ ó, ɨ́ mepwaʼ, lɨ́ ejaá sáǎ njɨ elóŋlǒ gwɨ́má bísâ. Bɨ̌n ntémé bé á be ó sí buú de ɨ́ de de de, bwǎʼ mpʉ mímyáʼ ɨ́ tu, bɨ̌n bɨɛ lɨ́ ekʉ́ gwá gʉ́a ó, yé e dʉ́ó mímyáʼ ngá tíʼɔɔ lɨ́.

Mɨngwiha 18:7

Ɨ́ mpʉ nyé á lɨlɛ́ɛ njɨ ó, nyě e kûm, ó nyě tíʼé ó, ɨ́ mepwaʼ yɨ́, bé dwêʼ nye bintɨ́ʼá, dû bím yaá, ebě, nye á lɨlɛ́ɛ ɨ́ lémé wé tʉ́ŋlʉ̌ ó: «Me ó wâʼ sí ndîndǐl ɨ́ ntuuu mpʉ njwɨ́ɨ. Mé abě kúhó mʉ́má. Me ákǎ jɨ éswie e nyʉ́ʉ́ mʉ̂r.»

Mɨngwiha 3:1

«Cɛmaa mékaná. Go e tyén éngeles dí edwéelě Mbɛ̌r-Nzyɛ̌m, waá dí ɨ́ Sárdɛs wɨ́ nyá. Lɛ́yɨ́ɨ́ nyé ó: Waá dí emɛ̂r mísísǐm mé Nzyɛ̌m nzaangbá ndu e l'ocwícwén nzaangbá nyá, nyě lɛ́ɛ́ ó: me lɨ́ egʉ́ǎ sá yɨ́yɛ̂h gó dí esâ yɨ́. Bʉr bɨ́ɛ bee ó, go ó kublakúbla. Nkúná gua, go ó mpʉ̌ múu.

Lʉkas 15:24

ebě, mwân wǎm nyâʼ á be ó mpʉ ndwê. Nó nyɨ́ báʼǎ tiʼe. Nye á si boo dîm kɔ́m. Nó mɨ́ báʼǎ bee nyê!” Bé ntɔ̂ʼ nyɛl nzɔ́ɔ e bisʉhʉʉ ɨ́ buo buo.

Lʉkas 15:32

Sâ gwár, yê kʉ jalá ó, mɨná tyélɨɨ gá nzɔɔ bisʉhʉʉ, ebě, ntwómô á pa be ndwe nyá, nyɨ́ pah. Nye á si boo dîm. Nyɨ́ kǎ beɔɔ.”»

Éfɛsɔs 5:14

Ebě, sá yɨ́yɛ̂h njʉl dí ekʉn yɨ́, yé mû ó lɨ́ epan mímbah. Sá tɨ̂ʼ ó bé dí elɛ́ɛ ó: «Gua mʉr dí ɨ́ jô nyá, jɨmáa. Duhaa ɨ́ sɔ́má ódwe. Krîst pánaa go mimbah, tyen gó ɨ́ myɛ́n» yɨ́.

Éfɛsɔs 2:1

Ɨ́ mimbú mí píhe, bɨ̌n bé á be ó odwe nkǒ páʼ sísǐm, tɨ̂ ɨ́ bidyɛʼ bín, le misyóm bɨ́n á sâ mí.

Lʉkas 15:13

Abea nɛ́ɛ: ntwóm nzě bɛ́ma nyé nkɔ̂b bisâ, nzě nʉǎ mɔnɨ́ tɨ̂, tô ɨ́ yʉ́ʉ́ sí swîh, yé á be lɨ́ ejaa yɨ́. Gʉ̂ʼ, nye á titiʼe ó, sá twiʼ asiŋa, sîl ésǎm mɔnɨ́ yé yɨ́yɛ̂h ɨ́ pé.

Mataos 8:22

Yésʉs nzě yala e né ó: «Dúʼóó mê. Bírɨ́ɨ́ ódwe, bé dɨ́lɨɨ mimúú myɔ́ɔ́.»

Kolosi 2:13

Ɨ́ mimbú mí píhe, bɨ̌n bé á be ó odwe nkǒ páʼ sísǐm, tɨ̂ ɨ́ misyóm mín, le mpʉ bɨ́n á be apǎ teʼle nkûl njwɨr myâ gá wɨ́ná yɨ́. Nó ó, ɨ́ báánâ, Nzyɛ̌m, nyɨ́ sâ ó, bɨ̌n e boo Krîst, bé níʼee ɨ́ twiʼ mpâ sɔ́má gwár. Nzyɛ̌m, nyɨ́ pɛʼ bíbaa bí ébébe bíbyɛ̂h nyé á niʼe mɨná ɨ́ lɔ̌b mísyóm gá míná mímyɛ̂h.

Éfɛsɔs 2:5

Mɨná bé á si gbah gá metié mé Nzyɛ̌m, ntɔ̂ʼ dwe lɨ́ ejala e syóm waá. Damá jóʼo nó, nye á si bana tiʼ mɨná gá ɨ́ lɔ̌b mpúhlá gá nyɨ́ná e Krîst. (Bɨ̌n bé á bi twiʼ ó e nzɨ̌ ncwɨ́ncwɨ́ǎ Nzyɛ̌m á lɛ̂ʼle bɨ̌n nyɨ́.)

Lʉkas 12:19

Jɔʼ yaá ó mé ólɛ́ɛ e lémé wâm ó: Lémé wâm, gó e mebi lwɨ́ŋlá. Mé ójala e go tâŋ mimbû ɨ́ buo buo. Gbalaa ɨ́ jɔʼ yɨ̂. Déʼ méde ndu e menyoʼ. Soháa.”

Lʉkas 7:25

Á nó? Bɨ̌n bé á to bee yé? Nzê mʉr mbɔ́rá e bidimé míkán mí ójɔɔ́ ɛ̌? Bʉr o dí ɨ́ nkɛ́lɛm, lɨ́ ebwâr bídimé míkán le etiʼe ɨ́ mepwaʼ bá, bé ó dí edi ɨ́ mimbɛ̌r mí ójwɨ́ɨ.

Lʉkas 16:19

«Yé á be ó e nyʉ́ʉ́ mʉ̂r á be e bisâ ɨ́ buo buo nyá. Melú mɨ́mɛ̂h, nye á bwâr ó, mikán myé á be ɨ́ lele tâŋ mí. Nye á titiʼe dʉ́ó lɨ́lɛ̂h ó ɨ́ mepwaʼ.

2 Timotɛ 3:6

Bʉr ó sɔ́má yɔ́ɔ́, bé ónî ɨ́ mimbɛ̌r mi bʉ̂r mí onkán ɨ́ myaaa, lɨ́ esáa nzɨ́ edulo bʉ́bá dí elúʼo pɨ̂ʼ bá. Bʉbá baá, bé óbe ó mimɛ́rá ɨ́ mpila mísyóm myɔ́ɔ́. Bé óbe ó, baá bigwɨ́má byɔ́ɔ́ dí etyěn gúmó yɨ́yɛ̂h bá.