1 Timotɛ 5:5 - Kálar Nzyɛ̌m : Ejwán é Sáá

⁵ Nó ó, waá dí kúho tyeetye ɨ́ ntɛ̂ʼ wé omér wɨ́, wé lɨ́ ekʉ́ sâ sɨ́n lɨ́ ejɨʼla e Nzyɛ̌m móhó e pum, ó nye súʼaa wê. Nzyɛ̌m nye omér ó dí egbâ wé mpûʼla ɨ́ léme.

Kálara Zyɛ̌m Edwán é mpʉ̌n

⁵ No ó, kuho wé a liʼɔ é ntɛʼɛ ɛ, leme we, wé eka liʼ lé eloŋlo e mbɛla ó, njɨ ebe Zyɛm. Moho e pum, wé ó njɨ lé ejwɨʼla e Zyɛm é l'efu le nye mʉr tɨ, ó nye fuʼa we.

1 Timotɛ 5:5 ပူးပေါင်းရင်းမြစ်များ

1 Timotɛ 5:3

Jwááwáá míkúhó mí bʉ́bá mi dí myaá mimpâ mí.

Lʉkas 2:37

njʉ̂m wé ntɔ̂ʼ dwe, nyɨɛ ntɔ̂ʼ lîʼ kúho. Nye á didi ó nó, tótôʼ, tó kumo mímbû mekám mwom e mimbú mínâ. Nye á bé abɔ́ʼa e mpáh Nzyɛ̌m. Nye á sɨséa tɨ̂ʼ ó, móhó e pum. Nye á bɨbe ó, lɨ́ eti méde e bijɔʼ, lɨ́ esú lé éjɨʼla e Nzyɛ̌m.

1 Pyɛr 3:5

Ɨ́ mimbú mí píhe, bʉbá bé á be tí ɨ́ míh mé Nzyɛ̌m bá, bé á si bi mpûʼla ɨ́ miléme ɨ́ páʼ mé Nzyɛ̌m, bé ntɔ̂ʼ sáa égbâ ójaá ompâ waá ɨ́ menyʉ́l mɔ́ɔ́ tʉ́ŋlʉ̌. Bé á sɨsâ ojʉ́m bɔ́ɔ́ ó, mejóʼo.

1 Timotɛ 5:16

Mbûʼla mʉmá óbe e mbyɛ̂l, kúho ɨ́ mbɛ̌r bʉ̂r wé nó, nye súʼaa kúho waá. Mbûʼla mʉmá sá antúŋlǒ Mbɛ̌r-Nzyɛ̌m e mbeʼ waá, ebě, Mbɛ̌r-Nzyɛ̌m jaá susúʼo míkúho ó, njɨ myaá mi dí ɨ́ ntɛ̂ʼ mí.

1 Korɛnt 7:32

Mě gwɨ́m ó, bɨ̌n ayɨ́ syɛ̌l bá ɨ́ miléme. Mʉr dí abe e mʉmá nyá, syɛ́ɛ́ mé Tî gá wɨ́ná, yé omér ó dí epálwo nyé ɨ́ léme. Nyě jaá sisyɛ̌l bá ó, njɨ esáa ménzɨ̌ mé ésâ syɛ́ɛla Tî gá wɨ́ná dí ekpɛl yɨ́.

Lʉkas 18:1

Yésʉs ntɔ̂ʼ báʼǎ sâ bé kɨkɛna yɨ̂ʼ lɨ́ elɛ̂ʼle bé ó, bé ɨ́ jala le ejɨʼla e Nzyɛ̌m jɔʼ yɨ́yɛ̂h, akâr túú.

Éfɛsɔs 6:18

Sáʼ gá sâ yaá yɨ́yɛ̂h e minjɨʼla, le edî ó, Nzyɛ̌m súʼaa bɨ̌n. Jɨʼlaa gá ɨ́ jɔʼ yɨ́yɛ̂h ɨ́ mpʉ̌ Sísǐm mé Nzyɛ̌m dí etɨ́e bɨ́n yɨ́. Tɨ̂ʼ ntémé, atyɛʼ gá lɨ́ edi ɨ́ doho. Ɨ́ jɔʼ yɨ́yɛ̂h, tirwaa gá e syɛ́ɛ́ mínjɨʼla lɨ́ esú é bʉ̂r o mé Nzyɛ̌m bɨ́bɛ̂h.

Lʉkas 18:7

Nó ó, mbeá wɨ́n, wê nyá? Nzê Nzyɛ̌m ódi l'akamle e bʉr bé nyé á twâr bá ɛ́? Bé lɨ́ ejɨʼla e né móhó e pum. Nzê nye ósâ táb lɨ́ enzě kɛm bé ɛ̌?

1 Korɛnt 7:34

Nye mû ó lɨ́ edû bícwia bibá ɨ́ jɔʼ gwár. Nkʉ̂ nzihle mʉmá, nkʉ̂ bíŋ mʉ́má, nyě jaá dudû ó, njɨ milɔ̌b mé Tî Yésʉs, lɨ́ esú ó, nye gúmaa e né, táare ɨ́ nyʉ̂l nyé, kumo ɨ́ sísǐm. Mbɛ́á mʉ́má wɨ́ɛ jaá pɨpálwǒ sɔ̂ʼ ó, njɨ bisá bí sí yɨ̂, ó wé nkʉ̂ sâ bísyɛ́ɛla njʉ̂m dí egwɨ̂m bí.

Rôm 1:12

Sá mé dí elɛ́ɛ yɨ́, yé ó, mɨná sâʼ gá menkɔ̌m páʼ gá nyɨ́ná. Búʼó bɨ́n dí ebúʼlǎ Krîst yɨ́, le yaá yâm, byé ó ngá gbâ mɨ́ná gá nkul ɨ́ miléme.

Rôm 1:5

Nzyɛ̌m á si cwɨ́a e bɨ̌h ɨ́ nzɨ̌ mé Yésʉs-Krîst, le etyêl bɨ́h bʉr o mílʉ́mlʉ́ bé, lɨ́ esú é bíkúl bíbyɛ̂h, ó byé dyéʼee koo e né, le esâ nyé mejóʼo. Nye á sâ bɨ̌h syɛ́ɛla yaá ó, lɨ́ esú lé édwe díé é Mwân wé kûm.

Mɨlʉmlʉ 26:7

Menzweh kám e mebá mé kúl gá yɨ́ná, mé lɨ́ egwɨ̂m ébeě mpʉ̌ Nzyɛ̌m ngá lóŋlo nkɛ́ʼ nyaá yɨ́. Bé séá Nzyɛ̌m syɛ́ɛ́ ó, móhó e pum. Njwɨ́ɨbʉr ɛ̌! OYúden, bé jaá pur mé ó, njɨ ɨ́ lɔ̌b mpûʼla dí me ɨ́ léme nyɨ́.

Mɨlʉmlʉ 6:1

Ɨ́ melû maá mpʉ ómpʉ́n mé Yésʉs, bé á be, bé mû sí buú buo yɨ́, oYúden bé á lwilwib grɛ̂k bá, bê nzě gɔ́na le esâ mésɨ́n e baá o b'á lwilwib ébrœ̂ bá. Bé á lɨlɛ́ɛ ó, bɨ́haá, bé á jaa tʉtoŋlo ó, njɨ mikúhó myɔ́ɔ́ ɨ́ nkɔb mede.

Mɨlʉmlʉ 9:39

Nó Pétrus á mɔa sí, bé e boo nɔ́ɔ́ nzě tô. Jɔʼ bé á pyâl yɨ́, bê nzě tô e né ɨ́ ntɔ́ɔ mbɛ̌r nyaá. Mikúhó mí bʉ́bá mímyɛ̂h, myé ntɔ̂ʼ sîhlě bǎʼ e né, le ejɨŋɔɔ médwê. Bé ntɔ̂ʼ lɛ̂ʼle Pétrus mintɔra mi kʉ́ le okʉ̂r Dɔ́rkas á lar bé ɨ́ jɔʼ nyé á be apǎ dwe yɨ́.

Mɨlʉmlʉ 9:41

Pétrus ntɔ̂ʼ mɛ̂r nyé ɨ́ mbô, gbɛl nyé sí. Nye nzě jébe bʉ̂r o mé Nzyɛ̌m ti e mikúhó mí bʉ́bá, lɛ̂ʼle bé nyǎ, nye mû sí pah.

Filipi 4:6

Asyɛl gá bá ɨ́ yʉ́ʉ́ sɔ̂ʼ. Jɨʼlaa gá e Nzyɛ̌m ɨ́ bijɔʼ bíbyɛ̂h, ɨ́ bisá bíbyɛ̂h bɨ́n dí ejɨ bí. Jwǐdwéʼ gá nye nzyǒo ɨ́ jɔʼ yɨ́yɛ̂h ɨ́ bisá nyé dí edwe bɨ́n bí.

1 Timotɛ 2:1

Sá ésôʼ mé nyɛ́ɛ́ lɛ́ɛ gó yɨ́, yé ó, go jɨ̂ʼlaa e Nzyɛ̌m lɨ́ esú é bʉ̂r bɨ́bɛ̂h. Go e jáʼ nyé sá yɨ́yɛ̂h lɨ́ esú é bʉ̂r oswîh. Go e dwé nyé ntémé nzyǒo.

2 Timotɛ 1:3

Me lɨ́ edwě Nzyɛ̌m nzyǒo ɨ́ jɔʼ yɨ́yɛ̂h. Me lɨ́ esâ sɨ́n lɨ́ esâ mínjɨʼla ɨ́ lɔ̌b gô, móhó e pum. Mě séá nyé syɛ́ɛ́ yaá ó e mipahlá mí léme mi dí ɨ́ pyɛɛɛ mí, jwɨʼ gwár mpʉ bímpám byâm, byé á sɨsâ nye yǎ yɨ́.