1 Timotɛ 5:1 - Kálar Nzyɛ̌m : Ejwán é Sáá

¹ Antuhlo tɔ́má mʉr ɨ́ lɔ̌b syɛ́ɛla ébébe yé. Go ɨ́ jala le etɨ́e nyé yɨ́ɛ ó mpʉ sʉ́ŋ. Tɨ́áá duo yô, biloʼo, mpʉ bɨ́ɔɔ́ bô.

Kálara Zyɛ̌m Edwán é mpʉ̌n

¹ ǃGo si kœb ó, tamamʉr, nyi sa gwìh nɛʼɛ, anyamle lɨl twii é jɔʼ go lé elɛʼle nye bɨgwìh nye sa ɛ. Go ejala le etɨe nye mpʉ sa cɨŋɔ ó, nye ó sɔŋ go e. É nko paʼ dor lo, tɨa be mpʉ sa cɨŋɔ ó, bɨbɛh, bé ó bɨɔ bo.

1 Timotɛ 5:1 ပူးပေါင်းရင်းမြစ်များ

Títos 2:2

Lɛ́yɨ́ɨ́ ótɔ́má ó bʉ̂r ó Mbɛ̌r-Nzyɛ̌m ó: bé ajala le ede ményoʼ, puro. Bé dwêʼ menyʉ́l mɔ́ɔ́ medile, le etíʼě mpʉ bʉ̂r o dí epahle bá jálá le esâ yɨ́. Sá bé dí ebúʼla yɨ́, yé díʼee mpʉ mɨ́ná dí elɛ̂ʼle gá yɨ́. Bé díʼee bʉr o dí ecwɨ́a e bʉ́ʉ́ bʉ̂r bá. Bé dûhwaa ntémé mitúú.

1 Pyɛr 5:1

Me ó lɨ́ sɔ́má ótyɛ̂b bé ésôʼ ɨ́ Mbɛ̌r-Nzyɛ̌m. Me ntémé, me ó mboʼlo á bee mitúú mé Krîst nyá. Me ntémé, me ó mʉr ngá bi nkɔ̂b líʼe ɨ́ mentyɛnwa múo nzě nyɨ̂n ɨ́ kpɛŋlɛm má nyá. Mě cɛmá ɨ́ báánâʼ ó, bʉ́ʉ́ ótyɛ̂b bé ésôʼ ɨ́ Mbɛ̌r-Nzyɛ̌m bɨ́bɛ̂h, lɨ́ epihle bɨ́n egwǎl ó:

Galásia 6:1

Bɨ́ɔɔ́ bâm! Okɛ́l bâm! Bɨ́n óbee mʉ̂r lɨ́ esâ syóm nó, bɨ̌n bʉr o dí e Sísǐm mé Nzyɛ̌m ɨ́ miléme bá, kɛmɨɨ gá nye ó, nye pʉ́ʼaa ɨ́ nzɨ̌ nyaá. Sâ gwár, tɨ́áá gá nye e mekǎn ɨ́ tala tala. Mʉr nyɨnyɛ̂h ɨ́ sɔ́má yɨ́n, nye dwɛ́ʼɛɛ ntémé mpʉ nyé mʉr tɨ̂ʼ dí yɨ́, ebě, nye ntémé ámû duma ɨ́ mebʉ́blá.

Títos 2:6

Tɨ́áá mísohó ntémé ó, myé gʉ́ŋaa epahle mbɨ̂mbɨá.

Mataos 23:8

Mʉr ngwár ɨ́ sɔ́má yɨ́n sá abá bîr ó, bé jébaa nye “Rabbi”, ebě, lɛ̂ʼla wɨ́n, nye ó ngwár. Bɨ̌n bɨ́bɛ̂h, bé ó bɨ́ɔɔ́ e bɨ́ɔɔ́.

1 Timotɛ 5:17

Otyɛ̂b bé ésôʼ dí ejwɨ́ɨ̌ Mbɛ̌r-Nzyɛ̌m mbɨ̂mbɨá bá, bé ɨ́ jala le ebi myɛ́na mebá. Baá dí etúno mílɔ̌b mé Nzyɛ̌m, le edwe bʉ̂r milɛ́ʼlá bá ó ngá bi mé, sahle.

Rôm 13:7

Jɛ́náá gá bʉr bɨ́bɛ̂h mempʉ́lá bɨ́n dí bé e mé má. Bwámáá gá bitœ́a kwá bʉr o dí ebɛ́ma byé bá. Jwááwáá gá baá o dí ejala e dúu bá. Gúmláá gá baá o dí ejala e kûm bá.

Mɨlʉmlʉ 15:4

Jɔʼ bé á pyâl Yerʉ́zalɛm yɨ́, bʉr ó Mbɛ̌r-Nzyɛ̌m, bé á si nʉa bê, bé e bʉr o mílʉ́mlʉ́ mé Yésʉs, bé le otyɛ̂b bé ésôʼ ó Mbɛ̌r-Nzyɛ̌m. Bʉr o b'á duhǒ Antiôs bá bɨɛ, bê nzě lɛ́ɛ bé sá yɨ́yɛ̂h Nzyɛ̌m á sâ ɨ́ sɔ́má yɔ́ɔ́ yɨ́.

Mɨlʉmlʉ 14:23

Ɨ́ sɔ́má bʉ̂r ó Mbɛ̌r-Nzyɛ̌m yɨ́yɛ̂h, bé á be lɨ́ etyêl ótyɛ̂b bé ésôʼ. Bé á tityêl bé ó, sí pǎ ti méde, le ejɨʼla e Nzyɛ̌m. Bé á titímle bé ó, ɨ́ mebó mé Tî Yésʉs, mʉr bé á dyɛ̂ʼwo e né nyá.

Mɨngwiha 4:4

Bidiá bí ójwɨ́ɨ mekám mébá e binâ, byé á be ó lɨ́ ebɔma mécwɨ́ɨ́ mé jwɨ́ɨ yaá ɨ́ nká. Otɔ́má bʉ̂r mekám mébá le onâ, bé á be ó tɨ̂, mindîndǐl, e mikán ɨ́ pumo pumo ɨ́ menyʉ̂l ndu e bikáráá bí gʉ̂l ɨ́ milʉ̂.

3 Yʉanes 1:1

Yé ó mɛm, tyɛ̂b esôʼ ɨ́ Mbɛ̌r-Nzyɛ̌m. Me lɨ́ esoho gó, Gáywis, mʉr dí ɨ́ buú kpɛlɔɔ nyá. Me lɨ́ ekpɛl gó lɨ́ otyeetye.

2 Yʉanes 1:1

Yé ó mɛm, tyɛ̂b esôʼ ɨ́ Mbɛ̌r-Nzyɛ̌m. Me lɨ́ ecɛmǎ dimé mʉ́má Nzyɛ̌m á twâr nyá, bé e bwán bé. Me lɨ́ ekpɛl bɨ́n lɨ́ otyeetye. Ntʉ mé omér dí ekpɛl bɨ́n. Yé ntémé, yé ó bɨ̌h e baá bɨ́bɛ̂h dí egʉ́a ótyeetye bá.

Jacques 5:14

Waá nyɨnyɛ̂h dí ebíle ɨ́ sɔ́má yɨ́n nyá, nye jébaa otyɛ̂b bé ésôʼ ó Mbɛ̌r-Nzyɛ̌m. Bé onzě jɨʼla e Nzyɛ̌m lɨ́ esú lé, le elœm nyé múlo, le epɨr e díé mé Tî gá wɨ́ná.

Jacques 3:17

Sá ésôʼ mɨ́ná jálá le elɛ́ɛ gá yɨ́ ó yɨ̂: ocwóó dí eduho kʉ́ wɨ́, wé abe ɨ́ mpúhlá le ebébe. Píe tɨ̂, wé ó sá dí esâ ó, bʉr tíʼaa ɨ́ mepyɛbla yɨ́. Wé ó sá dí elɛ̂ʼle mʉ̂r mpʉ nyé tálaa njwɨr, le edi e léme sulá sí yɨ́. Ocwóó waá ó dí esâ ó, mʉr jɨ́ʼɨɨ bʉ́ʉ́ bʉ̂r nkoó. Wé lɨ́ edwe mʉ̂r ngwɨ́á ésâ bísyɛ́ɛla bimpâ. Wé abe e nkɔ̌m ɨ́ gúú pâʼ. Wé abe e mikóo.

Mɨlʉmlʉ 20:17

Jɔ̌ʼ Pɔ̂l á be ɨ́ Míletos yɨ́, nye á si tyen mempáŋla Éfɛsɔs, lɨ́ ebáŋle ótyɛ̂b bé ésôʼ ó Mbɛ̌r-Nzyɛ̌m ó, bé tô bee nyê.

Mɨlʉmlʉ 15:6

Bʉr o mílʉ́mlʉ́ le otyɛ̂b bé ésôʼ ó Mbɛ̌r-Nzyɛ̌m nzě syɛŋa gúmo gwár, lɨ́ etimlě lɔ̌b waá.

1 Timotɛ 5:2

Tɨ́e ntémé otɔ́má bʉ́bá mpʉ ónyʉ̌ŋ. Tɨ́e méséhé mé bʉ́bá ntémé mpʉ ókɛ́l bô, lɨ́ edwe nyʉ̂l nyǒ medile ɨ́ míh mé Nzyɛ̌m.