1 Timotɛ 4:8 - Kálar Nzyɛ̌m : Ejwán é Sáá

⁸ Ebě, pɨ́ʼá nyʉ̂l wɨ́ɛ, wê mʉr tɨ̂, wé ó e mâ nyɔm. Edwáawǒ Nzyɛ̌m lɨ́ɛ, lé e nyɔm ɨ́ páʼ bísá bíbyɛ̂h, ebě, mʉr dí edwáawǒ Nzyɛ̌m nyá, nyɨ́ bi ménkɛ̌ʼ ɨ́ páʼ twiʼ, yaá báánâ, ti e yaá ngá tô dóló njʉ̌m dǐ e njʉ̌m dǐ yɨ́.

Kálara Zyɛ̌m Edwán é mpʉ̌n

⁸ Ebe, pɨʼa nyʉl wɛɛ, wé ó e ma nyɔm é guu paʼ. Edwaabe Zyɛm lɛɛ, lé e nyɔm é nko paʼ bɨsa bibyɛh, ebe, mʉr lé edwaabe Zyɛm ɨ, Zyɛm ódira monkɛʼ nye a liʼe mʉr waa e ma ɛ, é nko paʼ tiʼ yaa banana, to pyal é tiʼ yé óbe pie e l'esie e mbi jɔʼ yi.

1 Timotɛ 4:8 ပူးပေါင်းရင်းမြစ်များ

Mataos 6:33

Sá ésôʼ, tááráá ésáa gá enî ɨ́ Mpóʼo nyé, le etiʼe lɨ́ otîtyěl wé. Byaá byúú bɨ́n ká jɨ̌ nɨ̌, Nzyɛ̌m ólóŋlo bɨ́n byǎ.

1 Timotɛ 6:6

Tó kœb ó, mʉ̂r dyɛ́nwá le edwě Nzyɛ̌m kûm, le edi e bisʉhʉʉ ɨ́ léme nó, mʉr waá ókʉ́ bi mínyɔm ɨ́ buo buo tɨ̂.

1 Yʉanes 2:25

Nó ó, nkɛ̌ʼ Nzyɛ̌m Sɔ́ŋ mʉr tɨ̂ʼ á dwe mɨná gá nyɨ́, nye ó nyɨ̂: twǐʼ njʉ̌m dǐ.

Ebrœ̂ 13:9

Gwá di gá le ocwóó. Sá abîr gá ó, nyʉ́ʉ́ mʉ̂r mɛ́rɨɨ bɨ̌n lɨ́ okómó ɨ́ nzɨ̌ metwɨ́ɨ́ méswîh nyé dí edwe bɨ́n má. Ncwɨ́ncwɨ́a mé Nzyɛ̌m ó dí egbâ bʉ̂r pîm ɨ́ búʼó. Yé mbɨa ó, bɨ̌n bíʼee nkul tɨ̂. Mede bé dí elɛ́ɛ ó, mʉr, nye ɨ́ jala le ede lɨ́ esú lé édwě Nzyɛ̌m dúu tɨ̂ʼ má, mé abe e nyɔm ɨ́ páʼ bʉ̂r o dí ede mé bá.

Mɨngwiha 3:21

“Mʉr óntaa, búla le onkɔ́ɔ́ nyá, me ódwe nyé nkul ó, bɨ̌h e nɔ́ɔ́ díʼee diá gwár ɨ́ mecwɨ́ɨ́ mé jwɨ́ɨ́ yâm, ebě, mɛm ntémé, me á si ntaa, búla e wâm ónkɔ́ɔ́. Me á si di sí bǎʼ e Sɔ́ŋ wǎm ɨ́ mecwɨ́ɨ́ mé jwɨ́ɨ́ yé.”

Títos 3:8

Lwǐb nɨ̌, yé ó yaá jálá le ebúʼlɔɔ yɨ́. Mě kpɛl ó, go nkʉ̂ gʉ́a dwe bʉ̂r milɛ́ʼlá mínɨ̌. Ɨ́ gúmo yaá ó bʉ̂r o b'á dyɛ̂ʼwo e Nzyɛ̌m bá, bé ósɨsâ bísyɛ́ɛla bimpâ yɨ́. Bisyɛ́ɛla byaá, byé e nyɔm ɨ́ nkǒ páʼ bʉ̂r bɨ́bɛ̂h.

Mɨngwiha 3:12

Baá bé óntaa, búla le onkɔ́ɔ́ bá, me ótyêl bé mpʉ médwii ɨ́ mbɛ̌r me Sɔ́ŋ wǎm. Bé ótyɛ̂b ɨ́ lyahwó. Yé ákǎ be e sá yé ópyêl bé tɨ̂. Me ócɛma díé mé Nzyɛ̌m ɨ́ menyʉ́l mɔ́ɔ́. Me ócɛma ntémé díé é nkana mé Nzyɛ̌m, yaá dí edwán é Yerʉ́zalɛm yɨ́. Nzyɛ̌m óntɨ̌h nkana yaá kâʼ sí, duho ɨ́ jʉ́o kʉ́. Me ócɛma ntémé edwán é díé lâm ɨ́ menyʉ́l mé bʉ̂r baá.

1 Korɛnt 8:8

Mɨná bɨɛ, bé lɨ́ ekʉ́ gʉ́a gá ó, ntʉ̌ dœʼ ngá tyen mʉ̂r bǎʼ e Nzyɛ̌m. Mɨ́ná dí gá, akǎ de tír nó, mɨná bé adímle gá sɔ̂ʼ. Mɨ́ná bé óde gá nye nó, sɔ̂ʼ, yé ákɛlɔɔ tɨ̂ʼ kʉ́.

Rôm 8:28

Mɨná bé lɨ́ egʉ́a gá ó, Nzyɛ̌m, nye lɨ́ eboó komlo bísá bíbyɛ̂h ó, byé díʼee e nyɔm lɨ́ esú é bʉ̂r o dí ekpɛl nyé, baá nyé á jébe ɨ́ mitíʼá mí lémé wé bá.

1 Korɛnt 3:22

Damá bě Pɔ̂l, Ápolos, Kefâs, sí, twiʼ, eswie, jɔʼ yɨ̂, bijɔʼ bi dí enze bí, tótôʼ: sá yɨ́yɛ̂h, yé ó yaá yɨ́n.

Mataos 19:29

Yé abe e mʉr dí elíʼě mbɛ̌r wé, bɨ́ɔɔ́ bé, okɛ́l bé, sɔ́ŋ wé, nyɔ̌ŋ wé, bwán bé, nkʉ̂ bipemé byé ebe nyé dí edû mé, dí abáʼǎ bi byé nzɔʼ nter, nʉa ntémé twǐʼ njʉ̌m dǐ, jala e nkɔb líʼe nyé.

Mataos 12:32

Mʉr nyɨnyɛ̂h dí elwib e Mwân mé Mʉr ebébe nyá, baa ébébe laá, yé óbɛ̌m pɛʼɔɔ. Sâ gwár, mʉr ngá lwib e Sísǐm mé Nzyɛ̌m ebébe nyá, baa ébébe laá, yé ákóʼó pɛʼɔɔ, damá jóʼo ɨ́ jɔʼ yɨ̂, damá jóʼo ɨ́ jɔʼ ésúʼlá é sí yɨ̂.»

1 Timotɛ 4:7

Gó ajala le edû nzɨ́ bikɨkɛna bi dí elɛ̂ʼle bʉ̂r ó, bé sâʼ Nzyɛ̌m nkěh, byaá ótɔ́má bʉ́bá dí esâ bí. Gbáʼ nkûl lɨ́ ekubla ɨ́ milɔ̌b mé Nzyɛ̌m.

1 Timotɛ 6:3

Tî gá wɨ́ná Yésʉs-Krîst á si kʉ líʼe mɨná gá e lɛ́ʼlá mpâ mɨ́ná dí edû wɨ́, bé le olɛ̂ʼla dí edwáawǒ Nzyɛ̌m bá. Mʉ̂r bé akam mílɛ́ʼlá mínɨ̌, kǎ tó dwe yɨ́ɛ milɛ́ʼlá míswîh nó, lɛ́ɛ́, nyɨ́haá nkɛ́ɛ́ ó nyʉ̂l.

1 Timotɛ 6:5

Bisyɛ́ɛla byaá, byé duduho ó, lɨ́ ekpaa lé laá. Nyě sɨ́sá bísyɛ́ɛla byaá ó, bé e bʉr o dí e bibol mípahlá, baá o dí agʉ́a ótyeetye bá. Nyě jaá gʉ́a ó, njɨ edwě Nzyɛ̌m kûm, lé ó gúú mbi nzɨ́ esáa bímɔnɨ́.

2 Timotɛ 3:5

Bé ójaá dwidwě Nzyɛ̌m kûm ó, njɨ ɨ́ bikonó mínum byɔ́ɔ́. Tó kœb ó, bé ópɨpɨr ó, pɨrɨ́ɨ le ekɛ́la nkûl dí ɨ́ búʼó gá yɨ́ná nyɨ́. Bɨ̌n bé ayɨ́ be e ndwáala e mbi bʉ̂r waá.

Lʉkas 5:38

Bé lulwan ményoʼ medwân ó ɨ́ bintaʼ bidwân.