1 Timotɛ 4:6 - Kálar Nzyɛ̌m : Ejwán é Sáá

⁶ Gó sí dwe bɨ́ɔɔ́ bô milɛ́ʼlá mîʼ nó, go bě mpǎŋ syɛ̂l mesâ mé Yésʉs-Krîst! Go ódwidwe mílɛ́ʼlá ɨ́ nzɨ̌ nyaá ó, ɨ́ milɔ̌b mí búʼó gá yɨ́ná, ti e mpǎŋ lɛ́ʼlá gó á jóʼo wɨ́.

Kálara Zyɛ̌m Edwán é mpʉ̌n

⁶ ǃGo óntɛŋ-ntɛŋ obuʼla sikʉlʉ yiʼ nɛʼɛ, go óbe ó mpaŋ syɛl mosa mo Yesʉs-Krɨst! Go óyeʼle mɨlɔb mɨ buʼo ga yina é zi waa, le edwe mpaŋ sikʉlʉ go a bɛa jwɨʼ é jɔʼ go a be é l'oncyom go e.

1 Timotɛ 4:6 ပူးပေါင်းရင်းမြစ်များ

Kolosi 3:16

Kamaa gá ó, lwǐb mé Krîst, yé lóŋlaa milémé mín. Milémé mín, myé díʼee ekʉ̌m lɨ́ esú é lwǐb yé yaá. Jwidweelaa gá páʼ nyɨ́n milɛ́ʼlá mi dí le ocwóó mí. Jwidweelaa gá metwɨ́ɨ́ páʼ nyɨ́n. Jyɛyɨɨ gá meswɨ̂ʼlɨ lɨ́ esú é Nzyɛ̌m, mejéme, ti e bidyɛɛ́ biswîh Sísǐm ngá lɛ̂ʼle bɨ́n bí. Mejéme maá, mé óduho ó, bɨ̌n ɨ́ miléme mi dí edwě Nzyɛ̌m nzyǒo mí.

Títos 2:1

Gua, lɨ́lɛ́ʼláá sá yɨ́yɛ̂h dí ejala e lɛ́ʼlá mpâ mɨ́ná dí edwe gá wɨ́ yɨ́.

Kolosi 4:7

Mɨ́ɔɔ́ kpɛ̌l gá wɨ́ná Tisikôs ókǎ lɛ́ɛ bɨ́n sá yɨ́yɛ̂h dí edumo e me yɨ́. Nye ó syɛ̂l mesâ mé Nzyɛ̌m dí ebúʼlɔɔ nyá, mʉr njoo yâm bɨ́h e nɔ́ɔ́ dí eséǎ syɛ́ɛ́ mé Tî Yésʉs nyá.

Mataos 13:52

Nye nzě lɛ́ɛ e bé ó: «Lɛ̂ʼla metié nyɨnyɛ̂h mû mpʉ́n ɨ́ Mpóʼo mé Dâ Nzyɛ̌m nyá, nyě nwɨɨlá ó e mʉr mbɛ̌r dí etʉ̂to lɨ́ ekʉ̌m lé, nʉnʉa bísá byé tɨ̂. Yɨ̂ʼ jɔʼ, nyě nʉá ó bisá bídwân. Yʉ́ʉ́ jɔʼ, nʉa byaá bi myâ.»

Yʉ̂d 1:5

Yê tyeetye ó, bɨ̌n bɨ́ boó gʉ́ǎ lɔ̌b waá wɨ́wɛ̂h. Damá jóʼo nó, me páa símsa bɨ́n yɨ́ɛ lɔ̌b wɨ̂: Dâ Nzyɛ̌m ó b'á pɛʼ bʉr o b'Ɨ́zraɛ̂l ɨ́ sí Egɨ̂ptɛn. Píe tɨ̂, nye nzě kǎ jʉ̂ baá bɨ́bɛ̂h bé á bɨbene lɨ́ edyɛ̂ʼwo e né bá.

2 Yʉanes 1:9

Nyʉ́ʉ́ mʉ̂r nyɛɛ́ jɨ̂ʼ lɛ́ʼlá mé Krîst, ɨ́ jɨ̂ʼ jɨ̂ʼ, kǎ líʼě lɛ́ʼlá waá, ntaa, tó púma dóló e gúú swîh nó, nyé atíʼe ɨ́ mpúhlá e Nzyɛ̌m. Waá dí ejɨ̂ʼ lɛ́ʼlá waá, alíʼe wé nyá, nyɨ́haá ó dí ɨ́ mpúhlá e Sɔ́ŋ, ti e Mwân bɨ́bɛ̂h.

1 Pyɛr 2:2

Gwɨ́mɨ́ɨ́ gá mbɨambɨa lɛ́ʼlá dí abe mpúhlá e mebomo, waá dí ejala e misísǐm mín wɨ́. Wé ó ngá sâ ó, bɨ̌n gwɨ́aa, ntɔ̂ʼ tó kumo ɨ́ twǐʼ njʉ̌m dǐ. Gwɨ́mɨ́ɨ́ gá yé mpʉ bítyéé dí egwɨ̂m ébêl, ó byé nkʉ̂ dwaʼ le egwɨ́e yɨ́.

2 Timotɛ 4:3

Ebě, jɔʼ, yé lɨ́ enze, jɔʼ bʉ̂r, bé ókâr édûhwǒ lɛ́ʼlá mpâ yɨ́. Bé ójaá jʉjóʼo ó, njɨ milɛ́ʼlá mi dí etíne bé ó, bé tôʼ dóló le elóŋlo bígwɨ́má ményʉ́l mɔ́ɔ́ dí eboó kpɛl ésɨsâ bí mí. Bé ógôhlo éntumo lé ólɛ̂ʼla, lé ójaá dwidwe bé bisá mílɛ́ʼlá byaá lɨ́, lɨ́ esú ó, bé nkʉ̂ gʉ́a soho lɨ́ ejʉjóʼo myé ɨ́ ti ti ti.

2 Timotɛ 3:10

Gua mû ó sí kʉ́ gwá beě mpʉ mé dí elɛ̂ʼle yɨ́, bee ntémé kʉ̌ tyen mé dí edû wɨ́. Go á si gʉ́a mitíʼá mí lémé wâm, ti e búʼó yâm. Go lɨ́ egʉ́a ntémé bíhwó nyǎm, kpɛ̌l yâm, ti e mpʉ mé dí esia e mitúú yɨ́.

2 Timotɛ 1:6

Sá tɨ̂ʼ ó gó dí ɨ́ jala le esímsǎ ndwéá Nzyɛ̌m á lómlo go, waá gó á bi ɨ́ kɛlá mé á kɛl go mebó mâm wɨ́. Nó ó, sáʼ ó, go súʼaa bʉr e ndwéá gô waá.

1 Timotɛ 6:3

Tî gá wɨ́ná Yésʉs-Krîst á si kʉ líʼe mɨná gá e lɛ́ʼlá mpâ mɨ́ná dí edû wɨ́, bé le olɛ̂ʼla dí edwáawǒ Nzyɛ̌m bá. Mʉ̂r bé akam mílɛ́ʼlá mínɨ̌, kǎ tó dwe yɨ́ɛ milɛ́ʼlá míswîh nó, lɛ́ɛ́, nyɨ́haá nkɛ́ɛ́ ó nyʉ̂l.

1 Timotɛ 4:16

Gwá dwɛ̂ʼ gó mʉr tɨ̂ʼ ndu e lɛ́ʼlá gó dí edwe bʉ̂r wɨ́. Sɨ́sáʼ sɨ́n lɨ́ edû mílɔ̌b mínɨ̌. Gó ósâ nó wá, go ótíʼ gó mʉr tɨ̂, tíʼ ntémé baá o dí ejôʼlo gó bá.

1 Timotɛ 1:10

bʉr o dí elœʼ ményʉ́l mɔ́ɔ́ ɨ́ nzɨ̌ bijoó bá, otɛba o bʉ́rʉ̂m, obɛ́ma o bʉ̂r, baányâ-bibɛr, le oboʼlo o bíbɛr. Nzyɛ̌m á tyêl metié ntémé ó, lɨ́ ekamle bísyɛ́ɛla bíbyɛ̂h bi dí ajala e lɛ́ʼlá mpâ mɨ́ná bé á dweŋɔɔ gá wɨ́ bí.

1 Tesalonika 3:2

bɨ̌h bé ɨ́ jala yɨ́ɛ le elómǒ Timotɛ̂ kwá nyɨ́n. Nye ó mɨ́ɔɔ́ gá wɨ́ná ndu e syɛ̂l mesâ mé Nzyɛ̌m, dí etúnǒ Mbɨambɨa Lɔ́ɔ́ mé Krîst nyá. Bɨ̌h bé á lómo nye ó, nye lɨ́lɨɨ bɨ̌n ɨ́ búʼó, le esâ ó, bɨ̌n tôʼ dóló le edyɛ̂ʼwo e Krîst.

Kolosi 2:19

Bé akǎ mɛ̂r Yésʉs-Krîst ɨ́ kpɨ́ɨ́ɨ́, nyɨɛ mʉr dí yɨ́ɛ lʉ̂, tíl nyʉ̂l dí ekab nkûl nyé ɨ́ bitíl bí nyʉ̂l biswîh yɨ́. Nye ó dí esyɛŋ byé, le elɛ̂ʼle byé mpʉ byé jálá le edira ɨ́ mebɨ̌l ndu e misihé yɨ́. Nye ntémé ó dí esâ ó, nyʉ̂l nyaá tôʼ le egwɨ́ě mpʉ̌ Nzyɛ̌m dí ekpɛl yɨ́.

Filipi 3:16

Mɨná dúʼoo gá nzɨ̌ mpwár mɨ́ná dí gá tɨ̂ʼ ɨ́ báánâʼ nyɨ́, jɔʼ yɨ́yɛ̂h.

Éfɛsɔs 6:21

Tisikôs, mɨ́ɔɔ́ kpɛ̌l gá wɨ́ná, dí diâkɔn ɨ́ Tî Yésʉs nyá, nye ntémé ó dí mʉr ebúʼlɔɔ. Nye ólɛ́ɛ bɨ́n sá yɨ́yɛ̂h dí edumo e me yɨ́, le ɨ́ lɔ̌b syɛ́ɛ́ mé mû lɨ́ eséa yɨ́.

2 Korɛnt 6:4

Bɨ̌h lɛ́ʼlé e nzɨ̌ bisyɛ́ɛla bíh ó, bɨ̌h kʉ́ bě tyeetye ó osyɛ̂l o mésâ mé Nzyɛ̌m. Bɨ̌h sá nó ó e menzɨ̌ mâ: esâ sɨ́n damá jóʼo ɨ́ mitúú e mindɛ̌l tʉ́ŋlʉ̌, edûhwo édi ɨ́ bi bísyɛ́ɛ́,

2 Korɛnt 3:6

Nye ó b'á dwe bɨ̌h nkul ó, bɨ̌h díʼee bʉr o jálá le eséa nyé syɛ́ɛ́ bá. Bɨ̌h mû ó osyɛ̂l o mésá bé, lɨ́ eníŋle bʉ̂r lɨ́ edwán é sáá. Nye á sâ saá nyaá ó e nzɨ̌ Sísǐm wé, abe e metié me dí micɛmá má. Ebě, metié mɨ́ɛ, mé jaá jʉ̂jʉ ó jʉ́ʼóo; Sísǐm mé Nzyɛ̌m wɨ́ɛ dwe bʉ̂r twǐʼ njʉ̌m dǐ e njʉ̌m dǐ.

1 Korɛnt 4:17

Sɨ́ǎ yaá ó mé á lómlo bɨ̌n Timotɛ̂, mwâ kpɛ̌l wǎm yɨ́. Nye ntémé ó dí mʉr ebúʼlɔɔ ɨ́ Tî Yésʉs. Nye ó ngá jɨm bín bitɔŋlá ɨ́ kʉ̌ tyen mé dí edû ɨ́ mpúhlá nyɨ́h e Krîst wɨ́. Mě lɛ́ʼlé Mbɛ̌r-Nzyɛ̌m ɨ́ gúmó yɨ́yɛ̂h ó, bé dúʼoo kʉ̌ tyen ngwár waá.

Rôm 15:15

Damá jóʼo nó, mě cɛmá bɨ́n mekaná mâʼ ó e gúú mbi ményan ɨ́ léme. Byúú bípéh bí tɨ̂, byê cɛmɔɔ ó, lɨ́ esú lé éjɨm bítɔŋlá bín. Mě cɛmá bɨ́n nó ó, ebě, Nzyɛ̌m, nye lɨ́ elɛ̂ʼle mé mpam.

Mɨlʉmlʉ 20:35

Bisyɛ́ɛla byâm bíbyɛ̂h, byê bɨ̌n ó mveʼle. Byé lɛ́ʼlé bɨ́n ó mpʉ bɨ́n jálá le eséǎ syɛ́ɛ́, le ekɛm bʉ̂r mû sí tyɛʼ bá yɨ́, ebě, mɨná bé lɨ́ esímsa gá mekǎn Tî Yésʉs mʉr tɨ̂ʼ á lɛ́ɛ má. Mé ó: “Le mʉr dí edwe nyá, le waá dí enʉa nyá, waá dí edwe nyá ó dí ebuú sʉŋɔɔ métyɛʼ me mpóm.”»

Mɨlʉmlʉ 20:31

Diʼee gá ɨ́ mpʉ̂n, mekʉá ɨ́ binyâ. Bɨ̌n a símsá bísyɛ́ɛla bɨ́h á sâ, le myɛ́ɛlé ɨ́ mîh bí. Me á bé akâr túú écɨ̂l mʉ̂r ngúngwár ɨ́ sɔ́má yɨ́n, móhó e pum, tâŋ mimbú mílɛ̂l.

Lʉkas 1:3

Nó, dâ, mpʉ mé á byamle lɔ̌b waá lɨ́ esú ó, me gʉ́ŋaa wé ɨ́ pébébé, duho ɨ́ menyɛ̌l yɨ́, nó yé á ka pyâl me jwɨʼ mpâ ó, mɛm ntémé cɛ́maa go wǎ mpʉ bísâ byaá, byé á syɛ́ɛ yɨ́.

Mɨlʉmlʉ 1:15

Ɨ́ tíl mélû yaá mpʉ óbûʼla nter e mekám mébá, bé á syɛŋa yɨ́, Pétrus nzě mɔa sí, tyɛ̂b témé entumo e bʉ̂r énɨ̌ memɛ̌n. Nye ó:

2 Korɛnt 11:23

Nzê bé ó osyɛ̂l o mésâ mé Krîst ɛ̌? (Mě kʉ́ lwib ó, mpʉ̌ gʉʼlʉgʉ́!) Mɛm ó b'á sahle. Ɨ́ páʼ bísyɛ́ɛ́, mɛm ó b'á sahle. Ɨ́ páʼ égbáŋɔɔ ɨ́ mbʉʼ, mɛm ó b'á sahle. Ɨ́ páʼ mébíʼé, yé abe e tólɔ́ɔ. Ɨ́ páʼ méswie, me á si jʉ́ŋɔɔ nzɔʼ nzɔʼ.

Filipi 2:20

Mé abe e mʉr swîh mpʉ mé Timotɛ̂. Bisyɛ́ɛla bi dí edwɛ̂ʼ nyɔm wɨ́n bí, byé lɨ́ ekʉ́ pálwo nyé ɨ́ léme.

Filipi 2:22

Bɨ̌n bʉr o tɨ̂, bé lɨ́ egʉ́ǎ mbɨambɨa kʉ̌ tyěn Timotɛ̂ á dû wɨ́ le mpʉ nyé dí me mpʉ mwân yɨ́, ebě, nyɨ́ dûhwǒ syɛ́ɛ́ bɨ́h e né dí eséa lɨ́ etúnǒ Mbɨambɨa Lɔ́ɔ yɨ́.