1 Timotɛ 4:4 - Kálar Nzyɛ̌m : Ejwán é Sáá

⁴ Ebě, sá yɨ́yɛ̂h Nzyɛ̌m á komlo yɨ́, yé ɨ́ mbɨa. Mʉ̂r sí dwě Nzyɛ̌m nzyǒo, dumo e sâ swîh, nkʉ̂ sâ kɛl nó, sâ yaá, yé ajala le etílɔɔ mʉ̂r.

Kálara Zyɛ̌m Edwán é mpʉ̌n

⁴ ebe, sa yiyɛh Zyɛm a cye e, yé é mbɨa. Jɨh tɨʼ mʉr, nyi jwɨʼla e nye, lé edwe nye ekiba é lɔb mode e, ebebe, lé aka be tɨ. Mʉr, nye ajala le eka til nye ya,

1 Timotɛ 4:4 ပူးပေါင်းရင်းမြစ်များ

Rôm 14:20

Syɛ́ɛ́ Nzyɛ̌m á séa yɨ́, mʉ̌r sá andáma nyé yǎ ɨ́ lɔ̌b méde! Yê tyeetye ó, yé abe e mede me dí lwǎʼ ɨ́ míh mé Nzyɛ̌m. Mé bɨ́bébé ó, ɨ́ jɔ̌ʼ ndéá méde waá, dí esâ ó, mʉr dúmaa lɨ́ ebébe yɨ́.

1 Korɛnt 10:25

Déʼ gá sá yɨ́yɛ̂h bé dí ebɛ́ma ɨ́ pátele yɨ́, abe e tíá ɨ́ milémé mín!

Rôm 14:14

Ɨ́ mpúhlá nyɨ́h e Tî Yésʉs, me lɨ́ egʉ́a ntémé ó, ntʉ̌ dœʼ yé mʉr tɨ̂ʼ dí e nkul elœ̌ʼ lémé mʉ̂r. Sâ gwár, mʉr dí edě dœʼ yaá, nyɨɛ lɨ́ ejwɨʼ ó, yé ólœ̌ʼ lémé wé nyá, yé ó tyeetye: dœʼ yaá, yé ó lwǎʼ ɨ́ lémé mʉ̂r waá.

1 Korɛnt 10:23

Bʉ́ʉ́ bʉ̂r, bé lɛ́ɛ́ ó: «Mɨná bé e nkul esâ gá sá yɨ́yɛ̂h.» Yé ó nó. Sâ gwár, ntʉ̌ sá yɨ́yɛ̂h dí e nyɔm. «Mɨná bé e nkul esâ gá sá yɨ́yɛ̂h.» Yé ó nó. Sâ gwár, ntʉ̌ sá yɨ́yɛ̂h dí e nkul etyen bʉ̂r lɨ́ esóʼ é nzɨ́ mbɨ̂mbɨá.

Mɨlʉmlʉ 21:25

Bʉr o dí abe óYúden, baá mû sí bûʼla bá, bɨ̌h bé á si cɛma bé mekaná, lɨ́ elɛ́ɛ bé mitíʼá mî: ó bé syɛ̂hlaa tír nyɨnyɛ̂h á baŋɔɔ ɨ́ nzaá bikpɛʼkpɛ̂ʼ bí ónzyɛ̌m nyá. Bé sá ade ntémé metié, nkʉ̂ otír bé á dwe mitû bá. Bé ayɨ́ sâ bímolá.»

1 Timotɛ 4:3

Bé lɨ́ ekamle bʉ̂r lɨ́ ebâ, le etíl bé mʉ́ʉ́ méde. Tó kœb ó, Nzyɛ̌m á komlo mede maá ó, lɨ́ esú lé édeŋɔɔ. Bʉr o dí egʉ́a ótyeetye le ebúʼla wé bá, bé óde mé ó, bé osí pǎ jɨʼla e Nzyɛ̌m, le edwe nyé nzyǒo tɨ̂.

Mɨlʉmlʉ 15:29

Bɨ̌n bé ɨ́ jala le eti: tír á baŋɔɔ ɨ́ nzaá bikpɛʼkpɛ̂ʼ bí ónzyɛ̌m nyá; ndéá métié; tír á pa dwe tû nyá; ndu e bimolá. Bɨ́n ókánwo ményʉ́l mɨ́n ɨ́ mbi wɨ̂ʼ nó, lɛ́ɛ́, bɨ̌n bé ókʉ́ gʉ́a ésâ sá dí ɨ́ mbɨa yɨ́. Diʼee gá mbɨ̂mbɨá.

Mɨlʉmlʉ 10:15

Nye nzě báʼǎ jóʼo twíí ɨ́ jɔʼ mbá lɨ́ elɛ́ɛ e né ó: «Sá Nzyɛ̌m mû sí pubo yɨ́, anyamlě bee yé ó, yé ó tilá.»

Rôm 14:6

Mʉr dí ebee ó, gúú móhó, wê nye ó, sá dí ti yɨ́ nyá, nyě sá nó ó, nye gúmlaa Tî Yésʉs tɨ̂. Mʉr dí edě sá yɨ́yɛ̂h nyá, nye lɨ́ egúmlo Tî Yésʉs tɨ̂, ebě, nye lɨ́ edwě Nzyɛ̌m nzyǒo ɨ́ sá nyé dí ede yɨ́. Waá dí eti yʉ́ʉ́ dœʼ nyá, nyě sá nó ó, nye nkʉ̂ gúmlo Tî Yésʉs e nzɨ̌ biti nyaá. Nye ntémé, nye lɨ́ edwě Nzyɛ̌m nzyǒo ɨ́ dœʼ nyɨ́ɛ dí ekam éde yɨ́.

1 Korɛnt 10:26

Ebě, yê cɛmá ó: Sí ndu e sá yɨ́yɛ̂h dí tɨ̂ʼ yɨ́, yé gúmó ó e Dâ.

1 Korɛnt 10:30

Mé dwé Nzyɛ̌m nzyǒo ɨ́ sá mé dí ede yɨ́ nó, bʉr, bé abe e nkam lɨ́ eswêʼ díé lâm ɨ́ ndéá méde waá. Mɛm yɨ́ɛ sí kʉ́ dwě Nzyɛ̌m nzyǒo ɨ́ mê.