1 Timotɛ 4:3 - Kálar Nzyɛ̌m : Ejwán é Sáá

³ Bé lɨ́ ekamle bʉ̂r lɨ́ ebâ, le etíl bé mʉ́ʉ́ méde. Tó kœb ó, Nzyɛ̌m á komlo mede maá ó, lɨ́ esú lé édeŋɔɔ. Bʉr o dí egʉ́a ótyeetye le ebúʼla wé bá, bé óde mé ó, bé osí pǎ jɨʼla e Nzyɛ̌m, le edwe nyé nzyǒo tɨ̂.

Kálara Zyɛ̌m Edwán é mpʉ̌n

³ Bé ekamle bʉrʉm lé eba bʉba! Bé enyiŋ bʉr ó, bé gwaʼa lé ede mʉʉ mode. To kœb ó, Zyɛm a bɛa cye bɨsa byaa ó, é l'efu ó, byé ó mode jala le edɨɨ ɨ! Bʉr o ndɨ egʉa ocyecye é kpɛhla, le ebuʼla we e, bé óde mode maa ó, de-de deʼ, lé edwe Zyɛm ekiba tɨ,

1 Timotɛ 4:3 ပူးပေါင်းရင်းမြစ်များ

1 Timotɛ 4:4

Ebě, sá yɨ́yɛ̂h Nzyɛ̌m á komlo yɨ́, yé ɨ́ mbɨa. Mʉ̂r sí dwě Nzyɛ̌m nzyǒo, dumo e sâ swîh, nkʉ̂ sâ kɛl nó, sâ yaá, yé ajala le etílɔɔ mʉ̂r.

Ebrœ̂ 13:4

Bʉr, bé ɨ́ jala le edwe mímbɛ́á mí bʉ̂r dúu. Syɛ́ɛla mpîr, yé ajala le esyɛ́ɛlɨ̌ súm mímbɛ́á mí bʉ̂r dí esyɛŋa yɨ́. Gʉ́ŋáá gá ó, Nzyɛ̌m ótíʼe ósyɛ̂l o médyɛ̂n, bé le osyɛ̂l o bímolá milɔ̌b.

Rôm 14:6

Mʉr dí ebee ó, gúú móhó, wê nye ó, sá dí ti yɨ́ nyá, nyě sá nó ó, nye gúmlaa Tî Yésʉs tɨ̂. Mʉr dí edě sá yɨ́yɛ̂h nyá, nye lɨ́ egúmlo Tî Yésʉs tɨ̂, ebě, nye lɨ́ edwě Nzyɛ̌m nzyǒo ɨ́ sá nyé dí ede yɨ́. Waá dí eti yʉ́ʉ́ dœʼ nyá, nyě sá nó ó, nye nkʉ̂ gúmlo Tî Yésʉs e nzɨ̌ biti nyaá. Nye ntémé, nye lɨ́ edwě Nzyɛ̌m nzyǒo ɨ́ dœʼ nyɨ́ɛ dí ekam éde yɨ́.

Kolosi 2:16

Abîr gá ó, mʉr dwêʼ bɨ̌n mebě ɨ́ sá bɨ́n dí ede yɨ́: nkʉ̂ menyoʼ, nkʉ̂ mede. Bé ayɨ́ pahle bɨ́n ɨ́ lɔ̌b mbwalá ménzɔɔ wɔ́ɔ́, nkʉ̂ ɨ́ lɔ̌b ébʉ́ʼ lé ébám lé álomó. Bé ayɨ́ pahle bɨ́n ntémé ɨ́ lɔ̌b mbaʼlá móhó sábat.

1 Korɛnt 8:8

Mɨná bɨɛ, bé lɨ́ ekʉ́ gʉ́a gá ó, ntʉ̌ dœʼ ngá tyen mʉ̂r bǎʼ e Nzyɛ̌m. Mɨ́ná dí gá, akǎ de tír nó, mɨná bé adímle gá sɔ̂ʼ. Mɨ́ná bé óde gá nye nó, sɔ̂ʼ, yé ákɛlɔɔ tɨ̂ʼ kʉ́.

Kolosi 3:17

Sá yɨ́yɛ̂h bɨ́n dí esâ, nkʉ̂ lɛ́ɛ yɨ́, yé díʼee pɨrá e díé mé Tî Yésʉs. Dwéʼ gá Nzyɛ̌m Sɔ́ŋ nzyǒo ɨ́ díé lé.

1 Korɛnt 7:28

Sâ gwár, gó sí bâ mʉ́má nó, gó asâ syóm. Éséhe sí tô lɨ́ ebâ nó, lé asâ syóm. Tó kœb ó, bʉr o dí mimbɛ́á bá, bé ósia e mitúú ɨ́ bicwiʼ byɔ́ɔ́. Nó ó, me lɨ́ egwɨ̂m ékamle e bɨ̌n ɨ́ páʼ mítúú myaá.

Rôm 14:3

Mʉr waá dí ede mímbi méde mímyɛ̂h nyá, nyě sá apyêh búʼó mʉ̂r dí eti tír nyá. Mʉr dí eti tír nyá, nyě sá adwe baá o dí ede mímbi méde mɨ́mɛ̂h bá mebě, ebě, Nzyɛ̌m á si beŋle mɨ́ɔɔ́ wɨ́n waá.

Ebrœ̂ 13:9

Gwá di gá le ocwóó. Sá abîr gá ó, nyʉ́ʉ́ mʉ̂r mɛ́rɨɨ bɨ̌n lɨ́ okómó ɨ́ nzɨ̌ metwɨ́ɨ́ méswîh nyé dí edwe bɨ́n má. Ncwɨ́ncwɨ́a mé Nzyɛ̌m ó dí egbâ bʉ̂r pîm ɨ́ búʼó. Yé mbɨa ó, bɨ̌n bíʼee nkul tɨ̂. Mede bé dí elɛ́ɛ ó, mʉr, nye ɨ́ jala le ede lɨ́ esú lé édwě Nzyɛ̌m dúu tɨ̂ʼ má, mé abe e nyɔm ɨ́ páʼ bʉ̂r o dí ede mé bá.

1 Timotɛ 2:4

Nyě kpɛ̌l ó, bʉr bɨ́bɛ̂h níʼee ɨ́ twǐʼ njʉ̌m dǐ, le egʉ́a mílɔ̌b mi dí tyeetye mí.

1 Korɛnt 6:13

Bé lɨ́lɛ́ɛ́ ntémé ó: «Mede, mê tɨ̂ʼ ó, lɨ́ esú é mo. Mo ntémé, lɨ́ esú é méde.» Yé ó nó. Sâ gwár, Nzyɛ̌m ógbah bíbyɛ̂h, ebě, nyʉ̂l mʉr, nyé abe ó, nye díʼee lœʼá ɨ́ nzɨ̌ bijoó. Nye tɨ̂ʼ ó, lɨ́ esú lé éséa e Tî Yésʉs syɛ́ɛ́. Tî Yésʉs, ntémé, nye tɨ̂ʼ ó, lɨ́ esú é ményʉ́l gá mɨ́ná.

Rôm 14:17

Mpóʼo mé Nzyɛ̌m, nyé abe mpóʼo mede le menyoʼ. Nye ó mpóʼo otîtyěl, mepyɛbla, ndu e bisʉhʉʉ mɨ́ná dí ebi gá e nzɨ̌ Sísǐm mé Nzyɛ̌m bí.

Mataos 15:36

Nye ntɔ̂ʼ nʉa bíblêr nzaangbá byaá le bwá bé ósû baá, dwě Nzyɛ̌m nzyǒo, ntɔ̂ʼ pɛ̂ʼ byê, dwe ómpʉ́n, bé ntɔ̂ʼ kab méntumo me bʉ̂r.

Mataos 14:19

Píe tɨ̂, nye nzě lɛ́ɛ le entumo e bʉ̂r ó, lé díʼee sí ɨ́ dáá. Nye ntɔ̂ʼ nʉa bíblêr bitɛ̂n le osú óbá baá, nzě dwɛ̂ʼ kʉ́, dwě Nzyɛ̌m nzyǒo, nzě pɛ̂ʼ byé bipêh, nzě dwidwe ómpʉ́n bé byǎ. Bé ntɔ̂ʼ kab éntumo e bʉ̂r biblêr byaá.

Mɨlʉmlʉ 27:35

Jɔ̌ʼ Pɔ̂l á sil elɛ́ɛ bé nó yɨ́, nye nzě nʉǎ blêr, nzě dwě Nzyɛ̌m nzyǒo, mʉr nyɨnyɛ̂h lɨ́ ebee. Nye nzě pɛ̂ʼ yê, ntɔ̂ʼ táare éde.

Yʉanes 6:23

Mʉ́ʉ́ mɛ̂l ntɔ̂ʼ pyâl, duhǒ Tiberiâs. Mɨ́ nzě pyâl kúnókúno e gúmó bé á de blêr píe jɔʼ Tî Yésʉs á dwe Nzyɛ̌m nzyǒo yɨ́.

Lʉkas 24:30

Jɔʼ bé á be ɨ́ téble lɨ́ edǐ de yɨ́, nó ó Yésʉs á nze nʉa blêr, ntɔ̂ʼ dwě Nzyɛ̌m nzyǒo. Nye ntɔ̂ʼ pɛ̂ʼ yê, dwe bé yǎ.

Mataos 15:11

Ntʉ̌ sá dí enî mʉ̂r ɨ́ num yɨ́, dí ebɛ̂ʼ páʼ mʉr, bé e Nzyɛ̌m. Mʉr bɔ́ʼá e Nzyɛ̌m ó, ɨ́ lɔ̌b ékǎn e dí eduho nyé ɨ́ num lɨ́.»

1 Timotɛ 5:14

Sá tɨ̂ʼ ó mé dí ekpɛl ó, mikúhó mí bʉ́bá dína mempɨ̂h mí, myé tôʼ ɨ́ mebâ yɨ́. Myé nkʉ̂ byâ bwân, le ebaʼle mímbɛ̌r myɔ́ɔ́. Myé ayɨ́ dwe bʉ̂r o dí elwímla e mɨná gá bá jɔʼ dí ó, bé swéʼee díé é sɔ́má gá yɨ́ná yɨ́.