1 Timotɛ 4:16 - Kálar Nzyɛ̌m : Ejwán é Sáá

¹⁶ Gwá dwɛ̂ʼ gó mʉr tɨ̂ʼ ndu e lɛ́ʼlá gó dí edwe bʉ̂r wɨ́. Sɨ́sáʼ sɨ́n lɨ́ edû mílɔ̌b mínɨ̌. Gó ósâ nó wá, go ótíʼ gó mʉr tɨ̂, tíʼ ntémé baá o dí ejôʼlo gó bá.

Kálara Zyɛ̌m Edwán é mpʉ̌n

¹⁶ Gʉa dwɛʼ go mʉr tɨʼ ndwe e mbi sikʉlʉ go lé eto le edwe bʉr ɨ. Dɨʼe sa zyee lé edu mɨlɔb mɨnɨ. ǃGo si sa no nɛʼɛ, go ótiʼ go mʉr tɨ, tiʼ nteme baa lé ejoʼlo go e.

1 Timotɛ 4:16 ပူးပေါင်းရင်းမြစ်များ

Títos 1:9

Nye díʼee lará e lɔ́ɔ́ búʼó yɨ́ná, waá bé dí eboó lɛ̂ʼle wɨ́. Nó ó nyé óbe e nkul egwá tɨ́e bʉ́ʉ́ bʉ̂r yɨ́. Lɛ́ʼlá mpâ mɨ́ná dí edwe gá wɨ́, wé ólɛ̂ʼle bʉ̂r o dí epére mékǎn e mɨná bá bigwǐh byɔ́ɔ́.

Títos 2:7

Kʉ̌ tyen gô, wé díʼee mbɨ̂mbɨá ɨ́ mipáʼ mímyɛ̂h, lwɨ́ŋlá e bisyɛ́ɛla bimpâ. Dwéʼ bʉ̂r milɛ́ʼlá e léme dí abě mbáʼrá e mikóo wɨ́. Bé béyɨɨ go ntémé e medile.

2 Timotɛ 4:2

túnáá Mbɨambɨa Lɔ́ɔ. Diʼee ɨ́ cǎr ó, go túnaa wé ɨ́ bijɔʼ bi dí ejala e túnó waá bí, ti e byaá bi dí ajala e wé bí. Dwéʼ bʉ̂r mebě ɨ́ mebébe mɔ́ɔ́. Lɛ́ʼláá bé mebě mɔ́ɔ́. Gbáʼ bé pîm ɨ́ búʼó. Sáʼ nó e bíhwó, ti e milɛ́ʼlá mímpâ.

Éfɛsɔs 4:14

Jɔʼ yaá ó mɨ́ná ngá pʉʼa gá ɨ́ tyé bwá ó ntwǒm ɨ́ nkǒ páʼ búʼó yɨ́. Milɛ́ʼlá míswîh, myé ákǎ ntyeŋ mɨ́ná gâ, nkʉ̂ dímle mɨ́ná gá ɨ́ nzɨ̌ mikóo. Baányâ-mikóo baá, bé gwɨ́m ó, bé mɛ́rɨɨ mɨná gá ɨ́ mpila mépɨʼ yɔ́ɔ́, le ntémé ó, mɨná nʉ́aa gá bidyɛʼ byɔ́ɔ́.

Ebrœ̂ 13:9

Gwá di gá le ocwóó. Sá abîr gá ó, nyʉ́ʉ́ mʉ̂r mɛ́rɨɨ bɨ̌n lɨ́ okómó ɨ́ nzɨ̌ metwɨ́ɨ́ méswîh nyé dí edwe bɨ́n má. Ncwɨ́ncwɨ́a mé Nzyɛ̌m ó dí egbâ bʉ̂r pîm ɨ́ búʼó. Yé mbɨa ó, bɨ̌n bíʼee nkul tɨ̂. Mede bé dí elɛ́ɛ ó, mʉr, nye ɨ́ jala le ede lɨ́ esú lé édwě Nzyɛ̌m dúu tɨ̂ʼ má, mé abe e nyɔm ɨ́ páʼ bʉ̂r o dí ede mé bá.

Ebrœ̂ 12:15

Gwá di gá le ocwóó, ó mʉ̌r sá abɔ́ʼa e Nzyɛ̌m dí e mpam nyá. Kaalé dí ɨ́ dwie dwie wɨ́, wé sá apâh bíntoʼdu, ntɔ̂ʼ lœʼ bʉ̂r ɨ́ buo buo ɨ́ míh mé Nzyɛ̌m.

2 Timotɛ 3:14

Nó sá gó á jɨ̂ʼ, gʉ́a ntémé ó, yé ó tɨ̂ʼ yɨ́, yé díʼee go simá ɨ́ lémé gô. Sá ajɨha mímbi mi bʉ̂r gó á nʉa milɛ́ʼlá kwá nyɔ́ɔ́ bá.

Lʉkas 21:34

«Gwá di gá le ocwóó. Milémé mín ámû jaá tyɛʼ ɨ́ mpwaʼ edɨ́ɨ́ ndu e mpur menyoʼ, nkʉ̂ ɨ́ mpuo bijwɨʼ bí twǐʼ sí yɨ̂. Móhó waá, wé ámû jaá pyâl bɨ́n metwɨrâ, mpʉ̌ syɛ̌m.

1 Timotɛ 4:6

Gó sí dwe bɨ́ɔɔ́ bô milɛ́ʼlá mîʼ nó, go bě mpǎŋ syɛ̂l mesâ mé Yésʉs-Krîst! Go ódwidwe mílɛ́ʼlá ɨ́ nzɨ̌ nyaá ó, ɨ́ milɔ̌b mí búʼó gá yɨ́ná, ti e mpǎŋ lɛ́ʼlá gó á jóʼo wɨ́.

1 Timotɛ 1:3

Diʼeě Éfɛsɔs mpʉ mé á tɨ́e go, ɨ́ jɔʼ mé á be, me mû kúno etô sí Masedónia yɨ́. Diʼee náǎ, go e tɨ́é bʉ̂r ó, bé sá adweela gúú mbǐ lɛ́ʼlá swîh.

Rôm 16:17

Nó ó, bɨ́ɔɔ́ bâm, me lɨ́ ejɨʼla e bɨ̌n ó, bɨ̌n e báʼ bʉ̂r o dí egbâ nzyɛ́ɛ́lá mecwíí páʼ bʉr e bʉr, le baá dí egbâ mebɔ̌ʼ ɨ́ nzɨ̌ me bʉ́ʉ́ bʉ̂r bá. Bé lɨ́ esâ nó ó, bé nkʉ̂ kamle e milɛ́ʼlá bɨ́n á dweŋɔɔ mí. Diʼee gá ncɛrá e bê.

2 Timotɛ 2:10

Mě dúhwó mítúú mímyɛ̂h ó, lɨ́ esú é bʉ̂r Nzyɛ̌m á twâr bá. Nye á twâr bé ó, bé bíʼee twiʼ, ti e kûm dí edǐ njʉ̌m dǐ e njʉ̌m dǐ nyɨ́, ɨ́ nzɨ̌ mé Yésʉs-Krîst.

1 Korɛnt 9:27

Mɨ́ gbâ nyʉ̂l nyǎm ɨ́ jwɨ́ɨ́ yâm, le esâ nyé bwaʼbwaʼ mpêl. Me ámû jaá myahɔɔ̌ kʉ̌l, mɛm, mʉr dí eboó tutúnǒ Mbɨambɨa Lɔ́ɔ nyá.

Mɨlʉmlʉ 6:4

Bɨ̌h bɨɛ ókǎ tirwo ó, njɨ e syɛ́ɛ́ mínjɨʼla, le yaá élɛ́ɛ mílɔ̌b mé Nzyɛ̌m.»

Markus 13:9

«Nó, pɨrɨɨ gá mekʉ̌ sí. Bé ótô e bɨ̌n ɨ́ bʉ̌m nɨ́nɨ́ɨ́. Bé óŋmɛ̂h bɨ́n mingáhá ɨ́ mempáh mínjɨʼla. Bé ótô e bɨ̌n ɨ́ mempǒm me bʉ̂r onɨ́nɨ́ɨ́, le maá mé ójwɨ́ɨ ɨ́ lɔ̌b wâm, bɨ̌n nkʉ̂ boʼlǒ sá bɨ́n dí egʉ́a ɨ́ páʼ wâm yɨ́.

Jacques 5:20

gʉ́ŋáá gá ó, mʉr waá dí epɛʼ syɛ̂l misyóm ɨ́ nzɨ̌ misyóm myé, tyêl nyé ɨ́ nzɨ̌ mpâ nyá, nyɨ́ tǐʼ sísǐm me syɛ̂l misyóm waá. Nyɨ́ sâ ó, Nzyɛ̌m pɛ́ʼɛɛ nye bibaa bí ébébe ɨ́ buo buo.

Títos 2:15

Nó ó gó jálá le elwib e bʉr, le tɨ́e bé yɨ́. Lɛ́ʼláá bʉ̂r mebébe mɔ́ɔ́ e nkul jwɨ́ɨ nyǒ nyɨnyɛ̂h. Mʉ̌r sá apyêh gô.

Kolosi 4:17

Lɛ́yɨ́ɨ́ gá ntémé le Arkípɔs ó, nye gbâʼ nkul ɨ́ syɛ́ɛ́ Tî Yésʉs á lómo nye ó, nye séaa yɨ́. Nye lóŋlaa yê.

1 Korɛnt 9:22

Ɨ́ jɔʼ mé dí e bʉr o dí apǎ bi pîm ɨ́ búʼó bá yɨ́, mě dǐ ntémé ó mpʉ mʉ̂r dína apǎ bi pîm ɨ́ búʼó nyá. Mě sá nó ó, me dúlaa bê. Me lɨ́ esáa énwɨɨla e mimbi mi bʉ̂r mímyɛ̂h lɨ́ esú lé étiʼ bʉ́ʉ́ bʉ̂r.

Rôm 11:14

me nkʉ̂ gbâ kúl bʉ̂r yâm, oYúden, egú ɨ́ miléme. Jáŋá bʉ́ʉ́ bʉ̂r ɨ́ sɔ́má yɔ́ɔ́, bé ónzě bǐ twǐʼ njʉ̌m dǐ e nzɨ̌ nyaá.

Rôm 2:7

Bâʼ bʉ̂r, bé sáá ó kûm, le dúu le twiʼ dí asíesie yɨ́. Bé lɨ́ edûhwǒ sɔ́ɔlʉ waá e bíhwó, lɨ́ esâ mímpaŋ bísyɛ́ɛla. Bé ó baá Nzyɛ̌m ngá dwě twǐʼ njʉ̌m dǐ bá.

Mɨlʉmlʉ 26:22

Sâ gwár, Nzyɛ̌m á si kamle e me, nzě pyâl ɨ́ móhó wɨ̂ʼ mûh. Me dína ó wâ, lɨ́ eboʼlǒ lɔ̌b waá kwá bʉr bɨ́bɛ̂h, táare e bwá ó ntwǒm, kala le otɔ́má bʉ̂r. Mé alɛ́ɛ yʉ́ʉ́ sá swîh, njɨ yaá ógwíha o mílɔ̌b ndu e Moyɨ̂z bé á boo lɛ́ɛ ó, yé ópyâl yɨ́.

Filemɔŋ 1:19

Mɛ̌m Pɔ̂l, mě cɛmá mékǎn mâʼ ó e mbó wâm mɛm mʉr tɨ̂: Me ókʉ́ jána gô. Ajɨha ó, go ntémé, go ó me e mpʉ́lá. Nó ó, yé ó twiʼ yô.

1 Tesalonika 2:16

Mpʉ bɨ́h dí ekpɛl étô le elɛ́ɛ bíkúl bíswîh mpʉ̌ Nzyɛ̌m dí e nkul etíʼ bé yɨ́, oYúden bɨ́ɛ, bé lɨ́ ebene, ndu e l'ekamle bɨ́h lɨ́ esâ nó. Ɨ́ syɛ́ɛla yaá, bé mû ó sí lóŋlo bísyɛ́ɛla bí ébébe byɔ́ɔ́. Sá tɨ̂ʼ ó Nzyɛ̌m á ka lɛ̂ʼle nkpaa nyé ɨ́ páʼ wɔ́ɔ́ yɨ́.

1 Korɛnt 1:21

Nzyɛ̌m á tíʼe ɨ́ páʼ wé ó, bʉr ó sí yɨ̂ʼ gʉ́ŋaa nye ɨ́ nzɨ̌ ocwóó wé nye mʉr tɨ̂. Tó kœb ó, bé á si kâr egʉ́ǎ Nzyɛ̌m e nzɨ̌ nyaá. Bé á ka sáa egʉ́a nyé ó, ɨ́ nzɨ̌ wɔ́ɔ́ ócwóó, bé bʉr o tɨ̂. Sá tɨ̂ʼ ó Nzyɛ̌m á ka bee embɨa ɨ́ páʼ wé ó, nyě tǐʼ ó baá o dí ebúʼlǎ lɔ́ɔ́ wé bá yɨ́. Lɔ́ɔ waá, wé ó sá bʉ́ʉ́ bʉ̂r dí ebeě mpʉ ógʉ̌ yɨ́.

1 Timotɛ 4:15

Sáʼ sɨ́n lɨ́ elóŋlo bísyɛ́ɛ́ byaá, le egbâ lémé gô tɨ̂ʼ ɨ́ dwííí. Nó bʉ̂r bɨ́bɛ̂h ngá beě mpʉ gó ótô e byé dóló yɨ́.