1 Timotɛ 4:12 - Kálar Nzyɛ̌m : Ejwán é Sáá

¹² Anyamlě kam ó, mʉr pyéhee go ɨ́ lɔ̌b gó dína loʼo. Lɨlɛ́ʼláá óbûʼla mveʼle édû. Sáʼ nó e bisyɛ́ɛla bî: lwǐb yô, twiʼ yô, kpɛ̌l yô, búʼó yô, lɨ́ edwe nyʉ̂l nyǒ medile ɨ́ míh mé Nzyɛ̌m.

Kálara Zyɛ̌m Edwán é mpʉ̌n

¹² Anyamle mɛʼle ó, mʉr pyehɨ go ebe go dina ma soho. Obuʼla, bé ejala le enʉa dweʼle tiʼ yo lé ejoʼo lwib yo ndwe le egʉa leme ncwɨncwɨa go, buʼo yo, ndwe é mpʉ go lé ekœʼ ebò e cyen é pememe é mih mo Zyɛm ɨ.

1 Timotɛ 4:12 ပူးပေါင်းရင်းမြစ်များ

Títos 2:7

Kʉ̌ tyen gô, wé díʼee mbɨ̂mbɨá ɨ́ mipáʼ mímyɛ̂h, lwɨ́ŋlá e bisyɛ́ɛla bimpâ. Dwéʼ bʉ̂r milɛ́ʼlá e léme dí abě mbáʼrá e mikóo wɨ́. Bé béyɨɨ go ntémé e medile.

2 Timotɛ 2:22

Diʼeě e mpaŋ ncɛ́rá e bigwɨ́má bí óntwǒm. Dúʼóó njɨ bisâ bi dí tîtyěl bí. Dyɛ́ʼwáá e Nzyɛ̌m. Sáʼ bʉ̂r mpam. Sáʼ ó, bʉr bíʼee mepyɛbla. Sɨ́sáʼ nó, bɨ̌n e bʉr bɨ́bɛ̂h o dí ejɨʼla e Nzyɛ̌m e miléme ɨ́ sɔ́ɔ́ɔ́ bá.

2 Timotɛ 2:15

Léme díʼee go ɨ́ báná báná ó, go ódǐ mbi mʉ̂r Nzyɛ̌m óbóblo, ntɔ̂ʼ bee ó, wé e nyɔm wɨ́. Sáŋáá ó, go díʼee syɛ̂l mesâ dí abi ésɔ́m ɨ́ syɛ́ɛ́ yé nyá. Jɔʼ gó ólwilwib e bʉr ɨ́ sá dí edumo le otyeetye mé Nzyɛ̌m yɨ́, dúʼóó ntɨ̂n. Go e syɛ́hlé mímbóó.

1 Pyɛr 5:3

Ayɨ́ jwɨ́ɨ gá e bʉr o b'á tímlɔɔ bɨ̌n bá e cére. Tɨ́áá gá bé kʉ̌ tyen bé jálá le edû wɨ́.

1 Korɛnt 11:1

Baŋaa gá me mpʉ mé dí ebaŋǎ Krîst yɨ́.

1 Tesalonika 1:6

Bɨ̌n ntɔ̂ʼ dû kʉ̌ tyen wɨ́h e boo Tî Yésʉs. Bɨ̌h bé á si bee bɨ̌n lɨ́ ebúʼlǎ Mbɨambɨa Lɔ́ɔ, damá jóʼo ɨ́ mitúú bɨ́n á sia e myé mí. Ɨ́ mitúú tʉ́ŋlʉ̌, bɨ̌n bé á si lóno ɨ́ bisʉhʉʉ̌ Sísǐm mé Nzyɛ̌m wé á ntɨh bɨ̌n bí.

Títos 2:15

Nó ó gó jálá le elwib e bʉr, le tɨ́e bé yɨ́. Lɛ́ʼláá bʉ̂r mebébe mɔ́ɔ́ e nkul jwɨ́ɨ nyǒ nyɨnyɛ̂h. Mʉ̌r sá apyêh gô.

Mataos 18:10

«Gwá di gá le ocwóó ó, bɨ̌n ayɨ́ pyêh mwân ngwár lɨ́ bwán bâ, ebě, mě lɛ́ɛ́ bɨ́n ó: beéngeles bɔ́ɔ́ dí kʉ́ bá, bé lɨ́ ebee ɨ́ tooobó mpǒm me Sɔ́ŋ wǎm dí ɨ́ jʉ́o kʉ́ nyá ɨ́ jɔʼ yɨ́yɛ̂h.»

2 Timotɛ 2:7

Kʉ́ gwá baʼle ékǎn mê lɛ́ɛ́ gó lɨ̂, ebě, Nzyɛ̌m ódwe gó ocwóó ɨ́ mipáʼ mímyɛ̂h.

Jacques 3:13

Wáa mʉ̂r ɨ́ sɔ́má yɨ́n dí le ocwóó? Wáa mʉ̂r dí egʉ́a mékaná, sâ bínzololo? Yé jala ó, mʉr waá gʉ́ŋaa elɛ̂ʼle ócwóó wé ɨ́ nzɨ̌ mbɨambɨa kʉ̌ tyen nyé dí edû yɨ́. Nye sâʼ bisyɛ́ɛla bimpâ. Nye díʼee le njwɨr dí ɨ́ tala tala wɨ́. Mpaŋ ócwóó ó tɨ̂ʼ wɨ́.

Jacques 3:17

Sá ésôʼ mɨ́ná jálá le elɛ́ɛ gá yɨ́ ó yɨ̂: ocwóó dí eduho kʉ́ wɨ́, wé abe ɨ́ mpúhlá le ebébe. Píe tɨ̂, wé ó sá dí esâ ó, bʉr tíʼaa ɨ́ mepyɛbla yɨ́. Wé ó sá dí elɛ̂ʼle mʉ̂r mpʉ nyé tálaa njwɨr, le edi e léme sulá sí yɨ́. Ocwóó waá ó dí esâ ó, mʉr jɨ́ʼɨɨ bʉ́ʉ́ bʉ̂r nkoó. Wé lɨ́ edwe mʉ̂r ngwɨ́á ésâ bísyɛ́ɛla bimpâ. Wé abe e nkɔ̌m ɨ́ gúú pâʼ. Wé abe e mikóo.

Filipi 4:8

Bɨ́ɔɔ́ bâm! Okɛ́l bâm! Me lɨ́ esûʼlǎ lɛ́ɛ bɨ́n ó nɛ́ɛ: pahlaa gá bisá bímpâ ndu e byaá bi dí e medile bí. Pahlaa gá bisâ bi dí tyeetye bí. Pahlaa gá bidimé bísɔ̂ʼ, le byaá bi dí tîtyěl bí. Pahlaa gá bisâ bi dí ɨ́ púpúpú le ebuú kpɛlɔɔ bí. Pahlaa gá milɔ̌b bʉ̂r dí egúmlo mí.

1 Tesalonika 2:10

Bɨ̌n bé e nkul eboʼlo, ti e Nzyɛ̌m mʉr tɨ̂ʼ ó: bɨ̌h bé á be ó miléme ɨ́ sɔ́ɔ́ɔ́ ɨ́ mîh mé Nzyɛ̌m. Bɨ̌h bé á be páʼ nyɨ́n, obûʼla ó, otîtyěl o bʉ̂r le bʉr o dí abe e mebě bá.

1 Timotɛ 1:14

Sá tɨ̂ʼ ó Dâ á sʉ me metyɛʼ me mpóm ɨ́ nkalá nkalá yɨ́. Nye á si gbâ me ntémé búʼó ti e kpɛ̌l ɨ́ léme, ɨ́ nzɨ̌ mé Yésʉs-Krîst.