1 Timotɛ 4:10 - Kálar Nzyɛ̌m : Ejwán é Sáá

¹⁰ Nzyɛ̌m wɨ́ná dí kublakúbla, waá dí Tiʼbʉr ɨ́ páʼ bʉ̂r bɨ́bɛ̂h nyá ó b'á gbâ mpûʼla ɨ́ milémé míná. (Náǎ yé ó, nyě tǐʼ ó, baá o dí edyêʼ koo e né bá!) Lɔ́ɔ waá wé omér ó dí esâ ó, bɨ̌h kámaa túú syɛ́ɛ́, ti e dɔm bɨ́h dí elwímla lɨ́.

Kálara Zyɛ̌m Edwán é mpʉ̌n

¹⁰ Zyɛm wina ndɨ kublakubla ɛ, a si kʉ gba bɨna mbɛla é mɨleme. Nye ó waa ndɨ Tiʼbʉr é l'efu e bɨkul bibyɛh, kʉ bul be baa ndɨ obuʼla ɛ. Lɔɔ waa wé ome ó lé esa ó, bɨh jaʼra e mɨtuu bɨsyɛɛ, ndwe le efwɛmla ɛ.

1 Timotɛ 4:10 ပူးပေါင်းရင်းမြစ်များ

1 Timotɛ 2:4

Nyě kpɛ̌l ó, bʉr bɨ́bɛ̂h níʼee ɨ́ twǐʼ njʉ̌m dǐ, le egʉ́a mílɔ̌b mi dí tyeetye mí.

1 Yʉanes 2:2

Ebě, Yésʉs-Krîst, nye ó mʉr á búra e misyóm gá míná lɨ́ esú lé éleʼě Nzyɛ̌m ɨ́ nkpaa nyé nyá. Abě njɨ myaá gá míná, myé omér. Nye á dwe twiʼ ó, lɨ́ esú é bʉ̂r ó sí yɨ́yɛ̂h.

1 Timotɛ 2:6

mʉr á pa dwe twiʼ yé lɨ́ etáǎ góo, le edwih bʉ̂r bɨ́bɛ̂h ɨ́ mpila ébébe nyá. Nó ó, lɔ́ɔ waá, wé á ka lɛ́ɔɔ ó, ɨ́ jɔʼ wé á jala le elɛ́ɔɔ yɨ́.

Yʉanes 1:29

Ɨ́ mɛ́n tɨ̂, Yʉánɛs kǎ bee ó, Yésʉs lɨ́ enze kwá nyé. Yʉánɛs nzě lɛ́ɛ ó: «Beyɨɨ gá Mâ Nteme mé Nzyɛ̌m dí edwih mísyóm mí sí mímyɛ̂h nyá!

1 Yʉanes 4:14

Mɨná bɨ́ bee gá sá mɨ́ná tʉ́tó gá le eboʼlo yɨ́. Mboʼlá gá wɨ́ná, wé ó wɨ̂: Dâ Nzyɛ̌m á ntɨh Mwân wé ó, nye díʼee Tiʼbʉr ɨ́ sí yɨ̂ʼ yɨ́yɛ̂h.

Yʉanes 4:42

Bʉr baá, bê nzě lɛ́ɛ mʉ́má nɨ̌ ó: «Ɨ́ báánâ, bɨ̌h bé akǎ dyɛ̂ʼwo e né njɨ ɨ́ lɔ̌b lɔ́ɔ́ gô lɛ́ɛ́ bɨ́h wɨ́, ebě, bɨ̌h bʉr o tɨ̂, bɨ̌h bɨ́ jóʼǒ lwǐb yé le ekʉ́ gʉ́a ntémé ó, ɨ́ sí yɨ̂ʼ yɨ́yɛ̂h, nye ó dí bánǎ be Tiʼbʉr.»

Yʉanes 5:24

«Mě lɛ́ɛ́ bɨ́n lɨ́ otyeetye ó, mʉr ngá jôʼlǒ lwǐb yâm le edyɛ̂ʼwo e mʉr á ntɨh me nyá, nyɨ́ bǐ twǐʼ njʉ̌m dǐ. Nye ákǎ tíʼɔɔ mílɔ̌b. Nyɨ́ boó duho lɨ́ eswie, ntaa ɨ́ twǐʼ njʉ̌m dǐ.

Ebrœ̂ 13:13

Sá tɨ̂ʼ ó mɨ́ná jálá le eduho tʉ́ŋlʉ̌ nkana yaá yɨ́. Mɨná dúhaa gá tɨ̂, tó pyâl nkǒ Krîst dí ɨ́ nkanǎ kʉ̌l yɨ́, mɨná gá le onɔ́ɔ́ nkʉ̂ pyaŋɔɔ̌ jwɨʼ gwár e gwár.

1 Pyɛr 1:21

Krîst ó b'á sâ ó, bɨ̌n dyɛ̂ʼwaa e Nzyɛ̌m, mʉr á pɛh nye, dwih nyé lɨ́ odwe, dwe nyé kûm ntémé nyá. Sá tɨ̂ʼ ó búʼó yɨ́n le mpûʼla nyɨ́n dí njɨ ɨ́ Nzyɛ̌m yɨ́.

Ebrœ̂ 11:26

Nye á kpɛl ó, bé pyéhee bé e Krîst sɔ́má, laa ó, nye bíʼee okúm ɨ́ sí Egɨ̂ptɛn. Nye á si bee myɛ́na Nzyɛ̌m á komo nye má.

1 Timotɛ 6:17

Lɛ́yɨ́ɨ́ óbil o bísâ ɨ́ jɔʼ yɨ̂ʼ ó, bé sá ankɛ́ɛ ményʉ̂l. Bé sá adyɛ̂ʼwo le okúm le ogbaa wɔ́ɔ́, ebě, mbi ókúm wɔ́ɔ́, wé abe lɨ́ ebea. Milémé myɔ́ɔ́, myé lónaa ɨ́ mpûʼla ɨ́ lɔ̌b mé Nzyɛ̌m, nyɨɛ mʉr dí epǎ dwe mɨ́ná gá bisá bíbyɛ̂h ɨ́ ntʉʉʉ́ nyá. Nyě sá nó ó, nye gbâʼ mɨná gá bisʉhʉʉ ɨ́ miléme.

1 Timotɛ 3:15

lɨ́ esú ó, mé bé alɨ̌ nzě kœb gó gʉ̂ʼ nó, go gʉ́ŋaa kʉ̌ tyen dí ejala e mʉr Mbɛ̌r-Nzyɛ̌m wɨ́. Go ógʉ́a wé ó, lɨ́ eláa mékaná mâ. Mbɛ̌r-Nzyɛ̌m waá, wé ó dí sɔ́má bʉ̂r o dí egúmo e Nzyɛ̌m dí kublakúbla nyá. Otyeetye mé Nzyɛ̌m, wé tyɛ́b ɨ́ lyahwó ó, ebě, Mbɛ̌r-Nzyɛ̌m dí mpʉ édwii e sɔ́ŋ ndu e nkan dí ɨ́ lele nyɨ́.

Mataos 27:43

Nye á be ó sí dyɛ̂ʼwo e Nzyɛ̌m. Yé bé Nzyɛ̌m dína ó lɨ́ ekpɛl nyé nó, nye káa tiʼ nyé ɨ́ báánâ, ebě, nye á lɨlɛ́ɛ ntémé ó, nye ó Mwân mé Nzyɛ̌m!»

Mataos 16:16

Simon Pétrus ntɔ̂ʼ yala ó: «Go ó Mʉ̌r Nzyɛ̌m á lœm múló mé jwɨ́ɨ nyá. Go ó Mwân mé Nzyɛ̌m dí kublakúbla nyá.»

1 Korɛnt 15:10

Damá jóʼo nó, me mʉr milʉ́mlʉ́ ó, ɨ́ metyɛʼ me mpóm Nzyɛ̌m á sʉ me má. Nye á bé asʉ mé mǎ dwêh. Nye á sʉ me mǎ ó, me nkʉ̂ séa, laa bʉ́ʉ́ bʉ̂r o mílʉ́mlʉ́ bé bɨ́bɛ̂h. Lɨ́ otyeetye, ntʉ mé á séa. Metyɛʼ me mpóm me dí ɨ́ me má, mé ó dí esâ ó, me séaa.

2 Korɛnt 1:10

Nye ó mʉr á pɛʼ bɨ̌h lɨ́ eswie laá tʉ́ŋlʉ̌ nyá. Nye ntémé ó ngá báʼǎ dwih bɨ́h ɨ́ ka sóo. Yé ó nó: milémé míh, mí lóno ɨ́ mpûʼla ó, nye óbánǎ pɛʼ bɨ́h lɨ́ eswie ɨ́ yʉ́ʉ́ jɔʼ swîh,

1 Timotɛ 2:3

Nzyɛ̌m, Tiʼbʉr gá wɨ́ná, nye lɨ́ ebeě syɛ́ɛla yaá mbɨ̂mbɨá; nye lɨ́ ekpɛl yê.