1 Timotɛ 3:4 - Kálar Nzyɛ̌m : Ejwán é Sáá

⁴ Tyɛ̂b esôʼ Mbɛ̌r-Nzyɛ̌m mbɨa ó, di mʉ̂r dí egwá jwɨ́ɨ̌ mbɛ̌r bʉ̂r wé nyá. Bwán bé, bé ɨ́ jala le esâ nyé mejóʼo, lɨ́ elɛ̂ʼlě mpʉ bé jálá le edwe ményʉ̂l medile yɨ́.

Kálara Zyɛ̌m Edwán é mpʉ̌n

⁴ Yé ejala ó, mbɔʼlʉ mbɛr Zyɛm, nye beʼ mʉr lé egʉa kœʼ e mbɛr bʉr we e. Bwan be, bé ejala le edwaabe nye, le esa nye mojoʼo é mozi mɨmɛh.

1 Timotɛ 3:4 ပူးပေါင်းရင်းမြစ်များ

Títos 1:6

Go ópɛ̂h tyɛ̂b esôʼ Mbɛ̌r-Nzyɛ̌m ó, mʉr dí apǎ dweŋɔɔ mébě nyá. Nye díʼee njɨ e mʉmá ngwár. Bwán bé, bé díʼee bʉr o dí edyêʼ koo e Yésʉs bá. Bʉr, bé ajala le elɛ́ɛ, dumo e bwân bé ó, bé lɨ́ elɔ̂ʼwa lɨ́ esâ ébébe. Bé sá alɛ́ɛ ntémé ó, bɨ́ɛ bé asâ sɔ́ŋ wɔ́ɔ́ mejóʼo.

1 Timotɛ 3:12

Diâkɔn, nye díʼee njɨ e mʉmá ngwár. Nye gwâ jwɨ́ɨ ntémé bwán bé, ti e mbɛ̌r bʉ̂r wé mbɨ̂mbɨá.

Títos 2:2

Lɛ́yɨ́ɨ́ ótɔ́má ó bʉ̂r ó Mbɛ̌r-Nzyɛ̌m ó: bé ajala le ede ményoʼ, puro. Bé dwêʼ menyʉ́l mɔ́ɔ́ medile, le etíʼě mpʉ bʉ̂r o dí epahle bá jálá le esâ yɨ́. Sá bé dí ebúʼla yɨ́, yé díʼee mpʉ mɨ́ná dí elɛ̂ʼle gá yɨ́. Bé díʼee bʉr o dí ecwɨ́a e bʉ́ʉ́ bʉ̂r bá. Bé dûhwaa ntémé mitúú.

Mɨlʉmlʉ 10:2

Bé e mbɛ̌r bʉ̂r wé wɨ́wɛ̂h, bé á be ó otîtyěl o bʉ̂r. Bé ntémé bé á be lɨ́ edwáawǒ Nzyɛ̌m. Nye á be lɨ́ ebuú súʼo báántéʼenteʼe o bʉ̂r óYúden, le ejɨʼla e Nzyɛ̌m ɨ́ bijɔʼ ɨ́ buo buo.

Títos 2:7

Kʉ̌ tyen gô, wé díʼee mbɨ̂mbɨá ɨ́ mipáʼ mímyɛ̂h, lwɨ́ŋlá e bisyɛ́ɛla bimpâ. Dwéʼ bʉ̂r milɛ́ʼlá e léme dí abě mbáʼrá e mikóo wɨ́. Bé béyɨɨ go ntémé e medile.

Filipi 4:8

Bɨ́ɔɔ́ bâm! Okɛ́l bâm! Me lɨ́ esûʼlǎ lɛ́ɛ bɨ́n ó nɛ́ɛ: pahlaa gá bisá bímpâ ndu e byaá bi dí e medile bí. Pahlaa gá bisâ bi dí tyeetye bí. Pahlaa gá bidimé bísɔ̂ʼ, le byaá bi dí tîtyěl bí. Pahlaa gá bisâ bi dí ɨ́ púpúpú le ebuú kpɛlɔɔ bí. Pahlaa gá milɔ̌b bʉ̂r dí egúmlo mí.

Éfɛsɔs 5:24

Nó ó, jwɨʼ gwár mpʉ̌ Mbɛ̌r-Nzyɛ̌m dí esâ Krîst mejóʼo yɨ́, bʉbá, bé ɨ́ jala le esâ ójʉ́m bɔ́ɔ́ mejóʼo ɨ́ sá yɨ́yɛ̂h.