1 Timotɛ 3:1 - Kálar Nzyɛ̌m : Ejwán é Sáá

¹ Lɔ́ɔ́ wɨ̂, wé kʉ́ be ó kwahaá tyeetye: mʉ̂r sáá ó, nye díʼee tyɛ̂b esôʼ Mbɛ̌r-Nzyɛ̌m, pála ókrǐsten nó, nyě gwɨ́m ó, esú é syɛ́ɛ́ dí mbɨa lɨ́.

Kálara Zyɛ̌m Edwán é mpʉ̌n

¹ Lɔɔ wi, wé ó lɔɔ ebuʼla: ǃɨ mʉr be lé egwɨm ó, nye diʼe mbɔʼlʉ é mbɛr Zyɛm nɛʼɛ, nye egwɨm sa mbɨambɨa syɛɛ.

1 Timotɛ 3:1 ပူးပေါင်းရင်းမြစ်များ

Títos 1:7

Yé ó nó: yé jɨ ó, mʉr dí epála bʉ̂r ó Mbɛ̌r-Nzyɛ̌m nyá, díʼee waá dí apǎ dweŋɔɔ mébě nyá, ebě, nye ó syɛ̂l mesá mé Nzyɛ̌m. Nyé ajala le esâ pyêh, nkʉ̂ di ɨ́ ŋmaaa, abě nyʉnyóʼ, nkʉ̂ mʉr esweha, nkʉ̂ waá dí esáa bímɔnɨ́ ɨ́ menzɨ̌ me dí onzyɛ́h ónzyɛ́h má nyá.

Mɨlʉmlʉ 20:28

Gwá dwɛ̂ʼ gá tyé yɨ́n, bɨ̌n bʉr o tɨ̂, le mpʉ̌ sɔ́má óbûʼla bɨ́bɛ̂h dí yɨ́. Sísǐm mé Nzyɛ̌m, wé á tyêl bɨ̌n ɨ́ Mbɛ̌r-Nzyɛ̌m ó, ɨ́ dǐ óbɔʼlʉ. Nó, gwá baʼle gá bé Mbɛ̌r-Nzyɛ̌m waá. Nzyɛ̌m á bwâm wé ó, ɨ́ nzɨ̌ metié mé Mwân wé nye mʉr tɨ̂.

1 Pyɛr 5:2

Baʼlaa gá daa e bínteme mé Nzyɛ̌m nyé á tímle bɨ̌n lɨ́. Kʉ́ gwá pála gá Mbɛ̌r-Nzyɛ̌m, abe yɨ́ɛ mpʉ̌ sá lɛ́ɛ́, bɨ̌n bé ó lɨ́ bi ó, bɨ̌n séaa syɛ́ɛ́ yaá. Kamaa gá syɛ́ɛ́ mpɔ̂ʼlʉ yɨ́n ɨ́ lɔ̌b gwɨ́má mílémé mín. Séáá gá nó e jwɨʼ ó, bɨ̌n séá ó Nzyɛ̌m syɛ́ɛ́. Mʉ̌r sá abaʼlě Mbɛ̌r-Nzyɛ̌m lɨ́ esú lé élóŋlo bígwɨ́má bímɔnɨ́ ɨ́ menzɨ̌ me dí onzyɛ́h ónzyɛ́h má. Nye sâʼ nó ɨ́ gwɨ́má lémé wé.

1 Timotɛ 1:15

Lɔ́ɔ́ ébûʼlɔɔ, waá bʉ̂r bɨ́bɛ̂h jálá le ekam wɨ́, wé ó wɨ̂: Yésʉs-Krîst á nze ɨ́ sí yɨ̂ʼ ó, nye ntáa nzě tíʼ ósyɛ̂l o mísyóm. Nó ó, ɨ́ sɔ́má bʉ̂r o b'á sâ misyóm bá, mɛm ó b'á sahle.

1 Pyɛr 2:25

Ebě, bɨ̌n bé á be ɨ́ melú mé épíhe ó, mpʉ bínteme byé á dîm bí. Nó ɨ́ báánâ, bɨ̌n mû ó sí swîʼ, tó kœb mbɔ̂ʼlʉ wɨ́n. Nye ntémé ó pá di mbɔ̂ʼlʉ misísǐm mín.

Ebrœ̂ 12:15

Gwá di gá le ocwóó, ó mʉ̌r sá abɔ́ʼa e Nzyɛ̌m dí e mpam nyá. Kaalé dí ɨ́ dwie dwie wɨ́, wé sá apâh bíntoʼdu, ntɔ̂ʼ lœʼ bʉ̂r ɨ́ buo buo ɨ́ míh mé Nzyɛ̌m.

2 Timotɛ 2:11

Ekǎn lɨ̂, lé ó sá ébûʼlɔɔ: «Mɨ́ná púhlá gá e Krîst lɨ́ eswie lé nó, mɨná tíʼe gá ntémé e né jwɨʼ gwár e gwár yaá.

1 Timotɛ 4:9

Lɔ́ɔ́ wɨ̂ʼ, wé ó tyeetye. Wɨ́ɛ ó dí waá bʉ̂r bɨ́bɛ̂h jálá le enʉa, le ekam wɨ́. Wé ó:

Filipi 1:1

Yé ó mɛm Pɔ̂l, bɨ̌h e Timotɛ̂, osyɛ̂l o mésâ mé Yésʉs-Krîst. Bɨ̌h cɛmá ó bɨ̌n, bʉr bɨ́bɛ̂h o dí egúmo e Yésʉs-Krîst, baá bé á pûhla e né, le edǐ Fílipi bá. Bɨ̌h cɛmá ntémé ó, otyɛ̂b bé ésôʼ ó Mbɛ̌r-Nzyɛ̌m le odiâkɔn.

Lʉkas 15:10

Mě lɛ́ɛ́ bɨ́n ó: jwɨʼ gwár yaá ntémé ó bisʉhʉʉ ngá bě gúmó bééngeles mé Nzyɛ̌m dí yɨ́, ɨ́ jɔʼ syɛ̂l misyóm ngwár mû sí túmǒ koo e misyóm myé, le le edwirǎ léme yɨ́.»

Títos 3:8

Lwǐb nɨ̌, yé ó yaá jálá le ebúʼlɔɔ yɨ́. Mě kpɛl ó, go nkʉ̂ gʉ́a dwe bʉ̂r milɛ́ʼlá mínɨ̌. Ɨ́ gúmo yaá ó bʉ̂r o b'á dyɛ̂ʼwo e Nzyɛ̌m bá, bé ósɨsâ bísyɛ́ɛla bimpâ yɨ́. Bisyɛ́ɛla byaá, byé e nyɔm ɨ́ nkǒ páʼ bʉ̂r bɨ́bɛ̂h.

Éfɛsɔs 4:12

Nyě sá nó ó, lɨ́ esú é bʉ̂r o mé Nzyɛ̌m, ó bé díʼee bʉr o dí e nkul elóŋlǒ syɛ́ɛ́ yé bá. Nyě lɛ́ʼlé bé esâ nó ó, lɨ́ esú lé édwě Mbɛ̌r-Nzyɛ̌m (dí nyʉ̂l mé Krîst wɨ́) megwɨ́e.

Mɨlʉmlʉ 1:20

Pétrus nzě lɛ́ɛ ntémé ó: «Ebě, yê cɛmá lɨ́ oSâm mé David ó: “Mbɛ̌r wé, wé líʼɨɨ gumo. Mʉ̌r sá akǎ báʼǎ di tɨ̂.” Yé ntémé, yê cɛmá ó: “Nyʉ́ʉ́ mʉ̂r, nye nʉ́aa dǐ tyɛ̂b esôʼ yé.”

1 Pyɛr 4:15

Mʉ̂r sɔ́má yɨ́n bɔ́má e bintɨ́ʼá nó, yé ajala le eduho e mʉr waá mʉr tɨ̂. Nye ayɨ́ bɔma e bintɨ́ʼá ebe nyé dí njʉ̂l bʉr, nkʉ̂ syɛ̂l ebébe, nkʉ̂ mʉr dí elâʼ lʉ̂ ɨ́ milɔ̌b myé onkán nyá.

1 Tesalonika 5:14

Bɨ́ɔɔ́ bâm! Okɛ́l bâm! Bɨ̌h jɨʼlá e bɨ̌n ó, bɨ̌n cɨ́lɨɨ bʉr o dí esâ épɨ̂h bá. Póbláá gá baá o dí e bʉ́á ɨ́ miléme bá. Kɛmɨɨ gá baá o dí ɨ́ tyɛʼ bá. Júhwáá gá bʉr bɨ́bɛ̂h.

Rôm 11:13

Ɨ́ báánâ, me mû ó lɨ́ enzě lwib e bɨ̌n, bʉr o dí abe óYúden bá. Me ó mʉr milʉ́mlʉ́ Nzyɛ̌m á lómlo bʉr o dí abe óYúden bá nyá. Me lɨ́ ekʉ́ buú nkʉ́na ɨ́ lɔ̌b syɛ́ɛ́ mé dí eséa lɨ́ esú lɨ́n ó,