1 Timotɛ 2:7 - Kálar Nzyɛ̌m : Ejwán é Sáá

⁷ Nzyɛ̌m nzě tyêl mé ɨ́ bidǐ bibá: yaá lɛ́a lɔ́ɔ wé, ti e yaá mʉ̂r milʉ́mlʉ́ wé. (Mě lɛ́ɛ́ ó, otyeetye; mé alɛ́ɛ bíbɛr.) Me ó lɛ̂ʼla lɨ́ esú é bʉ̂r o dí abe óYúden bá, lɨ́ edwe bé metwɨ́ɨ́ ɨ́ nzɨ̌ búʼó yɨ́ná, le otyeetye mé Nzyɛ̌m.

Kálara Zyɛ̌m Edwán é mpʉ̌n

⁷ Zyɛm ze cyel me é bɨdia bɨba: yaa cyela mɨtuno, ndwe e yaa lʉmlʉ we—me ekʉ lɛɛ ó ocyecye; me alɛɛ mpʉl—, me ó yeʼle mɨlɔb mo Zyɛm é l'efu e bʉr o ndɨ abe oYʉden ɨ, lé elɛʼle be é zi buʼo ga yina le ocyecye mo Zyɛm.

1 Timotɛ 2:7 ပူးပေါင်းရင်းမြစ်များ

Mɨlʉmlʉ 9:15

Nó ó Tî Yésʉs á lɛ́ɛ e né ó: «Tóʼ, ebě, me á si twâr mʉ̌r nɨ̌. Lɔ́ɔ́ wâm, wé ótó lɛ́ɔɔ kwá byúú bíkûl bi bʉ̂r ó, ɨ́ nzɨ̌ nyé. Nye ólɛ́ɛ ntémé ojwɨ́ɨ́ bɔ́ɔ́ wǎ, bé e bʉr o b'Ɨ́zraɛ̂l.

2 Timotɛ 1:11

Mbɨambɨa Lɔ́ɔ waá ó mé dí etúno wɨ̂, ebě, Nzyɛ̌m á si tyêl me ɨ́ dǐ lɛ́a lɔ́ɔ wé, le yaá mʉ̂r milʉ́mlʉ́ wé, le yaá lɛ̂ʼla.

Rôm 9:1

Mě lɛ́ɛ́ ó, otyeetye, abe bíbɛr. Mě lɛ́ɛ́ ó, ɨ́ mpúhlá nyɨ́h e Yésʉs-Krîst. Mipahlá mí lémé wâm, myé lɨ́ ekʉ́ boʼlǒ lɔ́ɔ waá e nzɨ̌ Sísǐm mé Nzyɛ̌m.

Rôm 15:16

Nye á bě sí sʉ mé metyɛʼ me mpóm, ó me díʼee syɛ̂l mesâ mé Yésʉs-Krîst lɨ́ esú é bʉ̂r o dí abe óYúden bá. Me mû ó mpʉ pára dí eliŋ bʉ̂r baá ndwéá Nzyɛ̌m dí ekpɛl, waá Sísǐm wé, wé á pubo wɨ́ nyá. Syɛ́ɛ́ pára mé dí esâ yɨ́, yé ó syɛ́ɛ́ étúnǒ Mbɨambɨa Lɔ́ɔ dí eduho kwá mé Nzyɛ̌m wɨ́.

Galásia 2:9

Jacques, bé e Kefâs, ndu e Yʉánɛs, bé ó b'á bu nyɨ̂n ɨ́ mîh ó, bé ó dí «medwii me sɔ́ŋ» ɨ́ Mbɛ̌r-Nzyɛ̌m. Bé á si gʉ́a lɨ́ otyeetye ó, Nzyɛ̌m á si lɛ̂ʼle me mpam nyé. Bé ntɔ̂ʼ bára e bɨ̌h e Banabâs, lɨ́ elɛ̂ʼle ó, bɨ̌h á kʉ be ó, ɨ́ mpúhlá miléme, bɨ̌h le onɔ́ɔ́. Bɨ̌h ntɔ̂ʼ di twíí ó, bɨ̌h bé ótô kwá bʉr o dí abe óYúden bá. Bɨ́ɛ, bé ótô kwá oYúden.

Galásia 1:20

(Sá mé dí ecɛma yɨ̂, yé ó tyeetye. Ɨ́ míh mé Nzyɛ̌m, me lɨ́ ebáʼǎ lɛ́ɛ ó, mé asâ bíbɛr.)

Rôm 11:13

Ɨ́ báánâ, me mû ó lɨ́ enzě lwib e bɨ̌n, bʉr o dí abe óYúden bá. Me ó mʉr milʉ́mlʉ́ Nzyɛ̌m á lómlo bʉr o dí abe óYúden bá nyá. Me lɨ́ ekʉ́ buú nkʉ́na ɨ́ lɔ̌b syɛ́ɛ́ mé dí eséa lɨ́ esú lɨ́n ó,

2 Pyɛr 2:5

Nzyɛ̌m ntémé á bé abîr bʉ̂r o myâ. Nye á si ntɨh mpɨɨ ɨ́ sí yɨ̂ʼ lɨ́ ejʉ̂ mínjéʼe-Nzyɛ̌m. Nye á jaa tíʼ ó, njɨ Nóe, á lɨlɛ́ɛ bʉr sá dí tîtyěl yɨ́ nyá, bé e bʉ́ʉ́ bʉ̂r nzaangbá.

Galásia 3:9

Abraham nzě dyêʼ koo e Nzyɛ̌m. Nó ó Nzyɛ̌m á sʉ nye metyɛʼ me mpóm yɨ́. Jwɨʼ gwár e gwár yaá ntémé ó Nzyɛ̌m ngá sʉ bʉ̂r bɨ́bɛ̂h o dí edyɛ̂ʼwo e né bá metyɛʼ me mpóm yɨ́.

2 Korɛnt 11:31

Waá dí Nzyɛ̌m mé Tî Yésʉs-Krîst, waá dí Sɔ́ŋ wé nyá, nye lɨ́ egʉ́a ó, mé alɛ́ɛ bíbɛr. Nye díʼee e kûm njʉ̌m dǐ e njʉ̌m dǐ.

Rôm 10:14

Sâ gwár, bé ókɛn mʉ̂r bé á be adyêʼ koo e né nyá e nyáa nzɨ́? Nó ó, bé ódyɛ̂ʼwo e waá bé á be ajóʼo díé lé nyá e nyáa nzɨ́? Bé ójóʼo díe laá, abe e mʉr túnó bé lǎ, e nyáa nzɨ́?

Mɨlʉmlʉ 26:20

Me á jaa nyɛl ó, njɨ túnó Mbɨambɨa Lɔ́ɔ, táare e bʉr ó Damâs, kala e baá ó Yerʉ́zalɛm, ti e baá bɨ́bɛ̂h dí ɨ́ sí Yʉ́da bá, dumlo e bʉr o bíkúl bíswîh. Me á lɛ́ɛ e bé ó, bé túmaa mikoo e misyóm myɔ́ɔ́, le edwira míléme. Bé e dyɛ́ʼwó e Nzyɛ̌m, le esâ bísyɛ́ɛla bi dí elɛ̂ʼle ó, bé mû ó otîtyěl o bʉ̂r, le miléme mindwirá bí.

Mɨlʉmlʉ 22:21

Nó ó Tî Yésʉs á ka lɛ́ɛ e me ó: “Tóʼ, ebě, me múo nzě tyen gó lɨ́ ejaa, ɨ́ nko bʉ̂r o dí abe óYúden bá di yɨ́.”»

Mɨlʉmlʉ 14:27

Jɔʼ bé á pyâl Antiôs yɨ́, bê nzě jébe bʉ̂r ó Mbɛ̌r-Nzyɛ̌m, lɛ́ɔɔ bé bisá bíbyɛ̂h Nzyɛ̌m á sâ e nkul nyé bí. Bé á lɛ́ɛ ntémé ó, Nzyɛ̌m á si cwɨ́a ntémé e bʉr o dí abe óYúden bá, lɨ́ edwe bé nkul edyɛ̂ʼwo e né.

Yʉanes 7:35

OYúden nzě táare édíila páʼ nyɔ́ɔ́ ó: «Nye ókǎ tô wâʼ wó, mbi dí ó, mɨná bé ákǎ bee gá nye wɨ́? Nzê nye ótô le elɛ̂ʼle óYúden mû mingbɛhá míngbɛhá ɨ́ Grɛ̂s, le elɛ̂ʼle ntémé bʉr o Grɛ̂s ɛ̌?

Galásia 2:16

Sâ gwár, mɨná bé lɨ́ egʉ́a gá ó, mʉr, nyé abi nkâm ɨ́ míh mé Nzyɛ̌m ɨ́ lɔ̌b mbaʼlá métié. Mʉ̌r bi nkâm ó, ɨ́ lɔ̌b búʼó, lɨ́ edyêʼ koo e Yésʉs-Krîst. Mɨná bɨ́ dyɛ̂ʼwo ntémé e Yésʉs-Krîst. Búʼó gá yɨ́ná yaá, yé aduho ɨ́ mbaʼlá metié. Mʉr ákóʼó bi nkâm ɨ́ míh mé Nzyɛ̌m ɨ́ lɔ̌b mbaʼlá métié.

Rôm 1:9

Ɨ́ jɔʼ yɨ́yɛ̂h, me lɨ́ ejɨʼla e né ɨ́ lɔ̌b wɨ́n. Nzyɛ̌m mʉr tɨ̂ʼ boʼlo ó, mě lɛ́ɛ́ ó otyeetye. Nye ó mé dí eboó séǎ syɛ́ɛ́ yé e tiŋé ɨ́ lémé wâm nyá. Mě séá yé ó e nzɨ̌ etúnǒ Mbɨambɨa Lɔ́ɔ dí edumo e Mwân wé wɨ́.

1 Korɛnt 9:1

Nzê mé abě nzyɛh ɛ̌? Ntʉ mé dí mʉr milʉ́mlʉ́ mé Krîst ɨ́? Nzê me á bé así bee Tî gá wɨ́ná Yésʉs ɛ̌? Ntʉ bɨ́n dí mpumó á gúmo, duho ɨ́ syɛ́ɛ́ mé á séa ɨ́ nzɨ̌ Tî gá wɨ́ná yɨ́ ɛ́?