1 Timotɛ 2:6 - Kálar Nzyɛ̌m : Ejwán é Sáá

⁶ mʉr á pa dwe twiʼ yé lɨ́ etáǎ góo, le edwih bʉ̂r bɨ́bɛ̂h ɨ́ mpila ébébe nyá. Nó ó, lɔ́ɔ waá, wé á ka lɛ́ɔɔ ó, ɨ́ jɔʼ wé á jala le elɛ́ɔɔ yɨ́.

Kálara Zyɛ̌m Edwán é mpʉ̌n

⁶ Nye ó b'a kɛha tiʼ ye lé ejala e mobebe mo bʉr bɨbɛh, le ekʉr be e. No ó, mboʼla waa, wé a lɛɔ ó, njɨ é jɔʼ wé a jala le elɛɔ ɛ.

1 Timotɛ 2:6 ပူးပေါင်းရင်းမြစ်များ

Mataos 20:28

Ebě, Mwân mé Mʉr nye mʉr tɨ̂ʼ á bé anze ó, bʉr séaa e né. Nye á nze ó, nyɨɛ séaa e bʉr, le edwě twiʼ yé, lɨ́ enzě lɨ́ etáǎ góo, le edwih bʉ̂r ɨ́ buo buo ɨ́ mpila mísyóm, pɛʼ bé ɨ́ fá.»

1 Pyɛr 3:18

Ebě, Krîst mʉr tɨ̂ʼ á si dwe jɔʼ gwár lɨ́ esú é bíjɔʼ bíbyɛ̂h ɨ́ lɔ̌b bísyɛ́ɛla bí ébébe bín. Nyɨɛ tîtyěl mʉr á búra ó, le onzyɛ́h ó bʉ̂r, lɨ́ esâ ó, nye tôʼ e bɨ̌n nkǒ Nzyɛ̌m dí yɨ́. Bʉr bé á si jʉ̂ nye ɨ́ nkǒ páʼ bípúno. Nzyɛ̌m nyɨɛ nzě sâ ó, nye bíʼee nkul ɨ́ nkǒ páʼ Sísǐm wé.

Galásia 4:4

Yé ntɔ̂ʼ kǎ pyâl mbɨambɨa jɔ̌ʼ Nzyɛ̌m á boo tyêl yɨ́. Jɔʼ yaá ó Nzyɛ̌m á nze ntɨh Mwân wé, ó nye ntáa nzě byɛ̂l ɨ́ mo nyʉ́ʉ́ mʉ́má. Mwân waá á be ó, ɨ́ mpila métié tʉ́ŋlʉ̌.

Mɨngwiha 1:5

Yésʉs-Krîst sʉ́ʼoo bɨ̌n metyɛʼ me mpóm, le egbâ mépyɛbla ɨ́ sɔ́má yɨ́n. Nye ó mboʼlo jálá le ebúʼlɔɔ nyá. Nye ó dí mwâ medwéʼe mé Nzyɛ̌m á pah, duho lɨ́ odwe nyá. Nye ó dí Njwɨ́ɨ mesí mé sí yɨ̂ʼ mɨ́mɛ̂h. Nye lɨ́ ekpɛl mɨ́ná gâ. Nyɨ́ sʉ métié mé sí, ntɔ̂ʼ pɛʼ bibaa bí ébébě Nzyɛ̌m á niʼe ɨ́ lɔ̌b mísyóm gá míná bí, ɨ́ nzɨ̌ ndwéá wé.

1 Yʉanes 4:10

Kpɛ̌l mpâ ó yɨ̂: yé abe yaá mɨ́ná dí elɛ̂ʼle gá Nzyɛ̌m yɨ́. Yé ó yaá nyɨ́ɛ á lɛ̂ʼle mɨná gá yɨ́, ebě, nye á si ntɨh mɨná gá Mwân wé. Nye ó mʉr á búra le syóm wɨ́ná nyá. Nye ntémé ó b'á leʼe nkpaa mé Nzyɛ̌m.

Títos 2:14

Nye á si dwe twiʼ yé nye mʉr tɨ̂ʼ lɨ́ esú lɨ́ná, ó nye dwíhɨɨ mɨná ɨ́ mpila mébébé mɨ́mɛ̂h. Nyɨ́ pubo mɨ́ná gá ó, mɨná díʼee kúl bʉ̂r dí egúmo e né yɨ́. Kûl yaá, yé ódi e léme ɨ́ cǎr ó, yé gbâʼ nyʉ̂l lɨ́ elóŋlo bísyɛ́ɛla bimpâ.

1 Korɛnt 1:6

Ebě, bɨ̌n bé á si bûʼla sá bɨ́h á boʼlo, dumo e Yésʉs-Krîst yɨ́.

1 Timotɛ 6:15

Tî Yésʉs ónyɨ̂n ɨ́ jɔ̌ʼ Nzyɛ̌m mʉr tɨ̂ʼ á boo tyêl ó, nye ónyɨ̂n yɨ́. Ebě, Nzyɛ̌m waá ó dí Njwɨ́ɨ mɨ́ná dí egúmlo, dí Njwɨ́ɨ ojwɨ́ɨ, Tî otî nyá.

Éfɛsɔs 5:2

Kpɛlaa gâ, mpʉ̌ Krîst á kpɛl mɨná gá yɨ́. Nye á si syɛ́ɛla twiʼ yé lɨ́ esú é bícwiʼ gá bíná. Nye á dwe twiʼ yé ó, nye díʼee mpʉ tír bé dí etíʼě Nzyɛ̌m tâŋ ndwéá nyá. Ndwéá waá, wé e menumó Nzyɛ̌m dí ɨ́ buú kpɛl má.

1 Pyɛr 2:24

Krîst á si bɛb misyóm gá míná, ntɔ̂ʼ dwe e myé ɨ́ kolôs. Nye á sâ nó ó, mɨná nkʉ̂ dwe gá ɨ́ nkǒ páʼ mísyóm, ntɔ̂ʼ tíʼe lɨ́ otîtyěl. Mɨná bé á be gá ó, mimbêl. Mɨná ntɔ̂ʼ kǎ tíʼe gá ɨ́ nkul mepɨ́ɨ́ mé.

Títos 1:3

Nye á ka túno lɔ̌b twiʼ yaá ó, ɨ́ jɔʼ yé á jala le egwíhɔɔ yɨ́. Nzyɛ̌m, Tiʼbʉr gá wɨ́ná á gwîh bʉr lwǐb yé ó, ɨ́ nzɨ̌ nyǎm. Nye á tíʼe ɨ́ léme ó, nyě tyél ó me ɨ́ dǐ lɛ́a lɔ́ɔ wé. Nye á tímle syɛ́ɛ́ yaá ó me.

2 Korɛnt 5:21

Mʉr á be abe e mpɨŋ nyá, nye ó waá Nzyɛ̌m á dwir syɛ̂l misyóm lɨ́ esú gá lɨ́ná nyá. Nye á sâ nye nó ó, mɨná nkʉ̂ di gá otîtyěl o bʉ̂r ɨ́ míh mé Nzyɛ̌m e nzɨ̌ mʉr waá.

Rôm 5:6

Sá mé dí elɛ́ɛ yɨ̂ʼ, yé ó: mélú mé épíhe, mɨná bé á be gá ó, onzwoó. Jɔʼ yaá ó Krîst á nze ka búra e mɨná gâ, minjéʼe-Nzyɛ̌m yɨ́. Nye á dwe ó, ɨ́ mpǎŋ jɔ̌ʼ Nzyɛ̌m á boo pɛ̂h yɨ́.

Yʉanes 6:51

Me ó dí mede me dí etiʼ bʉ̂r, maá mé á duho ɨ́ jʉ́o kʉ́ má. Mʉ̂r sí de méde maá nɛ́ɛ: nye ótiʼě njʉ̌m dǐ e njʉ̌m dǐ. Mede mé ódwe nyé má, mé ó bipúnó byâm. Mě dwé bʉ̂r ó sí yɨ̂ʼ byǎ ó, lɨ́ esú ó, bé bíʼee twiʼ.»

Markus 10:45

Ebě, Mwân mé Mʉr mʉr tɨ̂ʼ á bé anze ó, bʉr séaa e né. Nye á nze ó, nyɨɛ séaa e bʉr, le edwě twiʼ yé, lɨ́ enzě táǎ góo, le edwih bʉ̂r ɨ́ buo buo ɨ́ mpila mísyóm, pɛʼ bé ɨ́ fá.»

Mɨngwiha 5:9

Bé á didyɛɛ ó, edwán é jɨ̂m. Bé ó: «Go ó jálá le enʉa mékaná mâ, gbɛ́ɛ bísitâm, ebě, go á si jʉ́ŋɔɔ. Go á si dwih bʉr ɨ́ mpila ébébe, tô e bé kwá mé Nzyɛ̌m. Go á si syɛ́ɛla metié mô lɨ́ esú é bʉ̂r baá. Bé ó bʉr o bíkúl bíbyɛ̂h, ndu e bilwǐb bíbyɛ̂h, bʉr o mémpóʼo mɨ́mɛ̂h, ndu e mesí mɨ́mɛ̂h.

Ebrœ̂ 9:12

Jɔ̌ʼ Yésʉs á nî mpáh Nzyɛ̌m nyaá yɨ́, nye á bé anʉa sʉ́á métié mé óntamakǎ, nkʉ̂ maá bíntœœ. Metié nyé á nʉa, nî e mé má, mé á be ó maá mé nye mʉr tɨ̂. Nye nzě tó nî ɨ́ ntɔ́ɔ á be ɨ́ buú buǒ tí nyɨ́. Nye á nî ó, jɔʼ gwár lɨ́ esú é bíjɔʼ bíbyɛ̂h, ó nye nkʉ̂ táa góo, le edwih mɨ́ná gá ɨ́ mpila ébébe, ó mɨná díʼee gá onzyɛh o bʉ̂r, njʉ̌m dǐ e njʉ̌m dǐ.

2 Timotɛ 1:8

Nó, ajóʼo bá sôn ɨ́ lɔ̌b mboʼlá mɨ́ná dí eboʼlo, dumo e Tî gá wɨ́ná wɨ́. Ajéʼe mɛ̂m. Ajóʼo sôn ɨ́ lɔ̌b ménkara mé mû kɛ́ʼá e mé má. Go e dúhwó mítúú mi dí edweŋɔɔ mɨ́ná ɨ́ lɔ̌b Mbɨambɨa Lɔ́ɔ mí. Go e dúhwó e nkǔl Nzyɛ̌m dí edwe nyɨ́.

2 Tesalonika 1:10

Nye ónzě sâ bé nó ɨ́ móhó bʉ̂r bé, bé ódwe nyé kûm wɨ́. Bʉr bɨ́bɛ̂h o dí egúmo e né bá, bé ókâm nyê. Bɨ̌n ntémé bé óbe ó tɨ̂ʼ ɨ́ sɔ́má yaá, ebě, bɨ̌n bé á si bûʼla mboʼlá wɨ́h.

Rôm 16:26

yaá mû sí nyɨ̂n ɨ́ ponó yɨ́. Lɔ́ɔ waá, wé á boo be ó cɛmá lɨ́ mekaná mé ógwíha o mílɔ̌b. Bikúl bíbyɛ̂h, byé mû kǎ gʉ́a wé ó, dû mpʉ̌ Nzyɛ̌m á boo tyêl etié lɨ́ esú lɔ́ɔ́ yɨ́. Nzyɛ̌m dí njʉ̌m dǐ e njʉ̌m dǐ nyá, á lɛ̂ʼle byé lɔ́ɔ́ mé Yésʉs waá ó, byé nkʉ̂ dyɛ̂ʼwo e né, le esâ nyé mejóʼo.

Éfɛsɔs 1:17

Me lɨ́ ejɨʼla e Nzyɛ̌m dí e kûm, waá dí Sɔ́ŋ mé Tî gá wɨ́ná, Yésʉs-Krîst nyá, ó nye tyɛ́bɨɨ bɨ̌n ɨ́ miléme, ó bɨ̌n twólwaa, le ntémé ó, nye gwíhɨɨ bɨ̌n misolá mílɔ̌b myé. Myé óbe bɨ́n e nyɔm, lɨ́ esú ó, bɨ̌n gʉ́ŋaa nye.

Éfɛsɔs 1:7

Mwân waá ó b'á pyêl metié mé, ntɔ̂ʼ búra e mɨná gâ. Nye á sâ nó ó, nye táŋaa góo, ó nye dwíhɨɨ mɨná gá ɨ́ mpila ébébe. Nye ó b'á sâ ntémé ó, Nzyɛ̌m pɛ́ʼɛɛ bibaa bí ébébe nyé á niʼe mɨná gá bí. Nzyɛ̌m á sâ mɨná gá bisyɛ́ɛla byaá ó, lɨ́ elɛ̂ʼle mɨ́ná gá mpwaʼ mpam nyé.

Éfɛsɔs 3:5

Ɨ́ mimbú mí píhe, mimyǎ mi bʉ̂r ɨ́ buo buo, bé á bé agʉ́a épâʼlǎ solá lɔ̌b waá. Ɨ́ báánâ, Nzyɛ̌m mû kǎ gwîh wé ó e nzɨ̌ Sísǐm wé. Sísǐm mé Nzyɛ̌m nyɨɛ, nyě gwíh wé ó, kwá bʉr o mílʉ́mlʉ́ mé Yésʉs-Krîst, bé le ogwíha o mílɔ̌b mé Nzyɛ̌m. Bé gúmó ó e Nzyɛ̌m.

Markus 1:15

Nye á lɨlɛ́ɛ ó: «Jɔʼ, yɨ́ pyâl! Nzyɛ̌m, nye mû ó kúno etyêl Mpóʼo nyé ɨ́ sɔ́má yɨ́n! Túmáá gá mikoo e mebébe mɨ́n. Bɨ̌n a dwírá míléme. Búʼláá gá Mbɨambɨa Lɔ́ɔ.»

Galásia 1:4

Yésʉs-Krîst mʉr tɨ̂ʼ á si dwe twiʼ yé, nzě búra e misyóm gá míná. Mpʉ nyé á jala e myé yɨ́, nyɨ́ dwih mɨ́ná gá ɨ́ sɔ́má ósyɛ̂l o mísyóm ó myǎ wɨ̂. Yésʉs á sâ nó ó, mpʉ̌ Nzyɛ̌m gá wɨ́ná, waá dí ntémé Sɔ́ŋ gá wɨ́ná nyá, á kpɛl yɨ́.