1 Timotɛ 2:4 - Kálar Nzyɛ̌m : Ejwán é Sáá

⁴ Nyě kpɛ̌l ó, bʉr bɨ́bɛ̂h níʼee ɨ́ twǐʼ njʉ̌m dǐ, le egʉ́a mílɔ̌b mi dí tyeetye mí.

Kálara Zyɛ̌m Edwán é mpʉ̌n

⁴ Nye ekpɛl ó, bʉr bɨbɛh biʼe tiʼ molu mo mpoʼ mɨmɛh, le egʉa mɨlɔb ndɨ cyecye e.

1 Timotɛ 2:4 ပူးပေါင်းရင်းမြစ်များ

2 Pyɛr 3:9

Dâ Nzyɛ̌m, nye ábea le elóŋlo nkɛ́ʼ nyé mpʉ bʉ́ʉ́ bʉ̂r dí ejwɨʼ ó, nye álɨ̌ dira nkɛ́ʼ nyaá yɨ́. Nye ɨ́ buo bíhwó ɨ́ bɨ̌n, ebě, nyé agwɨ̂m ó, nyʉ́ʉ́ mʉ̂r dímɨɨ ɨ́ nkɔb bʉr. Gwɨ́má lémé wé, yé ó, bʉr bɨ́bɛ̂h túmaa mikoo e mebébe mɔ́ɔ́, le edwira míléme.

Títos 2:11

Nó ó, Nzyɛ̌m, nyɨ́ lɛ̂ʼle ɨ́ ponó ó, mpam nyé, nye ó lɨ́ esú lé étíʼ bʉ̂r bɨ́bɛ̂h.

2 Timotɛ 2:25

Yé jala ó, nye gwâ tɨ́e bʉ̂r o dí edû nyé e megô bá, e njwɨr ɨ́ tala tala. Nyé sá nó wá, Nzyɛ̌m óbɛ̌m dib bé nzɨ̌ ó bé túmaa mikoo e misyóm myɔ́ɔ́, le edwira míléme. Bé ogʉ́a ótyeetye ɨ́ jɔʼ yaá.

1 Timotɛ 4:10

Nzyɛ̌m wɨ́ná dí kublakúbla, waá dí Tiʼbʉr ɨ́ páʼ bʉ̂r bɨ́bɛ̂h nyá ó b'á gbâ mpûʼla ɨ́ milémé míná. (Náǎ yé ó, nyě tǐʼ ó, baá o dí edyêʼ koo e né bá!) Lɔ́ɔ waá wé omér ó dí esâ ó, bɨ̌h kámaa túú syɛ́ɛ́, ti e dɔm bɨ́h dí elwímla lɨ́.

Lʉkas 24:47

Yé á boo be cɛmá ntémé ó, bʉr, bé ótô ɨ́ lʉ́mlʉ́ wé, le etúnǒ Mbɨambɨa Lɔ́ɔ. Bé ótô le elɛ́ɛ bʉ̂r ó, bé túmaa mikoo e misyóm myɔ́ɔ́, le edwira míléme, Nzyɛ̌m pɛ́ʼɛɛ bé bibaa bí ébébe byɔ́ɔ́. Lɔ́ɔ waá, wé ónyɛɛ́ túnɔɔ ó, ɨ́ Yerʉ́zalɛm, tó túnɔɔ ntémé kwá bikúl bíbyɛ̂h.

Mɨngwiha 14:6

Nó ó, me á si bee nyʉ́ʉ́ éngeles lɨ́ epiilɨ lɨ́ ejwoo kʉ́. Nye á nze ó, lɨ́ enzě túnǒ Mbɨambɨa Lɔ́ɔ. Wé ó lɔ́ɔ dí acéneceně kɔ́m ti e kɔ́m wɨ́. Nye ótúno wé ó, kwá bikûl bíbyɛ̂h, odil ó sí bɨ́bɛ̂h, ɨ́ mesí mɨ́mɛ̂h, e mempóʼo mɨ́mɛ̂h, le ɨ́ bilwǐb bíbyɛ̂h.

Yʉanes 14:6

Yésʉs, nye e né ó: «Me ó dí nzɨ̌. Me ó otyeetye. Me ó etín é twiʼ. Mʉr, nyé abe e nkul etô nko Sɔ́ŋ wǎm dí yɨ́, cɨɨ ɨ́ nyʉ́ʉ́ nzɨ́ swîh, njɨ lɨ́ ecɨɨ ɨ́ nzɨ̌ nyǎm.

Mataos 28:19

Nó ó, tóʼ gá ɨ́ sí yɨ́yɛ̂h. Bɨ̌n a sá bíkúl bíbyɛ̂h ompʉ́n bâm. Bɨ̌n bé odu bé ɨ́ díé é Sɔ́ŋ, le Mwân le Sísǐm mé Nzyɛ̌m.

Títos 1:1

Yé ó mɛm Pɔ̂l, syɛ̂l mesâ mé Nzyɛ̌m, ndu e mʉr milʉ́mlʉ́ mé Yésʉs-Krîst ó dí ecɛma mékaná mâ. Yésʉs-Krîst á lómo me ó, me tô kɛm bʉ̂r ó Nzyɛ̌m á twâr bá, lɨ́ egbâ bé pîm ɨ́ búʼó. Bé gʉ́ŋaa otyeetye, waá ngá sâ ó, bé dwáawaa Nzyɛ̌m wɨ́.

2 Timotɛ 3:7

Ɨ́ jɔʼ yɨ́yɛ̂h, bʉbá baá, bé ó njɨ lɨ́ ejɨ̂ʼ bísʉkʉ́lʉ. Bé ákóʼó gʉ́a yɨ́ɛ otyeetye ɨ́ pébébé.

Lʉkas 14:23

Nye e né ó: “Duhaǎ nkana bé. Tóʼ ɨ́ bwá ménzɨ̌ le ɨ́ nkpâh mikôʼ, bigúmó gó ngá bee bʉ̂r bí. Tínáá bê, bé níʼee ɨ́ mbɛ̌r wâm. Wé lónaa ɨ́ bʉr.

Lʉkas 1:77

Go ólɨlɛ̂ʼlě kúl bʉ̂r gá yɨ́ná ó, nye ó ngá tiʼ mɨ́ná gâ. Nye ópɛʼ mɨ́ná gá bibaa bí ébébe nyé á niʼe mɨná gá bí.

Yʉanes 17:17

Sáʼ ó, bé díʼee kwahaá bʉr bô ntinɨ̂ e ntinɨ̂ lɨ́ otyeetye. Lwǐb yô, yé ó tyeetye.

Yʉanes 6:37

Mʉr nyɨnyɛ̂h Nzyɛ̌m Sɔ́ŋ dí elómlo mé nyá, ónze kwá nyǎm. Mɛm ntémé áso waá nyɨnyɛ̂h dí enze kwá nyǎm nyá.

Markus 16:15

Nó nyé á lɛ́ɛ e bé ó: «Tóʼ gá ɨ́ sí yɨ́yɛ̂h, lɨ́ etô le etúnǒ Mbɨambɨa Lɔ́ɔ ɨ́ mesí mɨ́mɛ̂h Nzyɛ̌m á kuho má.

Ebrœ̂ 10:26

Yé bé mɨná bɨ́ gʉ́a gá otyeetye ɨ́ pébébé, mɨná ntɔ̂ʼ kʉ́ gbáa gá ó, mɨná tó gá ó dóló le esâ syóm nó, lɛ́ɛ́, yé abe e mindwéá myé óbɛ̌m pubo mɨ́ná gá e misyóm myaá.

Rôm 11:14

me nkʉ̂ gbâ kúl bʉ̂r yâm, oYúden, egú ɨ́ miléme. Jáŋá bʉ́ʉ́ bʉ̂r ɨ́ sɔ́má yɔ́ɔ́, bé ónzě bǐ twǐʼ njʉ̌m dǐ e nzɨ̌ nyaá.

Jacques 3:14

Sâ gwár, yé bé bɨ̌n bé lɨ́ esâ égú le epɨra e bʉr ɨ́ milémé mín nó, ayɨ́ nkʉ́na gá dwêh. Milɔ́ɔ́ bíbɛr myaá, myé ó kwahaá tʉ̂toʼó.

2 Yʉanes 1:1

Yé ó mɛm, tyɛ̂b esôʼ ɨ́ Mbɛ̌r-Nzyɛ̌m. Me lɨ́ ecɛmǎ dimé mʉ́má Nzyɛ̌m á twâr nyá, bé e bwán bé. Me lɨ́ ekpɛl bɨ́n lɨ́ otyeetye. Ntʉ mé omér dí ekpɛl bɨ́n. Yé ntémé, yé ó bɨ̌h e baá bɨ́bɛ̂h dí egʉ́a ótyeetye bá.