1 Timotɛ 2:3 - Kálar Nzyɛ̌m : Ejwán é Sáá

³ Nzyɛ̌m, Tiʼbʉr gá wɨ́ná, nye lɨ́ ebeě syɛ́ɛla yaá mbɨ̂mbɨá; nye lɨ́ ekpɛl yê.

Kálara Zyɛ̌m Edwán é mpʉ̌n

³ Zyɛm, Tiʼbʉr ga wina, nye ebee syɛɛla yaa mbɨmbɨa.

1 Timotɛ 2:3 ပူးပေါင်းရင်းမြစ်များ

Ebrœ̂ 13:16

Sáʼ gá bʉr oswîh embɨa. Súʼáá gá bʉr e mebi mɨ́n. Mʉ̌r sá ajɨhǎ syɛ́ɛla yaá, ebě, yé ó ndwéá Nzyɛ̌m dí ebeě mbɨ̂mbɨá wɨ́.

1 Timotɛ 1:1

Pɔ̂l ó dí ecɛma gó mekaná mâ. Me ó mʉr milʉ́mlʉ́ mé Yésʉs-Krîst ɨ́ mitíʼá mé Nzyɛ̌m Sɔ́ŋ, Tiʼbʉr gá wɨ́ná, ti e Yésʉs-Krîst, waá dí egbâ mpûʼla ɨ́ miléme gá míná nyá.

1 Pyɛr 2:20

Bɨ́n sá mísyóm, ntɔ̂ʼ dûhwo ébíʼé é tɨ̂ʼ nó, bɨ̌n bé ólîʼ e wáǎ nyɔm tɨ̂ʼ ɨ́ míh mé Nzyɛ̌m? Tó kœb ó, ɨ́ jɔʼ bɨ́n ósâ syɛ́ɛla mpâ, bɨ̌n ntɔ̂ʼ sia e bintɨ́ʼá le bíhwó yɨ́, syɛ́ɛla yaá, yê bɨ̌n ó mpǎŋ syɛ́ɛla ɨ́ míh mé Nzyɛ̌m.

Rôm 14:18

Ebě, mʉr dí eséǎ Yésʉs-Krîst syɛ́ɛ́ ɨ́ mbi waá nyá, Nzyɛ̌m, nye lɨ́ ebee nyé mbɨ̂mbɨá. Bʉr ntémé kam nyê.

1 Pyɛr 2:5

Kamaa gá ó, Nzyɛ̌m súmaa mbɛ̌r Sísǐm wé ngá di tɨ̂ʼ wɨ́. Diʼee gá mekóʼ me dí kublakúbla má, maá ngá kɛlɔɔ tɨ̂ʼ ɨ́ nzumó nyaá má. Bɨ̌n bé ósûʼla bʉ̂r o dí tí, baá o dí ɨ́ sɔ́má ópara bé bá. Mindwéá bɨ́n ngá dwidwě Nzyɛ̌m e nzɨ̌ Sísǐm wé mí, Nzyɛ̌m óbee myé mbɨ̂mbɨá ó, lɨ́ esú mé Yésʉs-Krîst.

1 Tesalonika 4:1

Bɨ́ɔɔ́ bâm! Okɛ́l bâm! Bɨ̌h bé á si tɨ́e bɨ̌n mpʉ bɨ́n jálá le etíʼě mbǐ twǐʼ Nzyɛ̌m dí ekpɛl wɨ́ yɨ́. Bɨ̌n ntémé mû ó lɨ́ etíʼe nó. Damá jóʼo nó, bɨ̌h bé lɨ́ edî bɨ́n, le etɨ́e bɨ́n ɨ́ díé mé Tî Yésʉs ó, bɨ̌n tôʼ le esâ njɨ nó, ɨ́ buo buo!

Kolosi 1:10

Nó ó, bɨ̌n bé óbɛ̌m tyě mpʉ Tî Yésʉs dí ekpɛl yɨ́, le esâ ɨ́ jɔʼ yɨ́yɛ̂h sá nyé dí ekpɛl yɨ́. Bɨ̌n bé ótô dóló le egúmo mímpaŋ mi mpúmó ɨ́ bisyɛ́ɛla bimpâ bín bíbyɛ̂h. Tóʼ gá dóló le egwɨ́e ɨ́ pɨʼ le ngwɨ́á mé Nzyɛ̌m.

Lʉkas 1:47

Bisʉhʉʉ, byé ó me ɨ́ léme lwɨ́ŋlá, ɨ́ lɔ̌b mé Nzyɛ̌m, mʉr á tiʼ me nyá.

Filipi 1:11

Nó ó bɨ́n ngá di ótîtyěl o bʉ̂r lɨ́ edû kʉ̌ tyen mpâ ɨ́ mpúhlá nyɨ́n e Yésʉs-Krîst yɨ́. Bʉr, bé óbuú dwě Nzyɛ̌m kûm le esêʼle nyé ɨ́ lɔ̌b wɨ́n.

1 Timotɛ 5:4

Gúú kúho, bé e bwân, nkʉ̂ onta nó, bwán bé baá nyɛ́ɛ jɨ̂ʼ éséǎ Nzyɛ̌m syɛ́ɛ́ ɨ́ mbɛ̌r bʉ̂r wɔ́ɔ́ tʉ́ŋlʉ̌. Bé nkʉ̂ jána ósɔ́ŋ le onyɔ̌ŋ bɔ́ɔ́ mpʉ́lá bisyɛ́ɛla bɨ́ɛ, bé á pa sâ bé bí, ebě, syɛ́ɛla yaá, yé ɨ́ mbɨa ɨ́ míh mé Nzyɛ̌m.

Filipi 4:18

Me á si bi sá yɨ́yɛ̂h bɨ́n á lómlo me yɨ́. Bím yaá, yé ɨ́ buo. Me mû ó, ɨ́ twíha ɨ́ lɔ̌b bísá Epafrɔ́ditɔs á nze e byé bí. Nzyɛ̌m, nye lɨ́ ebee míndwéá mín mbɨ̂mbɨá mpʉ míndwéá mi dí edíʼɔɔ nyé e mbɨambɨa menumó mí. Yé ó mbi míndwéá Nzyɛ̌m dí ekpɛl wɨ́.

2 Timotɛ 1:9

Nye á si tíʼ mɨná, ntɔ̂ʼ jébe mɨ́ná ó, mɨná díʼee bʉr o dí egúmo e né bá. Nye á bé ajébe mɨ́ná ɨ́ lɔ̌b bísyɛ́ɛla bimpâ bíná. Nye á jébe mɨná gá ó, ɨ́ lɔ̌b bíjwɨʼ byé nye mʉr tɨ̂, le mpam nyé á be e né, nyaá nyé á be ó, nye ólɛ̂ʼle mɨ́ná nyɨ́. Nye á boo cwɨ́a e mɨná ó, kʉ́ e sí apǎ bě kuhá. Jɔʼ yaá ó nyé á nyɛɛ cwɨ́a e mɨná ɨ́ nzɨ̌ mé Yésʉs-Krîst yɨ́.

1 Timotɛ 4:10

Nzyɛ̌m wɨ́ná dí kublakúbla, waá dí Tiʼbʉr ɨ́ páʼ bʉ̂r bɨ́bɛ̂h nyá ó b'á gbâ mpûʼla ɨ́ milémé míná. (Náǎ yé ó, nyě tǐʼ ó, baá o dí edyêʼ koo e né bá!) Lɔ́ɔ waá wé omér ó dí esâ ó, bɨ̌h kámaa túú syɛ́ɛ́, ti e dɔm bɨ́h dí elwímla lɨ́.