1 Timotɛ 2:2 - Kálar Nzyɛ̌m : Ejwán é Sáá

² Jɨʼlaa ntémé lɨ́ esú lé ójwɨ́ɨ, ndu e baá bɨ́bɛ̂h dí e nkul jwɨ́ɨ bá. Sá tɨ̂ʼ ó mɨ́ná ódû gá kʉ̌ tyen dí abe e ntɨ́ʼá wɨ́, le edi ntémé ɨ́ puuu yɨ́. Ɨ́ bicwiʼ gá bíná, mɨná bé ódwáawǒ Nzyɛ̌m le edwe ményʉ́l mɨ́ná medile.

Kálara Zyɛ̌m Edwán é mpʉ̌n

² Saʼ Zyɛm mɨnjwɨʼla nteme é l'efu e mɨnjwɨɨbʉr ndwe e baa bɨbɛh ndɨ e nkul mojwɨ̀ʼa ɛ. Ebe no ó bɨna bé ódi ga é motala, abe e ntɨʼa ɛ. É bɨtiʼ ga bina, bɨna bé ódwaabe ga Zyɛm le edwiibɨ nye.

1 Timotɛ 2:2 ပူးပေါင်းရင်းမြစ်များ

1 Tesalonika 4:11

Tyélɨ́ɨ́ gá esôʼ ó, bɨ̌n tíʼaa ɨ́ mepyɛbla. Mʉr dwɛ́ʼɛɛ njɨ bisyɛ́ɛ́ byé nye mʉr tɨ̂. Nye séaa bisyɛ́ɛ́ byé e mebó mé. Nó ó mé á boo tɨ́e bɨ̌n yɨ́.

Ebrœ̂ 12:14

Sáʼ gá sɨ́n lɨ́ etíʼe ɨ́ mepyɛbla, páʼ nyɨ́n e bʉr bɨ́bɛ̂h. Sáʼ gá sɨ́n ntémé lɨ́ edi bʉ̂r o dí egúmo e Nzyɛ̌m, baá o dí tí bá. Mʉ̂r óbe, abě tí nó, nye ákóʼó beě Tî Yésʉs.

Rôm 12:18

Yé báná bɨ́n nó, sáʼ gá mbi wɨ́wɛ̂h ɨ́ páʼ wɨ́n ó, bɨ̌n e bʉr bɨ́bɛ̂h díʼee ɨ́ mepyɛbla!

Filipi 4:8

Bɨ́ɔɔ́ bâm! Okɛ́l bâm! Me lɨ́ esûʼlǎ lɛ́ɛ bɨ́n ó nɛ́ɛ: pahlaa gá bisá bímpâ ndu e byaá bi dí e medile bí. Pahlaa gá bisâ bi dí tyeetye bí. Pahlaa gá bidimé bísɔ̂ʼ, le byaá bi dí tîtyěl bí. Pahlaa gá bisâ bi dí ɨ́ púpúpú le ebuú kpɛlɔɔ bí. Pahlaa gá milɔ̌b bʉ̂r dí egúmlo mí.

Mɨlʉmlʉ 24:16

Sá tɨ̂ʼ ó mé dí egbâ nkûl lɨ́ etiʼe ɨ́ míh mé Nzyɛ̌m le maá me bʉ̂r, e mipahlá mí léme mi dí ɨ́ pyɛɛɛ mí yɨ́.

Mɨlʉmlʉ 10:22

Bé ntɔ̂ʼ yala ó: «Kapitɛ̂n Corneille ô lómó bɨ́h. Nye ó tîtyěl mʉr, dí ebuú dwáawǒ Nzyɛ̌m nyá. OYúden bɨ́bɛ̂h, bé lɨ́ esêʼle nyê. Nyʉ́ʉ́ éngeles dí ti nyá, á tɨ́e nye ó, nye báŋlaa go, go tô pyâl kwá nyé, nye jôʼlaa sá gó ngá lɛ́ɛ nyé yɨ́.»

Lʉkas 2:25

Ɨ́ Yerʉ́zalɛm, yé á be ó e nyʉ́ʉ́ mʉ̂r, díé lé Siméon. Nye á be ó tîtyěl mʉr le ebuú dwáawǒ Nzyɛ̌m. Nye á didi ó, lɨ́ ebóno mʉ̂r ngá báʼǎ gbâ bʉ̂r o b'Ɨ́zraɛ̂l nkul ɨ́ miléme nyá. Sísǐm mé Nzyɛ̌m, wé á be ó e né.

Lʉkas 1:6

Bɨ́bɛ̂h obá, bé á be ó otîtyěl o bʉ̂r ɨ́ míh mé Nzyɛ̌m, lɨ́ ebaʼle métié ndu e mempéné mé Nzyɛ̌m. Kʉ̌ tyen wɔ́ɔ́, abɨm ébɔ̌ʼ.