1 Timotɛ 1:9 - Kálar Nzyɛ̌m : Ejwán é Sáá

⁹ Mɨná bé lɨ́ egʉ́a ntémé ó, metié maá, mé á bé atyélɔɔ lɨ́ esú lé ótîtyěl ó bʉ̂r. Mé á tyélɔɔ ó, lɨ́ esú é bʉ̂r bâ: ogbah o métié, baá o dí egbɔba le otyɛ̂b bé ésôʼ bɔ́ɔ́ bá, minjéʼe-Nzyɛ̌m, osyɛ̂l o mísyóm, bʉr o dí esâ Nzyɛ̌m nkěh bá, baá o dí agúmo e Nzyɛ̌m bá, ojʉ̂l bé ósɔ́ŋ, ojʉ̂l bé ónyɔ̌ŋ, le ojʉ̂l o bʉ̂r,

Kálara Zyɛ̌m Edwán é mpʉ̌n

⁹ Bɨna bé egʉa ga nteme ó, motie, mé a baatiilɔ lé etoŋlo ocɨcyel o bʉr, njɨ ontɔɔ o motie, bé e bʉr o ndɨ esa ocyɛb be efoʼ bɔɔ ebɨh ɨ, bʉr o ndɨ adwaabe Zyɛm ɨ, osyɛl o mɨsyem, bʉr o lé epyeh Zyɛm ɨ, ndwe e baa ndɨ esa lɔɔ Zyɛm ebɨh ɨ, ojʉl be osɔŋ bɔɔ, ojʉl be onyɔŋ bɔɔ, ojʉl o bʉr,

1 Timotɛ 1:9 ပူးပေါင်းရင်းမြစ်များ

Galásia 3:19

Yé bé nó wá, Nzyɛ̌m á tyêl metié maá ɨ́ yé ɛ́? Nye á tyêl mé ó, ɨ́ lɔ̌b bísyɛ́ɛla bí ébébe, lɨ́ esú é mâ jɔʼ, tó swîʼ ɨ́ jɔʼ ntâ mé Abraham waá ónzě mpʉ̌ Nzyɛ̌m á kɛʼ yɨ́. Nye á tyêl bʉr metié maá ó, lɨ́ enyɛɛ́ tímle bééngeles bé mǎ; bɨ́ɛ kǎ nzě dwe mesaádɔm.

1 Pyɛr 4:18

Ebě, yê cɛmá ó: «Otîtyěl o bʉ̂r pǎ nyɛɛ́ bǐ twiʼ ti e mekɔbla, á dwɛʼra e bʉr o dí adwáawǒ Nzyɛ̌m bá, le osyɛ̂l o mísyóm! Bɨ́ɛ, bé ókǎ tó nyɨ̂n ɨ́ yáǎ sûm?»

Rôm 5:20

Nzyɛ̌m á tyêl bʉr metié ó, lɨ́ esú ó, syóm, wé myɛ́maa. Syóm dí e bʉr wɨ́, wê nzě tô le emyaŋla. Damá be ó yé á si syɛ́ɛlɨ nó, ɨ́ jɔʼ gwár e gwár yaá ntémé ó Nzyɛ̌m á bu lɛ̂ʼle bʉr mpam nyé yɨ́.

Galásia 5:23

embɨa é njwɨr le emâr é léme. Abe le etié dí emɛ̂r mʉ̂r dí esâ bísyɛ́ɛla bínɨ̌ nyá.

Títos 3:3

Ebě, mɨná gá bɨɛ á nyɛɛ be ó nó: bigʉʼlʉgʉ́, baajóʼo-mélɨ́, sí dîm. Mɨná bé á didi gá ó, bitúʼǎ bígwɨ́má mimbi mimbi. Mɨná bé á títíʼe gá ó, lɨ́ esâ bʉ̂r ebébe é léme le nzwíí. Bɨ́ɛ ntémé lɨ́ esíe bɨ́ná gâ. Mɨná bɨɛ ntémé, bé á si nwimla páʼ gá nyɨ́ná.

Rôm 6:14

Ebě, syóm, wé ajala le ekǎ jwɨ́ɨ bɨ́n, ebě, bɨ̌n bé akǎ be bʉ̂r o dí ɨ́ mpila métié tʉ́ŋlʉ̌ bá. Ɨ́ báánâ, bɨ̌n mû ó baá Nzyɛ̌m mû sí lɛ̂ʼle mpâm bá.

Rôm 1:30

Bé lɨ́ eswêʼ míé mé bʉ́ʉ́ bʉ̂r. Bé ó ontɨ̂m le obɨn mé Nzyɛ̌m. Bé lɨ́ edîʼ mpêl. Bé lɨ́ esâ énkɛ́ɛ e nyʉ̂l le jáálé. Bé jaá sɨsáa ó, njɨ mepɨʼ mé ékûhlo mʉ́ʉ́ mébébe meswîh. Bé ajóʼo ósɔ́ŋ le onyɔ̌ŋ bɔ́ɔ́.

Mɨngwiha 22:15

Nó ó, ompyê, oleme, osyɛ̂l o bímolá, ojʉ̂l o bʉ̂r, baá o dí edwe bíkpɛʼkpɛ̂ʼ bí ónzyɛ̌m kûm bá, le baányâ-bibɛr bɨ́ɛ, bé ódwoowǒ kʉ̌l.

Mɨngwiha 21:8

Baábʉ́bʉ́á bɨ́ɛ, bé le ohááden, bʉr o dí e milémé mébomo, ojʉ̂l o bʉ̂r, osyɛ̂l o bímolá, oleme ti e baá o dí edwe bíkpɛʼkpɛ̂ʼ bí ónzyɛ̌m kûm bá, ndu e baányâ-mikóo bɨ́bɛ̂h, bɨ́ɛ, bé ójaá kœb ódiá wɔ́ɔ́ ó, njɨ ɨ́ bɨ́ siʼe. Yé ó lwɨ́ŋlá e siʼe ti e pir. Yé ɨ́ buú díʼa. Tɨ̂ʼ ó bʉ̂r dí edwe éswie embá yɨ́.»

Títos 1:16

Bé sá ó, go ó, bé ɨ́ kpɛ̌l Nzyɛ̌m. Sâ gwár, bisyɛ́ɛla byɔ́ɔ́, bíɛ yɨ́ɛ lɨ́ elɛ̂ʼle ó, bé akpɛl nyê. Bʉr baá, bé ɨ́ lwaʼwo. Bé asâ méjóʼo. Ɨ́ bisyɛ́ɛla bimpâ bíbyɛ̂h mʉ̂r dí e nkul ebɛ̌m sâ bí, abe e syɛ́ɛla gwár bé dí e nkul ekoʼo ésâ.

1 Pyɛr 3:20

Bé á nyɛɛ be ó, asâ Nzyɛ̌m mejóʼo ɨ́ melú mé épíhe. Ɨ́ jɔʼ yaá, Nzyɛ̌m á bʉbóno ó e bíhwó, tó pyâl ɨ́ jɔ̌ʼ Nóe á sil ekpaʼ byɛ̂l yɨ́. Ɨ́ jɔʼ yaá, yé á jaa be ó njɨ mâ dœ́h é bʉ̂r, apʉgʉ́ buo, njɨ bʉr mwom, ó b'á tíʼe ɨ́ byɛ̂l waá tʉ́ŋlʉ̌. Bé á tíʼɔɔ ó, ɨ́ medíbé.

Ebrœ̂ 11:31

Ɨ́ búʼó mé Rahâb, sadága mʉ́má, nye á bé adwe ɨ́ jɔʼ bʉ̂r oswîh, bé á jʉ́ŋɔɔ yɨ́. Bé á si sâ Nzyɛ̌m ebɨ̌h. Nyɨɛ ó b'á gʉ́a ebaʼle bʉr o b'á nze byamle sí Kanân bá.

2 Tesalonika 2:8

Jɔʼ yaá ó nyɨ́ɛ, mʉr dí egbah metié mé Nzyɛ̌m nyá, ókǎ nyɨ̂n ɨ́ kpɛŋlɛm yɨ́, Tî Yésʉs, nyé okǎ jʉ̂ nyé e ngúl num wé. Nye óteʼle mʉ̂r waá ó, ɨ́ nzéá nyé ónze wɨ́.

Rôm 4:13

Nzyɛ̌m á kɛʼ Abraham, bé le onta bé ó, nye ódwe bé sí yɨ́yɛ̂h, jala e nkɔb líʼe nyɔ́ɔ́. Nzyɛ̌m á bé alɛ́ɛ nó ɨ́ lɔ̌b mbaʼlá Abraham á baʼle metié wɨ́. Nye á kɛʼ bé sí yaá ó, duho lɨ́ otîtyěl nyé á pa dwe Abraham wɨ́. Otîtyěl waá wɨ́ɛ, wé á kʉ be ó, ɨ́ búʼó yé.

Mataos 10:21

«Mɨ́ɔɔ́ óbɛ́ma mɨ́ɔɔ́ ó, bé jʉ́ʼoo nye. Sɔ́ŋ óbɛ́ma mwân. Bwân, bé ógbɔba le obyɛ́l bɔ́ɔ́, jʉ̂ bê.

1 Pyɛr 2:7

Ekóʼ laá, lé ɨ́ buo ódimé ɨ́ mbeá wɨ́n, bɨ̌n bʉr o b'á dyɛ̂ʼwo e lé bá. Sâ gwár, bʉr o dí ebene édyɛ̂ʼwo e lé bá, bɨ́ɛ bee lé ó mpʉ «Ékóʼ óswim ó mbɛ̌r bé á bene lɨ́. Lé ó b'á ka sûʼla ekóʼ e dí esúʼo nkân mbɛ̌r lɨ́.»

Ebrœ̂ 12:16

Gwá di gá le ocwóó. Mʉr asâ bímolá. Mʉ̌r sá asâ nkěh ɨ́ nkǒ páʼ mílɔ̌b mé Nzyɛ̌m ɨ́ mpʉ̌ Esô á sâ yɨ́. Nye á si dwɛ́na dǐ tʉ́l yé, dwe ntwóm, lɨ́ esyɛ́ɛla yé lɨ́ esú lé énʉa mâ kǎr méde!

Galásia 5:21

gwɨ́má bísá byé onkán, mpur menyoʼ, elɔ̂ʼwa lɨ́ ede méde, tótôʼ. Mpʉ mé á boo lɛ́ɛ bɨ̌n ɨ́ metááré yɨ́, me lɨ́ ebáʼǎ cɨ̂l bɨ́n ó, bʉr o dí esâ mímbi bísyɛ́ɛla byaá bá, bé ákóʼó nʉǎ diá ɨ́ Mpóʼo mé Nzyɛ̌m, jala e nkɔb líʼe nyɔ́ɔ́.

Galásia 5:18

Sísǐm mé Nzyɛ̌m, wé ótɨ́e bɨ́n nzɨ̌ nó, lɛ́ɛ́, bɨ̌n bé ákǎ be ɨ́ mpila métié tʉ́ŋlʉ̌.

1 Timotɛ 4:7

Gó ajala le edû nzɨ́ bikɨkɛna bi dí elɛ̂ʼle bʉ̂r ó, bé sâʼ Nzyɛ̌m nkěh, byaá ótɔ́má bʉ́bá dí esâ bí. Gbáʼ nkûl lɨ́ ekubla ɨ́ milɔ̌b mé Nzyɛ̌m.

1 Timotɛ 6:20

Nó ó, Timotɛ̂, baʼlaǎ lɛ́ʼlá Nzyɛ̌m á dwe go wɨ́. Go e syɛ́hlé ólɛblɛ̂b o mpyóó, bʉ̂r sɨ̂seʼle ó, «ngwɨ́á» wɨ́.

2 Timotɛ 2:16

Syɛ́hláá olɛblɛ̂b o mpyóó ó dí abe e nyɔm ɨ́ búʼó wɨ́. Bʉr o dí egbâ ményʉ́l mɔ́ɔ́ ɨ́ nzɨ̌ nyaá bá, bé sóʼló bʉ̂r ó, bé sâʼ Nzyɛ̌m nkěh.

2 Timotɛ 3:2

Ɨ́ jɔʼ yaá, bʉr bé ójaá kpɨkpɛl ó, njɨ bé bʉr o tɨ̂. Bé ókpɛ̌l mɔnɨ́, ntaa sʉ́ŋa. Bé óbuú sâ jáálé le enkɛ́ɛ e nyʉ̂l. Bé óbuú sâ nkěh, le esâ ntémé obyɛ̂l bɔ́ɔ́ ebɨ̌h. Bé álɛ́ɛ émbɨa bé dí esáŋɔɔ lɨ́. Bé abe e nkul enʉa mílɔ̌b mé Nzyɛ̌m, gbâ myé ɨ́ nkɔb.

Títos 1:6

Go ópɛ̂h tyɛ̂b esôʼ Mbɛ̌r-Nzyɛ̌m ó, mʉr dí apǎ dweŋɔɔ mébě nyá. Nye díʼee njɨ e mʉmá ngwár. Bwán bé, bé díʼee bʉr o dí edyêʼ koo e Yésʉs bá. Bʉr, bé ajala le elɛ́ɛ, dumo e bwân bé ó, bé lɨ́ elɔ̂ʼwa lɨ́ esâ ébébe. Bé sá alɛ́ɛ ntémé ó, bɨ́ɛ bé asâ sɔ́ŋ wɔ́ɔ́ mejóʼo.

Títos 1:10

Ɨ́ sɔ́má óYúden o dí ebúʼla bá, yé e bʉr ɨ́ buo buo o dí egbɔba le otyɛ̂b bé ésôʼ bɔ́ɔ́ bá. Bilwǐb byɔ́ɔ́, byé ó dwêh, bé yɨ́ɛ lɨ́ ekʉ́ bánǎ kʉ́a bʉ́ʉ́ bʉ̂r.

Yʉ̂d 1:15

lɨ́ enzě tíʼe bʉ̂r bɨ́bɛ̂h milɔ̌b. Nye ólɛ̂ʼle mínjéʼe-Nzyɛ̌m mímyɛ̂h misyóm myɔ́ɔ́. Misyóm myaá, myé nyɨ́nyɨ́n ó, ɨ́ mpʉ bé dí esâ bísyɛ́ɛlǎ Nzyɛ̌m nyɨɛ dí ebene bí yɨ́. Nye ólɛ̂ʼle bé ntémé mpʉ mínjéʼe-Nzyɛ̌m dí esâ Nzyɛ̌m nkěh ɨ́ mbi mékǎn bé dí ecɨ nyé má.»