1 Timotɛ 1:3 - Kálar Nzyɛ̌m : Ejwán é Sáá

³ Diʼeě Éfɛsɔs mpʉ mé á tɨ́e go, ɨ́ jɔʼ mé á be, me mû kúno etô sí Masedónia yɨ́. Diʼee náǎ, go e tɨ́é bʉ̂r ó, bé sá adweela gúú mbǐ lɛ́ʼlá swîh.

Kálara Zyɛ̌m Edwán é mpʉ̌n

³ Diʼe Efɛɛz, mpʉ me a tɨe go é jɔʼ me a be, me mu kunokuno le eto Masedwan ɨ. Cyelɨ bʉr o mbɛr Zyɛm win mpene ó, bé l'anyamle bâʼle dwe guu mbi sikʉlʉ fih.

1 Timotɛ 1:3 ပူးပေါင်းရင်းမြစ်များ

1 Timotɛ 6:3

Tî gá wɨ́ná Yésʉs-Krîst á si kʉ líʼe mɨná gá e lɛ́ʼlá mpâ mɨ́ná dí edû wɨ́, bé le olɛ̂ʼla dí edwáawǒ Nzyɛ̌m bá. Mʉ̂r bé akam mílɛ́ʼlá mínɨ̌, kǎ tó dwe yɨ́ɛ milɛ́ʼlá míswîh nó, lɛ́ɛ́, nyɨ́haá nkɛ́ɛ́ ó nyʉ̂l.

2 Yʉanes 1:7

Ebě, bibɨ́bla bí ólɛ̂ʼla, byé mû ó sí buo ɨ́ sí yɨ́yɛ̂h, lɨ́ etô le edímle bʉ̂r. Byé akpɛl ékam ó, Yésʉs-Krîst á nze ɨ́ sí yɨ̂ʼ ó e nyʉ̂l mʉr mpâ. Mʉr kɛ́lá búʼó gá yɨ́ná nyá, nye ó ndímla bʉr le ntɨ̂m e mbɨn mé Yésʉs-Krîst.

1 Timotɛ 4:11

Lɛ́yɨ́ɨ́ bʉ̂r milɔ̌b mî. Go e lɛ́ʼlé bé myǎ.

1 Timotɛ 4:6

Gó sí dwe bɨ́ɔɔ́ bô milɛ́ʼlá mîʼ nó, go bě mpǎŋ syɛ̂l mesâ mé Yésʉs-Krîst! Go ódwidwe mílɛ́ʼlá ɨ́ nzɨ̌ nyaá ó, ɨ́ milɔ̌b mí búʼó gá yɨ́ná, ti e mpǎŋ lɛ́ʼlá gó á jóʼo wɨ́.

Mɨngwiha 2:20

Yé e sâ gwár mé dí ebene e bɨ̌n yɨ́. Yé ó: Yezábɛl, waá bɨ́n á bana dûhwo ó, nye díʼee ɨ́ sɔ́má yɨ́n nyá. Sá tɨ̂ʼ ó mé dí ebene bɨ́n yɨ́. Mʉmá nɨ̌ dímlé bɨ́n ó, ɨ́ jɔʼ nyé dí elɛ́ɛ ó, nye ó ngwíha milɔ̌b yɨ́. Nye lɨ́ edwe ósyɛ̂l o mésâ bâm milɛ́ʼlá míkóo, ó bé sâʼ bimolá. Nyě títíné bé ntémé ó, bé dêʼ tír á pa baŋɔɔ ɨ́ nzaá bikpɛʼkpɛ̂ʼ bí ónzyɛ̌m nyá.

Mɨngwiha 2:14

Yé e sâ gwár mé dí ebene e bɨ̌n. Yé ó metwɨ́ɨ́ bʉ́ʉ́ bʉ̂r ó sɔ́má yɨ́n dí edû má. Syɛ́ɛla yaá ó mé dí ebene bɨ́n yɨ́. Bé lɨ́ edû mílɛ́ʼlá mé Balâm. Nye ó waá á dulo Bálak lɨ́ ebébe, tɨ́e nyé egbâ mébɔ̌ʼ mé óbɨma bʉ̂r o b'Ɨ́zraɛ̂l ɨ́ miléme ó, bé sâʼ ebébe má, ebě, nyɨɛ Bálak á sâ ó: nʉa tír á pa baŋɔɔ ɨ́ nzaá bikpɛʼkpɛ̂ʼ bí ónzyɛ̌m nyá, nzě tímle nyé bʉr o b'Ɨ́zraɛ̂l. Bɨ́ɛ ntɔ̂ʼ de nyê, nzě sáŋɔɔ ntémé bimolá.

1 Timotɛ 6:17

Lɛ́yɨ́ɨ́ óbil o bísâ ɨ́ jɔʼ yɨ̂ʼ ó, bé sá ankɛ́ɛ ményʉ̂l. Bé sá adyɛ̂ʼwo le okúm le ogbaa wɔ́ɔ́, ebě, mbi ókúm wɔ́ɔ́, wé abe lɨ́ ebea. Milémé myɔ́ɔ́, myé lónaa ɨ́ mpûʼla ɨ́ lɔ̌b mé Nzyɛ̌m, nyɨɛ mʉr dí epǎ dwe mɨ́ná gá bisá bíbyɛ̂h ɨ́ ntʉʉʉ́ nyá. Nyě sá nó ó, nye gbâʼ mɨná gá bisʉhʉʉ ɨ́ miléme.

1 Timotɛ 6:10

Ebě, enkpɔɔ é mɔnɨ́, lé ó etín é bísá bí ébébe bíbyɛ̂h. Tó kœb ó, bʉ́ʉ́ bʉ̂r ó sɔ́má gá yɨ́ná, bé á be ɨ́ nyɛɛ́ bûʼlǎ Nzyɛ̌m, bé ntɔ̂ʼ kǎ lʉ́ŋa ɨ́ bɨ́ bígwɨ́má. Bɨ́ dîm. Bé mû ó sí dyɛ̂l ɨ́ nzɨ̌ swîh. Nó ɨ́ báánâ, bɨ́haá, bé mû ó sí dulo mítúú ɨ́ buo buo ɨ́ menyʉ́l mɔ́ɔ́.

1 Timotɛ 5:7

Lɛ́yɨ́ɨ́ myé ntémé milɔ̌b mîʼ mímyɛ̂h. Myé díʼee bʉr o dí, abe e nkul edweŋɔɔ mébě bá.

Filipi 2:24

Tî Yésʉs, nyɨ́ gbâ mé mpûʼla ɨ́ léme ó, me ntémé ónzě bee bɨ́n kám e kám.

Éfɛsɔs 4:14

Jɔʼ yaá ó mɨ́ná ngá pʉʼa gá ɨ́ tyé bwá ó ntwǒm ɨ́ nkǒ páʼ búʼó yɨ́. Milɛ́ʼlá míswîh, myé ákǎ ntyeŋ mɨ́ná gâ, nkʉ̂ dímle mɨ́ná gá ɨ́ nzɨ̌ mikóo. Baányâ-mikóo baá, bé gwɨ́m ó, bé mɛ́rɨɨ mɨná gá ɨ́ mpila mépɨʼ yɔ́ɔ́, le ntémé ó, mɨná nʉ́aa gá bidyɛʼ byɔ́ɔ́.

Mɨlʉmlʉ 18:19

Bê nzě pyâl Éfɛsɔs. Pɔ̂l nzě líʼě Prǐska, bé le Akílas tɨ̂, nyɨɛ nzě tô ɨ́ mpáh minjɨʼla oYúden tʉ́ŋlʉ̌, nye nzě nyɛl édwe bé milɛ́ʼlá.

Mɨlʉmlʉ 18:21

Nó nyé á mɔa ɨ́ sɔ́má yɔ́ɔ́. Nye ó: Nzyɛ̌m ókpɛl nó, me óbáʼǎ nze.» Nó nyé á tô ɨ́ sitíma tʉ́ŋlʉ̌, pɔʼǎ Éfɛsɔs.

Rôm 15:26

ebě, obûʼla ó sí Masedónia ndu e yaá Akayɨ̂, bé á tíʼe ɨ́ miléme ó, bé syɛŋ ó, mingúlá lɨ́ esú lé óbûʼla ó Yerʉ́zalɛm dí lɨ́ entéʼe bá.

Rôm 16:17

Nó ó, bɨ́ɔɔ́ bâm, me lɨ́ ejɨʼla e bɨ̌n ó, bɨ̌n e báʼ bʉ̂r o dí egbâ nzyɛ́ɛ́lá mecwíí páʼ bʉr e bʉr, le baá dí egbâ mebɔ̌ʼ ɨ́ nzɨ̌ me bʉ́ʉ́ bʉ̂r bá. Bé lɨ́ esâ nó ó, bé nkʉ̂ kamle e milɛ́ʼlá bɨ́n á dweŋɔɔ mí. Diʼee gá ncɛrá e bê.

2 Korɛnt 11:4

Bɨ̌n sá ó, kʉ́ bánǎ dûhwo ó, nyʉ́ʉ́ mʉ̂r ntáa nzě lɛ́ɛ bɨ́n lɔ́ɔ́ mé Yésʉs swîh, abě Yésʉs waá bɨ́h nyɨɛ dí etúno nyá. Bɨ̌n bé ɨ́ cǎr lɨ́ eníŋle gúú mbǐ sísǐm swîh ɨ́ menyʉ̂l mɨ́n, abě Sísǐm mé Nzyɛ̌m. Bɨ̌n ntémé bé ɨ́ cǎr lɨ́ ekam gúú lɔ́ɔ́ swîh, abě Mbɨambɨa Lɔ́ɔ bɨ́h nyɨɛ dí etúno wɨ́.

2 Timotɛ 1:18

Go lɨ́ egʉ́a ntémé mimbi bísyɛ́ɛla nyé á sâ bʉr Éfɛsɔs mí. Tî Yésʉs sâʼ ó, nye bíʼee njɨ́ʼá nkóó ɨ́ mebó mé ɨ́ móhó nyé óbáʼǎ nze wɨ́.