1 Timotɛ 1:1 - Kálar Nzyɛ̌m : Ejwán é Sáá

¹ Pɔ̂l ó dí ecɛma gó mekaná mâ. Me ó mʉr milʉ́mlʉ́ mé Yésʉs-Krîst ɨ́ mitíʼá mé Nzyɛ̌m Sɔ́ŋ, Tiʼbʉr gá wɨ́ná, ti e Yésʉs-Krîst, waá dí egbâ mpûʼla ɨ́ miléme gá míná nyá.

Kálara Zyɛ̌m Edwán é mpʉ̌n

¹ Mɛm Pol lʉmlʉ mo Yesʉs-Krɨst, ó lé etile go kalara nwa. Zyɛm, Tiʼbʉr ga wina, bé e Yesʉs-Krɨst, waa lé egba bɨna ga mbɛla é mɨleme e, bé ó b'a nʉa tiʼa ó, me diʼe lʉmlʉ.

1 Timotɛ 1:1 ပူးပေါင်းရင်းမြစ်များ

Títos 1:3

Nye á ka túno lɔ̌b twiʼ yaá ó, ɨ́ jɔʼ yé á jala le egwíhɔɔ yɨ́. Nzyɛ̌m, Tiʼbʉr gá wɨ́ná á gwîh bʉr lwǐb yé ó, ɨ́ nzɨ̌ nyǎm. Nye á tíʼe ɨ́ léme ó, nyě tyél ó me ɨ́ dǐ lɛ́a lɔ́ɔ wé. Nye á tímle syɛ́ɛ́ yaá ó me.

Kolosi 1:27

Ebě, Nzyɛ̌m á be lɨ́ ekpɛl élɛ̂ʼle bé jwɨʼ nyé á be e yé mesǒ yɨ́, jwɨʼ dí ɨ́ buú mbɨa, yaá dí e nyɔm lɨ́ esú é bíkúl bíbyɛ̂h yɨ́. Solá jwɨʼ yaá, yé ó: Krîst, nye mû ó sí pûhla e bɨ̌n. Bɨ̌n mû e mpûʼla ɨ́ miléme ó, bɨ̌n óbi kûm tɨ̂.

Mɨlʉmlʉ 9:15

Nó ó Tî Yésʉs á lɛ́ɛ e né ó: «Tóʼ, ebě, me á si twâr mʉ̌r nɨ̌. Lɔ́ɔ́ wâm, wé ótó lɛ́ɔɔ kwá byúú bíkûl bi bʉ̂r ó, ɨ́ nzɨ̌ nyé. Nye ólɛ́ɛ ntémé ojwɨ́ɨ́ bɔ́ɔ́ wǎ, bé e bʉr o b'Ɨ́zraɛ̂l.

Yʉ̂d 1:25

Nye omér ó dí Nzyɛ̌m. Kûm dwéŋɔɔ Nzyɛ̌m, dí Tiʼbʉr gá wɨ́ná nyá, ɨ́ nzɨ̌ mé Yésʉs-Krîst, Tî gá wɨ́ná, táare ɨ́ mimbú mí píhe, le ɨ́ báánâ, tó kumǒ kumáa ɨ́ twǐʼ njʉ̌m dǐ e njʉ̌m dǐ. Amɛn.

1 Pyɛr 1:3

Mɨná gúmlaa gá waá dí Nzyɛ̌m mé Tî gá wɨ́ná Yésʉs-Krîst, waá dí Sɔ́ŋ wé nyá. Nyɨ́ buú jɨ̂ʼ mɨ́ná gá nkoó, ntɔ̂ʼ dwe mɨ́ná gá nkul ebyɛ̂l jɔʼ mbá, lɨ́ esú ó, mɨná díʼee gá lwɨ́ŋlá e mpûʼla ɨ́ miléme. Mpûʼla nyaá, nyě duhó ó, ɨ́ nkul pɛhá nyé á pɛh Yésʉs-Krîst ɨ́ soo wɨ́.

1 Timotɛ 1:12

Me lɨ́ edwe Tî gá wɨ́ná Yésʉs-Krîst nzyǒo, mʉr á dwe me nkul ɨ́ syɛ́ɛ́ yâm nyá, ebě, nye á láa ó, me ó mʉr ebúʼlɔɔ, nye ntɔ̂ʼ tyêl mé ɨ́ syɛ́ɛ́ yé,

Galásia 1:1

Yé ó mɛm Pɔ̂l, mʉr milʉ́mlʉ́, ó dí ecɛma bɨ́n mekaná mâ. Mé abe ɨ́ milʉ́mlʉ́ mé nyʉ́ʉ́ mʉ̂r. Twárá mé á twárɔɔ wɨ́, wé á bé acɨɨ e nzɨ̌ mʉr. Yésʉs-Krîst, bé e Nzyɛ̌m Sɔ́ŋ, mʉr á pɛh nye, dwih nyé lɨ́ odwe nyá, bé ó b'á lómo me.

2 Korɛnt 1:1

Yé ó mɛm Pɔ̂l, mʉr milʉ́mlʉ́ mé Yésʉs-Krîst ɨ́ lɔ̌b gwɨ́má mé Nzyɛ̌m ó dí ecɛma bɨ́n mekaná mâ, bɨ̌h e Timotɛ̂, mɨ́ɔɔ́ gá wɨ́ná. Bɨ̌h cɛmá ó, Mbɛ̌r-Nzyɛ̌m dí Kórɨnt wɨ́, ti e bʉr o mé Nzyɛ̌m bɨ́bɛ̂h o dí ɨ́ sí Akayɨ̂ bá.

2 Pyɛr 1:1

Yé ó mɛm Simon Pétrus, syɛ̂l mesâ ti e mʉr milʉ́mlʉ́ mé Yésʉs-Krîst ó dí ecɛma bɨ́n mekaná mâ. Mě cɛmá ó, bɨ̌n bʉr o bɨ́h le onɔ́ɔ́ bé á bi mbǐ búʼó gwár bá. Búʼó yaá, odimé o tɨ̂, wé ó jwɨʼ gwár páʼ gá nyɨ́ná. Mɨná bé á bi gá búʼó yaá ó, ɨ́ lɔ̌b syɛ́ɛla mé Yésʉs-Krîst tîtyěl mʉr, Nzyɛ̌m gá wɨ́ná, Tiʼbʉr gá wɨ́ná.

1 Timotɛ 2:7

Nzyɛ̌m nzě tyêl mé ɨ́ bidǐ bibá: yaá lɛ́a lɔ́ɔ wé, ti e yaá mʉ̂r milʉ́mlʉ́ wé. (Mě lɛ́ɛ́ ó, otyeetye; mé alɛ́ɛ bíbɛr.) Me ó lɛ̂ʼla lɨ́ esú é bʉ̂r o dí abe óYúden bá, lɨ́ edwe bé metwɨ́ɨ́ ɨ́ nzɨ̌ búʼó yɨ́ná, le otyeetye mé Nzyɛ̌m.

2 Tesalonika 2:16

Nó ó, Tî gá wɨ́ná Yésʉs-Krîst mʉr tɨ̂, ti e Nzyɛ̌m Sɔ́ŋ gá wɨ́ná, waá á lɛ̂ʼle mɨ́ná gá kpɛ̌l nyá, waá dí egbâ mɨ́ná gá nkul ɨ́ miléme, nyaá dí asíesie nyɨ́, waá dí elɛ̂ʼle mɨ́ná gá mpam, le egbâ mɨ́ná gá mpûʼla ɨ́ miléme nyá, nye gbâʼ bɨ̌n nkul ɨ́ miléme. Nye gbâʼ bɨ̌n pîm ɨ́ búʼó. Nye tyɛ́bɨɨ bɨ̌n ɨ́ miléme, ó bɨ̌n sâʼ bisyɛ́ɛla bimpâ, le elɛ́ɛ mílɔ́ɔ́ mímpâ, mimbi mímyɛ̂h.

1 Korɛnt 1:1

Yé ó mɛm Pɔ̂l, mʉ̌r Nzyɛ̌m á twâr ɨ́ lɔ̌b gwɨ́má yé ó, me díʼee mʉr milʉ́mlʉ́ mé Yésʉs-Krîst, bɨ̌h e mɨ́ɔɔ́ gá wɨ́ná Sostɛ̂n ó dí ecɛma bɨ́n mekaná mâ. Bɨ̌h cɛmá ó, bʉr ó Mbɛ̌r-Nzyɛ̌m dí Kórɨnt bá.

1 Yʉanes 4:14

Mɨná bɨ́ bee gá sá mɨ́ná tʉ́tó gá le eboʼlo yɨ́. Mboʼlá gá wɨ́ná, wé ó wɨ̂: Dâ Nzyɛ̌m á ntɨh Mwân wé ó, nye díʼee Tiʼbʉr ɨ́ sí yɨ̂ʼ yɨ́yɛ̂h.

1 Pyɛr 1:21

Krîst ó b'á sâ ó, bɨ̌n dyɛ̂ʼwaa e Nzyɛ̌m, mʉr á pɛh nye, dwih nyé lɨ́ odwe, dwe nyé kûm ntémé nyá. Sá tɨ̂ʼ ó búʼó yɨ́n le mpûʼla nyɨ́n dí njɨ ɨ́ Nzyɛ̌m yɨ́.

Títos 3:4

Jɔʼ yaá ó Nzyɛ̌m, Tiʼbʉr gá wɨ́ná á ka lɛ̂ʼle mɨná mpam nyé yɨ́.

Títos 2:13

Mɨná bé ótíʼe nó ó, lɨ́ ebóno mʉ̂r dí egbâ mɨ́ná mpûʼla ɨ́ miléme, waá dí esʉ mɨ́ná metyɛʼ me mpóm nyá. Nye ó Nzyɛ̌m nɨ́nɨ́ɨ́: Tiʼbʉr gá wɨ́ná Yésʉs-Krîst, waá ngá báʼǎ lɛ̂ʼle nyé mʉr tɨ̂ʼ e kûm ɨ́ buo buo nyá.

Títos 2:10

Byé ajala le ejaa mébô ɨ́ páʼ bísá bí ójwɨ́ɨ́ bɔ́ɔ́. Byé ɨ́ jala le elɛ̂ʼle ó, bé e nkul ebúʼla byé ntinɨ̂ e ntinɨ̂. Sá tɨ̂ʼ ó bé óbuú gbâ dúu ɨ́ lɛ́ʼlá mɨ́ná dí edwe bé, dumo e Nzyɛ̌m, Tiʼbʉr gá wɨ́ná wɨ́ yɨ́.

1 Timotɛ 4:10

Nzyɛ̌m wɨ́ná dí kublakúbla, waá dí Tiʼbʉr ɨ́ páʼ bʉ̂r bɨ́bɛ̂h nyá ó b'á gbâ mpûʼla ɨ́ milémé míná. (Náǎ yé ó, nyě tǐʼ ó, baá o dí edyêʼ koo e né bá!) Lɔ́ɔ waá wé omér ó dí esâ ó, bɨ̌h kámaa túú syɛ́ɛ́, ti e dɔm bɨ́h dí elwímla lɨ́.

1 Timotɛ 2:3

Nzyɛ̌m, Tiʼbʉr gá wɨ́ná, nye lɨ́ ebeě syɛ́ɛla yaá mbɨ̂mbɨá; nye lɨ́ ekpɛl yê.

Galásia 1:11

Bɨ́ɔɔ́ bâm! Okɛ́l bâm! Me lɨ́ ekpɛl élɛ́ɛ bɨ́n, ó bɨ̌n gʉ́ŋaa ó, Mbɨambɨa Lɔ́ɔ mé dí etúno bɨ́n wɨ́, wé á bé aduho ɨ́ pɨʼ bʉr.

1 Korɛnt 9:17

Yé bé mɛm mʉr tɨ̂ʼ ó b'á gbáa ó, mě séá ó mbǐ syɛ́ɛ́ wɨ̂ʼ nó, lɛ́ɛ́, yé ó syɛ́ɛ́ mé á gwa bóno myɛ́na, duho tɨ̂ʼ yɨ́. Mpʉ yé ká be ó, me á lómɔɔ ó lómáa, agbân gbánáa syɛ́ɛ́ yaá yɨ́, mě kʉ́ séa yé ó, lɨ́ esú lé élóŋlǒ lʉ́mlʉ́ waá.

Rôm 1:1

Yé ó mɛm Pɔ̂l, syɛ̂l mesâ mé Yésʉs-Krîst ó dí ecɛma bɨ́n mekaná mâ. Nzyɛ̌m á twâr me ó, me díʼee mʉr milʉ́mlʉ́ wé. Nye á tyêl me lɨ́ empah ó, me tôʼ le etúnǒ Mbɨambɨa Lɔ́ɔ́ wé.

Lʉkas 1:47

Bisʉhʉʉ, byé ó me ɨ́ léme lwɨ́ŋlá, ɨ́ lɔ̌b mé Nzyɛ̌m, mʉr á tiʼ me nyá.

Lʉkas 2:11

Ɨ́ pum wɨ̂ʼ ɨ́ nkana mé David, Tiʼbʉr wɨ́n, nyɨ́ byɛ̂l! Nye ó Mʉ̌r Nzyɛ̌m á lœm múló mé jwɨ́ɨ nyá. Nye ó dí ntémé Tî gá wɨ́ná!