1 Tesalonika 4:3 - Kálar Nzyɛ̌m : Ejwán é Sáá

³ Ebě, sá Nzyɛ̌m dí ekpɛl yɨ́, yé ó, bɨ̌n díʼee bʉr o dí egúmo e né bá. Ebe nó, syɛ́hláá gá esâ bímolá.

Kálara Zyɛ̌m Edwán é mpʉ̌n

³ Ebe, sa Zyɛm lé egwɨm e bɨn ɨ, yé ó bɨn diʼe mɨsaŋ mɨ bʉr. Ebe no, mbuʼla nyiwɛh, nye ejala le edi é l'ecyooŋʉ, lé esyɛhle lɔb esa bɨmala e mɨfyɛba.

1 Tesalonika 4:3 ပူးပေါင်းရင်းမြစ်များ

1 Pyɛr 4:2

Mbi mʉ̂r waá ókǎ títíʼe ɨ́ sí yɨ̂ʼ ó, njɨ lɨ́ elóŋlǒ gwɨ́má mé Nzyɛ̌m. Ɨ́ jɔʼ nyé óbe, nye dína ɨ́ nyʉ̂l bipúno yɨ́, nye ósyɛ̂hle bísyɛ́ɛla bi dí eduho ɨ́ bigwɨ́má bí bʉ̂r bí.

1 Tesalonika 5:23

Nzyɛ̌m waá dí esâ ó, bʉr tíʼaa ɨ́ mepyɛbla nyá, nye mʉr tɨ̂, nye púbaa bɨ̌n ɨ́ mipáʼ mímyɛ̂h. Nye bâʼlaa misísǐm mín, milémé mín, ti e menyʉ́l mɨ́n. Nye bâʼlaa bɨ̌n mbɨ̂mbɨá nó, mɨná díʼee gá abe e mebě, tó pyâl ɨ́ jɔʼ Tî gá wɨ́ná Yésʉs-Krîst óbáʼǎ nze yɨ́.

Rôm 12:2

Adû gá metum me bʉ̂r ó myǎ wɨ̂. Yé jala ó, Nzyɛ̌m dwêʼ bɨ̌n bijwɨʼ bidwân, ó nye dwírɨɨ bɨ̌n miléme. Nó ó bɨ́n ngá gʉ́ǎ sá Nzyɛ̌m dí ekpɛl yɨ́. Bɨ̌n bé ogʉ́ǎ sá dí ɨ́ mbɨa yɨ́, sá dí ejala e né yɨ́, ndu e yaá dí ɨ́ pémémé ɨ́ mipáʼ mímyɛ̂h yɨ́.

Ebrœ̂ 13:4

Bʉr, bé ɨ́ jala le edwe mímbɛ́á mí bʉ̂r dúu. Syɛ́ɛla mpîr, yé ajala le esyɛ́ɛlɨ̌ súm mímbɛ́á mí bʉ̂r dí esyɛŋa yɨ́. Gʉ́ŋáá gá ó, Nzyɛ̌m ótíʼe ósyɛ̂l o médyɛ̂n, bé le osyɛ̂l o bímolá milɔ̌b.

Éfɛsɔs 5:17

Mʉ̌r sá agʉʼla. Sáŋáá gá ó, bɨ̌n jɨ́ʼɨɨ bisyɛ́ɛla Tî Yésʉs á tíʼe ɨ́ lémé wé ó, bɨ̌n sâʼ bí.

Kolosi 3:5

Sá dí ɨ́ bɨ̌n, yaá dí eduho ɨ́ sí yɨ̂ʼ yɨ́, jʉ́ʼóó gá yê. Yé ó dí: bimolá, bisyɛ́ɛla bi dí edulo mpîr ɨ́ nyʉ̂l bí, gwɨ́má ékœkœb bʉ́bá, gwɨ́má ésâ bísâ bi dí ɨ́ bébe bí, le nzɔ́ɔ́ bísâ. Ebě, mʉr dí e yé nyá, nye ó jwɨʼ gwár e gwár e waá dí edwě yɨŋayɨ̌ nzyɛ̌m kûm nyá.

1 Tesalonika 4:4

Nyě kpɛ̌l ntémé ó, mʉr nyɨnyɛ̂h, nye gʉ́ŋaa mpʉ mʉ̂r jálá le ebêm wé mʉ́má yɨ́. Nye bémɨɨ nye ɨ́ mbi dí elɛ̂ʼle ó, nye ó tí ɨ́ míh mé Nzyɛ̌m, nye ntémé e medile ɨ́ míh mé njʉ̂m wɨ́.

Galásia 5:19

Bisyɛ́ɛla bí njwɨr myâ gá wɨ́ná, byé asâ dɨ̂ʼ. Byé ó dí: elœʼ nyʉ̂l ɨ́ nzɨ̌ bijoó, esâ bísyɛ́ɛla bi dí edulo mpîr ɨ́ nyʉ̂l bí, esâ bímolá nzam le ekomo,

1 Yʉanes 2:17

Sí yɨ̂, le bisá bíbyɛ̂h bʉ̂r dí egwɨ̂m tɨ̂ʼ bí, byé lɨlaa ó laŋáa. Nó ó, mʉr dí esâ sá Nzyɛ̌m á tɨ́e yɨ́ nyá, nyě tíʼé ó, njʉ̌m dǐ e njʉ̌m dǐ.

Mataos 7:21

«Ntʉ mʉ̂r nyɨnyɛ̂h ngá lɛ́ɛ ó: “Dâ ɔ́, Dâ ɔ́!” nyá, ngá nî ɨ́ Mpóʼo mé Dâ Nzyɛ̌m, njɨ waá nyɨnyɛ̂h dí esâ gwɨ́má mé Sɔ́ŋ wǎm dí ɨ́ jʉ́o kʉ́ nyá.

Mɨngwiha 21:8

Baábʉ́bʉ́á bɨ́ɛ, bé le ohááden, bʉr o dí e milémé mébomo, ojʉ̂l o bʉ̂r, osyɛ̂l o bímolá, oleme ti e baá o dí edwe bíkpɛʼkpɛ̂ʼ bí ónzyɛ̌m kûm bá, ndu e baányâ-mikóo bɨ́bɛ̂h, bɨ́ɛ, bé ójaá kœb ódiá wɔ́ɔ́ ó, njɨ ɨ́ bɨ́ siʼe. Yé ó lwɨ́ŋlá e siʼe ti e pir. Yé ɨ́ buú díʼa. Tɨ̂ʼ ó bʉ̂r dí edwe éswie embá yɨ́.»

2 Tesalonika 2:13

Bɨ́ɔɔ́ bɨ́h! Okɛ́l bɨ́h! Tî Yésʉs, nye lɨ́ ebuú kpɛl bɨ́n. Yé jala ó, bɨ̌h dwêʼ Nzyɛ̌m nzyǒo ɨ́ bijɔʼ bíbyɛ̂h ɨ́ lɔ̌b wɨ́n, ebě, nyɨ́ twâr bɨ́n, duho ɨ́ menyɛ̌l, ó bɨ̌n tíʼaa njʉ̌m dǐ e njʉ̌m dǐ. Nye mû ó lɨ́ etíʼ bɨ́n e nzɨ̌ Sísǐm mé Nzyɛ̌m wé á pubo bɨ̌n nyá. Bɨ̌n mû ó lɨ́ ebǐ twiʼ mpâ ɨ́ nzɨ̌ búʼó bɨ́n dí ebúʼla ótyeetye yɨ́.

Ebrœ̂ 10:36

Sá dí ejɨŋɔɔ ɨ́ páʼ wɨ́n yɨ́, yé ó bíhwó. Bɨ́n ósâ bíhwó nó, bɨ̌n bé ósâ gwɨ́má mé Nzyɛ̌m ɨ́ jɔʼ yaá. Bɨ̌n bé obǐ sá nyé á kɛʼ bɨ̌n yɨ́.

Éfɛsɔs 6:6

Mʉr aséa gá syɛ́ɛ́ njɨ ɨ́ jɔʼ bé dí epála nyé yɨ́. Mʉ̌r sá aséa lɨ́ esú é méswɨ̂ʼlʉ me bʉ̂r. Mpʉ bɨ́n mû osyɛ̂l o mésâ mé Krîst yɨ́, séáá gá bé syɛ́ɛ́, lɨ́ elóŋlǒ gwɨ́má mé Nzyɛ̌m, e milémé mín mímyɛ̂h.

1 Korɛnt 7:2

Nó ó, ɨ́ lɔ̌b bʉ̂r o dí ekpɛl ésâ bímolá bá, yé ɨ́ buú jala ó, mʉrʉ̂m nyɨnyɛ̂h díʼee e wé mʉ́má; mʉmá nyɨnyɛ̂h di e wé njʉ̂m.

Mɨlʉmlʉ 15:29

Bɨ̌n bé ɨ́ jala le eti: tír á baŋɔɔ ɨ́ nzaá bikpɛʼkpɛ̂ʼ bí ónzyɛ̌m nyá; ndéá métié; tír á pa dwe tû nyá; ndu e bimolá. Bɨ́n ókánwo ményʉ́l mɨ́n ɨ́ mbi wɨ̂ʼ nó, lɛ́ɛ́, bɨ̌n bé ókʉ́ gʉ́a ésâ sá dí ɨ́ mbɨa yɨ́. Diʼee gá mbɨ̂mbɨá.

1 Tesalonika 5:18

Jɔʼ yɨ́yɛ̂h le ɨ́ bisá bíbyɛ̂h, dwéʼ gá Nzyɛ̌m nzyǒo, ebě, Nzyɛ̌m á tíʼe ɨ́ lémé wé ó, bʉr o dí ɨ́ Yésʉs-Krîst bá, bé ósɨ̂sa nó.

Markus 3:35

Mʉr nyɨnyɛ̂h dí esâ sá Nzyɛ̌m dí ekpɛl yɨ́ nyá ó dí wǎm mɨ́ɔɔ́, wǎm kɛ́l ndu e wǎm nyɔ́ŋ.»

1 Pyɛr 1:2

Nzyɛ̌m Sɔ́ŋ ó b'á twâr bɨ̌n, bʉr o nyé á boo gʉ́a, kʉ́ e sí dína apǎ bě kuhá bá. Píe jɔʼ nyé á twâr bɨ̌n yɨ́, Sísǐm wé nzě pubo bɨ́n. Nye á pubo bɨ̌n ó, lɨ́ emyɛʼ bɨ́n e metié mé Yésʉs-Krîst, lɨ́ esú ó, bɨ̌n sâʼ nye mejóʼo. Metyɛʼ me mpóm mé Nzyɛ̌m le mepyɛbla mé, mé díʼee e bɨ̌n ɨ́ ntʉʉʉ́.

Ebrœ̂ 13:21

Mě jɨʼlá e né ó, nye tyɛ́bɨɨ bɨ̌n ɨ́ miléme, ó bɨ̌n sâʼ syɛ́ɛla nyé dí ebeě mbɨ̂mbɨá yɨ́, mɨná nkʉ̂ lóŋlo gá gwɨ́má yé ɨ́ nzɨ̌ mé Yésʉs-Krîst, dí e kûm njʉ̌m dǐ e njʉ̌m dǐ nyá. Amɛn!

Títos 2:14

Nye á si dwe twiʼ yé nye mʉr tɨ̂ʼ lɨ́ esú lɨ́ná, ó nye dwíhɨɨ mɨná ɨ́ mpila mébébé mɨ́mɛ̂h. Nyɨ́ pubo mɨ́ná gá ó, mɨná díʼee kúl bʉ̂r dí egúmo e né yɨ́. Kûl yaá, yé ódi e léme ɨ́ cǎr ó, yé gbâʼ nyʉ̂l lɨ́ elóŋlo bísyɛ́ɛla bimpâ.

Kolosi 1:9

Sá tɨ̂ʼ ó bɨ́h jɨʼlá e Nzyɛ̌m lɨ́ esú lɨ́n, agwâʼ yɨ́. Táare ɨ́ móhó bɨ́h á jóʼo bé lɨ́ elwib, dumo e bɨ̌n wɨ́, nzě kumǒ kumáa mûh, bɨ̌h jɨʼlá e Nzyɛ̌m ó, nye lóŋlaa bɨ̌n pɨʼ dí ó, bɨ̌n gʉ́ŋaa sá nyé á tíʼe ɨ́ lémé wé yɨ́. Nye dwêʼ bɨ̌n ocwóó wɨ́wɛ̂h, le esâ ó, bɨ̌n gʉ́ŋaa milɛ́ʼlá Sísǐm mé Nzyɛ̌m dí edwe mí.

2 Korɛnt 12:21

Sá dí esâ ó, me kpɛ́yɨɨ ebáʼǎ nze gʉ̂ʼ kwá nyɨ́n yɨ́, yé ó, ebě, Nzyɛ̌m wǎm ámû jaá gbâ mé sôn ɨ́ nyʉ̂l ɨ́ míh mɨ́n. Me ámû jaá sɔ́ma ɨ́ lɔ̌b buobuo bʉr o b'á sâ syóm mélú mé épíhe bá. Mé óbee ó, bé apǎ dwira míléme nó, me ámû jɨ, ebě, bé agwâʼ ésâ bísyɛ́ɛla bi dí edulo mpîr ɨ́ nyʉ̂l bí. Bɨ́ɛ ntémé njɨ lɨ́ etô dóló le elœʼ ményʉ̂l ɨ́ nzɨ̌ bijoó, le esâ bímolá nzam le ekomo, jwɨʼ gwár e gwár e mpʉ bé á boo sɨsâ yɨ́.

1 Korɛnt 1:30

Nzyɛ̌m ó b'á pûhla bɨ̌n e Yésʉs-Krîst. Nye ó b'á sâ ntémé ó, bɨ̌n bíʼee ocwóó mé Yésʉs. Mɨná gá mû ó otîtyěl o bʉ̂r ɨ́ míh mé ɨ́ nzɨ̌ mé Krîst. Krîst ntémé ó b'á pubo mɨná gâ. Nye ó b'á táa góo, le edwih mɨ́ná gá ɨ́ mpila ébébe, pɛʼ mɨ́ná ɨ́ fá.

Mɨlʉmlʉ 26:18

Mě lómó gó ó, go tô bɛ́ɛ bʉ̂r mîh. Go dwíhɨɨ bé lɨ́ edúrʉ́ʉ́, tyen bé ɨ́ myɛ́n; dwih bé ɨ́ jwɨ́ɨ́ mé Sátan, tyen bé kwá mé Nzyɛ̌m. Bé ódyɛ̂ʼwo e me nó, me ópɛʼ bíbaa bí ébébe mé á niʼe bé bí, ntɔ̂ʼ dwe bé diá ɨ́ sɔ́má bʉ̂r bâm dí mipubá bá.”»

Yʉanes 4:34

Yésʉs, nye e bé ó: «Mede mâm, mé ó, me sâʼ gwɨ́má mʉ̂r á ntɨh me nyá, le esîl syɛ́ɛ́ nyé á lɛ́ɛ ó, me ntáa nzě séa yɨ́.

Mataos 15:19

Ebě, bibɨ́bla bíjwɨʼ bíbyɛ̂h, byé duho ó ɨ́ léme. Byé ó dí: ejwɨ́ɨ́ é bʉ̂r, medyɛ̂n, bimolá, díbe, eyalǎ lɔ̌b mɨ́ɔɔ́ gǒ mʉr lɨ́ onzyɛ́h ónzyɛ́h, le melwɨ́ɨ.

Mataos 12:50

Waá nyɨnyɛ̂h dí esâ gwɨ́má mé Sɔ́ŋ wǎm dí ɨ́ jʉ́o kʉ́ nyá ó dí mɨ́ɔɔ́ wǎm, kɛ́lâm le nyɔ̌ŋ wǎm.»

Kolosi 4:12

Epafrâs, mʉr á duho kwá nyɨ́n nyá, nye lɨ́ esoho bɨ́n. Nye ó syɛ̂l mesâ mé Krîst. Nye lɨ́ ejɨʼla e Nzyɛ̌m e nkul jɔʼ yɨ́yɛ̂h ɨ́ lɔ̌b wɨ́n ó, bɨ̌n tyɛ́bɨɨ mekʉ̌ sí ɨ́ sɨ́ŋ, bɨ̌n díʼee otɔ́má bʉ̂r ɨ́ mipáʼ mímyɛ̂h, le egʉ́a bísyɛ́ɛla bíbyɛ̂h Nzyɛ̌m dí ekpɛl bí ɨ́ pébébé.

Rôm 6:22

Ɨ́ báánâ, Nzyɛ̌m, nyɨ́ táǎ góo, le edwih bɨ́n ɨ́ nkul mé Syóm. Bɨ̌n mû ó osyɛ̂l o mésá bé! Mpumó mû lɨ́ egúmo ɨ́ bicwiʼ bín nyɨ́, nye ó kʉ̌ tyen dí ejala e Nzyɛ̌m wɨ́. Ndumló tɨ̂, wé ó twǐʼ njʉ̌m dǐ.

Mɨlʉmlʉ 20:32

«Nó ó, ɨ́ báánâ, me lɨ́ etímle bɨ́n ɨ́ mebó mé Nzyɛ̌m. Nyɨ́ lɛ̂ʼle bɨ́n mpam nyé e nzɨ̌ mekǎn mé. Nye bâʼlaa bɨ̌n e mekǎn maá. Mé e nkul elɨl bɨ́n ɨ́ búʼó le edwe bɨ́n nkɔb bilíʼe jwɨʼ gwár e gwár e baá bɨ́bɛ̂h dí egúmo e né bá.

Mɨlʉmlʉ 15:20

Mɨná cɛ́maa gá yɨ́ɛ mekaná ó, bé syɛ̂hlaa edulo mélwaʼwo ɨ́ menyʉ́l mɔ́ɔ́ e menzɨ̌ mâ: lɨ́ edwe bíkpɛʼkpɛ̂ʼ bí ónzyɛ̌m dúu, lɨ́ esâ bímolá, lɨ́ ede tír á pa dwe tû nyá, nkʉ̂ lɨ́ ede métié.

Yʉanes 7:17

Mʉr dí egwɨ̂m ésâ bígwɨ́má mé Nzyɛ̌m nyá, ógʉ́ǎ gúmó lɛ́ʼlá wâm, wé á duho yɨ́: nkʉ̂ wé á duho ó, kwá mé Nzyɛ̌m, nkʉ̂ mě lwǐb ó e nkul nyǎm, mɛm mʉr tɨ̂.

Ebrœ̂ 12:16

Gwá di gá le ocwóó. Mʉr asâ bímolá. Mʉ̌r sá asâ nkěh ɨ́ nkǒ páʼ mílɔ̌b mé Nzyɛ̌m ɨ́ mpʉ̌ Esô á sâ yɨ́. Nye á si dwɛ́na dǐ tʉ́l yé, dwe ntwóm, lɨ́ esyɛ́ɛla yé lɨ́ esú lé énʉa mâ kǎr méde!

Rôm 1:29

Bé lɨ́ eswâhle bísyɛ́ɛla bíbyɛ̂h bi dí egbah métié bí. Byé ó dí: jélé, gwɨ́má bísá byé onkán, ebébe é léme, nzwíí, ntaa sʉ́ŋa, ejwɨ́ɨ́ é bʉ̂r, gwɨ́má égœ́a e bʉr, mikóo, sɛ́á mépɨʼ mé ébébe, mesyɛ́ɛla.

Mɨngwiha 22:15

Nó ó, ompyê, oleme, osyɛ̂l o bímolá, ojʉ̂l o bʉ̂r, baá o dí edwe bíkpɛʼkpɛ̂ʼ bí ónzyɛ̌m kûm bá, le baányâ-bibɛr bɨ́ɛ, bé ódwoowǒ kʉ̌l.

Mataos 5:32

Nó mɛm, mě lɛ́ɛ́ bɨ́n ó: mʉ̂r óbwóolo mʉ́má wé ɨ́ lɔ̌b swîh, abe ɨ́ lɔ̌b médyɛ̂n nó, myɛ́l ótó bâ mʉ̂r swîh nó, nyɨ́ lómo nyé ó, nye sâʼ medyɛ̂n e mʉr waá. Mʉr bá mʉ́mâ bé sí bwóolɔɔ nyá nyɨɛ, nye ntémé, nyɨ́ sâ médyɛ̂n.»

1 Tesalonika 4:2

Bɨ̌n bé lɨ́ egʉ́a mílɛ́ʼlá bɨ́h á dwe bɨ̌n ɨ́ díé mé Tî Yésʉs mí.