1 Tesalonika 2:3 - Kálar Nzyɛ̌m : Ejwán é Sáá

³ Mpʉ bɨ́h dí edwe bɨ́n nkul ɨ́ nzɨ̌ Mbɨambɨa Lɔ́ɔ́ wé yɨ́, yé á bé abě gwǐh ɨ́ wɨ́h pâʼ. Yé á bé aduho ɨ́ lémé mpîr, nkʉ̂ ɨ́ mikóo mé nyʉ́ʉ́ mʉ̂r.

Kálara Zyɛ̌m Edwán é mpʉ̌n

³ É jɔʼ bɨh bé a baŋle bɨn ɨ, bɨh bé abe asyɛŋ mpaŋla waa e bɨgwìh, nkʉ e sa lé elœʼ mʉr é mih mo Zyɛm ɨ, nkʉ lé ecwɨɨ é mozi bɨkʉʉŋʉ.

1 Tesalonika 2:3 ပူးပေါင်းရင်းမြစ်များ

2 Korɛnt 4:2

Bɨ̌h bé asâ bísyɛ́ɛla mésǒ bi dí edulo sôn bí. Bɨ̌h bé acéně sɔ̂ʼ ɨ́ milɔ̌b mé Nzyɛ̌m bɨ́h dí elɛ̂ʼle mí. Bɨ̌h jaá dwe ó, njɨ mpǎŋ lɛ́ʼlá dí tyeetye wɨ́. Ɨ́ mbi waá ó bɨ́h dí esâ ó, mʉr nyɨnyɛ̂h béyɨɨ bɨ̌h mbɨ̂mbɨá yɨ́. Bɨ̌h sá nó ó, ɨ́ míh mé Nzyɛ̌m.

2 Korɛnt 2:17

Nó ó, bɨ̌h bɨɛ, bé abě mpʉ óbɛ́ma o mílɔ̌b mé Nzyɛ̌m. Nzyɛ̌m á lómo bɨ̌h ó e lwǐb yé. Lwǐb yaá, yé abě mbáʼrá e mikóo. Bɨ̌h bɨɛ, bé ó baá Nzyɛ̌m á ntɨh bá. Bɨ̌h lwib mílɔ̌b myé ó, ɨ́ mpǒm mé Nzyɛ̌m, ɨ́ mpúhlá nyɨ́h e Krîst.

1 Tesalonika 4:7

Ebě, Nzyɛ̌m á jébe mɨná gá ó, mɨná díʼee gá bʉr o dí gúmo e né bá. Nye á bé abáŋle mɨ́ná gâ lɨ́ esú ó, mɨná sâʼ gá bisyɛ́ɛla bi mpîr.

2 Korɛnt 7:2

Sáŋáá gá nzɨ̌ ó, bɨ̌n kpɛ́lɨɨ bɨ̌h. Bɨ̌h bé á bé abyaʼ nyʉ́ʉ́ mʉ̂r. Bɨ̌h bé á bé alɛ̂ʼle nyʉ́ʉ́ mʉ̂r njwɨr ɨ́ bébe bébe. Bɨ̌h bé á bé adíbe mʉ̂r sɔ̂ʼ.

2 Korɛnt 4:5

Ebě, bɨ̌h bé atúnǒ lɔ́ɔ́ wɨ́h, bɨ̌h bʉr o tɨ̂. Lɔ́ɔ́ bɨ́h dí etúno wɨ́, wé dumo ó e Yésʉs-Krîst, dí Tî gá wɨ́ná nyá. Nó, bɨ̌h bɨɛ ó dí osyɛ̂l o mésá bɨ́n lɨ́ esú mé Yésʉs.

2 Pyɛr 1:16

Ebě, ɨ́ jɔʼ bɨ́h á dwe bɨ̌n lɛ́ʼlá dí edumo e nzéá dí lwɨ́ŋlá e nkul mé Tî gá wɨ́ná Yésʉs-Krîst wɨ́ yɨ́, bɨ̌h bé á bé akala bɨ́n bikɨkɛna bʉ̂r bé á kûhlo e pɨʼ nyɔ́ɔ́ bí. Lɛ́ʼlá wɨ́h waá, wé á bɔma ó e mboʼlá wɨ́h, bɨ̌h bʉr o b'á bee mpwaʼ nyé bá.

2 Tesalonika 2:11

Sá tɨ̂ʼ ó Nzyɛ̌m á nze lómlo bé mikóo mi dí ɨ́ nyan mí yɨ́. Nye á sâ nó ó, bé bûʼlaa bibɛr.

1 Tesalonika 2:11

Bɨ̌n bé lɨ́ ekʉ́ gʉ́a ntémé ó, bɨ̌h bé á si cwɨ́a e mʉr nyɨnyɛ̂h ɨ́ sɔ́má yɨ́n mpʉ sɔ́ŋ dí ecwɨ́a e bwán bé yɨ́.

2 Korɛnt 11:13

Ebě, mbi bʉ̂r waá, wé ɨ́ bébe. Bé ó bʉr o mílʉ́mlʉ́ o bíbɛr, osyɛ̂l o mésâ o míkóo. Bé lɨ́ edwir bé bʉr o tɨ̂ʼ bʉr o mílʉ́mlʉ́ mé Krîst.

Mɨlʉmlʉ 4:36

Yé á be ó e nyʉ́ʉ́ mpʉ́n á be e díe ó, Yóseb nyá, mʉr onzweh mé Levî, waá á byɛ̂l ɨ́ tíhé Swiprʉ̂s nyá. Bʉr o mílʉ́mlʉ́, bé á ka jwɨr nye lʉ́ʉ́ díe ó, Banabâs. (Nó yé páʼlɔ́ɔ́ ó: “Póblobʉr”.)

Mɨlʉmlʉ 13:15

Píe métié le mekaná mé ógwíha o mílɔ̌b, mé á sîl eláŋɔɔ yɨ́, nó ójwɨ́ɨ o mpáh bisulá, bé á sâ ó, bé lɛ́yɨɨ ó: «Bɨ́ɔɔ́, yé bé nyʉ́ʉ́ mʉ̂r ɨ́ sɔ́má yɨ́n, nyě e sá élɛ́ɛ dí e nkul egbâ bʉ̂r nkul ɨ́ miléme nó, nye lɛ́yɨɨ bʉr yǎ ɨ́ báánâ.»

2 Korɛnt 6:8

ɨ́ jɔʼ bé dí edwe bɨ́h kûm nkʉ̂ sâ bɨ́h pyêh yɨ́, ɨ́ jɔʼ bé dí eswêʼ míé mɨ́h nkʉ̂ gúmlo bɨ́h yɨ́, ɨ́ jɔʼ bé dí eláa ó, bɨ̌h bé ó bʉr o dí edímle bʉ̂r e nzɨ̌ mikóo, bɨ̌h bɨɛ yɨ́ɛ olɛ́a bé ótyeetye bá yɨ́,