1 Tesalonika 1:3 - Kálar Nzyɛ̌m : Ejwán é Sáá

³ Ɨ́ minjɨʼla bɨ́h dí ejɨʼla e waá dí Nzyɛ̌m gá wɨ́ná, waá dí ntémé Sɔ́ŋ gá wɨ́ná nyá mí, bɨ̌h bé lɨ́ esímsǎ syɛ́ɛ́ bɨ́n á séa ɨ́ lɔ̌b búʼó yɨ́n yɨ́. Yé á be ó, ɨ́ kpɛ̌l bɨ́n dí ekpɛ̌l Nzyɛ̌m yɨ́. Bɨ̌h símsá ntémé ó, mitúú bɨ́n á sia e myé ɨ́ nzɨ̌ mpûʼla Tî Yésʉs-Krîst á gbâ bɨ̌n ɨ́ miléme nyɨ́ mí. Bɨ̌h sá nó ó, ɨ́ mpǒm mé Nzyɛ̌m gá wɨ́ná, dí Sɔ́ŋ gá wɨ́ná nyá.

Kálara Zyɛ̌m Edwán é mpʉ̌n

³ É mɨnjwɨʼla bɨh lé ejwɨʼla e Zyɛm Sɔŋ ga wina ɛ, bɨh bé etoŋlo syɛɛ bɨn bé a sea ebe buʼo yin ɨ. Yé a be nteme ó, e kpɛl bɨn lé ekpɛl Zyɛm ɨ. Bɨh bé etoŋlo nteme mɨtuu bɨn bé a sia e tíila ebe taa buʼo bɨn ndɨ ejyɛʼ boo Tî ga wina Yesʉs-Krɨst ɨ. Bɨh bé esa no ó, é mih mo Zyɛm Sɔŋ ga wina.

1 Tesalonika 1:3 ပူးပေါင်းရင်းမြစ်များ

1 Korɛnt 13:13

Nó ó, ɨ́ báánâ, búʼó, mpûʼla ti e kpɛ̌l, byé ó tɨ̂: bisá bílɛ̂l. Ɨ́ bisá bílɛ̂l byaá, yaá dí elaa byaá byúú yɨ́, yé ó kpɛ̌l.

Mɨngwiha 2:19

Me lɨ́ egʉ́ǎ syɛ́ɛ́ yɨ́yɛ̂h bɨ́n dí eséa yɨ́, le kpɛ̌l yɨ́n, syɛ́ɛ́ ménkɔ̌m bɨ́n dí esâ má. Me lɨ́ egʉ́ǎ búʼó yɨ́n ti e bíhwó nyɨ́n. Bisyɛ́ɛla bín byaá, byé mû ó sí buo, laa byaá bɨ́n á nyɛɛ sɨsâ bí.

Galásia 5:6

Nyʉ́ʉ́ mʉ̂r óbe ɨ́ mpúhlá, bé e Yésʉs-Krîst nó, lɛ́ɛ́, etíʼɔɔ mpʉ́n, lé ákǎ be nyé e nyɔm. Nyé óbe, atíʼɔɔ mpʉ́n nó, syɛ́ɛla yaá, yé ántɨ̂ʼ sɔ̂ʼ. Yé ó jwɨʼ gwár ɨ́ páʼ mʉ̂r waá. Sá dí e nyɔm yɨ́, yé ó búʼó dí enyɨ̂n ɨ́ bisyɛ́ɛla bi mpâm yɨ́.

2 Tesalonika 1:11

Ɨ́ pâʼ waá ntémé ó bɨ́h dí ejɨʼla ɨ́ bijɔʼ bíbyɛ̂h ɨ́ lɔ̌b wɨ́n yɨ́. Bɨ̌h jɨʼlá e Nzyɛ̌m ó, nye béyɨɨ mbɨ̂mbɨá, ó bɨ̌n bé lɨ́ edû kʉ̌ tyen nyé á jébe bɨ̌n ó, bɨ̌n dúʼoo wɨ́. Bɨ̌h jɨʼlá ntémé ó, nye gbâʼ nkul nyé ó, bɨ̌n lóŋlaa bisyɛ́ɛla bɨ́n dí ebúʼla ó, bɨ̌n jálá le eséa nyé bí.

1 Yʉanes 5:3

Mpʉ mʉ̂r jálá le elɛ̂ʼlě Nzyɛ̌m kpɛ̌l yɨ́ ó yɨ̂: ebaʼle métié mé. Metié mé, mé abuú dile yɨ́ɛ lɨ́ ebaʼle,

Galásia 6:9

Mɨná tôʼ dóló le esɨsâ gá bisyɛ́ɛla bimpâ, akâr. Mɨ́ná bé abîr gá bisyɛ́ɛla byaá nó, mɨná bé ódira gá nyɔm tɨ̂, píe mâ jɔʼ.

Rôm 15:13

Nó ó, Nzyɛ̌m dí egbâ bʉ̂r mpûʼla ɨ́ miléme nyá, nye tyɛ́bɨɨ bɨ̌n ɨ́ miléme, ó bɨ̌n sóhaa ɨ́ jɔʼ yɨ́yɛ̂h. Nye lóŋlaa bɨ̌n mepyɛbla ɨ́ miléme, ɨ́ nkul búʼó yɨ́n. Nó ó mílémé mín ngá lóno ɨ́ mpûʼla e nkul Sísǐm wé yɨ́.

1 Yʉanes 3:3

Nyé ógbâ nyʉ́ʉ́ mʉ̂r mpûʼla nyaá ɨ́ léme nó, mʉr waá ópubo nyé mʉr tɨ̂, ó nye díʼee mʉr dí tí nyá. Sá tɨ̂ʼ ó nyé óbě mpʉ mé Yésʉs, mʉr dí tí nyá yɨ́.

1 Tesalonika 3:6

Nó ó, Timotɛ̂ alúno duho gʉ̂, le elɛ́ɛ bɨ́h mbɨambɨa milɔ́ɔ ɨ́ lɔ̌b wɨ́n. Nyɨ́ lɛ́ɛ̌ mpʉ bɨ́n dí edyɛ̂ʼwo e Yésʉs, le ekpɛla yɨ́. Nye lɨ́ elɛ́ɛ ntémé mpʉ bɨ́n dí etoŋlo bɨ́h bitɔŋlá bimpâ yɨ́, le elɛ́ɛ ntémé mpʉ bɨ́n dí e dwéh ébee bɨ́h jwɨʼ gwár mpʉ bɨ́h dí egwɨ̂m ébee bɨ́n yɨ́.

1 Yʉanes 3:18

Bwán bâm, yé ajala ó, kpɛ̌l gá yɨ́ná, yé nyɨ́nɨɨ njɨ ɨ́ mekǎn mɨ́ná dí elɛ́ɛla gá má. Yé ɨ́ jala le enyɨ̂n ó, ɨ́ bisyɛ́ɛla mɨ́ná dí esâ gá lɨ́ otyeetye bí.

Ebrœ̂ 10:36

Sá dí ejɨŋɔɔ ɨ́ páʼ wɨ́n yɨ́, yé ó bíhwó. Bɨ́n ósâ bíhwó nó, bɨ̌n bé ósâ gwɨ́má mé Nzyɛ̌m ɨ́ jɔʼ yaá. Bɨ̌n bé obǐ sá nyé á kɛʼ bɨ̌n yɨ́.

1 Korɛnt 15:58

Bɨ́ɔɔ́ le okɛ́l bâm mé dí ekpɛl bá, tyɛ́bɨ́ɨ́ gá mekʉ̌ sí ɨ́ sɨ́ŋ. Kʉ́ buú séa gá syɛ́ɛ́ mé Tî Yésʉs ɨ́ jɔʼ yɨ́yɛ̂h. Gʉ́ŋáá gá ó, syɛ́ɛ́ bɨ́n dí eséa Tî Yésʉs yɨ́, yé ákóʼó dwě ntuʼ.

2 Tesalonika 1:3

Bɨ́ɔɔ́ bɨ́h le okɛ́l bɨ́h, bɨ̌h bé ɨ́ jala le edwě Nzyɛ̌m nzyǒo ɨ́ bijɔʼ bíbyɛ̂h ɨ́ lɔ̌b wɨ́n. Yé ɨ́ jala nó, ebě, búʼó bɨ́n dí ebúʼlǎ Krîst yɨ́, yé lɨ́ etô le egwɨ́e. Kpɛ̌l bɨ́n dí ekpɛl bʉ̂r yɨ́, yé bwaʼ ó bwaʼáa.

1 Yʉanes 3:21

Nó ó, bʉr ó kpɛ̌l bâm, mílémé gá míná, myé óbe, adwe mɨ́ná gá bʉr o tɨ̂ʼ mebě nó, lɛ́ɛ́, mɨná bɨ́ nʉa gá pîm ɨ́ búʼó ɨ́ míh mé Nzyɛ̌m.

1 Pyɛr 3:4

Ojaá wɨ́n, wé ɨ́ jala le ebe ó, waá o tʉ́ŋlʉ̌, mbi ójaa dí abe e nkul ekúrwo wɨ́. Lémé wɨ́n díʼee ɨ́ tala tala, ɨ́ pyɛɛɛ. Mbi ójaá waá ó dí ɨ́ buo ódimé ɨ́ míh mé Nzyɛ̌m.

Ebrœ̂ 11:17

Ɨ́ búʼó, Abraham á si kam ɨ́ jɔ̌ʼ Nzyɛ̌m á bóblo nye yɨ́. Abraham nzě sâ ó, nyě jʉ́ ó nye Isaac, tâŋ ndwéá. Nyɨɛ Abraham ó b'á bi menkɛ̌ʼ ménɨ́nɨ́ɨ́ mé Nzyɛ̌m. Nye ntémé ó b'á be ɨ́ cǎr ó, nye díʼɨɨ nye etíʼé é mwân lé laá tâŋ ndwéá,

Ebrœ̂ 6:15

Abraham á si dûhwo mpʉ̂n. Sá tɨ̂ʼ ó nyé á bi sâ Nzyɛ̌m á kɛʼ nye yɨ́.

1 Timotɛ 2:3

Nzyɛ̌m, Tiʼbʉr gá wɨ́ná, nye lɨ́ ebeě syɛ́ɛla yaá mbɨ̂mbɨá; nye lɨ́ ekpɛl yê.

Galásia 5:13

Bɨ́ɔɔ́ bâm! Okɛ́l bâm! Nzyɛ̌m á jébe bɨ̌n ó, nye pɛ́ʼɛɛ bɨ̌n lɨ́ mpila ébébe, bɨ̌n búlaa ɨ́ fá. Ɨ́ tyé yɨ́n yaá tʉ́ŋlʉ̌, akam gá ó, bɨ̌n sâʼ syóm njwɨr myâ gá wɨ́ná dí egwɨ̂m wɨ́. Kpɛlaa gâ. Séáá gá ntémé páʼ nyɨ́n.

Galásia 1:4

Yésʉs-Krîst mʉr tɨ̂ʼ á si dwe twiʼ yé, nzě búra e misyóm gá míná. Mpʉ nyé á jala e myé yɨ́, nyɨ́ dwih mɨ́ná gá ɨ́ sɔ́má ósyɛ̂l o mísyóm ó myǎ wɨ̂. Yésʉs á sâ nó ó, mpʉ̌ Nzyɛ̌m gá wɨ́ná, waá dí ntémé Sɔ́ŋ gá wɨ́ná nyá, á kpɛl yɨ́.

Rôm 16:6

Me lɨ́ esoho ntémé Maria, mʉr á bu séa bɨ̌n syɛ́ɛ́ nyá.

Rôm 15:4

Yé á cɛmɔɔ nó ó, lɨ́ esú lé écɨ̂l mɨ́ná gâ, jwɨʼ gwár e gwár e mpʉ̌ sá yɨ́yɛ̂h, yé á cɛmɔɔ ɨ́ Mekaná mé Nzyɛ̌m yɨ́. Mekaná mé, mé lɨ́ ecɨ̂l mɨ́ná gâ, ó milémé gá míná nkʉ̂ lóno ɨ́ mpûʼla. Myé lʉ́lónó ɨ́ mpûʼla ó, ɨ́ lɔ̌b nkûl mékaná mé dí egbâ mɨ́ná gá ɨ́ miléme nyɨ́, le bíhwó mɨ́ná dí esâ gá nyɨ́.

Rôm 12:12

Diʼee gá e bisʉhʉʉ ɨ́ mpûʼlǎ Nzyɛ̌m á gbâ bɨ̌n ɨ́ miléme nyɨ́. Júhwáá gá mitúú bɨ́n dí esia e myé mí. Tirwaa gá syɛ́ɛ́ mínjɨʼla.

Rôm 2:7

Bâʼ bʉ̂r, bé sáá ó kûm, le dúu le twiʼ dí asíesie yɨ́. Bé lɨ́ edûhwǒ sɔ́ɔlʉ waá e bíhwó, lɨ́ esâ mímpaŋ bísyɛ́ɛla. Bé ó baá Nzyɛ̌m ngá dwě twǐʼ njʉ̌m dǐ bá.

Mɨlʉmlʉ 10:31

Nye e me ó: “Corneille! Nzyɛ̌m, nyɨ́ yala mínjɨʼla myô. Nye mû ó lɨ́ etoŋlo gó ɨ́ lɔ̌b míngúlá gó dí edwidwe báántéʼenteʼe o bʉ̂r mí.

Mɨlʉmlʉ 3:19

Nó túmáá gá mikoo e misyóm mín. Bɨ̌n a dwírá míléme, Nzyɛ̌m nkʉ̂ pɛʼ bíbaa bí ébébe nyé á niʼe bɨ̌n bí!

Yʉanes 14:15

«Bɨ́n ókpɛl mé nɛ́ɛ: bɨ̌n ntémé, bé óbaʼle métié mâm.

Ebrœ̂ 13:21

Mě jɨʼlá e né ó, nye tyɛ́bɨɨ bɨ̌n ɨ́ miléme, ó bɨ̌n sâʼ syɛ́ɛla nyé dí ebeě mbɨ̂mbɨá yɨ́, mɨná nkʉ̂ lóŋlo gá gwɨ́má yé ɨ́ nzɨ̌ mé Yésʉs-Krîst, dí e kûm njʉ̌m dǐ e njʉ̌m dǐ nyá. Amɛn!

Ebrœ̂ 4:11

Nó mɨná gbâʼ gá nkul lɨ́ esú lé énî ɨ́ gúmó bʉ̂r dí egbala yɨ́. Gwá di gá le ocwóó, ó mʉ̌r sá asâ ébɨ̌h e Nzyɛ̌m, nkʉ̂ duma sí mpʉ bímpám gá bíná byé á duma yɨ́.

2 Korɛnt 2:17

Nó ó, bɨ̌h bɨɛ, bé abě mpʉ óbɛ́ma o mílɔ̌b mé Nzyɛ̌m. Nzyɛ̌m á lómo bɨ̌h ó e lwǐb yé. Lwǐb yaá, yé abě mbáʼrá e mikóo. Bɨ̌h bɨɛ, bé ó baá Nzyɛ̌m á ntɨh bá. Bɨ̌h lwib mílɔ̌b myé ó, ɨ́ mpǒm mé Nzyɛ̌m, ɨ́ mpúhlá nyɨ́h e Krîst.

Rôm 16:26

yaá mû sí nyɨ̂n ɨ́ ponó yɨ́. Lɔ́ɔ waá, wé á boo be ó cɛmá lɨ́ mekaná mé ógwíha o mílɔ̌b. Bikúl bíbyɛ̂h, byé mû kǎ gʉ́a wé ó, dû mpʉ̌ Nzyɛ̌m á boo tyêl etié lɨ́ esú lɔ́ɔ́ yɨ́. Nzyɛ̌m dí njʉ̌m dǐ e njʉ̌m dǐ nyá, á lɛ̂ʼle byé lɔ́ɔ́ mé Yésʉs waá ó, byé nkʉ̂ dyɛ̂ʼwo e né, le esâ nyé mejóʼo.

Yʉanes 15:10

Bɨ́n sí baʼle métié mâm nó, bɨ̌n bé ódi tʉ́ŋlʉ̌ kpɛ̌l yâm, ebě, mɨ́ baʼle métié me Sɔ́ŋ wǎm. Mě gʉ́á ntémé ó, nye lɨ́ ekpɛl mê.

Mɨngwiha 3:10

Sâ gwár, me á lɛ́ɛ e bɨ̌n bɨɛ ó, bɨ̌n dûhwaa. Bɨ̌n bé á si bana baʼle lɔ́ɔ́ wâm waá. Mpʉ bɨ́n á jóʼo me nó yɨ́, me óbaʼle bɨ́n, ebě, bɨ̌n bé ámû jaá nî ɨ́ bintɨ́ʼá mû lɨ́ epyâl ɨ́ mʉr nyɨnyɛ̂h ɨ́ sí yɨ̂ʼ bí.

1 Timotɛ 1:14

Sá tɨ̂ʼ ó Dâ á sʉ me metyɛʼ me mpóm ɨ́ nkalá nkalá yɨ́. Nye á si gbâ me ntémé búʼó ti e kpɛ̌l ɨ́ léme, ɨ́ nzɨ̌ mé Yésʉs-Krîst.