1 Pyɛr 5:9 - Kálar Nzyɛ̌m : Ejwán é Sáá

⁹ Dyɛ́ʼwáá gá e Nzyɛ̌m. Lwímláá gá e Sátan. Bɨ̌n e gʉ́á ó, bɨ́ɔɔ́ gá bɨ́ná dí ɨ́ sí yɨ̂ʼ yɨ́yɛ̂h bá, bé lɨ́ edûhwǒ mbǐ túú ngwár waá.

Kálara Zyɛ̌m Edwán é mpʉ̌n

⁹ Saʼ ga nye mongan lé ecyɛb é nkʉʼʉ é buʼo ga yina. Bɨn bé à gʉa ó, obuʼla ndɨ é si nwaʼ nyiwɛh ɛ, bé edihbe mbi tuu ngwar waa.

1 Pyɛr 5:9 ပူးပေါင်းရင်းမြစ်များ

Jacques 4:7

Ɨ́ tɨ̂, sáʼ gá Nzyɛ̌m mejóʼo. Lwímláá gá e sɔ́ŋ meleme. Nyé okpɛ́ɛ bɨ́n, tó di ɨ́ pɨ́nʉ́ʉ́.

Mɨlʉmlʉ 14:22

Bê nzě gbâ ómpʉ́n nkul ɨ́ miléme, le etɨ́e bé ó, bé tôʼ le edû búʼó gá yɨ́ná. Bé e bé ó: «Mɨ́ná bé ókpɛl gá enî ɨ́ Mpóʼo mé Nzyɛ̌m nó, mɨná bé ɨ́ jala le enyɛɛ́ sia gá e mitúú e mindɛ̌l ɨ́ buo buo.»

1 Pyɛr 2:21

Nzyɛ̌m á jébe bɨ̌n ó, bɨ̌n sâʼ nye syɛ́ɛla yaá ó, ebě, Krîst mʉr tɨ̂ʼ á si sia e mitúú lɨ́ esú é nyɔm wɨ́n. Ɨ́ tɨ̂ʼ, nye á si lɛ̂ʼle bɨ̌n mveʼle bɨ́n jálá le edû yɨ́. Nye á sâ nó ó, bɨ̌n nkʉ̂ dû mébo mé. Yê cɛmá ɨ́ Mekaná mé Nzyɛ̌m ó:

1 Korɛnt 10:13

Mebʉ́blá bɨ́n á ntaa má, mé lɨ́ epyâl bɨ́n e bʉr bɨ́bɛ̂h. Tó kœb ó, Nzyɛ̌m, nye ó mʉr jálá le ebúʼlɔɔ nyá. Nye ábîr ó, bɨ̌n bóblɔɔ, tó pyâl ɨ́ jɔʼ bɨ́n ósâ syóm yɨ́. Jɔʼ mébʉ́blá, mé ópipyâl bɨ́n yɨ́, nye ókar bɨ́n nzɨ̌ swîh. Bɨ̌n bé odyɛ̂l tɨ̂, le esyɛ̂hle mísyóm bɨ́n á gwa sâ mí.

2 Timotɛ 3:12

Mʉr nyɨnyɛ̂h kpɛ́l étíʼe lɨ́ edwě Nzyɛ̌m kûm, le epûhla e Yésʉs-Krîst nyá, ótíblɔɔ.

Éfɛsɔs 6:16

Dyɛ́ʼwáá gá e Nzyɛ̌m. Ndyɛ́ʼwá waá, wé díʼee bɨ̌n mpʉ nkúo dɔm ngá dímě siʼe mékʉá me dɔ̂m mé Sátan nyɨ́.

1 Pyɛr 3:14

Bɨ́n ósia yɨ́ɛ e mitúú ebe bɨ́n dí edû bísyɛ́ɛla bí ótîtyěl nó, go ó, Nzyɛ̌m ósʉ bɨ́n metyɛʼ me mpóm tɨ̂. Ajóʼo gá bʉ́á páʼ bʉ̂r. Milémé mín sá akoro bɨ́n tɨ̂.

Ebrœ̂ 11:33

Ɨ́ nzɨ̌ búʼó yɔ́ɔ́ ó bé á lwímla e mesí meswîh, ntaŋɔɔ mé yɨ́. Bé á si tíʼe bʉr milɔ̌b lɨ́ otîtyěl ɨ́ nzɨ̌ búʼó yɔ́ɔ́. Bé á si bi nkɛ̌ʼ mé Nzyɛ̌m ɨ́ nzɨ̌ búʼó yɔ́ɔ́. Bé á si pɨr mingbampɨɨ minum ɨ́ nzɨ̌ búʼó yɔ́ɔ́.

1 Timotɛ 6:12

Bɨ̌n e bʉr o dí edyɛ̂ʼwo e Nzyɛ̌m bá, lwímláá gá mpǎŋ dɔ̂m. Dɔm laá, lé ó, laá é búʼó. Mɛ́rɨ́ɨ́ gá twǐʼ njʉ̌m dǐ ɨ́ kpɨ́ɨ́ɨ́. Nzyɛ̌m á jébe go ó, go níʼee ɨ́ twǐʼ njʉ̌m dǐ yaá. Yé á be ó, ɨ́ jɔʼ gó á boʼlo mpǎŋ mboʼlá ɨ́ míh mé óbea yɨ́.

1 Tesalonika 3:3

Mpʉ bʉ̂r bóbló bɨ́n ɨ́ báánâʼ yɨ́, bɨ̌h bé á lómo nye ó, bɨ̌n sá adímlě búʼó ɨ́ lɔ̌b mébʉ́blá maá. Bɨ̌n bʉr o tɨ̂, bɨ̌n bé lɨ́ egʉ́a ó, bintɨ́ʼá bínɨ̌, byé ó sá Nzyɛ̌m á boo kab mɨná gá yɨ́.

Éfɛsɔs 4:27

Mʉ̌r sá adwe sɔ́ŋ meleme gúmó étyêl ébo.

Mɨngwiha 6:11

Nó nyé á nʉa bidur ɨ́ pumo pumo, bôr bɨ́bɛ̂h, le elɛ́ɛ bé ó, bé gbálaa bá tîtííǎ. Nye ó: «Bónáá gâ. Yé jala ó, bʉ́ʉ́ bʉ̂r ó njoo yɨ́n ti e bɨ́ɔɔ́ bɨ́n, bé páa nyɛɛ́ jʉ́ŋɔɔ ntémé mpʉ bɨ́n. Sá tɨ̂ʼ ó bɨ́n le onɔ́ɔ́, bé ósâ sɔ́má ntinɨ̂ yɨ́.»

1 Pyɛr 4:13

Sohaa gá ɨ́ buo buo ɨ́ jɔʼ bɨ́n dí esia e mitúú mé Krîst yɨ́. Bɨ́n ósia e mitúú myé myaá le bisʉhʉʉ nó, bɨ̌n ntémé bé óbuú soho ɨ́ jɔʼ méntyɛnwa mé, mé ónyɨ̂n ɨ́ ponó yɨ́.

1 Pyɛr 1:6

Bɨ̌n mû ó lɨ́ ekʉ́ buú sohǒ sâ yaá ɨ́ báánâ, damá jóʼo bɨ́n dína lɨ́ elɛŋ bá mâ jɔʼ lɨ́ esia e mitúú e mindɛ̌l, duho ɨ́ mebʉ́blá bé dí ebóblo bɨ́n mimbi mimbi má.

Kolosi 2:5

Mě damá cɛra e bɨ̌n ɨ́ nkǒ páʼ nyʉ̂l, me yɨ́ɛ ó bǎʼ e bɨ̌n ɨ́ nkǒ páʼ sísǐm. Me lɨ́ ejóʼo bísʉhʉʉ lɨ́ ebeě mpʉ̌ sɔ́má yɨ́n dí ɨ́ kpɨ́ɨ́ɨ́ yɨ́. Me lɨ́ esoho ntémé mpʉ bɨ́n dí edyêʼ koo e Krîst yɨ́.

Yʉanes 16:33

Mě lɛ́ɛ́ bɨ́n milɔ̌b mîʼ ó, bɨ̌n nkʉ̂ di ɨ́ mpúhlá e me, milémé mín nkʉ̂ lóno ɨ́ mepyɛbla. Bɨ̌n bé ósia e mitúú lɨ́ edi ɨ́ sí yɨ̂. Damá jóʼo nó, biʼee gá menyan ɨ́ milémé mín. Mɛm, mɨ́ ntaǎ sí yɨ̂ʼ ɨ́ nkul.»

Mɨngwiha 7:14

Me e né ó: «Dâ ɛ̌, gua ó dí egʉ́a.» Nó nyé á lɛ́ɛ e me ó: «Bʉr bâ, bé ó baá bé á sia e bintɨ́ʼá bínɨ́nɨ́ɨ́ bá. Bɨ́ sohlo bídur byɔ́ɔ́ e metié me Mâ Nteme. Nó ó míkán myɔ́ɔ́ dí ɨ́ pumo pumo yɨ́.

Lʉkas 22:32

Sâ gwár, me á si jɨʼla e Nzyɛ̌m lɨ́ esú lô, ó búʼó yô, yé sá akur. Jɔʼ nyé ósâ nó, go ntémé sí báʼǎ nze kwá nyǎm yɨ́, go e súʼó bɨ́ɔɔ́ bô bibúʼó byɔ́ɔ́!»

Mɨngwiha 1:9

Yé ó mɛm Yʉánɛs, mɨ́ɔɔ́ wɨ́n. Mɨná gá bé ɨ́ mpúhlá e Yésʉs ó, lɨ́ esia e mitúú mímpwár. Mɨná gá óbɛ̂h bé ɨ́ mpóʼo Yésʉs dí ejwɨ́ɨ yɨ́. Mɨná gá óbɛ̂h ó dí e bíhwó nyé dí egbâ bʉ̂r ɨ́ miléme nyɨ́. Bé á mɛ̂r me, pɨrɔɔ mé wâʼ ɨ́ tíhé dí ejébɔɔ «Pátmos» wɨ́ ó, ebě, lɔ́ɔ́ mé Nzyɛ̌m le milɔ̌b mé Yésʉs mé dí eboʼlo mí.

2 Timotɛ 4:7

Nzwamlá nyǎm á be ó mbɨ̂mbɨá. Mɨ́ swim ɨ́ duo bíjʉ́ʉ́, pyâl lɨ́ odumo. Mɨ́ dyɛ̂ʼwo e Nzyɛ̌m, le esâ mpʉ̌ búʼó yɨ́ná dí elɛ́ɛ yɨ́.

Ebrœ̂ 12:8

Nzyɛ̌m titirwo e bwán bé bɨ́bɛ̂h ó nó. Nyé bé asɨ̂ʼ bɨ́n milʉ̂ nó, go ó, bɨ̌n bé abe bwán bé ó tɨ̂ʼ yɨ́. Lɛ́ɛ́, bɨ̌n bé ó bwân o b'á byɛ̂l ɨ́ mbɛ̌r bá.