1 Pyɛr 5:8 - Kálar Nzyɛ̌m : Ejwán é Sáá

⁸ Máráá gá miléme. Diʼee gá ɨ́ doho. Ntɨ̂m e mbɨn wɨ́n, sɔ́ŋ meleme, nye lɨ́ elie bɨ́n ɨ́ mipáʼ mímyɛ̂h mpʉ̌ ngbampɨɨ dí emwóolo wɨ́. Nyě sáá ó, ede mʉ̂r.

Kálara Zyɛ̌m Edwán é mpʉ̌n

⁸ Mɛrɨ ga mɨleme. Diʼe ga nkehe. Mʉr lé epur bɨn ɨ, Njwɨɨ moleme, nye elie bɨn é mɨpaʼ mimyɛh é nka-nka-nka, mpʉ ngbampwɨɨ lé emuulo le esaa mʉr nye deʼ.

1 Pyɛr 5:8 ပူးပေါင်းရင်းမြစ်များ

Éfɛsɔs 6:11

Bwáráá gá mimbór mí dɔ̂m Nzyɛ̌m dí edwe bɨ́n mí, mbi dí ó, jɔʼ sɔ́ŋ meleme ónzě sáa édímle bɨ́n ɨ́ nzɨ̌ mikóo myé yɨ́, bɨ̌n tyɛ́bɨɨ mekʉ̌ sí ɨ́ sɨ́ŋ.

Jacques 4:7

Ɨ́ tɨ̂, sáʼ gá Nzyɛ̌m mejóʼo. Lwímláá gá e sɔ́ŋ meleme. Nyé okpɛ́ɛ bɨ́n, tó di ɨ́ pɨ́nʉ́ʉ́.

Éfɛsɔs 4:27

Mʉ̌r sá adwe sɔ́ŋ meleme gúmó étyêl ébo.

1 Pyɛr 1:13

Nó, diʼee gá ɨ́ cǎr ó, bɨ̌n sâʼ bisyɛ́ɛla bimpâ. Gwá mâr gá miléme. Mpûʼla, nye díʼee bɨ̌n ɨ́ miléme ó, bɨ̌n bé ódweŋɔɔ̌ mpǎŋ ndwéá ɨ́ jɔ̌ʼ Yésʉs-Krîst óbáʼǎ nyɨ̂n yɨ́.

1 Pyɛr 4:7

Ɨ́ báánâ, bisá bíbyɛ̂h, byé mû ó kúno ekumo ɨ́ meswéhlɨ́. Dwéʼ gá menyʉ́l mɨ́n medile. Máráá gá miléme, lɨ́ esú ó, bɨ̌n sâʼ minjɨʼla.

Lʉkas 21:36

Diʼee gá ɨ́ mpʉ̂n. Jɨʼlaa gá ɨ́ jɔʼ yɨ́yɛ̂h, ó bɨ̌n nkʉ̂ kɨ̂ŋ bísyɛ́ɛla bí móhó waá bíbyɛ̂h. Jɨʼlaa gá ntémé ó bɨ̌n nkʉ̂ be e nkul etyɛ̂b ɨ́ mpǒm Mwân mé Mʉr.»

Lʉkas 22:31

Yésʉs ntɔ̂ʼ lɛ́ɛ̌ Pétrus ó: «Simon, Simon, paá bee: Sátan, nyɨ́ gbân bɨ́n! Nye óbóblo bɨ́n. Nye lɨ́ egwɨ̂m éntyeŋ bɨ́n le esyɛʼre bɨ́n mpʉ mʉ́má dí esyɛʼrě fufú blê yɨ́.

Títos 2:12

Mpam mé Nzyɛ̌m nyaá ó dí etɨ́e mɨ́ná nzɨ̌ ó, mɨná bírɨɨ gá twiʼ dí ɨ́ bébe yɨ́, ti e bigwɨ́má bí sí yɨ̂, lɨ́ esú lé étíʼě twiʼ pɔ̂hlʉ milɔ̌b. Twiʼ yaá ó dí tîtyěl, yaá dí edû mpʉ̌ Nzyɛ̌m dí ekpɛl yɨ́.

Mɨngwiha 12:12

Ebe nó, bɨ̌n, bʉr o dí ɨ́ jʉ́o bá, sohaa gâ. Nkoó, nye ó e sí ndu e mâŋ! Bé óbuú tíble bɨ́n, ebě, sɔ́ŋ meleme, nyɨ́ tô gʉ̂, nko bɨ́n dí yɨ́. Wé lɨ́ ebuú kpaa ébúʼ, ebě, nyɨ́ kǎ gʉ́a ó, jɔʼ yé, yɨ́ lîʼ njɨ bá tîtííǎ.»

Yʉanes 8:44

Sɔ́ŋ wɨ́n, nye ó sɔ́ŋ meleme. Sá tɨ̂ʼ ó bɨ́n dí ekpɨkpɛ̌l njɨ esâ gwɨ́má mé sɔ́ŋ wɨ́n yɨ́. Nye á boo be ó njʉ̂l bʉr, duho ɨ́ menyɛ̌l. Nyé abe e nkul elɛ́ɛ ótyeetye lʉ́ʉ́ dʉ́o, ebě, otyeetye, wé abe e né. Jɔʼ nyé dí elɛ́ɛ bíbɛr yɨ́, nyě lɛ́ɛ́ ó, sá yé, ánta nye, ebě, nye ó mʉr bibɛr. Nye ntémé, nye ó sɔ́ŋ bibɛr.

Mataos 13:39

Ntɨ̂m e mbɨn wé á nze be bébebébe ká nyá, nye ó sɔ́ŋ meleme. Swɨɨ ékpɛm, wé lɛ́ʼlé ó, esúʼlá é sí yɨ̂. Okpɛma, bé ó beéngeles mé Nzyɛ̌m.

Mataos 24:42

Nó, diʼee gá ɨ́ mpʉ̂n, ebě, bɨ̌n bé agʉ́a dʉ́ó Tî wɨ́n ngá nze yɨ́.

Mɨngwiha 20:10

Nó ó, sɔ́ŋ meleme, mʉr á kʉ dímle bɨ́bɛ̂h nyá, á si mɛ́rɔɔ, guhɔɔ ɨ́ bɨ́ siʼe. Tɨ̂ʼ ó pir dí edúo jɔʼ yɨ́yɛ̂h, adímedime yɨ́. Bé á guho nye ó, ɨ́ gúmó bé á nyɛɛ guho tír, bé e ngwíha milɔ̌b bibɛr yɨ́. Bé ójaʼra e siʼe yaá tɨ̂ʼ ó, móhó ndu e pum, kɔ́m ti e kɔ́m.

Lʉkas 21:34

«Gwá di gá le ocwóó. Milémé mín ámû jaá tyɛʼ ɨ́ mpwaʼ edɨ́ɨ́ ndu e mpur menyoʼ, nkʉ̂ ɨ́ mpuo bijwɨʼ bí twǐʼ sí yɨ̂. Móhó waá, wé ámû jaá pyâl bɨ́n metwɨrâ, mpʉ̌ syɛ̌m.

Títos 1:8

Nyě mbɨa ó, di mʉ̂r dí egʉ́a énʉa ójwóo nyá. Lémé wé, wé dúʼoo sɔ̂ʼ njɨ embɨa. Nye dwêʼ nyʉ̂l nyé medile. Nye díʼee tîtyěl, e léme ɨ́ sɔ́ɔ́ɔ́ ɨ́ mîh mé Nzyɛ̌m. Nye gʉ́ŋaa emâr léme.

2 Timotɛ 4:17

Tî Yésʉs ó b'á kɛm me, le egbâ mé pîm ɨ́ búʼó. Nye á sâ nó ó, nye nkʉ̂ swâhlě túnó waá ɨ́ nzɨ̌ nyǎm, le esâ ó, bʉr o bíkúl bíbyɛ̂h nkʉ̂ jóʼo wê. Nó ntémé ó mé á pɛʼɔɔ ɨ́ nǔm ngbampɨɨ yɨ́.

Títos 2:6

Tɨ́áá mísohó ntémé ó, myé gʉ́ŋaa epahle mbɨ̂mbɨá.

Títos 2:2

Lɛ́yɨ́ɨ́ ótɔ́má ó bʉ̂r ó Mbɛ̌r-Nzyɛ̌m ó: bé ajala le ede ményoʼ, puro. Bé dwêʼ menyʉ́l mɔ́ɔ́ medile, le etíʼě mpʉ bʉ̂r o dí epahle bá jálá le esâ yɨ́. Sá bé dí ebúʼla yɨ́, yé díʼee mpʉ mɨ́ná dí elɛ̂ʼle gá yɨ́. Bé díʼee bʉr o dí ecwɨ́a e bʉ́ʉ́ bʉ̂r bá. Bé dûhwaa ntémé mitúú.

1 Timotɛ 2:15

Mʉ́má ódyɛ̂ʼwo e Nzyɛ̌m, le ekpɛl bʉ̂r, dǐ tí ɨ́ páʼ mé Nzyɛ̌m, le edwe nyʉ̂l nyé medile nó, nye óbǐ twiʼ lɨ́ ebyá nyé dí ebyâ lɨ́.

Mɨngwiha 20:2

Nye á si to mɛ̂r njʉ̌m myɔ́ɔ́ dí e díe ó, «Sɔ́ŋ meleme», nkʉ̂ «Sátan» wɨ́. Éngeles waá á si mɛ̂r nye, kâʼ nyé e kʉ̂kɔ̌b. Nye ódǐ kɛ́ʼá tɔ́ɔ́sin mimbû.

Títos 2:4

lɨ́ esú lé élɛ̂ʼle méséhé mé bʉ́bá mpʉ mé jálá le ekpɛl ójʉ́m bɔ́ɔ́, ti e bwán bɔ́ɔ́ yɨ́.

1 Timotɛ 3:11

Bʉbá bɔ́ɔ́ ntémé, bé ɨ́ jala le edwe ményʉ́l mɔ́ɔ́ medile, abe lɨ́ eswêʼ míé mé bʉ́ʉ́ bʉ̂r. Bé ajala le ede ményoʼ, sahle. Bé ɨ́ jala le ebe ó, bʉr o bé ébûʼlɔɔ ɨ́ mipáʼ mímyɛ̂h.

1 Timotɛ 2:9

Mě kpɛl ntémé ó, bʉbá bwáraa mimbór mímpâ mî: bé dwêʼ menyʉ́l mɔ́ɔ́ medile, le edi e dúu. Abe e misíné mí jáálé, nkʉ̂ binkohó bí gʉ̂l, nkʉ̂ mindwé métwaʼlé ndu e mikán mi dí ɨ́ bwaʼ tâŋ mí.

Mataos 4:1

Sísǐm mé Nzyɛ̌m ntɔ̂ʼ tô e Yésʉs ɨ́ lʉá. Nye á tô e né gʉ̂ʼ ó, sɔ́ŋ meleme tó bóblo nyê.

1 Timotɛ 3:2

Nó yé jɨ ó, waá dí epála bʉ́ʉ́ nyá, díʼee mʉr dí, abe e nkul edweŋɔɔ mébě nyá. Nye díʼee njʉ̂m mʉmá ngwár. Nyé ajala le ebe mʉ̂r dí ede ményoʼ, puro nyá. Nye dwêʼ nyʉ̂l nyé medile. Nye díʼee mʉr dí e dúu nyá. Nye díʼee mʉr dí enʉa ójwóo, waá dí egʉ́a édwe bʉ̂r milɛ́ʼlá nyá,

Mataos 25:41

«Píe tɨ̂, nye ólɛ́ɛ e baá o dí nye ɨ́ páʼ mbó émyɛ̌l ó: “Pʉʼaa gá gúmó mé dí yɨ́, bʉr ó Nzyɛ̌m á boo syɛm bá. Tóʼ gá ɨ́ siʼe dí edúǒ kɔ́m ti e kɔ́m yɨ́, siʼě Nzyɛ̌m á boo tira lɨ́ esú mé sɔ́ŋ meleme, bé e beéngeles bé yɨ́.

Mataos 4:11

Píe tɨ̂ʼ ó sɔ́ŋ meleme á líʼe nye, tô yɨ́. Beéngeles nzě pyâl, bé ntɔ̂ʼ séa e Yésʉs.

Markus 4:15

Bâʼ bʉ̂r, bé ó mpʉ émpah e nzɨ́, gúmó lɔ́ɔ waá, wé á kur yɨ́. Bé lɨ́ ejóʼo wê. Píe tɨ̂, Sátan nzě kpâhwǎ pyâl, pɛʼ bé wǎ ɨ́ gúmó wé á kur yɨ́.

2 Korɛnt 2:11

Mɨná sá gá nó ó, Sátan nkʉ̂ be, antaa mɨ́ná gâ, ebě, mɨná bé ajéʼe gá mepɨʼ mé.

Mɨngwiha 12:10

Píe tɨ̂, me á si jóʼo twíí ɨ́ jʉ́o kʉ́. Twíí nyaá á lɨlɛ́ɛ kʉ́kʉ́ ó: «Ɨ́ báánâ, Nzyɛ̌m, nyɨ́ kʉ́ tíʼ mɨ́ná gá mpǎŋ tíʼá! Nyɨ́ lɛ̂ʼle ó, nyě e nkul. Nye ó dí njwɨ́ɨ. Ɨ́ báánâ, mʉr nyé á lœm múló mé jwɨ́ɨ nyá, nyɨ́ lɛ̂ʼle ó, nye ó dí e nkul, ebě, bɨ́ so waá á nwâhle bɨ́ɔɔ́ gá bɨ́ná jɔʼ yɨ́yɛ̂h ɨ́ míh mé Nzyɛ̌m móhó e pum nyá. Bɨ́ guho nyé sí.