1 Pyɛr 5:5 - Kálar Nzyɛ̌m : Ejwán é Sáá

⁵ Bɨ̌n biloʼo, yé jala ó, bɨ̌n díʼee ɨ́ jwɨ́ɨ́ ótɔ́má ó bʉ̂r. Bɨ̌n bɨ́bɛ̂h, jɔrɨɨ gá menyʉ́l mɨ́n páʼ nyɨ́n. Diʼee gá bʉr o dí ɨ́ talǎ njwɨr bá, ebě, yê cɛmá ó: «Nzyɛ̌m, nye lɨ́ elwímla e bʉr o dí enkɛ́ɛ ményʉ́l mɔ́ɔ́ bá. Baá dí ɨ́ talǎ njwɨr bá bɨɛ, nye lɨ́ esʉ bé metyɛʼ me mpóm.»

Kálara Zyɛ̌m Edwán é mpʉ̌n

⁵ Bɨn mɨsoho, yé ejala ó, bɨn filɨ monyʉl si é mih mo otamabʉr. Bɨn bɨbɛh, filɨ ga monyʉl si paʼra win, ebe, yé ó tila ó: «Zyɛm, nye esa bʉr o ndɨ enkɛɛ monyʉl mɔɔ ɛ, mongan. Baa ndɨ efil monyʉl si ɨ, bɛɛ ó ndɨ esʉŋɔ mocyɛʼ mo mpom.»

1 Pyɛr 5:5 ပူးပေါင်းရင်းမြစ်များ

Jacques 4:6

Damá be nó, Nzyɛ̌m, nye lɨ́ esʉ mɨ́ná gá metyɛʼ me mpóm ɨ́ buo buo. Mekaná mé Nzyɛ̌m, mé lɨ́ elɛ́ɛ ó nó: «Nzyɛ̌m, nye lɨ́ elwímla e bʉr o dí enkɛ́ɛ ményʉ́l mɔ́ɔ́ bá. Baá dí ejɔr ményʉ́l mɔ́ɔ́ bá bɨɛ, nye lɨ́ esʉ bé metyɛʼ me mpóm.»

Éfɛsɔs 5:21

Sɨ́sáʼ gá mejóʼo páʼ nyɨ́n, ebě, bɨ̌n bé lɨ́ edwáawǒ Krîst.

Rôm 12:10

Kpɛlaa gá páʼ nyɨ́n mpʉ bɨ́ɔɔ́ e bɨ́ɔɔ́ jálá le ekpɛla yɨ́. Diʼee gá le ánɨ̂nɨ̂n dúu páʼ nyɨ́n!

Filipi 2:3

Apɨra gá páʼ nyɨ́n. Ankɛ́ɛ gá menyʉ̂l páʼ nyɨ́n. Mʉr nyɨnyɛ̂h, nye dwêʼ bʉ́ʉ́ bʉ̂r dúu, laǎ mpʉ nyé dí ebee nyé mʉr tɨ̂ʼ yɨ́.

Kolosi 3:12

Bɨ̌n ó dí bʉ̌r Nzyɛ̌m á twâr, baá o dí egúmo e né, nyé dí ɨ́ buú kpɛl bá. Nó ó, sáʼ gá njɨ́ʼá nkóó páʼ nyɨ́n, le mpam. Sulɨɨ gá menyʉ́l mɨ́n sí. Diʼee gá bʉr o dí ɨ́ talǎ njwɨr bá, le bʉr o bíhwó.

Rôm 13:14

Diʼee gá ɨ́ mpúhlá le Tî Yésʉs-Krîst. Bwáráá gá nye mpʉ̌ kán. Atoŋlo gá mpʉ bɨ́n dí e nkul elóŋlo bísyɛ́ɛla bí njwɨr myâ wɨ́ná yɨ́.

1 Pyɛr 4:5

Bé ókar mílɔ̌b myɔ́ɔ́ ɨ́ mpǒm mé Nzyɛ̌m. Nye mû ó ɨ́ cǎr ó, nye tíʼaa mikublakúbla le odwe milɔ̌b.

Ebrœ̂ 13:17

Jóʼáá gá otyɛ̂b bé ésôʼ bɨ́n. Bɨ̌n e tyé ɨ́ jwɨ́ɨ́ yɔ́ɔ́. Ebě, bé ó dí ebaʼle mísísǐm mín. Bé ntémé ó ngá tó lɛ́ɛ̌ Nzyɛ̌m mpʉ bé á séa lɨ́ esú lɨ́n yɨ́. Bɨ́n sá bé mejóʼo nɛ́ɛ: bé oséǎ syɛ́ɛ́ yɔ́ɔ́ e bisʉhʉʉ. Yé bé abe nó wá, bé ójóʼo mébúʼ. Syɛ́ɛla yaá, abe bɨ́n e nyɔm.

1 Pyɛr 4:1

Krîst á si sia e mitúú ɨ́ nkǒ páʼ nyʉ̂l bipúno. Sá tɨ̂ʼ ó bɨ́n jálá le eboó bǐ mbǐ pahlá ngwár nyé á be e wé wɨ́ yɨ́, ebě, waá mû sí sia e mitúú ɨ́ nkǒ páʼ nyʉ̂l bipúno nyá, nyé abe lɨ́ ekǎ sɨsâ ébébe.

Lʉkas 22:26

Sâ gwár, páʼ nyɨ́n, yé abe nó. Mʉr láá bɨ́n bɨ́bɛ̂h nyá, nye ɨ́ jala le ebe ó mpʉ mâ ntwǒm. Bʉr o dí ejwɨ́ɨ bɨ́n bá, bé ɨ́ jala le enyɨ̂n mpʉ baá o dí eka bʉ́ʉ́ mede bá.

1 Timotɛ 5:1

Antuhlo tɔ́má mʉr ɨ́ lɔ̌b syɛ́ɛla ébébe yé. Go ɨ́ jala le etɨ́e nyé yɨ́ɛ ó mpʉ sʉ́ŋ. Tɨ́áá duo yô, biloʼo, mpʉ bɨ́ɔɔ́ bô.

1 Pyɛr 3:8

Lʉ́ ékǎn ɨ́ mekaná mâʼ lɨ́ esú é bɨ́n óbɛ̂h, wé ó: diʼee gá e mbǐ pahlá ngwár. Jóʼáá gá mebúʼ mémpwár. Kpɛlaa gá páʼ nyɨ́n kpɛ̌l dí páʼ bɨ́ɔɔ́ e bɨ́ɔɔ́ yɨ́. Lɛ́ʼláá gá kpɛ̌l dí eduho ɨ́ lémé tʉ́ŋlʉ̌ yɨ́. Jɔrɨɨ gá menyʉ́l mɨ́n páʼ nyɨ́n.