1 Pyɛr 5:3 - Kálar Nzyɛ̌m : Ejwán é Sáá

³ Ayɨ́ jwɨ́ɨ gá e bʉr o b'á tímlɔɔ bɨ̌n bá e cére. Tɨ́áá gá bé kʉ̌ tyen bé jálá le edû wɨ́.

Kálara Zyɛ̌m Edwán é mpʉ̌n

³ Alɛʼle bʉr o b'a timlɔ bɨn ɨ, mpel é bebebebe. Dɨʼe kœʼ ga e be mpʉ yé lé ejala e be e.

1 Pyɛr 5:3 ပူးပေါင်းရင်းမြစ်များ

2 Tesalonika 3:9

Bɨ̌h bé e nkul jwɨ́ɨ dí ó, bɨ̌h díraa nyɔm lɨ́ enʉnʉa bísá bín. Bɨ̌h bé á be ó, bɛ̌m sâ nó. Sâ gwár, bɨ̌h bé á si kpɛl elɛ̂ʼle bɨ̌n mveʼle, lɨ́ esú ó, bɨ̌n báŋaa bɨ̌h.

Filipi 3:17

Bɨ́ɔɔ́ bâm! Okɛ́l bâm! Baŋaa gá me, bɨ̌n óbɛ̂h. Mɨ́ dwe bɨ́n mveʼle. Nó ó, bɨʼɨɨ gá míh mɨ́n ɨ́ bʉr o dí etiʼě mpʉ̌ mveʼle yaá dí yɨ́ bá. Bɨ̌n e dú bê.

2 Korɛnt 1:24

Yé abe ó, bɨ̌h bé lɨ́ ejwɨ́ɨ bɨ́n ɨ́ lɔ̌b búʼó mɨ́ná dí gá e yé yɨ́. Bɨ̌h jaá kpɛl ó, njɨ ekɛm bɨ́n, ó bɨ̌n bíʼee bisʉhʉʉ ɨ́ miléme e nzɨ̌ nyɨ́h. Ebě, bɨ̌n tyɛ́b mekʉ̌ sí ɨ́ sɨ́ŋ, apɨ́ŋla ó, ɨ́ lɔ̌b búʼó yɨ́n.

Títos 2:7

Kʉ̌ tyen gô, wé díʼee mbɨ̂mbɨá ɨ́ mipáʼ mímyɛ̂h, lwɨ́ŋlá e bisyɛ́ɛla bimpâ. Dwéʼ bʉ̂r milɛ́ʼlá e léme dí abě mbáʼrá e mikóo wɨ́. Bé béyɨɨ go ntémé e medile.

1 Timotɛ 4:12

Anyamlě kam ó, mʉr pyéhee go ɨ́ lɔ̌b gó dína loʼo. Lɨlɛ́ʼláá óbûʼla mveʼle édû. Sáʼ nó e bisyɛ́ɛla bî: lwǐb yô, twiʼ yô, kpɛ̌l yô, búʼó yô, lɨ́ edwe nyʉ̂l nyǒ medile ɨ́ míh mé Nzyɛ̌m.

Mɨlʉmlʉ 20:28

Gwá dwɛ̂ʼ gá tyé yɨ́n, bɨ̌n bʉr o tɨ̂, le mpʉ̌ sɔ́má óbûʼla bɨ́bɛ̂h dí yɨ́. Sísǐm mé Nzyɛ̌m, wé á tyêl bɨ̌n ɨ́ Mbɛ̌r-Nzyɛ̌m ó, ɨ́ dǐ óbɔʼlʉ. Nó, gwá baʼle gá bé Mbɛ̌r-Nzyɛ̌m waá. Nzyɛ̌m á bwâm wé ó, ɨ́ nzɨ̌ metié mé Mwân wé nye mʉr tɨ̂.

Filipi 4:9

Gwá baʼle gá milɔ̌b mímyɛ̂h bɨ́n á jɨ̂ʼ ɨ́ me le ekam mí. Lɔ́ɔ́ wɨ́wɛ̂h bɨ́n á jóʼo me lɨ́ elɛ́ɛ, le sá yɨ́yɛ̂h bɨ́n á bee me lɨ́ esâ yɨ́, baʼlaa gá byê. Nzyɛ̌m, mʉr dí egbâ mɨ́ná gá mepyɛbla ɨ́ miléme nyá, ódi ɨ́ bɨ̌n.

2 Korɛnt 4:5

Ebě, bɨ̌h bé atúnǒ lɔ́ɔ́ wɨ́h, bɨ̌h bʉr o tɨ̂. Lɔ́ɔ́ bɨ́h dí etúno wɨ́, wé dumo ó e Yésʉs-Krîst, dí Tî gá wɨ́ná nyá. Nó, bɨ̌h bɨɛ ó dí osyɛ̂l o mésá bɨ́n lɨ́ esú mé Yésʉs.

1 Korɛnt 11:11

Damá jóʼo nó, Dâ Nzyɛ̌m á si tyêl etié ó, bʉbá e bʉrʉ̂m, bé ɨ́ jala le enwɨnwɨɨlǎ twiʼ páʼ nyɔ́ɔ́; nyʉ́ʉ́ mʉ̂r tɨ̂ʼ adi e twiʼ ɨ́ nye mʉr tɨ̂.

1 Pyɛr 2:9

Sâ gwár, bɨ̌n bɨɛ bé ó mpóʼǒ Nzyɛ̌m á boo twâr nyɨ́. Nye á twâr bɨ̌n ó, bɨ̌n séaa nye syɛ́ɛ ópara, le edǐ kúl bʉ̂r dí tí ɨ́ míh mé yɨ́. Bɨ̌n bé ó sá mé Nzyɛ̌m, ánta nye, lɨ́ esú ó, bɨ̌n gúmlaa mʉr á jébe bɨ̌n nyá. Njɨ́blɨ́ wé waá, wé ó b'á pɛʼ bɨ̌n lɨ́ edúrʉ́ʉ́, tyen bɨ́n ɨ́ myɛ́n dí ɨ́ ntyɛ̌n ntɨ̂ ntyɛ̌n yɨ́.

1 Korɛnt 3:9

Ebě, bɨ̌h séá ó, ɨ́ mpúhlá nyɨ́h, ɨ́ syɛ́ɛ́ mé Nzyɛ̌m. Nó ó, bɨ̌n bɨɛ ó dí pemé mé Nzyɛ̌m. Bɨ̌n ntémé bé ó mpáh Nzyɛ̌m.

1 Korɛnt 3:5

Lɨ́ otyeetye, nzé dí Ápolos? Nzé dí Pɔ̂l? Bɨ̌h bé ó osúʼa bɨ́n, bʉr o b'á be bɨ̌n e nyɔm ó, bɨ̌n bûʼlaa bá. Mʉr nyɨnyɛ̂h, nye lɨ́ esâ syɛ́ɛla Tî Yésʉs á dwe nye ó, nye sâʼ yɨ́.

Yʉanes 13:15

Mě dwé bɨ́n ó, mveʼle, ó bɨ̌n ntémé nkʉ̂ sɨ̂sǎ mpʉ mê sá bɨ́n yɨ̂.

1 Tesalonika 1:7

Nó ó mpʉ bɨ́n á tíʼe nó yɨ́, obûʼla bɨ́bɛ̂h dí ɨ́ sí Masedónia ndu e yaá Akayɨ̂ bá, bé mû ó lɨ́ egwɨ̂m ó, bicwiʼ byɔ́ɔ́, byé nwɨ́ɨlaa e byaá bín.