1 Pyɛr 5:2 - Kálar Nzyɛ̌m : Ejwán é Sáá

² Baʼlaa gá daa e bínteme mé Nzyɛ̌m nyé á tímle bɨ̌n lɨ́. Kʉ́ gwá pála gá Mbɛ̌r-Nzyɛ̌m, abe yɨ́ɛ mpʉ̌ sá lɛ́ɛ́, bɨ̌n bé ó lɨ́ bi ó, bɨ̌n séaa syɛ́ɛ́ yaá. Kamaa gá syɛ́ɛ́ mpɔ̂ʼlʉ yɨ́n ɨ́ lɔ̌b gwɨ́má mílémé mín. Séáá gá nó e jwɨʼ ó, bɨ̌n séá ó Nzyɛ̌m syɛ́ɛ́. Mʉ̌r sá abaʼlě Mbɛ̌r-Nzyɛ̌m lɨ́ esú lé élóŋlo bígwɨ́má bímɔnɨ́ ɨ́ menzɨ̌ me dí onzyɛ́h ónzyɛ́h má. Nye sâʼ nó ɨ́ gwɨ́má lémé wé.

Kálara Zyɛ̌m Edwán é mpʉ̌n

² Kobla ga daa e bɨntœme Zyɛm a timle bɨn ɨ, abe e moyemla nkʉ tina, njɨ ebe, mʉr tɨʼ, nye ekʉ gbaa. Saʼ ga no é pɛhla ó, bɨn bé esea ó Zyɛm syɛɛ. Mʉr beʼ l'abaʼle bʉr o Mbɛr-Zyɛm ebe bɨgwɨma bɨ ebi bɨsa tɨ. Nye saʼ no ebe mbɨambɨa gwɨma leme we.

1 Pyɛr 5:2 ပူးပေါင်းရင်းမြစ်များ

Títos 1:7

Yé ó nó: yé jɨ ó, mʉr dí epála bʉ̂r ó Mbɛ̌r-Nzyɛ̌m nyá, díʼee waá dí apǎ dweŋɔɔ mébě nyá, ebě, nye ó syɛ̂l mesá mé Nzyɛ̌m. Nyé ajala le esâ pyêh, nkʉ̂ di ɨ́ ŋmaaa, abě nyʉnyóʼ, nkʉ̂ mʉr esweha, nkʉ̂ waá dí esáa bímɔnɨ́ ɨ́ menzɨ̌ me dí onzyɛ́h ónzyɛ́h má nyá.

1 Timotɛ 3:8

Jwɨʼ gwár e gwár yaá ntémé ó le odiâkɔn. Bé ɨ́ jala le edwe ményʉ́l mɔ́ɔ́ medile. Bé ayɨ́ di le ocábcab. Bé ajala le elɔ̂ʼwa ɨ́ menyoʼ, nkʉ̂ sáa bímɔnɨ́ byɔ́ɔ́ ɨ́ menzɨ̌ me dí onzyɛ́h ónzyɛ́h má.

Títos 3:1

Jɨ́mɨ́ɨ́ bʉ̂r bitɔŋlá ɨ́ milɔ̌b mî: bé díʼee ɨ́ jwɨ́ɨ́ bʉ̂r o dí e nkul jwɨ́ɨ bá. Bé sâʼ bé mejóʼo. Bé díʼee ntémé ɨ́ cǎr lɨ́ esú lé ésâ bísyɛ́ɛla bimpâ mimbi mímyɛ̂h.

1 Timotɛ 3:3

abě nyʉnyóʼ, abe mʉ̂r esweha. Nye ɨ́ jala le ebe ó e lémé mpâm, abe ányâ-bitɔm, abe e nzɔ́ɔ́ bísâ.

1 Korɛnt 9:7

Wáa mʉ̂r bisója dí eséǎ syɛ́ɛ́ bísója yé lɨ́ ejána nyé mʉr tɨ̂ʼ mɔnɨ́ ngɔ̂n nyá ɛ́? Wáa mbêl bilɨ́ dí ebe bílɨ́, ntɔ̂ʼ tine mpúmó dí egúmo tɨ̂ʼ nyɨ́ nyá ɛ́? Wáa pála bitab dí epála dáa e bítab lé, ntɔ̂ʼ kǎ bene éde médíbé mébêl mɔ́ɔ́ nyá ɛ́? Yé abe e mʉr!

2 Pyɛr 2:3

Bibɨ́bla bí ólɛ̂ʼla byaá, byé ókûhlo bíkɨkɛna lɨ́ edû gwɨ́má ébi bísâ. Byé onze le egwâm bɨ́n bisâ. Sâ gwár, boó táarě kɔ́m, Nzyɛ̌m, mʉr pá dí Tîʼ milɔ̌b wɔ́ɔ́ nyá, nye mû ó ɨ́ cǎr lɨ́ edwe byé bintɨ́ʼá ɨ́ milɔ̌b myɔ́ɔ́ nyé á boo tíʼe mí. Mʉr ngá dwe byé bébebébe bintɨ́ʼá waá, jʉ̂ byé nyá, nye ɨ́ doho ɨ́ mpʉ̂n nyɔ́ɔ́.

Ebrœ̂ 12:15

Gwá di gá le ocwóó, ó mʉ̌r sá abɔ́ʼa e Nzyɛ̌m dí e mpam nyá. Kaalé dí ɨ́ dwie dwie wɨ́, wé sá apâh bíntoʼdu, ntɔ̂ʼ lœʼ bʉ̂r ɨ́ buo buo ɨ́ míh mé Nzyɛ̌m.

Títos 1:11

Diblaa bé minum. Bé lɨ́ egbah mímbɛ̌r mi bʉ̂r mintinɨ̂, le edwe mílɛ́ʼlá mbi dí ajala wɨ́. Bé sá nó ó, lɨ́ esú lé ébi bímɔnɨ́ ɨ́ nzɨ̌ lɛ́ʼlá waá. Yé ɨ́ buú sâ sôn lɨ́ ebi bímɔnɨ́ ɨ́ nzɨ̌ nyaá.

Lʉkas 12:32

«Bɨ̌n bʉr o dí mâ daa e bínteme byâm bá, ayɨ́ kpɛ́ɛ gá sɔ̂ʼ. Sɔ́ŋ wɨ́n, nye lɨ́ ebee émbɨa lɨ́ eníŋle bɨ́n ɨ́ Mpóʼo nyé.

Filemɔŋ 1:14

Sâ gwár, me á bé abe e nkul esâ nó, mɨná e go apǎ di twíí. Mé atíne gó e nkul, ó go sâʼ me embɨa laá. Mě jaá gwɨ̂m njɨ ó, go sâʼ me lǎ ɨ́ kpɛ̌l yô.

Títos 2:14

Nye á si dwe twiʼ yé nye mʉr tɨ̂ʼ lɨ́ esú lɨ́ná, ó nye dwíhɨɨ mɨná ɨ́ mpila mébébé mɨ́mɛ̂h. Nyɨ́ pubo mɨ́ná gá ó, mɨná díʼee kúl bʉ̂r dí egúmo e né yɨ́. Kûl yaá, yé ódi e léme ɨ́ cǎr ó, yé gbâʼ nyʉ̂l lɨ́ elóŋlo bísyɛ́ɛla bimpâ.

Rôm 1:15

Sá tɨ̂ʼ ó mé dí e tiŋé ɨ́ léme ó, me túnaa Mbɨambɨa Lɔ́ɔ kwá nyɨ́n ntémé, bɨ̌n bʉr ó Rôm yɨ́.

Mɨlʉmlʉ 21:13

Nyɨɛ nzě yala ó: «Bɨ̌n jɨ, le esáa étyeʼ mé nkul ɨ́ yé? Ebě, ɨ́ wâm pâʼ, me mû ó kʉmsá. Abě njɨ, kɛ́ʼá ménkara wé omér. Me ɨ́ cǎr ntémé ó, me dwêʼ ɨ́ Yerʉ́zalɛm lɨ́ esú é díé mé Tî Yésʉs.»

Mɨlʉmlʉ 20:29

Me lɨ́ egʉ́a ó, jɔʼ mé ngá laa, tô e tyen yâm dóló yɨ́, bʉr o dí enwɨɨla le onkœœ, dí ɨ́ buú nyan bá, bé ópyâl gúmó bɨ́n dí yɨ́. Bé ákamle e sɔ́má óbûʼla.