1 Pyɛr 5:14 - Kálar Nzyɛ̌m : Ejwán é Sáá

¹⁴ Bɨ́báráá gá páʼ nyɨ́n le edwíila mémúʼ, ɨ́ kpɛ̌l bɨ́ɔɔ́ e bɨ́ɔɔ́ tʉ́ŋlʉ̌. Mepyɛbla, mé díʼee e bɨ̌n óbɛ̂h ɨ́ miléme, bɨ̌n, bʉr o dí ɨ́ mpúhlá e Yésʉs-Krîst bá.

Kálara Zyɛ̌m Edwán é mpʉ̌n

¹⁴ Swɨhla ga paʼra win e leme ncwɨncwɨa, lé edwiila momuʼ. Motala, mé beʼ e bɨn bɨbɛh, bɨn bʉr o ndɨ é zyɛŋa wɔɔ boo Krɨst ɨ.

1 Pyɛr 5:14 ပူးပေါင်းရင်းမြစ်များ

Rôm 16:16

Bɨ́báráá gá mbɨ̂mbɨá páʼ nyɨ́n. Bʉr ó Mbɛ̌r-Nzyɛ̌m bɨ́bɛ̂h, bé lɨ́ esoho bɨ́n.

Éfɛsɔs 6:23

Nzyɛ̌m Sɔ́ŋ, bé e Tî Yésʉs-Krîst, bé gbâʼ bɨ̌n, bɨ́ɔɔ́ bɨ́h, mepyɛbla ɨ́ miléme, ti e kpɛ̌l ndu e búʼó.

Rôm 8:1

Nó ɨ́ báánâ, bʉr o mû sí pûhla e Yésʉs-Krîst bá, Nzyɛ̌m, nyé akǎ láa bé bibaa bí ébébe, nkʉ̂ dwe bé bintɨ́ʼá bí tɨ̂.

1 Korɛnt 16:20

Bɨ́ɔɔ́ bɨ́n le okɛ́l bɨ́n bɨ́bɛ̂h dí kâʼ bá, bé lɨ́ esoho bɨ́n. Bɨ́báráá gá páʼ nyɨ́n, mebárá mé bɨ́ɔɔ́ e bɨ́ɔɔ́.

Rôm 1:7

Mě cɛmá ó, bʉr bɨ́bɛ̂h o dí Rôm, baá Nzyɛ̌m á kpɛl, le etwâr ó, bé díʼee mitwárá mí bʉ̂r myé bá. Metyɛʼ me mpóm le mepyɛbla, mé díʼee e bɨ̌n, duho e Nzyɛ̌m Sɔ́ŋ gá wɨ́ná, bé e Tî Yésʉs-Krîst.

2 Korɛnt 5:17

Mbeá wɨ́h, wé mû ó wɨ̂: yé bé nyʉ́ʉ́ mʉ̂r, nyɨ́ pûhla e Krîst nó, nye mû ó edwán é mʉ̂r ó tɨ̂ʼ yɨ́. Minjʉ̌m bísɔ̂ʼ mímyɛ̂h, mí laa. Yê jaa ka líʼ ó, njɨ medwán e medwán.

1 Korɛnt 1:30

Nzyɛ̌m ó b'á pûhla bɨ̌n e Yésʉs-Krîst. Nye ó b'á sâ ntémé ó, bɨ̌n bíʼee ocwóó mé Yésʉs. Mɨná gá mû ó otîtyěl o bʉ̂r ɨ́ míh mé ɨ́ nzɨ̌ mé Krîst. Krîst ntémé ó b'á pubo mɨná gâ. Nye ó b'á táa góo, le edwih mɨ́ná gá ɨ́ mpila ébébe, pɛʼ mɨ́ná ɨ́ fá.

Yʉanes 20:26

Sóno ntinɨ̂, nyé osí laa, ompʉ́n mé Yésʉs báʼǎ tó syɛŋa ɨ́ mbɛ̌r waá. Thomas á be ó tɨ̂. Mebê, mé á be ó mipɨrá e mengʉŋ. Yésʉs nzě pyâl, tyɛ̂b páʼ nyɔ́ɔ́. Nye ó: «Mepyɛbla, mé díʼee bɨ̌n ɨ́ miléme!»

Yʉanes 20:19

Ɨ́ bíí kʉ̌ʼ ɨ́ móhó sóno ngwár waá, ompʉ́n bé, bé á bě sí tó syɛŋa ɨ́ gúú mbɛ̌r, pɨrɔɔ mébê e mengʉŋ, ebě, bé á be ó lɨ́ ekpɛ́ɛ óYúden. Yésʉs nzě pyâl, tyɛ̂b páʼ nyɔ́ɔ́. Nye ó: «Mepyɛbla, mé díʼee bɨ̌n ɨ́ miléme.»

Yʉanes 16:33

Mě lɛ́ɛ́ bɨ́n milɔ̌b mîʼ ó, bɨ̌n nkʉ̂ di ɨ́ mpúhlá e me, milémé mín nkʉ̂ lóno ɨ́ mepyɛbla. Bɨ̌n bé ósia e mitúú lɨ́ edi ɨ́ sí yɨ̂. Damá jóʼo nó, biʼee gá menyan ɨ́ milémé mín. Mɛm, mɨ́ ntaǎ sí yɨ̂ʼ ɨ́ nkul.»

Yʉanes 14:27

«Mepyɛbla ó mé líʼé bɨ́n e mǎ nɨ̌. Mepyɛbla mâm ó mé dwé bɨ́n nɨ̌. Mé adwe bɨ́n mǎ mpʉ bʉ̂r ó sí yɨ̂ʼ dí edwe bɨ́n bisɔ̂ʼ, kǎ sûʼlǎ dɛn byé yɨ́. Bisɨ́ǎ bî, byé ayɨ́ tɨ̂l bɨ́n mekʉ̌ sí. Ayɨ́ jóʼo gá bʉ́á.

1 Tesalonika 5:26

Sohaa gá obûʼla bɨ́bɛ̂h. Beŋlaa gá páʼ nyɨ́n ɨ́ kpɛ̌l tʉ́ŋlʉ̌.

2 Korɛnt 13:12

Bɨ́báráá gá páʼ nyɨ́n, nyʉ́ʉ́ bára e nyʉ́ʉ́, le edúula mémúʼ ndwíá dí ti wɨ́.

1 Pyɛr 1:2

Nzyɛ̌m Sɔ́ŋ ó b'á twâr bɨ̌n, bʉr o nyé á boo gʉ́a, kʉ́ e sí dína apǎ bě kuhá bá. Píe jɔʼ nyé á twâr bɨ̌n yɨ́, Sísǐm wé nzě pubo bɨ́n. Nye á pubo bɨ̌n ó, lɨ́ emyɛʼ bɨ́n e metié mé Yésʉs-Krîst, lɨ́ esú ó, bɨ̌n sâʼ nye mejóʼo. Metyɛʼ me mpóm mé Nzyɛ̌m le mepyɛbla mé, mé díʼee e bɨ̌n ɨ́ ntʉʉʉ́.

Mataos 5:47

Bɨ́n ójaá sohǒ njɨ bɨ́ɔɔ́ bɨ́n nó, yé dí sá édwán tɨ̂? Bʉr o dí agʉ́ǎ Nzyɛ̌m bá, bé sá ntémé ó, jwɨʼ gwár yaá!

3 Yʉanes 1:14

Mě bûʼlá ó, me mû ó kúno enzě bee gô. Mɨná bé ólwibla, le ebeela mémpǒm. Nzyɛ̌m gbâʼ go mepyɛbla ɨ́ léme. Osó bô dí wâʼ bá, bé lɨ́ esoho gô. Sohaa mé osó gá bɨ́ná, lɨ́ etwóolo bé míe.