1 Pyɛr 5:10 - Kálar Nzyɛ̌m : Ejwán é Sáá

¹⁰ Nzyɛ̌m ó dí mʉr dí elɛ̂ʼle mɨ́ná gá mpam ɨ́ bijɔʼ bíbyɛ̂h nyá. Nye ntémé ó b'á jébe mɨná gá ó, mɨná tô di gá ɨ́ mentyɛnwa mé ɨ́ nzɨ̌ mé Yésʉs-Krîst. Mentyɛnwa maá, mé ódi ó, njʉ̌m dǐ e njʉ̌m dǐ. Bɨ́n óbe, sí sia e mitúú, tâŋ bá mâ jɔʼ nó, Nzyɛ̌m, nyé obáʼǎ komlo bɨ́n, pɨr bɨ́n mekʉ̌ sí ɨ́ sɨ́ŋ. Nyé obáʼǎ gbâ bɨ́n nkul ɨ́ menyʉ̂l, sumo bɨ́n sí ɨ́ píʼi.

Kálara Zyɛ̌m Edwán é mpʉ̌n

¹⁰ Zyɛm, nye ó mʉr lé elɛʼle bɨna ga ncwɨncwɨa we é bɨjɔʼ bibyɛh ɛ. Nye nteme ó b'a jebe bɨna ga ó, bɨna toʼ, to di ga é moncɛnba me é zi mo Krɨst. Moncɛnba maa, mé ódi njʉmdia e njʉmdia. ǃBɨn si sia e mɨtuu, tɔɔ ba ma peh jɔʼ nɛʼɛ, Zyɛm óbâʼle komlo bɨn. Nye cyelɨ bɨn mokʉ si é kpɨɨɨ. Nye bâʼla gba bɨn nkul é monyʉl. Nye fuma bɨn si é piʼi.

1 Pyɛr 5:10 ပူးပေါင်းရင်းမြစ်များ

2 Korɛnt 4:17

Ebě, bwá mítúú bɨ́h dí esia e myé ɨ́ báánâʼ mí, myé lɨ́ elaǎ mpʉ̌ ngúl mpáá. Mitúú myaá míɛ, myé ó sá dí esâ ó, bɨ̌h bíʼee kûm ɨ́ buo buo ngá dǐ njʉ̌m dǐ e njʉ̌m dǐ nyɨ́ yɨ́.

2 Tesalonika 3:3

Sâ gwár, Tî Yésʉs, nye ó mʉr jálá le ebúʼlɔɔ nyá. Nye ódwe bɨ́n nkul, le ekamle e bɨ̌n ɨ́ páʼ mé Sátan.

Yʉ̂d 1:24

Kûm, mpwaʼ, nkul le jwɨ́ɨ, byé díʼee e mʉr dí e nkul ekamle e bɨ̌n ó, bɨ̌n sá atwe, waá ntémé dí e nkul etyêl bɨ́n ɨ́ míh mé, abe e sá ébébe nyé óboʼlo bɨ́n e tɨ̂, le bisʉhʉʉ ɨ́ buo buo nyá.

1 Timotɛ 6:12

Bɨ̌n e bʉr o dí edyɛ̂ʼwo e Nzyɛ̌m bá, lwímláá gá mpǎŋ dɔ̂m. Dɔm laá, lé ó, laá é búʼó. Mɛ́rɨ́ɨ́ gá twǐʼ njʉ̌m dǐ ɨ́ kpɨ́ɨ́ɨ́. Nzyɛ̌m á jébe go ó, go níʼee ɨ́ twǐʼ njʉ̌m dǐ yaá. Yé á be ó, ɨ́ jɔʼ gó á boʼlo mpǎŋ mboʼlá ɨ́ míh mé óbea yɨ́.

2 Korɛnt 13:11

Nó ó, bɨ́ɔɔ́ bâm le okɛ́l bâm ɛ̌! Mě lɛ́ɛ́ ó, diʼee gá mbɨ̂mbɨá. Tiʼaa gá lɨ́ otîtyěl. Jóʼáá gá melɨ́ mâm. Tʉtoŋlaa gá sâ gwár. Tiʼaa gá ɨ́ mepyɛbla. Nó ó Nzyɛ̌m dí egbâ mɨ́ná gá mpam ti e mepyɛbla byé nyá, ódi e bɨ̌n yɨ́.

1 Korɛnt 1:9

Nzyɛ̌m, nye ó mʉr jálá le ebúʼlɔɔ nyá. Nye ó b'á jébe bɨ̌n ó, bɨ̌n tôʼ, tó pûhla e Mwân wé, Yésʉs-Krîst, Tî gá wɨ́ná.

1 Tesalonika 2:12

Bɨ̌h bé á si cɨ̂l bɨ̌n, le epóblo bɨ́n, le eboʼlo ó, bɨ̌n bé ɨ́ jala le edû kʉ̌ tyěn Nzyɛ̌m dí ekpɛl wɨ́. Tiʼaa gá nó, ebě, nye á jébe bɨ̌n ó, bɨ̌n níʼee ɨ́ Mpóʼo nyé, gúmó kûm nyé dí yɨ́.

Rôm 16:25

Sâ bwaʼ nkûl Nzyɛ̌m dí e né nyɨ́ e! Nkul nyaá ó mû lɨ́ elɨl bɨ́n mpʉ̌ Mbɨambɨa Lɔ́ɔ́ mé dí elɛ́ɛ le etúno wɨ́ dí yɨ́. Mbɨambɨa Lɔ́ɔ waá, wé dumo ó e Yésʉs-Krîst. Wé lɨ́ edû ntémé lwǐb ódîm, yé á boo be solá,

2 Pyɛr 1:3

Nzyɛ̌m á si gbâ nkul nyé lɨ́ edwe mɨ́ná gá sá yɨ́yɛ̂h dí e nyɔm lɨ́ esú ó, mɨná tíʼaa gá, le egúmo gá e né yɨ́. Nye á jébe mɨná gá ó, ɨ́ nzɨ̌ kûm nyé le mbɨambɨa njwɨr wé.

1 Pyɛr 1:15

Nzyɛ̌m, mʉr á jébe bɨ̌n nyá, nye ó tí. Sá tɨ̂ʼ ó bɨ́n jálá le edi bʉ̂r o dí tí bá, ɨ́ páʼ kʉ̌ tyen wɨ́n yɨ́.

Filipi 4:13

Mě e nkul esâ bísá bíbyɛ̂h nó ɨ́ nzɨ̌ mé Krîst, mʉr dí edwe mé nkul nyaá nyá.

2 Timotɛ 2:10

Mě dúhwó mítúú mímyɛ̂h ó, lɨ́ esú é bʉ̂r Nzyɛ̌m á twâr bá. Nye á twâr bé ó, bé bíʼee twiʼ, ti e kûm dí edǐ njʉ̌m dǐ e njʉ̌m dǐ nyɨ́, ɨ́ nzɨ̌ mé Yésʉs-Krîst.

2 Tesalonika 2:14

Nzyɛ̌m á si jébe bɨ̌n ɨ́ túnó bɨ́h á túno bɨ̌n Mbɨambɨa Lɔ́ɔ wɨ́. Nye á sâ nó ó, bɨ̌n dwéŋɔɔ kûm, jala e nkɔb líʼe nyɨ́n ɨ́ jɔʼ Tî gá wɨ́ná Yésʉs-Krîst ngá nyɨ̂n ɨ́ diá kûm yé yɨ́.

Lʉkas 22:32

Sâ gwár, me á si jɨʼla e Nzyɛ̌m lɨ́ esú lô, ó búʼó yô, yé sá akur. Jɔʼ nyé ósâ nó, go ntémé sí báʼǎ nze kwá nyǎm yɨ́, go e súʼó bɨ́ɔɔ́ bô bibúʼó byɔ́ɔ́!»

2 Timotɛ 1:9

Nye á si tíʼ mɨná, ntɔ̂ʼ jébe mɨ́ná ó, mɨná díʼee bʉr o dí egúmo e né bá. Nye á bé ajébe mɨ́ná ɨ́ lɔ̌b bísyɛ́ɛla bimpâ bíná. Nye á jébe mɨná gá ó, ɨ́ lɔ̌b bíjwɨʼ byé nye mʉr tɨ̂, le mpam nyé á be e né, nyaá nyé á be ó, nye ólɛ̂ʼle mɨ́ná nyɨ́. Nye á boo cwɨ́a e mɨná ó, kʉ́ e sí apǎ bě kuhá. Jɔʼ yaá ó nyé á nyɛɛ cwɨ́a e mɨná ɨ́ nzɨ̌ mé Yésʉs-Krîst yɨ́.

Kolosi 2:7

Búʼó bɨ́n dí e yé yɨ́, yé páhaa mikaalé. Yé tôʼ le egwɨ́e, le ebwaʼ. Dyɛ́ʼwáá gá e búʼó gá yɨ́ná ɨ́ dyɛʼwó mpʉ bé á lɛ̂ʼle bɨ̌n yɨ́. Tóʼ le edwe gá Nzyɛ̌m nzyǒo dóló ɨ́ bisá nyé dí esâ bɨ́n bí.

Rôm 15:5

Nzyɛ̌m, mʉr dí egbâ mɨ́ná gá nkul ɨ́ miléme, waá dí esâ ó, mɨná sâʼ gá bíhwó nyá, nye tyɛ́bɨɨ bɨ̌n ɨ́ miléme, ó bɨ̌n díʼee e mbǐ pahlá ngwár, mpʉ̌ Yésʉs-Krîst ngá tɨ́e bɨ́n yɨ́,

1 Yʉanes 2:25

Nó ó, nkɛ̌ʼ Nzyɛ̌m Sɔ́ŋ mʉr tɨ̂ʼ á dwe mɨná gá nyɨ́, nye ó nyɨ̂: twǐʼ njʉ̌m dǐ.

Ebrœ̂ 9:15

Mpʉ̌ Krîst á sâ nó yɨ́, nye mû ó mesaádɔm dí etyɛ̂b páʼ gá nyɨ́ná e Nzyɛ̌m nyá. Nye á tyɛ̂b nó ó, lɨ́ esâ édwán é sáá páʼ gá nyɨ́ná e Nzyɛ̌m. Saá nyaá, nye tɨ̂ʼ ó, lɨ́ esú é bʉ̂r ó Nzyɛ̌m á jébe bá, ó bé bíʼee twǐʼ njʉ̌m dǐ, jala e nkɔb líʼe nyɔ́ɔ́. Yé ó sá Nzyɛ̌m á kɛʼ bé yɨ́, ebě, Krîst á si dwe, lɨ́ enzě táǎ góo, le edwih mɨ́ná gá ɨ́ mpila ébébe, pɛʼ mɨ́ná gá ɨ́ fá. Mɨná bé á be gá ɨ́ mpila yaá ó, tɨ̂ e bisyɛ́ɛla bí ébébe mɨ́ná bé á sâ gá ɨ́ jɔʼ mɨ́ná bé á be gá ɨ́ saá esôʼ yɨ́.

Rôm 15:13

Nó ó, Nzyɛ̌m dí egbâ bʉ̂r mpûʼla ɨ́ miléme nyá, nye tyɛ́bɨɨ bɨ̌n ɨ́ miléme, ó bɨ̌n sóhaa ɨ́ jɔʼ yɨ́yɛ̂h. Nye lóŋlaa bɨ̌n mepyɛbla ɨ́ miléme, ɨ́ nkul búʼó yɨ́n. Nó ó mílémé mín ngá lóno ɨ́ mpûʼla e nkul Sísǐm wé yɨ́.

Rôm 9:11

Lʉ́ʉ́ égbâh, lé á bé apǎ byɛ̂l, nkʉ̂ sâ syɛ́ɛla gwár, nkʉ̂ yaá mpâ, nkʉ̂ yaá ébébe. Nzyɛ̌m á twâr nyʉ́ʉ́ tɨ̂ʼ ó, lɨ́ elɛ̂ʼle ó, nyě sá bísá byé ó mpʉ nyé kpɛ̂l yɨ́. Nyě twár mʉ̂r ó, ɨ́ mitíʼá mí lémé wé nye mʉr tɨ̂.

1 Pyɛr 4:11

Yé bé mʉr ólwib mílɔ̌b mé Nzyɛ̌m nó, nye lɛ́yɨɨ sá yɨ́yɛ̂h mpʉ mʉ̂r dí ekala mílɔ̌b mé Nzyɛ̌m nyá jálá le esâ yɨ́. Yé bé nyě súʼó ó bʉ́ʉ́ bʉ̂r nó, nye súʼaa bé e nkǔl Nzyɛ̌m mʉr tɨ̂ʼ á ntɨh nye nyɨ́. Nó ó Nzyɛ̌m ngá dweŋɔɔ kûm ɨ́ sá yɨ́yɛ̂h ɨ́ nzɨ̌ mé Yésʉs-Krîst yɨ́. Kûm le nkul, byé dwéŋɔɔ nye njʉ̌m dǐ e njʉ̌m dǐ. Amɛn.

Rôm 9:24

Nzyɛ̌m á jébe ó, mɨná gâ: le oYúden, le bʉr o dí abe óYúden bá.

1 Korɛnt 1:10

Bɨ́ɔɔ́ bâm! Okɛ́l bâm! Me lɨ́ ejɨʼla e bɨ̌n ɨ́ díé mé Tî gá wɨ́ná, Yésʉs-Krîst: diʼee gá twíí. Mpɔ́ʼá menkɔ̌m, nye ayɨ́ be ɨ́ sɔ́má yɨ́n tʉ́ŋlʉ̌. Me lɨ́ ejɨʼla ó, bɨ̌n díʼee ɨ́ mpúhlá nyɨ́n mbɨ̂mbɨá, mipahlá mimpwár, gwɨ́má gwár.

1 Pyɛr 4:10

Mpʉ mʉ̂r nyɨnyɛ̂h ɨ́ sɔ́má gá yɨ́ná á bi wé mbǐ ndwéá yɨ́, bɨbaʼlaa gá mindwéá mín myaá lɨ́ esú lé ékɛm bʉ̂r ó sɔ́má yɨ́n oswîh. Sɨ́sáʼ gá nó, ebě, bɨ̌n bé ó osyɛ̂l o mésá mé Nzyɛ̌m dí ɨ́ mbɨǎ njwɨr, baá bé á bi metyɛʼ me mpóm mé Nzyɛ̌m mimbi mimbi bá.