1 Pyɛr 5:1 - Kálar Nzyɛ̌m : Ejwán é Sáá

¹ Me ó lɨ́ sɔ́má ótyɛ̂b bé ésôʼ ɨ́ Mbɛ̌r-Nzyɛ̌m. Me ntémé, me ó mboʼlo á bee mitúú mé Krîst nyá. Me ntémé, me ó mʉr ngá bi nkɔ̂b líʼe ɨ́ mentyɛnwa múo nzě nyɨ̂n ɨ́ kpɛŋlɛm má nyá. Mě cɛmá ɨ́ báánâʼ ó, bʉ́ʉ́ ótyɛ̂b bé ésôʼ ɨ́ Mbɛ̌r-Nzyɛ̌m bɨ́bɛ̂h, lɨ́ epihle bɨ́n egwǎl ó:

Kálara Zyɛ̌m Edwán é mpʉ̌n

¹ Ebe no, mɛm, Pyɛr, me ejwɨʼla e bɨn, ocyɛb be efoʼ o Mbɛr-Zyɛm bɨbɛh, mɛm mʉr ndɨ nteme cyɛb efoʼ e, bâʼle be nteme mboʼla a bee é jɔʼ Krɨst a sia e mɨtuu ɨ. Me nteme, me ó mboʼla óbi nkɔb é moncɛnba muno ze nyin é kpɛŋlɛm ɨ.

1 Pyɛr 5:1 ပူးပေါင်းရင်းမြစ်များ

Lʉkas 24:48

Bɨ̌n ó dí oboʼlo ó lɔ̌b waá.

Mɨngwiha 1:9

Yé ó mɛm Yʉánɛs, mɨ́ɔɔ́ wɨ́n. Mɨná gá bé ɨ́ mpúhlá e Yésʉs ó, lɨ́ esia e mitúú mímpwár. Mɨná gá óbɛ̂h bé ɨ́ mpóʼo Yésʉs dí ejwɨ́ɨ yɨ́. Mɨná gá óbɛ̂h ó dí e bíhwó nyé dí egbâ bʉ̂r ɨ́ miléme nyɨ́. Bé á mɛ̂r me, pɨrɔɔ mé wâʼ ɨ́ tíhé dí ejébɔɔ «Pátmos» wɨ́ ó, ebě, lɔ́ɔ́ mé Nzyɛ̌m le milɔ̌b mé Yésʉs mé dí eboʼlo mí.

2 Yʉanes 1:1

Yé ó mɛm, tyɛ̂b esôʼ ɨ́ Mbɛ̌r-Nzyɛ̌m. Me lɨ́ ecɛmǎ dimé mʉ́má Nzyɛ̌m á twâr nyá, bé e bwán bé. Me lɨ́ ekpɛl bɨ́n lɨ́ otyeetye. Ntʉ mé omér dí ekpɛl bɨ́n. Yé ntémé, yé ó bɨ̌h e baá bɨ́bɛ̂h dí egʉ́a ótyeetye bá.

1 Pyɛr 5:4

Ɨ́ jɔʼ «Mbɔ̂ʼlʉ bintemě nɨ́nɨ́ɨ́» ngá báʼǎ nze yɨ́, nye ótoŋlo bɨ́n ɨ́ syɛ́ɛ́ yɨ́n yaá, lɨ́ ebôr bɨ́n bikáráá bi dí ɨ́ buo kûm bí. Byé ódidi ɨ́ ntyɛ̌n ntɨ̂ ntyɛ̌n ó, mentyɛnwa me tɨ̂ʼ adímedime, tó kumo ɨ́ twǐʼ njʉ̌m dǐ.

1 Yʉanes 3:2

Bʉr ó kpɛ̌l bâm, ɨ́ báánâ, mɨná gá mû ó bwán mé Nzyɛ̌m. Yé damá be nó, mbi bʉ̂r mɨ́ná ódi gá wɨ́, wé dína ó, apǎ gʉ́ŋɔɔ. Sá mɨ́ná dí egʉ́a gá yɨ́, yê njɨ ó, jɔ̌ʼ Krîst óbáʼǎ nyɨ̂n yɨ́, mɨná bé ónwɨɨla gá e né, ebě, mɨná bé óbee gá nye ó, kwahaá mpʉ nyé dí yɨ́.

1 Pyɛr 1:7

Ndyɛ́ʼwá bɨ́n dí edyɛ̂ʼwo e Nzyɛ̌m wɨ́, wê bɨ̌n ó, ɨ́ buo ódimé, laǎ gʉ̂l. Gʉ̂l pǎ nyɛɛ́ gbáŋɔɔ ɨ́ duró lé ólûl, ó yé gwâ nyɨ̂n tyeetye ó, yé ó yaá mpâ, yɨ́ɛ yé ó sá dí ó, yé ódîm yɨ́, á dwɛʼra e búʼó gá yɨ́ná! Yé ógbáŋɔɔ ɨ́ duró, bʉr nkʉ̂ gʉ́a bee ó, yé ó búʼó mpâ. Nó bʉ̂r, bé ógúmlǒ Nzyɛ̌m, le edwe nyé kûm ɨ́ jɔ̌ʼ Yésʉs-Krîst óbáʼǎ nze yɨ́.

Mɨlʉmlʉ 14:23

Ɨ́ sɔ́má bʉ̂r ó Mbɛ̌r-Nzyɛ̌m yɨ́yɛ̂h, bé á be lɨ́ etyêl ótyɛ̂b bé ésôʼ. Bé á tityêl bé ó, sí pǎ ti méde, le ejɨʼla e Nzyɛ̌m. Bé á titímle bé ó, ɨ́ mebó mé Tî Yésʉs, mʉr bé á dyɛ̂ʼwo e né nyá.

Mɨlʉmlʉ 11:30

Nó ntémé ó bé á sâ yɨ́. Bê nzě nʉa míngúlá myaá, tímlɔɔ̌ Banabâs, bé e Saʉ̂l. Bɨ́ɛ ntɔ̂ʼ tóŋɔɔ e myê, tó dweŋɔɔ ótyɛ̂b bé ésôʼ ó Mbɛ̌r-Nzyɛ̌m.

1 Pyɛr 1:12

Nzyɛ̌m á lɛ́ɛ le ogwíha o mílɔ̌b baá ó, túnó bé á to le etúno wɨ́, wé á bé abe lɨ́ esú lɔ́ɔ́ bé bʉr o tɨ̂, ó bé gʉ́ŋaa wé ɨ́ pébébé. Bé á tyɛ̂b le túnó ɨ́ jɔʼ yaá ó, lɨ́ esú lɨ́n. Bɨ̌n ó dí edirǎ nyɔm e túnó waá ɨ́ báánâ. Bʉr o b'á to le etúno Mbɨambɨa Lɔ́ɔ waá bá, bé á tutúno wé ó e nkul Sísǐm á duho ɨ́ jʉ́o kʉ́ nyɨ́. Lɔ́ɔ́ bé á lɨlɛ́ɛ bɨ̌n wɨ́, wé ó waá bééngeles dí ɨ́ buú gwɨ̂m ésʉ médwôʼlʉ tɨ̂ʼ wɨ́.

Filemɔŋ 1:9

Damá jóʼo nó, mě dǐ, alwib e go mpʉ́nʉ̌ ó, ebe mé dí ekpɛl gô. Mě jɨʼlá e go ó, jɨʼláa. Me ó dí elwib e go, mɛm Pɔ̂l, dí tɔ́má mʉr e go nyá. Mě báánâʼ ɨ́ mbʉʼ ó, tɨ̂ ɨ́ búʼó dí edumo e Yésʉs-Krîst yɨ́.

Títos 1:5

Ɨ́ mpʉ mé á líʼe go náǎ ɨ́ tíhé Krɛ̂t yɨ́, yé á be ó, go nkʉ̂ swâhlě syɛ́ɛ́ yé á buʼo gʉ̂ʼ yɨ́. Syɛ́ɛ́ yaá, yé á be ó, go pɛ́hɛɛ otyɛ̂b bé ésôʼ ó Mbɛ̌r-Nzyɛ̌m, tyêl bé bínkana e bínkana byɛ̂h, lɨ́ esâ mpʉ mé á líʼe go etié yɨ́.

2 Timotɛ 4:8

Yé jaá kǎ lîʼ mé ó, njɨ ebǐ káráá dí komá lɨ́ esú lâm yɨ́. Káráá yaá ó dí elɛ̂ʼle ó, mɨ́ bi nkâm ɨ́ míh mé Nzyɛ̌m. Tî Yésʉs, mʉr dí etíʼe mílɔ̌b lɨ́ otîtyěl nyá, ódwe mé yǎ lɨ́ elú lé épíhe. Nye ádwe yɨ́ɛ njɨ me e me. Káráá yaá, yé ódweŋɔɔ ntémé ó, bʉr bɨ́bɛ̂h o dí ekpɛl ébee nyé lɨ́ ebáʼǎ nze bá.

1 Timotɛ 5:19

Akam ó, mʉr ngwár e ngwár dwêʼ tyɛ̂b esôʼ Mbɛ̌r-Nzyɛ̌m mebě. Kamaǎ njɨ ɨ́ jɔʼ óboʼlo dí obá, nkʉ̂ olɛ̂l yɨ́.

1 Timotɛ 5:1

Antuhlo tɔ́má mʉr ɨ́ lɔ̌b syɛ́ɛla ébébe yé. Go ɨ́ jala le etɨ́e nyé yɨ́ɛ ó mpʉ sʉ́ŋ. Tɨ́áá duo yô, biloʼo, mpʉ bɨ́ɔɔ́ bô.

Filipi 1:19

ebě, me lɨ́ egʉ́a ó, me óbeě twiʼ, duho ɨ́ minjɨʼla mín, duho ntémé ɨ́ kɔmlʉ́ Sísǐm mé Yésʉs-Krîst dí ekamle e me wɨ́.

2 Korɛnt 5:1

Mɨná bé lɨ́ egʉ́a gá ó, mbɛ̌r kán mɨ́ná dí gá tɨ̂ʼ ɨ́ sí yɨ̂ʼ wɨ́, wé sí gbɔ́a nó, yé e gúú ódiá ɨ́ jʉ́o kʉ́, waá Nzyɛ̌m á komo gá mɨná wɨ́. Wɨ́haá mbɛ̌r, wé á bé asumɔɔ e mebó mé bʉ̂r. Nzyɛ̌m mʉr tɨ̂ʼ ó b'á sumo wê. Wé ó ngá dǐ njʉ̌m dǐ e njʉ̌m dǐ.

Mɨlʉmlʉ 21:18

Ɨ́ mɛ́n tɨ̂, bɨ̌h e boo Pɔ̂l, bê nzě tô mbɛ̌r mé Jacques, kœbɔɔ ótyɛ̂b bé ésôʼ ó Mbɛ̌r-Nzyɛ̌m ntémé tɨ̂.

Mɨlʉmlʉ 20:28

Gwá dwɛ̂ʼ gá tyé yɨ́n, bɨ̌n bʉr o tɨ̂, le mpʉ̌ sɔ́má óbûʼla bɨ́bɛ̂h dí yɨ́. Sísǐm mé Nzyɛ̌m, wé á tyêl bɨ̌n ɨ́ Mbɛ̌r-Nzyɛ̌m ó, ɨ́ dǐ óbɔʼlʉ. Nó, gwá baʼle gá bé Mbɛ̌r-Nzyɛ̌m waá. Nzyɛ̌m á bwâm wé ó, ɨ́ nzɨ̌ metié mé Mwân wé nye mʉr tɨ̂.

Mɨlʉmlʉ 20:17

Jɔ̌ʼ Pɔ̂l á be ɨ́ Míletos yɨ́, nye á si tyen mempáŋla Éfɛsɔs, lɨ́ ebáŋle ótyɛ̂b bé ésôʼ ó Mbɛ̌r-Nzyɛ̌m ó, bé tô bee nyê.

Mɨlʉmlʉ 15:6

Bʉr o mílʉ́mlʉ́ le otyɛ̂b bé ésôʼ ó Mbɛ̌r-Nzyɛ̌m nzě syɛŋa gúmo gwár, lɨ́ etimlě lɔ̌b waá.

Mɨlʉmlʉ 15:4

Jɔʼ bé á pyâl Yerʉ́zalɛm yɨ́, bʉr ó Mbɛ̌r-Nzyɛ̌m, bé á si nʉa bê, bé e bʉr o mílʉ́mlʉ́ mé Yésʉs, bé le otyɛ̂b bé ésôʼ ó Mbɛ̌r-Nzyɛ̌m. Bʉr o b'á duhǒ Antiôs bá bɨɛ, bê nzě lɛ́ɛ bé sá yɨ́yɛ̂h Nzyɛ̌m á sâ ɨ́ sɔ́má yɔ́ɔ́ yɨ́.

Mɨlʉmlʉ 2:32

Yésʉs waá ó Nzyɛ̌m á pɛh, dwih lɨ́ odwe nyá. Lɔ̌b wé ó bɨ́h dí eboʼlo bɨ́n wɨ̂.

Mɨlʉmlʉ 1:8

Bɨ̌n bé óbi nkûl ɨ́ jɔ̌ʼ Sísǐm mé Nzyɛ̌m ngá sulo bɨ́n ɨ́ menyʉ̂l yɨ́. Nó ó bɨ́n ngá boʼlo mílɔ̌b myâm, táare ɨ́ Yerʉ́zalɛm, le ɨ́ mekwár mé sí Yʉ́da mɨ́mɛ̂h, ndu e maá mé sí Samarî, tó pyâl ɨ́ medumo mé sí mɨ́mɛ̂h yɨ́.»

2 Korɛnt 5:8

Mě lɛ́ɛ́ ó, bɨ̌h bé e mpûʼla ɨ́ buo buo ɨ́ miléme. Mɨná bé lɨ́ ebee gá embɨa ó, yé mbɨa ɨ́ jɔʼ mɨ́ná dí etwâʼ gá ɨ́ nyʉ̂l bipúno nyɨ̂, lɨ́ esú ó, mɨná tôʼ sul gá ɨ́ mpóʼo mé Tî Yésʉs.

Mɨlʉmlʉ 3:15

Bɨ̌n bé á si bana jʉ̂ Etín é Twiʼ. Damá jóʼǒ mpʉ yé á syɛ́ɛlɨ nó yɨ́, Nzyɛ̌m nyɨɛ, nyɨ́ bánǎ pɛh nyê, dwih nyé lɨ́ odwe. Bɨ̌h ó dí oboʼlo ó lɔ̌b waá.

Ebrœ̂ 12:1

Ɨ́ páʼ gá wɨ́ná, mɨná gá bé ó tʉ́ŋlʉ̌ bʉr baá. Bé lɨ́ ebɔma mɨ́ná gá ɨ́ nká, lɨ́ eboʼlo mílɔ̌b mé Nzyɛ̌m. Nó ó, mɨná líʼaa gá mimbeʼ médile mímyɛ̂h le syóm dí ekwable mɨ́ná gá wɨ́ wɨ́wɛ̂h. Mɨná sâʼ gá bíhwó lɨ́ eswim míkám, tó pyâl ɨ́ súm Nzyɛ̌m á lyáŋle njɨ ésíé é kám yɨ́.

1 Pyɛr 4:13

Sohaa gá ɨ́ buo buo ɨ́ jɔʼ bɨ́n dí esia e mitúú mé Krîst yɨ́. Bɨ́n ósia e mitúú myé myaá le bisʉhʉʉ nó, bɨ̌n ntémé bé óbuú soho ɨ́ jɔʼ méntyɛnwa mé, mé ónyɨ̂n ɨ́ ponó yɨ́.

3 Yʉanes 1:1

Yé ó mɛm, tyɛ̂b esôʼ ɨ́ Mbɛ̌r-Nzyɛ̌m. Me lɨ́ esoho gó, Gáywis, mʉr dí ɨ́ buú kpɛlɔɔ nyá. Me lɨ́ ekpɛl gó lɨ́ otyeetye.