1 Pyɛr 4:7 - Kálar Nzyɛ̌m : Ejwán é Sáá

⁷ Ɨ́ báánâ, bisá bíbyɛ̂h, byé mû ó kúno ekumo ɨ́ meswéhlɨ́. Dwéʼ gá menyʉ́l mɨ́n medile. Máráá gá miléme, lɨ́ esú ó, bɨ̌n sâʼ minjɨʼla.

Kálara Zyɛ̌m Edwán é mpʉ̌n

⁷ Efuʼla e bɨsa bibyɛh, lé mu ó kunokuno le epyal. Ebe no, pahla ga mɨlɔb mpʉ mɨpɨpɨʼ. Mɛrɨ ga mɨleme é l'efu ó, bɨn nkʉʼ gʉa sa mɨnjwɨʼla.

1 Pyɛr 4:7 ပူးပေါင်းရင်းမြစ်များ

1 Pyɛr 1:13

Nó, diʼee gá ɨ́ cǎr ó, bɨ̌n sâʼ bisyɛ́ɛla bimpâ. Gwá mâr gá miléme. Mpûʼla, nye díʼee bɨ̌n ɨ́ miléme ó, bɨ̌n bé ódweŋɔɔ̌ mpǎŋ ndwéá ɨ́ jɔ̌ʼ Yésʉs-Krîst óbáʼǎ nyɨ̂n yɨ́.

1 Pyɛr 5:8

Máráá gá miléme. Diʼee gá ɨ́ doho. Ntɨ̂m e mbɨn wɨ́n, sɔ́ŋ meleme, nye lɨ́ elie bɨ́n ɨ́ mipáʼ mímyɛ̂h mpʉ̌ ngbampɨɨ dí emwóolo wɨ́. Nyě sáá ó, ede mʉ̂r.

2 Timotɛ 4:5

Sâ gwár, gua, máráá léme ɨ́ bijɔʼ bíbyɛ̂h. Júhwáá mítúú. Séáá syɛ́ɛ́ étúnǒ Mbɨambɨa Lɔ́ɔ. Lóŋláá syɛ́ɛ́ Nzyɛ̌m á tyêl go tɨ̂ʼ yɨ́ yɨ́yɛ̂h.

Lʉkas 21:34

«Gwá di gá le ocwóó. Milémé mín ámû jaá tyɛʼ ɨ́ mpwaʼ edɨ́ɨ́ ndu e mpur menyoʼ, nkʉ̂ ɨ́ mpuo bijwɨʼ bí twǐʼ sí yɨ̂. Móhó waá, wé ámû jaá pyâl bɨ́n metwɨrâ, mpʉ̌ syɛ̌m.

Ebrœ̂ 10:25

Adû gá tum bʉ́ʉ́ bʉ̂r mû e né nyɨ́: lɨ́ ekpɛ́ɛ bígwɨ́hlá gá bíná. Gbáʼ gá nkul ɨ́ dwííí lɨ́ esisyɛŋa. Kʉ́ gbáʼ gá nkul ɨ́ miléme páʼ nyɨ́n ɨ́ mpʉ mɨ́ná mû lɨ́ ebee gá dʉ́ó é Tî gá wɨ́ná mû lɨ́ enze yɨ́.

Kolosi 4:2

Jɨjɨʼlaa gá e Nzyɛ̌m ɨ́ jɔʼ yɨ́yɛ̂h. Tirwaa gá syɛ́ɛ́ mínjɨʼla. Dwéʼ gá nye nzyǒo ɨ́ bisá nyé dí esâ bɨ́n bí.

Títos 2:12

Mpam mé Nzyɛ̌m nyaá ó dí etɨ́e mɨ́ná nzɨ̌ ó, mɨná bírɨɨ gá twiʼ dí ɨ́ bébe yɨ́, ti e bigwɨ́má bí sí yɨ̂, lɨ́ esú lé étíʼě twiʼ pɔ̂hlʉ milɔ̌b. Twiʼ yaá ó dí tîtyěl, yaá dí edû mpʉ̌ Nzyɛ̌m dí ekpɛl yɨ́.

Rôm 12:12

Diʼee gá e bisʉhʉʉ ɨ́ mpûʼlǎ Nzyɛ̌m á gbâ bɨ̌n ɨ́ miléme nyɨ́. Júhwáá gá mitúú bɨ́n dí esia e myé mí. Tirwaa gá syɛ́ɛ́ mínjɨʼla.

Filipi 4:5

Mě kpɛl ó, bɨ̌n lɛ̂ʼlaa bʉr bɨ́bɛ̂h mpʉ bɨ́n dí e lémé mpâm yɨ́. Sáʼ gá nó, ebě, Dâ, nye mû ó kúno enze.

Lʉkas 22:46

Nye ntɔ̂ʼ jɨm bê, le elɛ́ɛ e bé ó: «Bɨ̌n bé lɨ́ ejâ bíjô ɨ́ yé? Gbɔlwaa gá sí. Jɨʼlaa gâ, bɨ̌n ámû duma ɨ́ mebʉ́blá.»

Mɨngwiha 16:15

Bê nzě syɛŋa ntémé nó. Bé á syɛŋa ó, lɨ́ ebɨ̌m e dɔ̂m bé jɨ́jébé ɨ́ lwǐb ébrœ̂ «Armagedɔ̂n» yɨ́. Tî gá wɨ́ná, nyě lɛ́ɛ́ ó: «Paá bee gâ: me lɨ́ enze métwɨrâ, mpʉ̌ ndíblʉ̌. Mʉr dí ɨ́ mpʉ̂n, mikán mimbɔ́rá ɨ́ nyʉ̂l nyá, nye ó waá mé ósʉ métyɛʼ me mpóm nyá. Nyɨɛ, nye ábě suswáh. Nye ábeɔɔ ɨ́ nkɛŋlɛ̂m. Nye ásɔ́ma.»

1 Pyɛr 3:7

Ɨ́ jwɨʼ gwár yaá, bɨ̌n bɨɛ ojʉ̂m, diʼee gá mbɨ̂mbɨá, bɨ̌n e bʉbá bɨ́n. Bɨ̌n e gʉ́á ó, le mʉmá, le mʉrʉ̂m, mʉmá ó dí ɨ́ tyɛʼ, laa mʉ́rʉ̂m. Dwéʼ gá bé dúu, ebě, bɨ́ɛ ntémé óbi émbɨǎ Nzyɛ̌m á kɛʼ baá nyé á tíʼ bá lɨ́. Lé ó dí nkɔb líʼe nyɔ́ɔ́. Bɨ́n óbe, atíʼe nó wá, yé óbɛ̌m kɔbla bɨ́n ɨ́ jɔʼ bɨ́n dí ejɨʼla e Nzyɛ̌m yɨ́.

Éfɛsɔs 6:18

Sáʼ gá sâ yaá yɨ́yɛ̂h e minjɨʼla, le edî ó, Nzyɛ̌m súʼaa bɨ̌n. Jɨʼlaa gá ɨ́ jɔʼ yɨ́yɛ̂h ɨ́ mpʉ̌ Sísǐm mé Nzyɛ̌m dí etɨ́e bɨ́n yɨ́. Tɨ̂ʼ ntémé, atyɛʼ gá lɨ́ edi ɨ́ doho. Ɨ́ jɔʼ yɨ́yɛ̂h, tirwaa gá e syɛ́ɛ́ mínjɨʼla lɨ́ esú é bʉ̂r o mé Nzyɛ̌m bɨ́bɛ̂h.

1 Korɛnt 15:24

Jɔʼ yaá ó ésúʼlá é sí yɨ̂, lé ókǎ pyâl yɨ́. Krîst ógbah mísísǐm mí édúrʉ́ʉ́ mímyɛ̂h: le myaá mi dí milʉ̂, le myaá mi nkûl jwɨ́ɨ, le myaá mi dí e menkul ménɨ́nɨ́ɨ́ mí. Nyé odwě Nzyɛ̌m Sɔ́ŋ jwɨ́ɨ́ yé yaá.

1 Korɛnt 7:29

Bɨ́ɔɔ́ bâm! Okɛ́l bâm! Mě gwɨ́m élɛ́ɛ tɨ̂ʼ ó, yɨ́ lîʼ bá mâ jɔʼ. Táare ɨ́ jɔʼ yɨ̂ʼ tótôʼ, yé jaá kǎ lîʼ mímbɛ́á mí bʉ̂r ó, njɨ myé tíʼaa mpʉ̌ sá lɛ́ɛ́, myé ó onzihle.

Mataos 24:42

Nó, diʼee gá ɨ́ mpʉ̂n, ebě, bɨ̌n bé agʉ́a dʉ́ó Tî wɨ́n ngá nze yɨ́.

Lʉkas 21:36

Diʼee gá ɨ́ mpʉ̂n. Jɨʼlaa gá ɨ́ jɔʼ yɨ́yɛ̂h, ó bɨ̌n nkʉ̂ kɨ̂ŋ bísyɛ́ɛla bí móhó waá bíbyɛ̂h. Jɨʼlaa gá ntémé ó bɨ̌n nkʉ̂ be e nkul etyɛ̂b ɨ́ mpǒm Mwân mé Mʉr.»

Mataos 25:13

Yésʉs nzě lɛ́ɛ e bé ó: «Nó ó, diʼee gá ɨ́ mpʉ̂n, ebě, bɨ̌n bé agʉ́ǎ móhó, nkʉ̂ ewala mé óbáʼǎ nze lɨ́.»

Ebrœ̂ 9:26

Yé bé nye á dwidwe ndwéá wé ó, nzɔʼ nzɔʼ nó, mpa nye á sia ntémé e mitúú ó, nzɔʼ nzɔʼ, táare ɨ́ jɔ̌ʼ Nzyɛ̌m á kuho kʉ́ e sí yɨ́. Nye á jaa nyɨ̂n ɨ́ sí yɨ̂ʼ ó, njɨ jɔʼ gwár ɨ́ kpɔ́ŋ. Yé á be ó, ɨ́ jɔʼ éswéhlɨ́ é sí yɨ̂, lé á pyâl ɨ́ mɨná gá yɨ́. Nye nzě dwě Nzyɛ̌m nyʉ̂l nyé, lɨ́ epɛʼ bʉ̂r misyóm myɔ́ɔ́ lɨ́ esú é bíjɔʼ bíbyɛ̂h.