1 Pyɛr 4:6 - Kálar Nzyɛ̌m : Ejwán é Sáá

⁶ Nó ntémé ó Mbɨambɨa Lɔ́ɔ wé á túnɔɔ kwá odwe yɨ́. Wé á túnɔɔ gʉ̂ʼ ó, Nzyɛ̌m nkʉ̂ dwe bʉ̂r o tɨ̂ʼ mebě, duho ɨ́ bisyɛ́ɛla ményʉ́l mɔ́ɔ́. Bé e bʉr bɨ́bɛ̂h oswîh, bé ódweŋɔɔ mébě jwɨʼ gwár e gwár. Bé okǎ tíʼe píe tɨ̂ʼ ɨ́ nkǒ páʼ mísísǐm mi dí mikublakúbla, nwɨɨla e Nzyɛ̌m mí.

Kálara Zyɛ̌m Edwán é mpʉ̌n

⁶ Ebe no ó Mbɨambɨa Lɔɔ, wé a lɛɔ boo «odwè» e. Zyɛm a dwe be mobe cye yiyɛh bé a be, bé dina kʉ ɨ, é l'efu ó, é jɔʼ bé ódime mih mpʉ bʉr bɨbɛh lé edime mih ɨ, bé diʼe e mɨsisim mɨkublakubla, mpʉ Zyɛm ndɨ ɨ.

1 Pyɛr 4:6 ပူးပေါင်းရင်းမြစ်များ

Rôm 8:2

Me á nyɛɛ be ó túʼǎ ɨ́ lɔ̌b tíná mé Syóm, bé le eswie. Me á be ó, ɨ́ mpila yɔ́ɔ́. Sísǐm mé Nzyɛ̌m nzě tíne mé ó, me bíʼee twiʼ ɨ́ mpúhlá nyɨ́h e Yésʉs-Krîst. Nye ó b'á dwih me ɨ́ mpila yaá, pɛʼ mé tɨ̂ʼ ɨ́ fá.

1 Pyɛr 3:19

Ɨ́ Sísǐm waá ó nyé á nze to túno Mbɨambɨa Lɔ́ɔ kwá misísǐm myé á be mikómó mí.

Galásia 5:25

Yé bé yê tyeetye ó, mɨná dí gá ɨ́ mpúhlá e Sísǐm mé Nzyɛ̌m nó, mɨná dúʼoo gá nzɨ̌ Sísǐm mé Nzyɛ̌m dí etɨ́e gá mɨná nyɨ́.

Mataos 24:9

«Jɔʼ yaá ó bɨ́n ngá tyenɔɔ kwá bʉr o ngá buú lɛ̂ʼle bɨ́n túú bá. Bé ójʉ̂ bɨ́n. Bʉr o bíkúl bíbyɛ̂h, bé óbene bɨ́n ebe bɨ́n dí egúmo e me.

Galásia 2:19

Ɨ́ páʼ métié maá, me ó múu tɨ̂. Metié maá, mé ó b'á jʉ̂ me, ó twiʼ yâm, yé jaá di, njɨ lɨ́ esú lé éséǎ Nzyɛ̌m syɛ́ɛ́. Ɨ́ jɔʼ bé á jʉ̂ Yésʉs-Krîst lɨ́ ebomlo nyé e binzâŋ, bɨ́nɔɔ nyé ɨ́ kolôs kʉ́ yɨ́, me ntémé á si bomlɔɔ tɨ̂, bɨ̌h e nɔ́ɔ́.

Mɨngwiha 14:18

Nyʉ́ʉ́ éngeles nzě pyâl, duho lɨ́ empǒm lé alatâr mindwéá. Nyɨ́haá ó b'á be e nkul etirǎ siʼe tɨ̂. Nye nzě jébe nyʉ́ʉ́ éngeles á mɨmɛ̂r pa ɨ́ bábla bábla ɨ́ mbô nyá. Nye á lwib e né e twíí kʉ́kʉ́ ó: «Nʉaǎ njebá pâ gǒ. Tóʼ ɨ́ pemé dí ɨ́ sí yɨ́. Tó pɛʼ mpúmó gʉ̂, ebě, nye mû ó sí tɨ̂.»

1 Pyɛr 1:12

Nzyɛ̌m á lɛ́ɛ le ogwíha o mílɔ̌b baá ó, túnó bé á to le etúno wɨ́, wé á bé abe lɨ́ esú lɔ́ɔ́ bé bʉr o tɨ̂, ó bé gʉ́ŋaa wé ɨ́ pébébé. Bé á tyɛ̂b le túnó ɨ́ jɔʼ yaá ó, lɨ́ esú lɨ́n. Bɨ̌n ó dí edirǎ nyɔm e túnó waá ɨ́ báánâ. Bʉr o b'á to le etúno Mbɨambɨa Lɔ́ɔ waá bá, bé á tutúno wé ó e nkul Sísǐm á duho ɨ́ jʉ́o kʉ́ nyɨ́. Lɔ́ɔ́ bé á lɨlɛ́ɛ bɨ̌n wɨ́, wé ó waá bééngeles dí ɨ́ buú gwɨ̂m ésʉ médwôʼlʉ tɨ̂ʼ wɨ́.

1 Pyɛr 3:18

Ebě, Krîst mʉr tɨ̂ʼ á si dwe jɔʼ gwár lɨ́ esú é bíjɔʼ bíbyɛ̂h ɨ́ lɔ̌b bísyɛ́ɛla bí ébébe bín. Nyɨɛ tîtyěl mʉr á búra ó, le onzyɛ́h ó bʉ̂r, lɨ́ esâ ó, nye tôʼ e bɨ̌n nkǒ Nzyɛ̌m dí yɨ́. Bʉr bé á si jʉ̂ nye ɨ́ nkǒ páʼ bípúno. Nzyɛ̌m nyɨɛ nzě sâ ó, nye bíʼee nkul ɨ́ nkǒ páʼ Sísǐm wé.