1 Pyɛr 4:18 - Kálar Nzyɛ̌m : Ejwán é Sáá

¹⁸ Ebě, yê cɛmá ó: «Otîtyěl o bʉ̂r pǎ nyɛɛ́ bǐ twiʼ ti e mekɔbla, á dwɛʼra e bʉr o dí adwáawǒ Nzyɛ̌m bá, le osyɛ̂l o mísyóm! Bɨ́ɛ, bé ókǎ tó nyɨ̂n ɨ́ yáǎ sûm?»

Kálara Zyɛ̌m Edwán é mpʉ̌n

¹⁸ Ebe, yé ó tila ó: «Ocɨcyel o bʉr pa taare bee mokɔbla lé ebi tiʼ molu mo mpoʼ mɨmɛh, a dwɛʼra e bʉr o ndɨ adwaabe Zyɛm ɨ, ndwe bʉʉ osyɛl o mɨsyem ofih!»

1 Pyɛr 4:18 ပူးပေါင်းရင်းမြစ်များ

Lʉkas 23:31

Nkúná bê pa sâ mɛ̂m, bɨ́h lɨ́ nó, á dwɛʼra e bɨ̌n, bidwédwé!»

Yʉ̂d 1:15

lɨ́ enzě tíʼe bʉ̂r bɨ́bɛ̂h milɔ̌b. Nye ólɛ̂ʼle mínjéʼe-Nzyɛ̌m mímyɛ̂h misyóm myɔ́ɔ́. Misyóm myaá, myé nyɨ́nyɨ́n ó, ɨ́ mpʉ bé dí esâ bísyɛ́ɛlǎ Nzyɛ̌m nyɨɛ dí ebene bí yɨ́. Nye ólɛ̂ʼle bé ntémé mpʉ mínjéʼe-Nzyɛ̌m dí esâ Nzyɛ̌m nkěh ɨ́ mbi mékǎn bé dí ecɨ nyé má.»

1 Korɛnt 10:12

Nó, mʉr dí ebúʼla ó, nye ó tîtyěl ɨ́ lyahwó nyá, nye díʼee le ocwóó, lɨ́ ekpɛ́ɛ ó, nye ámû jaá twe!

Rôm 1:18

Nzyɛ̌m, nyɨ́ lɛ̂ʼle mɨ́ná gá ɨ́ sʉ́lʉ́lʉ́, duho ɨ́ jʉ́o kʉ́ mpʉ nyé dí elɛ̂ʼle nkpáa, duho ɨ́ bibɨ́bla bísyɛ́ɛla bíbyɛ̂h yɨ́. Nye lɨ́ elɛ̂ʼle nkpáa ɨ́ lɔ̌b bʉ̂r o dí elwímla le otyeetye, jaá dudû njɨ bisyɛ́ɛla bi dí onzyɛ́h ónzyɛ́h bí bá.

Mɨlʉmlʉ 14:22

Bê nzě gbâ ómpʉ́n nkul ɨ́ miléme, le etɨ́e bé ó, bé tôʼ le edû búʼó gá yɨ́ná. Bé e bé ó: «Mɨ́ná bé ókpɛl gá enî ɨ́ Mpóʼo mé Nzyɛ̌m nó, mɨná bé ɨ́ jala le enyɛɛ́ sia gá e mitúú e mindɛ̌l ɨ́ buo buo.»

2 Pyɛr 3:7

Lwǐb mé Nzyɛ̌m gwár e gwár yaá ó dí ebaʼlě jʉ́o, le ejwoo le sí. Yé óbaʼle byé ó, tó pyâl ɨ́ móhó étíʼ é mílɔ̌b. Byé odíʼɔɔ. Minjéʼe-Nzyɛ̌m, myé ódwe ɨ́ móhó waá.

1 Pyɛr 5:8

Máráá gá miléme. Diʼee gá ɨ́ doho. Ntɨ̂m e mbɨn wɨ́n, sɔ́ŋ meleme, nye lɨ́ elie bɨ́n ɨ́ mipáʼ mímyɛ̂h mpʉ̌ ngbampɨɨ dí emwóolo wɨ́. Nyě sáá ó, ede mʉ̂r.

Rôm 5:8

Yésʉs-Krîst nyɨɛ á búra e mɨná gá ó, ɨ́ jɔʼ mɨ́ná bé á be gá osyɛ̂l o mísyóm yɨ́. Nó ó Nzyɛ̌m dí elɛ̂ʼle mɨ́ná gá kpɛ̌l yé yɨ́.

Ebrœ̂ 4:1

Nzyɛ̌m á líʼe nkɛ̌ʼ e mɨná gá ó, nye ódib nzɨ́ egbalá lɨ́ esú gá lɨ́ná. Sâ gwár, gwá di gá le ocwóó, lɨ́ ekpɛ́ɛ ó, mʉr ngwár ɨ́ sɔ́má yɨ́n ámû sû myɛ́na maá, nye ntɔ̂ʼ akǎ nî lɨ́ egbalá laá.

Rôm 5:6

Sá mé dí elɛ́ɛ yɨ̂ʼ, yé ó: mélú mé épíhe, mɨná bé á be gá ó, onzwoó. Jɔʼ yaá ó Krîst á nze ka búra e mɨná gâ, minjéʼe-Nzyɛ̌m yɨ́. Nye á dwe ó, ɨ́ mpǎŋ jɔ̌ʼ Nzyɛ̌m á boo pɛ̂h yɨ́.

Mɨlʉmlʉ 27:24

Nó ó nyê lɛ́ɛ́ e me ó: “Pɔ̂l, ajóʼo bʉ́á. Yé jala ó, go tôʼ tyɛ̂b ɨ́ mpǒm mé Kɛ́ɛza. Nzyɛ̌m ótiʼ bʉ̂r bɨ́bɛ̂h o bɨ́n le onɔ́ɔ́ dí ɨ́ sitíma bá, ɨ́ kpɛ̌l nyé dí ekpɛl gó yɨ́.”

Lʉkas 15:1

Onwɨa ó mɔnɨ́ tœ́a bɨ́bɛ̂h le osyɛ̂l o mísyóm, bé á be lɨ́ esîsihlě nkǒ Yésʉs á be yɨ́, lɨ́ etó jôʼlo nyê.

Mɨlʉmlʉ 27:31

Nó ó, Pɔ̂l á lɛ́ɛ e kapitɛ̂n ti e byúú bísója ó: «Bʉ̂r bâ, bé adi ɨ́ sitíma yɨ̂ʼ tʉ́ŋlʉ̌ nó, lɛ́ɛ́, mɨná bé abe e nkul etiʼe gâ.»

1 Timotɛ 1:9

Mɨná bé lɨ́ egʉ́a ntémé ó, metié maá, mé á bé atyélɔɔ lɨ́ esú lé ótîtyěl ó bʉ̂r. Mé á tyélɔɔ ó, lɨ́ esú é bʉ̂r bâ: ogbah o métié, baá o dí egbɔba le otyɛ̂b bé ésôʼ bɔ́ɔ́ bá, minjéʼe-Nzyɛ̌m, osyɛ̂l o mísyóm, bʉr o dí esâ Nzyɛ̌m nkěh bá, baá o dí agúmo e Nzyɛ̌m bá, ojʉ̂l bé ósɔ́ŋ, ojʉ̂l bé ónyɔ̌ŋ, le ojʉ̂l o bʉ̂r,

Jacques 5:6

Bɨ̌n bé á si dwe bʉr o b'á be akúnwo e mpɨŋ bá mebě, le ejʉ̂ bê. Bé á bé akamle e menyʉ́l mɔ́ɔ́.