1 Pyɛr 4:17 - Kálar Nzyɛ̌m : Ejwán é Sáá

¹⁷ Etíʼ é mílɔ̌b gá lɨ́ná, lɨ́ pyâl. Nzyɛ̌m nyɛl élwib mílɔ̌b ó, myaá mi bʉ̂r ó Mbɛ̌r-Nzyɛ̌m. Tíʼá mílɔ̌b waá pǎ nyɛɛ́ nyan kwá gá nyɨ́ná, bʉr bé, á dwɛʼra e bʉr o dí abûʼlǎ Mbɨambɨa Lɔ́ɔ́ mé Nzyɛ̌m bá! Ndumló syɛ́ɛla yɔ́ɔ́ yaá, wé óbe yé?

Kálara Zyɛ̌m Edwán é mpʉ̌n

¹⁷ É jɔʼ yi, etiʼ e mɨlɔb ga lɨna mu ó si pyal! Zyɛm, nyi taare lé etiʼe mɨlɔb ga mina, bʉr o Mbɛr-Zyɛm. Tiʼa mɨlɔb waa pa taare nyan é nko paʼ ga wina, bʉr be, a dwɛʼra e bʉr o ndɨ esa Mbɨambɨa Lɔɔ ndɨ eduho boo Zyɛm ɨ, ebɨh ɨ!

1 Pyɛr 4:17 ပူးပေါင်းရင်းမြစ်များ

2 Tesalonika 1:8

Bé e boo nɔ́ɔ́, bé ónze, nzě dwe mínjéʼe-Nzyɛ̌m bintɨ́ʼá, bé e bʉr o b'á be asâ mejóʼo ɨ́ jɔʼ bé á jóʼo Mbɨambɨa Lɔ́ɔ́ mé Tî Yésʉs yɨ́ bá.

1 Pyɛr 2:8

Mekaná mé Nzyɛ̌m, mé lɨ́ elɛ́ɛ, dumo e Krîst ó: «Ekóʼ lé écwehle bʉ̂r, lé ó ebɔ̌ʼ ngá bɨma bʉ̂r ó, bé twêʼ ɨ́ nkɨ́ŋlɨ́m lɨ́.» Bé jaá twitwe ó, njɨ nko bé dí abûʼlǎ lɔ́ɔ́ mé Nzyɛ̌m yɨ́. Nkɔ̌b Nzyɛ̌m á boo dwe bé nyɨ́ ó tɨ̂ʼ nyɨ́.

Rôm 2:9

Bʉr bɨ́bɛ̂h o dí esâ syóm bá, bé ósia e mitúú e mindɛ̌l, táare le oYúden, kala e baá o dí abe óYúden bá.

Lʉkas 23:31

Nkúná bê pa sâ mɛ̂m, bɨ́h lɨ́ nó, á dwɛʼra e bɨ̌n, bidwédwé!»

Ebrœ̂ 5:9

Píe mitúú myé myaá ó nyé á ka be, nye mû lwɨ́ŋlá ɨ́ nkʉ́ŋ wé yɨ́. Nye á be ó, nye mû sá ngá kǎ dwe bʉ̂r twǐʼ njʉ̌m dǐ yɨ́. Bʉr bɨ́bɛ̂h ngá sâ nyé mejóʼo bá, bé óbǐ twiʼ yaá.

Ebrœ̂ 2:4

Nzyɛ̌m, nyɨ́ nzě boʼlo ntémé ó, lɔ́ɔ waá, wé ó tyeetye, ebě, nye á si ntɨh bisyɛ́ɛla bi nkûl, le byaá bí ékâm, le mesimá mimbi mimbi, kumǒ kumáa e mindwéá Sísǐm wé dí entɨntɨh mɨ́ná gá mí, dû mpʉ wé dí ekpɛl yɨ́.

Ebrœ̂ 2:2

Mɨná bé lɨ́ egʉ́a gá ó, mpáŋla bééngeles, bé á nze e né nyɨ́, á be ó e nkul. Mʉr nyɨnyɛ̂h á gbah metié, le waá á sâ mé ajóʼo nyá, á si bi myɛ́na mé á jala le ebɨ̌h lé laá má.

Galásia 5:7

Bɨ̌n bé á nyɛɛ be ó, lɨ́ ekʉ́ swim ɨ́ duo bíjʉ́ʉ́. Nzé á ka kamle bɨ̌n lɨ́ edû ótyeetye?

Ebrœ̂ 11:8

Ɨ́ lɔ̌b búʼó, Abraham á si sâ Nzyɛ̌m mejóʼo ɨ́ jɔʼ nyé á jébe nye ó, nye tôʼ di ɨ́ sí Nzyɛ̌m á be ó, nyě dwé ó nye yɨ́. Nye á tô ó, apʉgʉ́ gʉ́ǎ titii gúmó nyé á be ó, nye tôʼ di yɨ́.

Galásia 3:1

Bɨ̌n bʉr ó Galásia bé ó bigʉʼlʉgʉ́. Nzé á bana kʉ́a bɨ̌n? Báb, bé á si kʉ gwa lɛ̂ʼle bɨ̌n ɨ́ micɛmá, bɨ̌n nzě bee ɨ́ sʉ́lʉ́lʉ́ mpʉ̌ Yésʉs-Krîst á jʉ́ŋɔɔ ɨ́ kolôs kʉ́ yɨ́.

Rôm 1:1

Yé ó mɛm Pɔ̂l, syɛ̂l mesâ mé Yésʉs-Krîst ó dí ecɛma bɨ́n mekaná mâ. Nzyɛ̌m á twâr me ó, me díʼee mʉr milʉ́mlʉ́ wé. Nye á tyêl me lɨ́ empah ó, me tôʼ le etúnǒ Mbɨambɨa Lɔ́ɔ́ wé.

Galásia 6:10

Ɨ́ mpʉ yé dí nó yɨ́, mɨ́ná bí gá epʉ́la e tɨ̂ʼ nó, mɨná gbâʼ gá nkul ó, mɨná cwɨ́aa gá e bʉr bɨ́bɛ̂h. Sâ gwár, kʉ́ buú cwɨ́a gá e bʉr ó Mbɛ̌r-Nzyɛ̌m gá wɨ́ná, dí bʉr ó búʼó gwár bá.

1 Timotɛ 3:15

lɨ́ esú ó, mé bé alɨ̌ nzě kœb gó gʉ̂ʼ nó, go gʉ́ŋaa kʉ̌ tyen dí ejala e mʉr Mbɛ̌r-Nzyɛ̌m wɨ́. Go ógʉ́a wé ó, lɨ́ eláa mékaná mâ. Mbɛ̌r-Nzyɛ̌m waá, wé ó dí sɔ́má bʉ̂r o dí egúmo e Nzyɛ̌m dí kublakúbla nyá. Otyeetye mé Nzyɛ̌m, wé tyɛ́b ɨ́ lyahwó ó, ebě, Mbɛ̌r-Nzyɛ̌m dí mpʉ édwii e sɔ́ŋ ndu e nkan dí ɨ́ lele nyɨ́.

Ebrœ̂ 3:6

Tó kœb ó, Krîst nyɨɛ á si tyélɔɔ ɨ́ dǐ Mwân á jala le edǐ lʉ́ mbɛ̌r bʉ̂r waá nyá. Mbɛ̌r bʉ̂r waá, wé gúmó ntémé ó e né. Mɨ́ná bé ódi gá e mpûʼla ɨ́ miléme, le ekʉ́ gʉ́ǎ sá mɨ́ná dí ebúʼla gá yɨ́, abáawǒ sɔ̂ʼ nó, lɛ́ɛ́, mɨná gá ó dí bʉ̂r ó mbɛ̌r bʉ̂r wé waá.

1 Pyɛr 2:5

Kamaa gá ó, Nzyɛ̌m súmaa mbɛ̌r Sísǐm wé ngá di tɨ̂ʼ wɨ́. Diʼee gá mekóʼ me dí kublakúbla má, maá ngá kɛlɔɔ tɨ̂ʼ ɨ́ nzumó nyaá má. Bɨ̌n bé ósûʼla bʉ̂r o dí tí, baá o dí ɨ́ sɔ́má ópara bé bá. Mindwéá bɨ́n ngá dwidwě Nzyɛ̌m e nzɨ̌ Sísǐm wé mí, Nzyɛ̌m óbee myé mbɨ̂mbɨá ó, lɨ́ esú mé Yésʉs-Krîst.