1 Pyɛr 4:15 - Kálar Nzyɛ̌m : Ejwán é Sáá

¹⁵ Mʉ̂r sɔ́má yɨ́n bɔ́má e bintɨ́ʼá nó, yé ajala le eduho e mʉr waá mʉr tɨ̂. Nye ayɨ́ bɔma e bintɨ́ʼá ebe nyé dí njʉ̂l bʉr, nkʉ̂ syɛ̂l ebébe, nkʉ̂ mʉr dí elâʼ lʉ̂ ɨ́ milɔ̌b myé onkán nyá.

Kálara Zyɛ̌m Edwán é mpʉ̌n

¹⁵ Sa gwar, mʉr ngwar é l'esama lɨn beʼ l'abɔma e bɨntɨʼa ebe syɛɛla ebebe ye. Mʉr Mbɛr-Zyɛm, nye ambɨa, be njʉl bʉr, nkʉ zilngan, nkʉ nteme mʉr lé ekpɛl laʼ lʉ é bɨsa byoonkan ɨ.

1 Pyɛr 4:15 ပူးပေါင်းရင်းမြစ်များ

2 Tesalonika 3:11

Bɨ̌h bê sí lwib nó ó, ebě, bɨ̌h jʉ́ʼrá ó, bʉ́ʉ́ bʉ̂r ó sɔ́má yɨ́n, bé lɨ́ esâ épɨ̂h. Bé jaá sɨsâ ó, njɨ mpǔʼ.

1 Tesalonika 4:11

Tyélɨ́ɨ́ gá esôʼ ó, bɨ̌n tíʼaa ɨ́ mepyɛbla. Mʉr dwɛ́ʼɛɛ njɨ bisyɛ́ɛ́ byé nye mʉr tɨ̂. Nye séaa bisyɛ́ɛ́ byé e mebó mé. Nó ó mé á boo tɨ́e bɨ̌n yɨ́.

1 Timotɛ 5:13

Nó ntémé, bé ámû jaá jɨ̂ʼ édi lɨ́ ontwii. Bé ámû jaá tô le etô mímbɛ̌r e mímbɛ̌r myɛ̂h, le esâ mpǔʼ, le elwib bílwǐb bi dí asiŋa bí.

1 Pyɛr 3:17

Nzyɛ̌m óbě sí tíʼe ɨ́ lémé wé ó, nyě dwé ó go túú nó, yé mbɨa ɨ́ páʼ gô ó, go síaa e túú waá, duho ɨ́ bisyɛ́ɛla bimpâ byô, laa ó, go síaa e túú duho ɨ́ syóm gô pa sá wɨ́.

2 Timotɛ 2:9

Bʉr, bé á si kâʼ me menkara mpʉ̌ sá lɛ́ɛ́, me ó syɛ̂l ebébe. Mě jaá sia e mitúú ó, njɨ ɨ́ lɔ̌b Mbɨambɨa Lɔ́ɔ mé dí etúno wɨ́. Damá jóʼo nó, ntʉ̌ Mbɨambɨa Lɔ́ɔ́ mé Nzyɛ̌m wɨ́ɛ á káʼɔɔ.

Mataos 5:11

Metyɛʼ me mpóm, mé díʼee e bɨ̌n ɨ́ jɔʼ bé ópya bɨ́n, le etíble bɨ́n, le elaʼ bɨ́n milɔ̌b mí ébébe mimbi mimbi ɨ́ lɔ̌b wâm yɨ́.

1 Pyɛr 3:14

Bɨ́n ósia yɨ́ɛ e mitúú ebe bɨ́n dí edû bísyɛ́ɛla bí ótîtyěl nó, go ó, Nzyɛ̌m ósʉ bɨ́n metyɛʼ me mpóm tɨ̂. Ajóʼo gá bʉ́á páʼ bʉ̂r. Milémé mín sá akoro bɨ́n tɨ̂.